ମାତିଉ 20:1 - New Testament in Pengo Parja Language

¹ “ଈଶ୍ୱର ସାସନ୍ କିନି ରାଜିତାକେ ଇନେସ୍ ଲେକେ, ଇଦାଙ୍ଗ୍ ଆରେ ରଞ୍ଜି କାତା ୱେନାଟ୍। ର ମାନାୟ୍ ଦିନେକ୍ ନାଣାଙ୍ଗେ ତା ଅଙ୍ଗୁର୍ ବାଡ଼୍‍ଦ କାମାୟ୍ ଲାଗାୟ କିଦେଙ୍ଗ୍ କୁଲିୟାରିଙ୍ଗ୍ ଦାସ୍ତେଙ୍ଗ୍ ହାଚାନ୍।

ସତ୍‌ ବଚନ୍‌ ପୁନି ନିୟମ୍‌

¹ “ସାର୍ଗେ ରାଜି ଇନେସ୍‌, ଇଦାଂ ଆରେ ର ଉତର୍‌ମୁଡ଼୍‌ ୱେନାଟ୍‌ । ର ମାନାୟ୍‌ ଦିନେକ୍‌ ନାଣାଙ୍ଗେ ତା ଅଙ୍ଗୁର୍‌ ବାଡ଼୍‌ଦ କାମାୟ୍‌ କିଦେଙ୍ଗ୍‌ କୁଲିୟାରିଂ ଡେକ୍‌ତେଂ ହତାନ୍ ।

ମାତିଉ 20:1 ပူးပေါင်းရင်းမြစ်များ

ମାତିଉ 13:24

ଯୀଶୁ ହେୱାରିଙ୍ଗ୍ ଆରେରଗ କାତା ୱେଚ୍‌ନିଲେକେ କିଜି ୱେଚ୍‌ଚାନ୍, “ରକାନ୍ ତା ଜମିତ ହାର୍ ବିୟାନ୍ ୱିତ୍‌ନି ଲେକେ ଈଶ୍ୱର ସାସନ୍ କିନି ରାଜି।

ମାତିଉ 13:31

ଯୀଶୁ ଆରେରଗ କାତା ୱେଚ୍‌ନିଲେକେ କିଜି ୱେଚ୍‌ଚାନ୍, “ଈଶ୍ୱର ସାସନ୍ କିନି ରାଜି ର ହାର୍‌ହୁ ମାଞ୍ଜି ଲେକେ,

ମାତିଉ 13:33

ଯୀଶୁ ହେୱାରିଙ୍ଗ୍ ଆରେ ର କାତା ୱେଚ୍‌ଚାନ୍, “ଈଶ୍ୱର ସାସନ୍ କିନି ରାଜି ଇଦାଙ୍ଗ୍ ସଡ଼ାକାର୍ ଲେକେ। ର କଗ୍‌ଲେ ରୁଟି ରସ୍ତେଙ୍ଗ୍ ର ଗାଜା ବାହାତାକେ ଅଟାଗୁଣ୍ଡା ହୁଦାଙ୍ଗ୍ ଇ ସଡ଼ାକାର୍ ମେହାଇକିଜି ୱିଜୁ ଚେଟ୍‌କାଇକିତି ଅଟାଗୁଣ୍ଡାତିଙ୍ଗ୍ ପୁଲାଇ କିତାତ୍। ହେଲେକେ ମାପୃତି ହାର୍ଦି ହିକ୍ଷା କେତେକ୍ ମାନାୟ୍‌ତାଙ୍ଗ୍ ପୁର୍ତିନି ଚାରିବେଣ୍‌ତାଙ୍ଗ୍ ବାଡାଆତାତ୍‌।”

ମାତିଉ 13:47

ଆରେରଗ ଯୀଶୁ ୱେଚ୍‌ଚାନ୍, “ଈଶ୍ୱର ସାସନ୍ କିନି ରାଜି ଲେକେ ର ଜାଲ୍ ହାମ୍‌ଦୁର୍‌ତାକେ ତୁଇଜି ବାରବିନି ମିନ୍‌କୁ ଆହ୍‌ନି ଲେକେ।

ମାତିଉ 20:2

ଇମ୍‌ଣାକାରିଙ୍ଗ୍ ଗାଟାଆତାନ୍ ୱିଜାକାରିଙ୍ଗ୍ ର ଦିନ୍‌ତିଙ୍ଗ୍ ରଞ୍ଜି ଲାକା ରୁପାଡାବୁ ହିଦ୍‌ନାଙ୍ଗ୍ ଇଞ୍ଜି ୱେଚ୍‌ଚି ହେୱାରିଙ୍ଗ୍ ତା ଅଙ୍ଗୁର୍ ବାଡ଼୍‍ଦ କାମାୟ୍ ପକ୍ତାନ୍।

ମାତିଉ 21:28

ଯୀଶୁ ହେୱାରିଙ୍ଗ୍ ଇ କାତା ବିଷୟରେ ଇନାକା ବାବିକିନାଦେରା ୱେଚ୍‌ଚାଟ୍, “ରୱାନ୍‌ତାକେ ରିୟାର୍ ହିମ୍‌ଣାର୍ ମାଚାର୍। ଦିନେକ୍ ହେୱାନ୍ ଗାଜାକାନ୍ ମେହିଙ୍ଗ୍ ୱେଚ୍‌ଚାନ୍, ‘କାଡ଼୍‍ଦେ ନେଞ୍ଜେଙ୍ଗ୍ ମା ଅଙ୍ଗୁର୍ ବାଡ଼୍‍ଦ ହାଲ୍‌ଜି କାମାୟ୍ କିୟା।’

ମାତିଉ 22:2

“ଈଶ୍ୱର ସାସନ୍ କିନି ରାଜି ରକାନ୍ ରାଜା ଲେକେ। ଆରେ ତା ମେହି କାଜିଙ୍ଗ୍ ବିବା ବଜି କିତାନ୍।

ମାତିଉ 23:37

“ଏ ଯିରୁଶାଲାମ ସହର୍‌ନି ମାନାୟ୍ କାଦେର୍ ଏପେଙ୍ଗ୍ ଇ ଭବିଷ୍ଯତବକ୍ତାରିଙ୍ଗ୍ ଅସ୍ତାଦେର୍‌ନା। ଈଶ୍ୱର ଇମ୍‌ଣି ଭବିଷ୍ଯତବକ୍ତାରିଙ୍ଗ୍ ପକ୍‌ଚି ମାଚାନ୍, ଏପେଙ୍ଗ୍ ହେୱାରିଙ୍ଗ୍ କାଲ୍‌କୁ ହୁଦାଙ୍ଗ୍ ଟ୍ରାକ୍‌ଚି ପାଗ୍‌ତାଦେର୍‌ନା। ଆନେଙ୍ଗ୍ ମିଙ୍ଗେଙ୍ଗ୍ ବେସି ସାଇଜ କିଦେଙ୍ଗ୍ ଇଚାକିଜି ମାଚାଙ୍ଗ୍। ଇନେସ୍‌କି ର କୁଜୁ ତା ହିମ୍‌ଣାକାଙ୍ଗ୍ ଜାର୍ ମାରାଙ୍ଗ୍ ତାରେନ୍ ରୁଣ୍ଡାଇ କିନାତ୍, ହେଲେକେ ମିଙ୍ଗେଙ୍ଗ୍ ୱିଜୁ ହିମ୍‌ଣାକାଙ୍ଗ୍ ଇନେକିଦେଙ୍ଗ୍ ଆନେଙ୍ଗ୍ ବେସିହଟ୍ ମାନ୍ କିଜି ମାଚାଙ୍ଗ୍। ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ହେଦାଙ୍ଗ୍ କିଦେଙ୍ଗ୍ ହିଦ୍‌ୱାତାଦେର୍।

ମାତିଉ 25:1

ହେପାଦ୍ନା ଯୀଶୁ କାତା ୱେଚ୍‌ନିଲେକେ ୱେଚ୍‌ଚାନ୍, “ଈଶ୍ୱର ସାସନ୍ କିନି ରାଜି ଲେକେ ଦଶ୍‌ଜାଣ୍ ଗାଡ଼୍‌ଚେକ୍ ବଇଟା ଆସ୍ତି ଜାର୍-ଜାର୍ ବରଙ୍ଗ୍ ଡେକ୍‌ନି ଲେକେ ଆନାତ୍‌।

ମାତିଉ 25:14

ଯୀଶୁ କାତା ୱେଚ୍‌ନିଲେକେ ଆରେରଗ ୱେଚ୍‌ଚାନ୍, “ଈଶ୍ୱର ସାସନ୍ କିନି ରାଜି ଇଲେକେ, ର ମାନାୟ୍ ୱିଜୁ ଦନ୍ ସମ୍ପତି ତା ହଲିଆରିଙ୍ଗ୍ କୁକ୍‌ଚି ଜାତୁନ୍ କିଦେଙ୍ଗ୍ ସାର୍ପି କିଜି ହିତାନ୍।

ମାତିଉ 3:2

“ପାପ୍ କାମାୟ୍ ପିସ୍ତି ମାପୃତାକେ ୱାଡ। ଇନେସ୍‌କି ଈଶ୍ୱର ସାସନ୍ କିନି ରାଜି ଲାଗେ ଇକାୱାତାତେ।”

ମାର୍କ 13:34

ଯୀଶୁ ତା ଚେଲାହିରିଙ୍ଗ୍ କୁକ୍‌ଚି ୱେଚ୍‌ଚାନ୍, ‘ୱାଡ ର କାତା ୱେଚ୍‌ଚାନାଙ୍ଗ୍, ର ମାନାୟ୍ ତା ଇଲ୍ ପିସ୍ତି ବେସି ଦେହା ହାଚାନ୍। ହେୱାନ୍ ହାନିହିଙ୍ଗ୍ ତା ହଲିଆରିଙ୍ଗ୍ ଇମ୍‌ଣି କାମାୟ୍ ହିତାନ୍‌ନା ହେୱାନ୍ କିନାକା ମାନାତ୍, ଆରେ ତା ଜାଗୁୱାଡ଼ିଙ୍ଗ୍ ୱେଚ୍‌ନାନ୍ ଆରେ ହାନାନ୍, ନା ୱାନାକା ଏପେଙ୍ଗ୍ ଜାଗ୍ରତ୍ ଆଜି କାସିମାନାଟ୍।’

ଜହନ୍‌ 15:1

ଆରେରଗ ଯୀଶୁ ୱେଚ୍‌ଚାନ୍, “ଆନେଙ୍ଗ୍ ଆନାଙ୍ଗା ଅଙ୍ଗୁର୍ ମାର୍, ଆରେ ନା ଆବା ଈଶ୍ୱର ଚାଷି।

୧ କରନ୍ତିୟ 15:58

ଲାଗିଙ୍ଗ୍, ଏ ଟଣ୍ଡାର୍‌କାଦେର୍, ଏପେଙ୍ଗ୍ ଖ୍ରୀଷ୍ଟଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ପାର୍ତି କିଜି ମାନାଟ୍, ଆରେ ମିଚ୍ ହିକ୍ଷା ଶୁଣାୟ୍ କିନି ମାନାୟାର୍‌ତାଙ୍ଗ୍ ଦେହା ହାଲ୍‌ମାଟ୍। ଇନେସ୍‌କି ତା କାମାୟ୍ କିଦେଙ୍ଗ୍ କଷ୍ଟ କିନାକା ବେକାର୍ ଆଉତ୍, ଇନେସ୍‌କି ଏପେଙ୍ଗ୍ ହାର୍ କିଜି ପୁଚାଦେର୍‌ନା ଯେ, ତା କାଜିଙ୍ଗ୍ କିନି କାମାୟ୍ ମି କାଜିଙ୍ଗ୍ ଲାବ୍ ଆଦ୍‌ନାତ୍।