ମାତିଉ 2:6 - New Testament in Pengo Parja Language

⁶ ‘ଏ! ଯିହୁଦା ଜିଲ୍ଲାନି ବେତଲିହିମ୍ ସହର୍‌ନି ମାନାୟାର୍, ମି ବିତ୍ରେତାଙ୍ଗ୍ ରକାନ୍ ସାସନ୍ କିନାକାର୍ ଆନାଦେର୍। ହେୱାନ୍ ରକାନ୍ ର ମେଣ୍ଢା ହାରାଇ କିନିଲେକେ ନା ଇସ୍ରାଏଲନି ମାନାୟାରିଙ୍ଗ୍ ହାର୍‌ଦାଙ୍ଗ୍ ଜାତୁନ୍ ଅନାନ୍।’ ”

ସତ୍‌ ବଚନ୍‌ ପୁନି ନିୟମ୍‌

⁶ “ଜିହୁଦା ଦେସ୍‌ନି ବେତ୍‌ଲିହିମ୍‌ ! ଜିହୁଦାନି ମୁଡ଼୍‌ ବସ୍ତିକାଙ୍ଗ୍‌ ବିତ୍ରେ ଏପେଙ୍ଗ୍‌ ହାରୁକାଦେର୍‌ ଆକାୟ୍‌, ଇନାକିଦେଂକି ନା ଇସ୍ରାଏଲ୍‌ୟର୍‌ ମାନାୟାରିଂ ଚାଲାୟ୍‌କିଦେଂ ଇଞ୍ଜି ମିଙ୍ଗ୍‌ତାଂ ରୱାନ୍‌ ନେତା ହତ୍‌ନାନ୍‌ ।”

ମାତିଉ 2:6 ပူးပေါင်းရင်းမြစ်များ

ମାତିଉ 2:1

ଯୀଶୁ ଯିହୁଦା ଜିଲ୍ଲାନି ବେତଲିହିମ୍ ସହର୍‌ତାକେ ଜନମ୍ ଆତାନ୍। ହେପାଦ୍ନା ହେରୋଦ ରାଜା ଯିହୁଦା ଜିଲ୍ଲାତ ସାସନ୍ କିଜି ମାଚାନ୍। କେତ୍‌ଦିନ୍ ପାଚେ ପୁରୁବ୍‌ଦେସ୍‌ନି କେତ୍‌ଜାଣ୍ ଯଗ୍ ବାର୍ ହୁଡ଼୍‌ନି ପଣ୍ଡିତାର୍ ଯିରୁଶାଲାମ ସହର୍‌ତାକେ ୱାତାର୍, ଆରେ ହେୱାର୍ ମାନାୟାରିଙ୍ଗ୍ ୱେନ୍‌ବାତାର୍,

ମାତିଉ 28:18

ଲାଗିଙ୍ଗ୍ ଯୀଶୁ ହେୱାର୍ ଲାଗାୟ୍ ୱାଜି ହେୱାରିଙ୍ଗ୍ ୱେଚ୍‌ଚାନ୍, “ସରଗ୍ ଆରେ ପୁର୍ତିନି ୱିଜୁ ଆଦିକାର୍ ଈଶ୍ୱର ନାଙ୍ଗେଙ୍ଗ୍ ହିତ୍‌ତାନ୍‌ନା।

ଜହନ୍‌ 21:16

ତାପାଚେ ଯୀଶୁ ଆରେରଗ ହେୱାନିଙ୍ଗ୍ ୱେଚ୍‌ଚାନ୍, “ଯୋହନ ମେହି ଶିମୋନ, ଏନେଙ୍ଗ୍ ଇନାକା ନାଙ୍ଗେଙ୍ଗ୍ ଲାଡ୍ କିଦ୍‌ନାୟା?” ପିତର ୱେଚ୍‌ଚାନ୍, “ଆଁ ମାପୃ, ଏନେଙ୍ଗ୍ ପୁଚାଇନା ଯେ, ଆନେଙ୍ଗ୍ ନିଙ୍ଗେଙ୍ଗ୍ ଲାଡ୍ କିଦ୍‌ନାଙ୍ଗା।” ତାପାଚେ ଯୀଶୁ ୱେଚ୍‌ଚାନ୍, “ନା ମେଣ୍ଢାକାଙ୍ଗ୍ ଜାତୁନ୍ କିୟା।”

ଜହନ୍‌ 7:42

ଦରମ୍ ସାସ୍ତର୍‌ତାକେ ଲେକା ମାନାତ୍ ଯେ, ଖ୍ରୀଷ୍ଟ ଦାଉଦ ରାଜା ପରିବାର୍‌ତାଙ୍ଗ୍ ୱାନାନ୍। ଆରେ ଦରମ୍ ସାସ୍ତର୍‌ତାକେ ଲେକା ମାନାତ୍ ଖ୍ରୀଷ୍ଟ ଦାଉଦ ରାଜାମାନି ବାହାନି ବେତଲିହିମ୍ ନାଟାଙ୍ଗ୍ ୱାନାନ୍।”

ଏପିସିୟ 1:22

ଈଶ୍ୱର ୱିଜୁ ବିଷୟ ଖ୍ରୀଷ୍ଟ କାଲ୍‌ପାନା ତାରେନ୍ ଇଡ଼୍‌ତାନ୍‌ନା, ଆରେ ଖ୍ରୀଷ୍ଟଙ୍ଗ୍ ମଣ୍ଡ୍‌ଲିନି ହାର୍ କାଜିଙ୍ଗ୍ ୱିଜୁ ବିଷୟରେ ନେତା କିଜି ବାଚି କିତାନ୍‌ନା।

କଲସିୟ 1:18

ମଣ୍ଡ୍‌ଲି ଆନାତା ଖ୍ରୀଷ୍ଟନି ଗାଗାଡ଼୍ ଲେକେ, ଆରେ ହେୱାନ୍ ନେ ମଣ୍ଡ୍‌ଲିନି ମୁକ୍ୟା। ହେୱାନ୍ ନେ ଆରମ୍, ଆରେ ହେୱାନ୍ ଇନେସ୍‌କି ୱିଜୁ ବିଷୟରେ ଗାଜାଆଦେଙ୍ଗ୍ ଆଡ୍‌ନାନ୍, ଇଦାଙ୍ଗ୍ କାଜିଙ୍ଗ୍ ଈଶ୍ୱର ହେୱାନିଙ୍ଗ୍ ପାର୍ତୁମ୍ ହାଃତିତାଙ୍ଗ୍ ନିକ୍ତାନ୍‌ନା।

ଏବ୍ରି 7:14

ଆସେଙ୍ଗ୍ ୱିଜାକାସ୍ ଇଦାଙ୍ଗ୍ ପୁଚାସ୍‌ନା ଯେ, ମା ମାପୃ ଯୀଶୁ ଖ୍ରୀଷ୍ଟ ଯିହୁଦା ଲାତ୍ରାନି ମାନାୟ୍। ଇ ଲାତ୍ରାତାଙ୍ଗ୍ ଇନେର୍ ପା ପୁଜାରି ଆନାର୍ ଇଞ୍ଜି ମୋଶା ୱେଚ୍‌ୱାତାନ୍‌ନା।

ହତ୍‌ତି 11:15

ତାପାଚେ ଏଚେପାଦ୍ନା ସାତ୍ ନମ୍ବର୍ ଦୁତ୍ ମରି ତୁପ୍‌ତାତ୍, ଆରେ ସରଗ୍‌ତାକେ ଗାଜାକାଟ୍ କିଜି ୱେଚ୍‌ନାକା ଆନେଙ୍ଗ୍ ୱେଚାଙ୍ଗ୍। “ୱିଜୁ ପୁର୍ତିତିଙ୍ଗ୍ ମା ମାପୃ ଈଶ୍ୱର ସାସନ୍ କିଦେଙ୍ଗ୍ ରାଜି ଆତାନ୍ ଆରେ ତା ଖ୍ରୀଷ୍ଟଙ୍ଗ୍ ଅଦିକାର୍ ହିତାନ୍, ଆରେ ହେୱାନ୍ ଯୁଗ୍-ଯୁଗ୍ ପାତେକ୍ ସାସନ୍ କିନାନ୍।”

ହତ୍‌ତି 2:27

ଆନେଙ୍ଗ୍ ହେୱାରିଙ୍ଗ୍ ନା ଲେକେ ସାସନ୍ କିନି ଅଦିକାର୍ ହିନାଙ୍ଗ୍, ଇମ୍‌ଣାକା ଆନେଙ୍ଗ୍ ନା ଆବାତାଙ୍ଗ୍ ପାୟାଆତାଙ୍ଗ୍‌ନା। ଡ୍ରିଙ୍ଗ୍‌ୱି ଲୱାଲେକେ ହେୱାର୍ ସାସନ୍ କିନାର୍ ଆରେ ହେୱାର୍ ଚିକ୍‍ଲା ଟାଣ୍ଡିତିଙ୍ଗ୍ ଡ୍ରିକ୍‌ତିଲେକେ ତା ଶତୃରିଙ୍ଗ୍ ବିନାସ୍ କିନାର୍। ହେୱାର୍ ସାସନ୍ କିନିହିଙ୍ଗ୍ ଦୟା କିଉର୍, ଆରେ ହେୱାର୍ ଚିକ୍‍ଲା ଟାଣ୍ଡିତିଙ୍ଗ୍ ଗୁଣ୍ଡ୍‌ଗୁଣ୍ଡା କିତିଲେକେ ହେୱାରିଙ୍ଗ୍ ଗୁଣ୍ଡ୍‌ଗୁଣ୍ଡା କିନାର୍।

ହତ୍‌ତି 7:17

ଇନେସ୍‌କି ମେଣ୍ଢା ଗଡ଼ିୟା ଇନେସ୍ ତା ମେଣ୍ଢାକାଙ୍ଗ୍ ଉଦାର୍ କିନାନ୍ ହେଲେକେ ହେ ସିଙ୍ଗାସନ ଆଗେ ନିଲ୍‌ତି ମେଣ୍ଢା ଇନେର୍‌କି ଯୀଶୁ ହେୱାରିଙ୍ଗ୍ ଉଦାର୍ କିନାନ୍‌। ହେୱାନ୍ ହେୱାରିଙ୍ଗ୍ କିଲେର୍ ଏଜୁଙ୍ଗ୍ ଉଣ୍ଡେଙ୍ଗ୍ ହିନାନ୍ ଇମ୍‌ଣି ଏଜୁଙ୍ଗ୍ ମାନାୟାରିଙ୍ଗ୍ ଜିବୁନ୍ ହିନାତ୍। ଆରେ ଈଶ୍ୱର ହେୱାର୍ କାଣ୍‌କୁନି ୱିଜୁ କାଣେଲିଙ୍ଗ୍ ନେନ୍ଦ୍‌ନାନ୍।”