ମାତିଉ 2:13 - New Testament in Pengo Parja Language

¹³ ପଣ୍ଡିତାର୍ ବେତଲିହିମ୍ ସହର୍‌ତାଙ୍ଗ୍ ହାଚି ପାଚେ ଈଶ୍ୱରତି ରକାନ୍ ଦୁତ୍ କେଚ୍‍କଣ୍‌ତ ଯୋଷେପତିଙ୍ଗ୍ ଚଞ୍ଜିଆଆଜି ୱେଚ୍‌ଚାନ୍, “ନିଙ୍ଗା, ହିମ୍‌ଣା ଆରେ ତା ତେହିଙ୍ଗ୍ ଆସ୍ତି ମିସର୍ ଦେସ୍‌ତ ହାଲାଟ୍। ଆରେ ଏଚେପାଦ୍ନା ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ୱି ପାତେକ୍ ହେବେ ମାନାଟ୍। ଇନେସ୍‌କି ହେରୋଦ ରାଜା ହେ ହିମ୍‌ଣାଙ୍ଗ୍ ଅସ୍ତେଙ୍ଗ୍ ଦାହ୍‌ନାନା।”

ସତ୍‌ ବଚନ୍‌ ପୁନି ନିୟମ୍‌

¹³ ହେୱାର୍‌ ହାଚି ପାଚେ ମାପ୍ରୁତି ଦୁତ୍‌ ଜସେପ୍‌ତିଂ କେଚ୍‌କଣ୍‌ତ ଚଞ୍ଜ୍‌ୟା ଆଜ଼ି ଇଚାନ୍‌, “ହେରଦ୍‌ କାଡ଼୍‌ଦେଂ ଟୁଣି କାଜିଂ ଦାହ୍‌ନାନ୍‌ । ଲାଗିଂ ନିଙ୍ଗାଟ୍‌, କାଡ଼୍‌ଦେଂ ଆରି ତେହିଙ୍ଗ୍‌ ଅଜ଼ି ମିସର୍‌ ଦେସ୍‌ତ ହାଲାଟ୍‌ । ହେ ବାହା ପିସ୍ତେଙ୍ଗ୍‌ ଇଞ୍ଜ୍‌ୱି ପାତେକ୍‌ ହେବେ ମାନାଟ୍‌ ।”

ମାତିଉ 2:13 ပူးပေါင်းရင်းမြစ်များ

ମାତିଉ 1:20

ହେୱାନ୍ ଇଦାଙ୍ଗ୍ ମାନ୍ କିତି ପାଚେ, ମାପୃ ଦୁତ୍ କେଚ୍‍କଣ୍‌ତ ହେୱାନିଙ୍ଗ୍ ଚଞ୍ଜିଆଆଜି ୱେଚ୍‌ଚାତ୍, “ହେ ଦାଉଦ ରାଜା ଲାତ୍ରାନି ମେହି ଯୋଷେପ, ମରିୟମତିଙ୍ଗ୍ ବିବାଆଜି ଇଞ୍ଜ ଅଦେଙ୍ଗ୍ ପାଣ୍ଡ୍ରାଆମା, ଇନେସ୍‌କି ପବିତ୍ର ଆତ୍ମା ସାକ୍ତିତାଙ୍ଗ୍ ମରିୟମ ଗରବ୍‌ତ ମାନାତ୍।

ମାତିଉ 10:23

ମାତର୍ ହେୱାର୍ ଏଚେପାଦ୍ନା ମିଙ୍ଗେଙ୍ଗ୍ ର ସହର୍‌ତାକେ ଦୁକ୍ ହିଦ୍‌ନାର୍, ହେପାଦ୍ନା ଅଲଗା ସହର୍‌ତାକେ ହାଲାଟ୍। ଇନେସ୍‌କି ମିଙ୍ଗେଙ୍ଗ୍ ଆନେଙ୍ଗ୍ ସତ୍ ୱେଚ୍‌ଚାନାଙ୍ଗା, ଇସ୍ରାଏଲନି ସହର୍‌କୁକାଙ୍ଗ୍ ଏପେଙ୍ଗ୍ ବୁଲା ଆନାକା ୱିଜ୍‌ୱି ଆଗେ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ୱାନାଙ୍ଗ୍।

ମାତିଉ 2:12

ମାତର୍ ଈଶ୍ୱର ହେ ପଣ୍ଡିତାରିଙ୍ଗ୍ ହେରୋଦ ରାଜା ଲାଗାୟ୍ ହାଲ୍‌ମାଟ୍ ଇଞ୍ଜି କେଚ୍‍କଣ୍‌ତ ଆଦେସ୍ ହିତାନ୍। ହେଦାଙ୍ଗ୍ କାଜିଙ୍ଗ୍ ହେୱାର୍ ହେରୋଦ ରାଜା ଲାଗାୟ୍ ହାଲ୍‌ୱାଦାଙ୍ଗ୍ ଜାର୍-ଜାର୍ ହାଜ୍‌ଦିଙ୍ଗ୍ ଜାର୍ ଦେସ୍‌ତ ହାଚାର୍।

ମାତିଉ 2:14

ଲାଗିଙ୍ଗ୍ ଯୋଷେପ ମିକାଲିଙ୍ଗ୍ ନିଙ୍ଗ୍‌ଞ୍ଜି ହିମ୍‌ଣାଙ୍ଗ୍ ଆରେ ତା ତେହିଙ୍ଗ୍ ଆସ୍ତି ମିସର୍ ଦେସ୍‌ତ ହାଞ୍ଜେଙ୍ଗ୍ ହତାର୍,

ମାତିଉ 2:16

ହେପାଦ୍ନା ହେରୋଦ ରାଜା ହୁଡ଼୍‌ତାନ୍ ଯେ, ପୁରୁବ୍‌ଦେସ୍‌ନି ଯଗ୍ ବାର୍ ହୁଡ଼୍‌ନି ପଣ୍ଡିତାର୍ ହେୱାନିଙ୍ଗ୍ ବକୁୱା କିତାର୍‌ନା। ହେୱାନ୍ ବେସି ରିସା ଆତାନ୍। ହେ ପଣ୍ଡିତାର୍‌ତାଙ୍ଗ୍ ହିମ୍‌ଣା ଜନମ୍ ଆତାକା ପୁନ୍‌ଞ୍ଜି ମାଚାନ୍। ହେଦାଙ୍ଗ୍ ଦୁଇ ବାର୍ହୁନି ତାରେନ୍‌ନି କାତା ଆଜି ମାଚିଲେ ହେୱାନ୍ ବେତଲିହିମ୍ ସହର୍ ଆରେ ତା ଲାଗାୟ୍‌ନି ସହର୍‌ନି ଦୁଇ ବାର୍ହୁ କି ତା ତାରେନ୍‌ନି ହିରୁ ହିମ୍‌ଣାକାଙ୍ଗ୍ ମାର୍ନେ ଅସ୍ତେଙ୍ଗ୍ ଆଦେସ୍ ହିତାନ୍।

ମାତିଉ 2:22

ମାତର୍ ହେରୋଦ ରାଜା ହାଃତି ପାଚେ ତା ମାଜି ଆର୍ଖିଲାୟ୍‌ ଯିହୁଦା ଜିଲ୍ଲାନି ରାଜା ଆତାନ୍‌ନା ଇଞ୍ଜି ପୁନ୍‌ଞ୍ଜି ଯୋଷେପ ହେବେ ହାଞ୍ଜେଙ୍ଗ୍ ପାଣ୍ଡ୍ରା ଆତାନ୍। ମାତର୍ ଈଶ୍ୱରତାଙ୍ଗ୍ କେଚ୍‍କଣ୍‌ତ ଆଦେସ୍ ପାୟାଆଜି ଯୋଷେପ ଗାଲିଲୀ ଜିଲ୍ଲାତ ହାଚାନ୍।

ପକ୍ୟାତାକା 10:22

ହେୱାର୍ ୱେଚ୍‌ଚାର୍, “କର୍ଣିଲିୟ ତର୍‍ଦାକାନ୍ ରକାନ୍ ଶହେ ସେନାର୍ ମୁକ୍ୟା। ହେୱାନ୍ ଦରମ୍ ମାନାୟ୍ ଆରେ ଈଶ୍ୱରତିଙ୍ଗ୍ ପାଣ୍ଡ୍ରାଆନି ମାନାୟ୍। ଆରେ ୱିଜୁ ଯିହୁଦି ଜାତିର୍‌ତାକେ ହେୱାନ୍ ସନ୍‌ମାନ୍ ପାୟା ଆନାନ୍। ନି କାତା ୱେଞ୍ଜେଙ୍ଗ୍ ଇଞ୍ଜ କୁକ୍‌ଚି ଅଦେଙ୍ଗ୍, ପବିତ୍ର ଦୁତ୍ ହେୱାନିଙ୍ଗ୍ କେଚ୍‌କଣ୍‌ତାକେ ଚଞ୍ଜିଆଆଜି ୱେଚ୍‌ଚାତ୍‌ନା।”

ପକ୍ୟାତାକା 10:7

କର୍ଣିଲିୟ ହୁଦାଙ୍ଗ୍ ଦୁତ୍ ବେଣ୍‌କିଜି ହାଚି ପାଚେ, ହେୱାନ୍ ତା ଇଞ୍ଜ କାମାୟ୍ କିନି ହଲିଆ ବିତ୍ରେତାଙ୍ଗ୍ ରିକାରିଙ୍ଗ୍, ଆରେ ସେନାର୍ ବିତ୍ରେତାଙ୍ଗ୍ ଈଶ୍ୱରତିଙ୍ଗ୍ ହେବା କିକିନାକାନିଙ୍ଗ୍ ରକାନିଙ୍ଗ୍ କୁକ୍‌ତାନ୍।

ପକ୍ୟାତାକା 12:11

ହେପାଦ୍ନା ପିତର ହେଦାଙ୍ଗ୍ ନିଜେ ପୁନ୍‌ଞ୍ଜି ଜାର୍‌ତିଙ୍ଗ୍ ୱେଚିଆତାନ୍‌, “ଆନେଙ୍ଗ୍ ନଙ୍ଗୟ୍ ପୁଞ୍ଜେଙ୍ଗ୍ ଆଡ଼୍‌ତାଙ୍ଗ୍ ଯେ, ମାପୃ ତା ଦୁତ୍‌ତିଙ୍ଗ୍ ପକ୍‌ଚି ହେରୋଦ ରାଜା ଶାକ୍ତିତାଙ୍ଗ୍ ଆରେ ଯିହୁଦି ନେତାର୍ ବାବିକିତି ଆହାତାଙ୍ଗ୍ ନାଙ୍ଗେଙ୍ଗ୍ ଉଦାର୍ କିତ୍‌ତାନ୍‌ନା।”

ପକ୍ୟାତାକା 12:7

ହେଦାପ୍ରେ ସରଗ୍‌ଦୁତ୍ ପିତର ଲାଗାୟ୍ ୱାଜି ନିଲ୍‌ତାତ୍। ଲାଗିଙ୍ଗ୍ ପିତର ମାନି ବାକ୍ରା ଅଜଡ଼୍ ଆତାତ୍। ଆରେ ହେ ଦୁତ୍ ପିତରତିଙ୍ଗ୍ କୁଚିଙ୍ଗା ନିପଣ୍ ଇଡ଼୍‌ଜି ନିକ୍‌ଚି ୱେଚ୍‌ଚାନ୍, “ବେଗି ନିଙ୍ଗା।” ହେବେତାଙ୍ଗ୍ ପିତର କେଇଦ ଗାଚ୍‌ଚି ହିକ୍‌ଡ଼ିଙ୍ଗ୍ ରିଙ୍ଗ୍‌ତିକ୍।

ପକ୍ୟାତାକା 16:36

ଲାଗିଙ୍ଗ୍ ମିଙ୍ଗେଙ୍ଗ୍ ପିସ୍ତି ହିଦ୍‌ନି କାଜିଙ୍ଗ୍ ବିଚାର୍ କିନାକାର୍ ମାନାୟାରିଙ୍ଗ୍ ପକ୍ତାତାର୍‌ନା ଇଞ୍ଜି ଜାଗୁୱାଡ଼ି ପାଉଲତିଙ୍ଗ୍ ୱେଚ୍‌ଚାନ୍। ଏପେଙ୍ଗ୍ ନଙ୍ଗୟ୍ ବାର୍ତ ୱାଜି ଶାନ୍ତିତାଙ୍ଗ୍ ହାଲାଟ୍।

ପକ୍ୟାତାକା 5:19

ମାତର୍ ମାପୃତି ର ଦୁତ୍ ମିକା ୱାଜି ଜଇଲ୍ ଇଲ୍‌ନି ଦୁୱେର୍ ୱିଜୁ ଜେତାନ୍ ଆରେ ହେୱାରିଙ୍ଗ୍ ବାର୍ତ ହପ୍‌ଚି ୱେଚ୍‌ଚାନ୍,

ପକ୍ୟାତାକା 7:19

ହେୱାନ୍ ମା ମାନାୟାର୍ କାଜିଙ୍ଗ୍ ବେସି କୁଟ୍‌ବୁଦି କିତାନ୍। ଆରେ ହେୱାନ୍ ହେୱାରିଙ୍ଗ୍ ବେସି ଇନସ୍ତାକିଜି ଦୁକ୍‌କଷ୍ଟ ହିତାନ୍। ଇନେସ୍‌କି ତା ହିମ୍‌ଣା ୱାକ୍‌ଡ଼ାକାଙ୍ଗ୍ ବାର୍ତ ତୁସିହିଜି ଅସ୍ତେଙ୍ଗ୍ ଲାତ୍ରାହିରିଙ୍ଗ୍ ଆଦେସ୍ ହିତାନ୍।

ହତ୍‌ତି 12:14

ମାତର୍ ଈଶ୍ୱର ରସ୍ତି ଟାଙ୍ଗ୍ରାବାହାତାକେ ହେ ରାଚ୍ ୱେଇଦାଙ୍ଗ୍ ରକ୍ଷା ପାୟା ଆଦେଙ୍ଗ୍। ହେ କଗ୍‌ଲେଙ୍ଗ୍ ଗାଜା ମୁକ୍‌ରିଲେକେ ଉମ୍‌ଜି ହାଞ୍ଜେଙ୍ଗ୍ ରିଣ୍ଡାଙ୍ଗ୍ ଗାଜା ମାରାଙ୍ଗ୍ ହିଜିମାଚାନ୍, ଇମେତାକେ ହେ କଗ୍‌ଲେ ତିନ୍ ବାର୍ହୁ ଅଦା ପାତେକ୍ ଡ଼ୁଗ୍‌ଜି ମାନାତ୍ ଲାଗିଙ୍ଗ୍ ଶୟତାନ୍ ହେ କଗ୍‌ଲେ କଚଣ୍‌ତାକେ ଇକୁତ୍‌।

ହତ୍‌ତି 12:4

ହେ ଗାଜା ରାଚ୍ ତା ନିଙ୍ଗୁଣ୍ ହୁଦାଙ୍ଗ୍ ବାଦାଡ଼୍‌ନି ତିନ୍ ବାଗ୍‌ନି ର ବାଗ୍ ହୁକାକାଙ୍ଗ୍ ପୁର୍ତିତାକେ ତୁସିହିତାତ୍। ହେ କଗ୍‌ଲେ ହିମ୍‌ଣା ଜନମ୍ କିତି ଦାପ୍ରେ ତିନାଙ୍ଗ୍‌ମା ଇଞ୍ଜି ହେ ରାଚ୍ ହେ କଗ୍‌ଲେତାକେ ୱାଜି ନିଲ୍‌ଚି ମାଚାତ୍।

ହତ୍‌ତି 12:6

ଆରେ, ହେ କଗ୍‌ଲେ ଟାଙ୍ଗ୍ରାବାହାତାକେ ହନ୍‌ଞ୍ଚି ହାଚାତ୍, ଇମେତାକେ ଈଶ୍ୱର ୧,୨୬୦ ଦିନ୍ ପାତେକ୍ ହେ କଗ୍‌ଲେ ଡ଼ୁଗ୍‌ନି କାଜିଙ୍ଗ୍ ହେ ବାହା ରସ୍ତି ମାଚାନ୍।