ମାତିଉ 19:22 - New Testament in Pengo Parja Language

²² ମାତର୍ ଇ ବେଣ୍ ୱେନ୍‌ଞ୍ଜି ଦାଙ୍ଗ୍‌ଣେନ୍ ଦୁଃକ୍ ଆଜି ହସିହାଚାନ୍। ଇନେସ୍‌କି ତାବେ ବେସି ଦନ୍ ସମ୍ପତି ମାଚାତ୍।

ସତ୍‌ ବଚନ୍‌ ପୁନି ନିୟମ୍‌

²² ମାତର୍‌ ଇ କାତା ୱେନ୍‌ଞ୍ଜି ଦାଙ୍ଗ୍‌ଣେନ୍‌ ଦୁକ୍‌ ଆଜ଼ି ହାଚାନ୍‌, ଇନାକିଦେଂକି ହେୱାନ୍‌ ବେସି ମାଜାନ୍‌ ମାଚାନ୍‌ ।

ମାତିଉ 19:22 ပူးပေါင်းရင်းမြစ်များ

ମାତିଉ 13:22

ଆରେ କେତେକ୍ ମାନାୟ୍ ଈଶ୍ୱର କାତାତିଙ୍ଗ୍ ୱେନାର୍। ମାତର୍ ଦୁନିଆନି ଚିନ୍ତା, ହାଉକାର୍ ଆନି ଚିନ୍ତା, ଆରେ ବାରବିନି ଚିନ୍ତା ଇୱିଜୁ ଚିନ୍ତା ମାନ୍ତ ଆଜି ଈଶ୍ୱର କାତାତିଙ୍ଗ୍ ଡାବାଇ କିନାତ୍। ହେଦାଙ୍ଗ୍ କାଜିଙ୍ଗ୍ ଈଶ୍ୱର କାତାତିଙ୍ଗ୍ ମାନିକିଉର୍। ହେଲେଗ୍‌ଦି ମାନାୟ୍ ୱାଡ଼ି ମାର୍‌କୁକାଙ୍ଗ୍ ଆର୍ଜିମାଚି ବିୟାନ୍ ଲେକେ।

ମାତିଉ 14:9

ଇବେଣ୍ ୱେନ୍‌ଞ୍ଜି ରାଜା ବେସି ଦୁଃକ୍ ଆତାନ୍, ମାତର୍ ତା ଗତାଙ୍ଗ୍ ମୁମ୍‌ଦ ପାର୍ମାଣ୍ କିଜି ମାଚାନ୍ ହେଦାଙ୍ଗ୍ କାଜିଙ୍ଗ୍ ରାଜା ମୁନା କିଦେଙ୍ଗ୍ ଆଡ୍‌ୱାତାନ୍।

ମାତିଉ 16:26

ଇନେର୍ ପା ୱିଜୁ ଜଗତ୍‍ତିଙ୍ଗ୍ ପାୟାଆଜି ଜାର୍ ଜିବୁନ୍‌ତିଙ୍ଗ୍ ଆରାୟ୍ କିତିସ୍, ହେଦାଙ୍ଗ୍ ତାଦି ଇନା ଲାବ୍? ଆରେରଗ ମାନାୟ୍ ତା ଜିବୁନ୍ ପାୟାଆନି ବାଦୁଲ୍‌ତ ଈଶ୍ୱରତିଙ୍ଗ୍ ଇନାକା ହିଦେଙ୍ଗ୍ ଆଡ୍‌ନାନ୍?

ମାତିଉ 19:21

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଯଦି ଏନେଙ୍ଗ୍ ପୁରା ଟିକ୍ ଆଦେଙ୍ଗ୍ ଇଚା କିନାୟା, ଏନେଙ୍ଗ୍ ହାଲ୍‌ଜି ନିତାଙ୍ଗ୍ ୱିଜେ ଦନ୍ ସମ୍ପତି ପସି ନାସ୍‌କି ନିକାରିଙ୍ଗ୍ ଡାବୁଙ୍ଗ୍ ହିୟା। ଆରେ ନା ପାଚେ ୱା, ଆରେ ଏନେଙ୍ଗ୍ କିତିସ୍ ସରଗ୍‌ତାକେ ଦନ୍ ପାୟାଆନାୟ୍।”

ମାତିଉ 19:23

ହେବେତାଙ୍ଗ୍ ଯୀଶୁ ତା ଚେଲାହିରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ସାଉକାର୍ ମାନାୟ୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ବେସି କଷ୍ଟ।”

ମାତିଉ 6:24

ରକାନ୍ ହଲିଆ ରଞ୍ଜେମାଡ୍ ରିକାର୍ ମାଲିକ୍‌ତିଙ୍ଗ୍ ହେବା କିଦେଙ୍ଗ୍ ଆଡୁନ୍। ଲାଗିଙ୍ଗ୍ ହେୱାନ୍ ରକାନିଙ୍ଗ୍ ଆକାର୍ ଆନାନ୍ ଆରେ ଜେକନିକାରିଙ୍ଗ୍ ଲାଡ୍ କିନାନ୍, ରକାନିଙ୍ଗ୍ ଇଚା ଆନାତ୍ ଆରେ ଜେକନିକାରିଙ୍ଗ୍ ଗିଣ୍ କିନାନ୍। ଏପେଙ୍ଗ୍ ଈଶ୍ୱର ଆରେ ଦନ୍ ଇ ରିଣ୍ଡେକାଙ୍ଗ୍ ହେବା କିଦେଙ୍ଗ୍ ଆଡୁଦେର୍।”

ମାର୍କ 10:22

ମାତର୍ ଯୀଶୁ ଇଚି ବେଣ୍ ୱେନ୍‌ଞ୍ଜି ହେ ମାନାୟ୍ ମୁମ୍ ରାତ୍‌ତାନ୍, ଆରେ ହେୱାନ୍ ଦୁଃକ୍ ଆଜି ହାଚାନ୍, ଇନେସ୍‌କି ତାବେ ବେସି ଦନ୍ ସମ୍ପତି ମାଚାତ୍।

ମାର୍କ 6:26

ଇବେଣ୍ ୱେନ୍‌ଞ୍ଜି ରାଜା ବେସି ଦୁଃକ୍ ଆତାନ୍, ମାତର୍ ତା ଗତାଙ୍ଗ୍ ମୁମ୍‌ଦ ପାର୍ମାଣ୍ କିଜି ମାଚାନ୍ ହେଦାଙ୍ଗ୍ କାଜିଙ୍ଗ୍ ରାଜା ମୁନା କିଦେଙ୍ଗ୍ ଆଡ୍‌ୱାତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:23

ମାତର୍ ହେୱାନ୍ ବେସି ହାଉକାର୍ ମାଚାନ୍। ହେଦାଙ୍ଗ୍ କାଜିଙ୍ଗ୍ ଯୀଶୁ ବେଣ୍ ୱେନ୍‌ଞ୍ଜି ହେ ମୁଡ଼୍‌ଦାକାନ୍ ଆଦିକ୍ ଦୁଃକ୍ ଆତାନ୍।

ଜହନ୍‌ 16:20

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, “ଏପେଙ୍ଗ୍ ଆଡ଼୍‌ବାନାଦେର୍, ଆରେ ଦୁକ୍‌ଆନାଦେର୍, ମାତର୍ ପୁର୍ତିନି ମାନାୟାର୍ ୱାରି ଆନାର୍। ଏପେଙ୍ଗ୍ ଦୁକ୍‌ଆନାଦେର୍, ମାତର୍ ମି ଦୁକ୍ ସୁକ୍‌ତାକେ ବାଦ୍‌ଲା ଆନାତ୍‌।

ଏପିସିୟ 5:5

ଇନେସ୍‌କି ଏପେଙ୍ଗ୍ ହାର୍‌ଦାଙ୍ଗ୍ ପୁଚାଦେର୍‌ନା ଯେ, ଦାରି କାମାୟ୍ କିନି ମାନାୟ୍, କି କରାପ୍ ବ୍ଯବହାର୍ କିନି ମାନାୟ୍, କି ଦନ୍ ଲବ୍ରାର୍ କାଜିଙ୍ଗ୍, ଖ୍ରୀଷ୍ଟ ଆରେ ଈଶ୍ୱର ରାଜିତାକେ ଆଦିକାର୍ ଆକାୟ୍। ଦନ୍ ଲବ୍ରାର୍ ମୁର୍ତିତିଙ୍ଗ୍ ପୁଜା କିନାକାର୍ ଲେକେ।

କଲସିୟ 3:5

ଲାଗିଙ୍ଗ୍ ପୁର୍ତିନି ପାପ୍‌ନି ୱିଜୁ ଗୁଣ୍‌ତିଙ୍ଗ୍ ପିହାଟ୍, ଇଦାଙ୍ଗ୍‌ନି ଅର୍ତ ଇୱିଜୁ ଗୁଣ୍, ଦାରି କାମାୟ୍, କରାପ୍ କାମାୟ୍, ଅପ୍‌ମାନ୍‌ନି କାମାୟ୍, ମାନ୍ ବିତ୍ରେ ଦାରି ଚିନ୍ତା କିନାକା, କରାପ୍ ଚିନ୍ତା, ଲବ୍ରା ଆନାକା। ରଞ୍ଜାଙ୍ଗ୍ ମୁର୍ତିତିଙ୍ଗ୍ ପୁଜା କିତିଲେକେ।