ମାତିଉ 20:16 - New Testament in Pengo Parja Language

¹⁶ ଇ କାତା ୱେଚ୍‌ନିଲେକେ କିଜି ୱେଚ୍‌ଚି ୱିସ୍ତି ପାଚେ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଇମ୍‌ଣାକାର୍ ନଙ୍ଗୟ୍ ପାଚେ ମାନାର୍ ହେୱାର୍ ଆଗେ ଆନାର୍। ଆରେ ଇମ୍‌ଣାକାର୍ ଆଗେ ମାନାର୍ ହେୱାର୍ ପାଚେ ଆନାର୍।”

ସତ୍‌ ବଚନ୍‌ ପୁନି ନିୟମ୍‌

¹⁶ “ହେ ଲାକେ ପାଚେ ମାନି ମାନାୟ୍‌ ପର୍ତୁମ୍‌ ଆନାର୍‌ ଆରି ପର୍ତୁମ୍‌ ମାନି ମାନାୟ୍‌ ପାଚେ ଆନାର୍‌ ।”

ମାତିଉ 20:16 ပူးပေါင်းရင်းမြစ်များ

ମାତିଉ 19:30

ମାତର୍ ଇମ୍‌ଣାକାର୍ ନଙ୍ଗୟ୍ ଗାଜା ଆତାର୍‌ନା ହେୱାର୍ ହିରୁ ଆନାର୍। ଆରେ ଇମ୍‌ଣାକାର୍ ନଙ୍ଗୟ୍ ହିରୁ ମାନାର୍ ହେୱାର୍ ପାଚେ ଗାଜା ଆନାର୍।”

ମାତିଉ 21:31

ଇ ରିଆର୍ ବିତ୍ରେତାଙ୍ଗ୍ ଇନେର୍ ଆବା କାତା ମାନିକିନାର୍।” ହେୱାର୍ ୱେଚ୍‌ଚାର୍, “ଗାଜାକାନ୍ ମେହି।” ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ଇଞ୍ଜ୍‌ନାଙ୍ଗା ସିସ୍ତୁଏନ୍‌ନାକାର୍ ଆରେ ଦାରି କାମାୟ୍ କିନାକାର୍ ମି ତାକେତାଙ୍ଗ୍ ଆଗେ ଇନେର୍ ଈଶ୍ୱର ସାସନ୍ କିନି ରାଜିତାକେ ହାନାର୍‌।

ମାତିଉ 22:14

ପାଚେ ଯୀଶୁ କାତା ୱେଚ୍‌ଚି ୱିସ୍ତି ପାଚେ ୱେଚ୍‌ଚାନ୍, “ବେସିହେନି ୱାତାର୍‌ନା। ମାତର୍ ଅଲପ୍ ହେନି ବାଚିକିତାକାର୍‌।”

ମାତିଉ 7:13

ଏପେଙ୍ଗ୍ ସରଗ୍ ରାଜିତାକେ ହାଞ୍ଜେଙ୍ଗ୍ ଚିପା ଦୁୱେର୍ ନିପଣ୍ ଆଜି ହାଞ୍ଜେଙ୍ଗ୍ ଉପାୟ୍ କିୟାଟ୍। ଇନେସ୍‌କି ଅହାର୍ ହାଜି ଆରେ ସିଦା ହାଜି ନରକ୍ ନିପଣ୍ ହାନାତ୍। ବେସିହେନି ମାନାୟ୍ ହେ ହାଜ୍‌ଦିଙ୍ଗ୍ ହାନାର୍।

ମାର୍କ 10:31

ମାତର୍ ଇମ୍‌ଣାକାଦେର୍ ନଙ୍ଗୟ୍ ଗାଜା ଆତାଦେର୍‌ନା ହେୱାର୍ ହିରୁ ଆନାର୍ ଆରେ ଇମ୍‌ଣାକାର୍ ନଙ୍ଗୟ୍ ହିରୁ ମାନାର୍ ହେୱାର୍ ପାଚେ ଗାଜା ଆନାର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 14:24

ଅନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ‘ଇମ୍‌ଣାକାରିଙ୍ଗ୍ ଆନେଙ୍ଗ୍ ପାର୍ତୁମ୍ କୁକ୍‌ଚି ମାଚାଙ୍ଗ୍, ହେୱାର୍ ବିତ୍ରେତାଙ୍ଗ୍ ରକାନ୍ ପା ନା ହୁଦାଙ୍ଗ୍ ଇନାୱେଡ଼ାଙ୍ଗ୍ ପା ବଜି ତିନୁର୍।’ ”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:7

ହେଲେକେ ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଏଚେପାଦ୍ନା ରକାନ୍ ପାପି ତା ପାପ୍ କାମାୟ୍ ପିସ୍ତି ମାପୃତାକେ ୱାନାନ୍, ହେପାଦ୍ନା ତା କାଜିଙ୍ଗ୍ ସରଗ୍‌ତାକେ ଆଦିକ୍ ୱାରିୟା ଆନାନ୍। ଇମ୍‌ଣାକାର୍ ତା ପାପ୍ କାମାୟ୍ ପିସ୍ତି ମାପୃତାକେ ୱାନି ଦର୍‌କାର୍ ଆକାୟ୍, ହେଲେକେ ନବେନ ଜାଣ୍ ଦରମ୍‌ମାନାୟ୍‌ତାଙ୍ଗ୍ ରକାନ୍ ପାପି ମାନାୟ୍ ତା ପାପ୍ କାମାୟ୍ ପିସ୍ତି ମାପୃତାକେ ୱାତିସ୍ ଈଶ୍ୱର ଆଦିକ୍ ୱାରିୟା ଆନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:47

ଲାଗିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, “ଇଦେଲ୍‌ତାଙ୍ଗ୍ ବେସି ପାପ୍ କେମା ଆତାତ୍‌ନା। ହେଦାଙ୍ଗ୍ କାଜିଙ୍ଗ୍ ନାଙ୍ଗେଙ୍ଗ୍ ହେଦେଲ୍ ବେସି ଲାଡ୍ କିତ୍‌ତାତ୍‌ନା। ମାତର୍ ଇନେରିଙ୍ଗ୍ ଅଲପ୍ ପାପ୍ କେମା ଆତାତ୍ ହେୱାନ୍ ନାଙ୍ଗେଙ୍ଗ୍ ଅଲପ୍ ନେ ଲାଡ୍ କିଦ୍‌ନାନ୍।”

ରୋମିୟ 5:20

ଈଶ୍ୱର ହିତି ନିୟମ୍ କାଜିଙ୍ଗ୍ ମାନାୟାର୍ ନିଜେ ବେସି ପାପ୍‌ କିନାପା ଇଞ୍ଜି ପୁଚାର୍। ମାତର୍ ଏଚେପାଦ୍ନା ମାନାୟାର୍ ଆଦିକ୍‌ତାଙ୍ଗ୍ ଆଦିକ୍ ପାପ୍ କିତାର୍, ହେପାଦ୍ନା ଈଶ୍ୱର ମାନାୟାରିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ଦୟା କିତାନ୍।

ରୋମିୟ 8:30

ହେୱାନ୍ ହେୱାରିଙ୍ଗ୍ ଆଗେ ବାଚିକିଜି ମାଚିଲେ ତାବେ ହାଞ୍ଜେଙ୍ଗ୍ ହେୱାରିଙ୍ଗ୍ ହିର୍‌ବାତାନ୍‌ନା, ଏଚେଜାଣ୍‌ତିଙ୍ଗ୍ ହିର୍‌ବାଆତ୍‌ତାନ୍‌ନା ହେୱାରିଙ୍ଗ୍ ତା ଆଗେ ଦରମ୍ ମାନାୟ୍ କିତାନ୍, ଆରେ ହେୱାନ୍ ତା ଗୌରବ ପା ହିନି କାଜିଙ୍ଗ୍ ପାର୍ମାଣ୍ କିତାନ୍‌ନା।

ରୋମିୟ 9:30

ବିନ୍‌ଜାତିନି ମାନାୟାର୍ ନିଜେ ଈଶ୍ୱର ଆଗେ ଦରମ୍ ମାନାୟ୍ ଆଦେଙ୍ଗ୍ ଉପାୟ୍ କିଉରା, ମାତର୍ ଈଶ୍ୱର ହେୱାରିଙ୍ଗ୍ ତା ଆଗେ ଦରମ୍ ମାନାୟ୍ କିତାନ୍‌ନା, ଇନେସ୍‌କି ହେୱାର୍ ତାଙ୍ଗେଙ୍ଗ୍ ପାର୍ତିକିନାରା।

୧ ଥେସଲନୀକିୟ 2:13

ଆରେ ହେଦାଙ୍ଗ୍ ଆପେଙ୍ଗ୍ ୱିଜୁଦିନ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାପା ଯେ, ଏଚେପାଦ୍ନା ଏପେଙ୍ଗ୍ ମା ହାର୍ଦିକାବୁର୍‌ତିଙ୍ଗ୍ ଆସ୍ତାଦେର୍। ହେପାଦ୍ନା ଏପେଙ୍ଗ୍ ମାନାୟାର୍ ୱେଚ୍‌ଚି କାତାତିଙ୍ଗ୍ ଆସ୍ତିଲେକେ ଆହ୍‌ୱାତାଦେର୍‌ନା। ମାତର୍ ଆପେଙ୍ଗ୍ ୱେଚ୍‌ଚି ହାର୍ଦିକାବୁର୍‌ତିଙ୍ଗ୍ ଈଶ୍ୱର ନିଜେ ୱେଚ୍‌ଚାନ୍ ଇଞ୍ଜି ଆସ୍ତାଦେର୍ ଆରେ ହେଦାଙ୍ଗ୍ ସତ୍। ଏପେଙ୍ଗ୍ ଯୀଶୁଙ୍ଗ୍ ପାର୍ତି କିତାଦେର୍, ଆରେ ଈଶ୍ୱର ହିତ୍‌ତି ହାର୍ଦିକାବୁର୍ ମି ବିତ୍ରେ କାମାୟ୍ କିନାତା।