ମାତିଉ 20:11 - New Testament in Pengo Parja Language

¹¹ ମାତର୍ ହେଦାଙ୍ଗ୍ ପାୟାଆଜି ହେୱାର୍ ତା ମାଲିକ୍ ବିରୁଦ୍‌ତାକେ ନିନ୍ଦାକିଜି ୱେଚ୍‌ଚେଙ୍ଗ୍ ଲାଗାତାର୍।

ସତ୍‌ ବଚନ୍‌ ପୁନି ନିୟମ୍‌

¹¹ ହେୱାର୍‌ ହେୱାଙ୍ଗ୍‌ ଅଜ଼ି ହାଉକାର୍‌ ବିରୁଦ୍‌ତ ମାନ୍‍ଦୁକ୍‍ କିଜ଼ି ଇଚାର୍‌,

ମାତିଉ 20:11 ပူးပေါင်းရင်းမြစ်များ

ମାତିଉ 20:10

ଆରେ ଇମ୍‌ଣାକାର୍ ନାଣାଙ୍ଗେ ହାଲ୍‌ଜି କାମାୟ୍ କିତାକାର୍, ହେୱାର୍ ବାବିକିତାର୍ ହେୱାରିଙ୍ଗ୍ ଆଦିକ୍ ହାଜ୍ରି ଗାଟାଆନିକ୍। ମାତର୍ ହେୱାର୍ ପା ରଞ୍ଜି ଲାକା ରୁପା ଡାବୁଙ୍ଗ୍ ପାୟାଆତାର୍।

ମାତିଉ 20:12

ମିକାହାରେସ୍ ପାଞ୍ଚ୍‌ଟାୱେଡ଼ାଙ୍ଗ୍ କାମାୟ୍ ଆରମ୍ କିତି ହଲିଆର୍ ମାତର୍ ର ଗଣ୍ଟାନେ କାମାୟ୍ କିତାର୍‌ନା। ଆରେ ଆପେଙ୍ଗ୍ ୱେଡ଼ାବୁଡି ଖାରାତାକେ କାମାୟ୍ କିତିସ୍ ପା ମାଙ୍ଗେଙ୍ଗ୍ ହିତ୍‌ତି ଏଚେକ୍ ଏନେଙ୍ଗ୍ ହେୱାରିଙ୍ଗ୍ ହିତାୟ୍।

ମାର୍କ 14:5

ଇ ବାସ୍ନା ଚିକାଣ୍‌ତିଙ୍ଗ୍ ପାକାପାକି ବାର୍‌ହେକ୍ କାମାୟ୍ କିତି ଡାବୁଙ୍ଗ୍ (ତିନ୍‍ଶ ଶାଟେ ପାଞ୍ଚ୍ ରୁପାଡାବୁ) ଏଚେକ୍ ପୟାଆତାତ୍‍ମା, ଆରେ ହେ ଡାବୁଙ୍ଗ୍ ଗରିବ୍‌ନିକାରିଙ୍ଗ୍ ହିୟାଆତାତ୍‍ମା।” ହେଦାଙ୍ଗ୍ କାଜିଙ୍ଗ୍ ହେ କଗ୍‌ଲେଙ୍ଗ୍ ହେୱାର୍ କେତ୍‌ତେଙ୍ଗ୍ ଲାଗାତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:2

ଇଦାଙ୍ଗ୍ ହୁଡ଼୍‌ଜି ପାରୁସିଦଳ୍‍ ଆରେ ପଣ୍ଡିତାର୍ ଇନସ୍ତାକିଜି ୱେଚ୍‌ଚେଙ୍ଗ୍ ଆରମ୍ କିତାର୍, “ହୁଡ଼ାଟ୍ ଇୱାନ୍ ପାପିରିଙ୍ଗ୍ କୁକ୍‍ନାନା ଆରେ ଏଲେଙ୍ଗ୍ ବାର୍ତି ମାନାୟାର୍ ହୁଦାଙ୍ଗ୍ ତିନାନା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:7

ଇଦାଙ୍ଗ୍ ହୁଡ଼୍‌ଜି ୱିଜାକାର୍ ୱେଚ୍‌ପା ୱେଚ୍‌ପି ଆଜି ୱେଚ୍‌ଚାର୍, “ହୁଡ଼ାଟ୍, ଯୀଶୁ ଇନେସ୍ ରକାନ୍ ପାପି ଇଞ୍ଜ ମାଞ୍ଜେଙ୍ଗ୍ ହାଚାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 5:30

ଲାଗିଙ୍ଗ୍ ପାରୁସିଦଳ୍‍ନି ମାନାୟ୍ ଆରେ ପଣ୍ଡିତାର୍ ଯୀଶୁ ଚେଲାହିରିଙ୍ଗ୍ ୱେଚ୍‌ଚାର୍, “ଏପେଙ୍ଗ୍ ଇନେସ୍‌କିଜି ପାପି ଆରେ ସିସ୍ତୁଏନ୍‌ନାକାର୍ ହୁଦାଙ୍ଗ୍ କୁକ୍‌ଚି ତିନାଦେରା ଉଣାଦେରା?”

ଜହନ୍‌ 6:41

ଆନେଙ୍ଗ୍ ନେ ସରଗ୍ ଜପିତାଙ୍ଗ୍ ଜୁତ୍‌ତି କାଦି ଇଞ୍ଜି ଯୀଶୁ ୱେଚ୍‌ଚିଲେ ଯିହୁଦିର୍ ଯୀଶୁଙ୍ଗ୍ ଇନସ୍ତାକିଜି ୱେଚ୍‌ଚାର୍,

ଜହନ୍‌ 6:61

ଚେଲାହିର୍ ଇ ହିକ୍ଷା ବିଷୟତିଙ୍ଗ୍ ୱେଚ୍‌ପାଆନାରା, ଇଦାଙ୍ଗ୍ ପୁନ୍‌ଞ୍ଜି ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଇ ହିକ୍ଷା ମିଙ୍ଗେଙ୍ଗ୍ ଇନାକା ଅସୁବିଦା କିଦ୍‌ନାତା?

ପକ୍ୟାତାକା 13:45

ମାତର୍ ଯିହୁଦି ନେତାର୍ ବିନ୍‌ଜାତିର୍ ମାନାୟାରିଙ୍ଗ୍ ହୁଡ଼୍‌ଜି ରିସାଆତାର୍। ଆରେ ହେୱାର୍ ପାଉଲ ୱେଚ୍‌ଚି କାତାତିଙ୍ଗ୍ ବିରଦ୍ କିଜି ନିନ୍ଦା କିଦେଙ୍ଗ୍ ଲାଗାତାର୍।

୧ ଥେସଲନୀକିୟ 2:16

ଇନେସ୍‌କି ବିନ୍‌ଜାତିନି ମାନାୟାର୍ ରକ୍ଷା ପାୟାଆମେର୍ ଇଞ୍ଜି ହାର୍ଦିକାବୁର୍ ଶୁଣାୟ୍ କିତିଲେ, ହେୱାର୍ ମାଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନାରା। ହେଲେକେ ହେୱାର୍ ପାପ୍ କିଜି ମାଚାର୍, ସେସ୍ ୱେଡ଼ାଙ୍ଗ୍ ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିଦେଙ୍ଗ୍ କାତାନ୍‌ନା।

ଜିହୁଦା 1:16

ଇ ଅସାଦୁ ମାନାୟାରିଙ୍ଗ୍ ଗିଟାଆନି ବିଷୟ କାଜିଙ୍ଗ୍ ଈଶ୍ୱରତିଙ୍ଗ୍ ବିରଦ୍ କିଜି ବେଣ୍ ଇନାର୍, ଆରେ ହେୱାର୍ ମାନ୍ ଇଚାରେ କରାପ୍ କାମାୟ୍ କିନାର୍। ହେୱାର୍ ଜାର୍ ବିଷୟରେ ଗାଜା-ଗାଜା ବେଣ୍ ୱେଚ୍‌ନାର୍, ଆରେ ଜେକନିକାର୍‌ତାଙ୍ଗ୍ ହେୱାର୍ ଇଚ୍‍କେ ଇନାକା ପାୟାଆନି କାଜିଙ୍ଗ୍ ହାର୍ଦି ବେଣ୍ ୱେଚ୍‌ନାର୍।