ମାତିଉ 19:16 - New Testament in Pengo Parja Language

¹⁶ ଆରେ ହୁଡ଼ାଟ୍, ରକାନ୍ ଯୀଶୁ ଲାଗେ ୱାଜି ୱେନ୍‌ବାତାନ୍, “ଏ ଗୁରୁ, ୱିଜ୍‌ୱି ଜିବୁନ୍ ପାଇକିଦେଙ୍ଗ୍ ଆନେଙ୍ଗ୍ ଇନାକା କିଦେଙ୍ଗ୍ ଆନାତ୍?”

ସତ୍‌ ବଚନ୍‌ ପୁନି ନିୟମ୍‌

¹⁶ ଦିନେକ୍‌ ରକାନ୍‌ ମାଜାନ୍‌ ଦାଙ୍ଗ୍‌ଣେନ୍‌ ଜିସୁ ଲାଗେ ୱାଜ଼ି ୱେନ୍‌ବାତାନ୍‌, “ଗୁରୁ ! ୱିଜ଼୍‌ୱି ଜିବୁନ୍‌ ପାୟାଦେଂ କାଜିଂ ଆନ୍‌ ଇମ୍‌ଣି ହାର୍‌ଦି କାମାୟ୍‌ କିନାଙ୍ଗ୍‌ ?”

ମାତିଉ 19:16 ပူးပေါင်းရင်းမြစ်များ

ମାତିଉ 19:15

ଆରେ ଯୀଶୁ ହେ ଗାଡ଼୍‌ଚେକ୍ ହିମ୍‌ଣା ଜପି କେଇ ଇଡ଼୍‌ଜି ଆଶ୍ରିବାଦ୍ କିତାନ୍ ଆରେ ହେ ବାହାତାଙ୍ଗ୍ ହାଚାନ୍।

ମାତିଉ 19:26

ଯୀଶୁ ଚେଲାହିରିଙ୍ଗ୍ ର ହାଣ୍‌କୁ ହୁଡ଼୍‌ଜି ୱେଚ୍‌ଚାନ୍, “ଇ କାମାୟ୍ ମାନାୟାର୍ କିଦେଙ୍ଗ୍ ଆଡୁର୍। ମାତର୍ ଈଶ୍ୱର କିଦେଙ୍ଗ୍ ଆଡ୍‌ନାନ୍, ଈଶ୍ୱର ୱିଜୁ ବିଷୟ କିଦେଙ୍ଗ୍ ଆଡ୍‌ନାନ୍।”

ମାତିଉ 19:29

ଆରେ ଇନେର୍ ପା ନା ତର୍‍ଦାଙ୍ଗ୍ ତା ଇଲ୍‌ଗାଣ୍, ଟଣ୍ଡେନ୍, ତଣ୍‌ଦେହିଙ୍ଗ୍, ଆୟାଆବାରିଙ୍ଗ୍, ହିମ୍‌ଣାୱାକ୍‌ଡ଼ା, ଆରେ ଜମିବାଡ଼ିତିଙ୍ଗ୍ ପିସ୍ତି ନା ପାଚେ ୱାଜି ନା ହାର୍ଦିକାବୁର୍ ୱେଚ୍‌ଚି ବୁଲାଆନାନ୍। ହେୱାନ୍ ୱିଜୁ ଗୁଣ୍ ପାୟଆନାନ୍। ଆରେ ୱିଜ୍‌ୱି ଜିବୁନ୍ ପାୟା ଆନାନ୍।

ମାତିଉ 25:46

ତାପାଚେ ଇ ମାନାୟାର୍ ହସି ହାନାର୍। ଅଦରମ୍‌ ମାନାୟାରିଙ୍ଗ୍ ୱିଜ୍‌ୱି ଦଣ୍ଡ୍ ପାୟା ଆଦେଙ୍ଗ୍ ଆନାତ୍। ମାତର୍ ହାର୍ଦି ମାନାୟାର୍ ୱିଜ୍‌ୱି ଜିବୁନ୍ ପାୟାଆନାର୍‌।”

ଜହନ୍‌ 10:28

ଆନେଙ୍ଗ୍ ନା ମେଣ୍ଢାକାଙ୍ଗ୍ ୱିଜ୍‌ୱି ଜିବୁନ୍ ହିନାଙ୍ଗ୍। ହେୱେକ୍ ଇନାୱେଡ଼ାଙ୍ଗ୍ ପା ହାଃଉକ୍‌, ହେୱାରିଙ୍ଗ୍ କେଇଦାଙ୍ଗ୍ ଇନେର୍ ପା ନାବେତାଙ୍ଗ୍ କିସ୍ତି ଅଦେଙ୍ଗ୍ ଆଡୁର୍।

ଜହନ୍‌ 12:25

ଜାର୍ ଜିବୁନ୍‌ତିଙ୍ଗ୍ ଇନେର୍ ରକ୍ଷା କିଦେଙ୍ଗ୍ ମାନ୍ କିନାନ୍, ହେୱାନ୍ ହେଦାଙ୍ଗ୍ ହାରାଇ କିନାନ୍। ମାତର୍ ଇନେର୍ ତା ଜିବୁନ୍‌ତିଙ୍ଗ୍ ଆରାଇ କିନାନ୍, ହେୱାନ୍ ୱିଜ୍‌ୱି ଜିବୁନ୍ ପାୟାଆନି କାଜିଙ୍ଗ୍ କିନାନା।

ଜହନ୍‌ 3:15

ଇଦାଙ୍ଗ୍ କାଜିଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତାକେ, ପାର୍ତିକିନି ୱିଜାକାର୍ ୱିଜ୍‌ୱି ଜିବୁନ୍ ପାୟାଆନାର୍‌।

ଜହନ୍‌ 4:14

ମାତର୍ ଆନେଙ୍ଗ୍ ଇମ୍‌ଣି ଏଜୁଙ୍ଗ୍ ଉଣ୍ଡେଙ୍ଗ୍ ହିଦ୍‌ନାଙ୍ଗ୍, ହେଦାଙ୍ଗ୍ ଇମ୍‌ଣାକାନ୍ ଉଣାନ୍, ହେୱାନ୍ ଇନାୱେଡ଼ାଙ୍ଗ୍ ପା ଏସ୍‌କି ଆଉନ୍। ଆନେଙ୍ଗ୍ ହିଦ୍‌ନି ଏଜୁଙ୍ଗ୍ ୱିଜ୍‌ୱି ଜିବୁନ୍ ପାତେକ୍ ଜାରିଆ ଲେକେ ୱିଜୁଦିନ୍ ହତ୍‌ନାତ୍।”

ଜହନ୍‌ 5:39

ଏପେଙ୍ଗ୍ ଦରମ୍ ସାସ୍ତର୍‌ତିଙ୍ଗ୍ ପିଡ଼ି କିନାଦେରା, ଆରେ ହେବେ ନେ ୱିଜ୍‌ୱି ଜିବୁନ୍ ପାୟାଆନାପ୍ ଇଞ୍ଜି ମାନ୍ତ ବାବିକିନାଦେରା। ମାତର୍ ହେ ଦରମ୍ ସାସ୍ତର୍ ନା ବିଷୟରେ ସାକି ହିଦ୍‌ନାତା।

ଜହନ୍‌ 6:47

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ‘ଇମ୍‌ଣାକାନ୍ ପାର୍ତିକିନାନ୍ ହେୱାନ୍ ୱିଜ୍‌ୱି ଜିବୁନ୍ ପାୟା ଆନାନ୍।

ଜହନ୍‌ 6:68

ଶିମୋନ ପିତର ହେୱାନିଙ୍ଗ୍ ୱେଚ୍‌ଚାନ୍, “ମାପୃ, ଆପେଙ୍ଗ୍ ଇନେର୍‌ତାକେ ହାନାପ୍? ନିବେ ତ ୱିଜ୍‌ୱି ଜିବୁନ୍ ମାନାତ୍।

ପକ୍ୟାତାକା 16:30

ତାପାଚେ ହେୱାରିଙ୍ଗ୍ ବାର୍ତ ତାହିୱାଜି ୱେଚ୍‌ଚାନ୍, “ଆଜ୍ଞା କାଦେର୍, ରକ୍ଷା ପାୟା ଆଦେଙ୍ଗ୍ ନାଙ୍ଗେଙ୍ଗ୍ ଇନାକା କିନାକା ଆନାତ୍?”

ରୋମିୟ 2:7

ମାତର୍ ଇମ୍‌ଣାକାର୍ ସାସ୍ ଆଜି ହାର୍ କାମାୟ୍ କିନାର୍, ଗୌରବ, ସନ୍‌ମାନ୍ ଆରେ ୱିଜ୍‌ୱି ଜିବୁନ୍ ପାୟାଆନି କାଜିଙ୍ଗ୍ ୱିଜୁଦିନ୍ ଦାହ୍‌ନାର୍, ଈଶ୍ୱର ହେୱାରିଙ୍ଗ୍ ୱିଜ୍‌ୱି ଜିବୁନ୍ ହିନାତ୍।

ରୋମିୟ 5:21

ଲାଗିଙ୍ଗ୍ ପାପ୍ ଇନେସ୍‌ଲେକେ ମାନାୟାରିଙ୍ଗ୍ ସାସନ୍ କିଜି ମାଚାତ୍ ଆରେ ହେୱାର୍ ହାଃତାର୍, ହେଲେକେ ଈଶ୍ୱର ଦୟା ସାସନ୍ କିନାତ୍ ଆରେ ଈଶ୍ୱର ଆଗେ ୱିଜାକାର୍‌ ଦରମ୍ ମାନାୟ୍ ଆତାର୍। ଆରେ ଯୀଶୁ ଖ୍ରୀଷ୍ଟ କାଜିଙ୍ଗ୍ ୱିଜାକାର୍ ୱିଜ୍‌ୱି ଜିବୁନ୍ ପାୟାଆନାର୍‌।

୧ ତିମତି 1:16

ଜେକନିକାର୍ ଇନେସ୍ ଯୀଶୁ ଖ୍ରୀଷ୍ଟତାକେ ପାର୍ତି କିଜି ୱିଜ୍‌ୱି ଜିବୁନ୍ ପାୟାଆନାର୍‌, ହେଦାଙ୍ଗ୍ ହେୱାର୍ ଲାଗାୟ୍ ଚଚ୍‌ନି କାଜିଙ୍ଗ୍ ଈଶ୍ୱର କାସି ମାନ୍‌ଞ୍ଜି ସାସ୍ ଆସ୍ତି ଦୟା କିତ୍‌ତାନ୍‌ନା।

୧ ତିମତି 6:12

ଯୁଜ୍ କିଦେଙ୍ଗ୍ ହାଚି ସେନା ଇନେସ୍ ଯୁଜ୍‌ତିଙ୍ଗ୍ ପିହୁନ୍, ହେଲେକେ ଏନେଙ୍ଗ୍ ପା ଈଶ୍ୱରତିଙ୍ଗ୍ ପାର୍ତି କିନାକା ପିହ୍‌ମା ଆରେ ହେୱାନିଙ୍ଗ୍ ମାନିକିଜି ମାନା। ଆରେ ୱିଜ୍‌ୱି ଜିବୁନ୍‌ତିଙ୍ଗ୍ ଆରାଇ କିମା, ଇଦାଙ୍ଗ୍ କାଜିଙ୍ଗ୍ ଈଶ୍ୱର ନିଙ୍ଗେଙ୍ଗ୍ ବାଚି କିତ୍‌ତାନ୍‌ନା, ଆରେ ବେସିହେନି ମାନାୟାର୍ ମୁମ୍‌ଦ ଯୀଶୁତାକେ ପାର୍ତି କିନାଙ୍ଗା ଇଞ୍ଜି ସାହାସ୍‌ତାଙ୍ଗ୍ ୱେଚ୍‌ଚାଇନା।

୧ ତିମତି 6:19

ଇଲେକେ କିତିସ୍ ହେୱାର୍ ବାକି ଜିବୁନ୍ କାଜିଙ୍ଗ୍ ହାତ୍‌ପା ମୁଡ଼୍‌ଦନ୍ ଜାର୍-ଜାର୍ କାଜିଙ୍ଗ୍ ରୁଣ୍ଡାଇ କିନାର୍, ହେଲେକେ ସତ୍ ଜିବୁନ୍ ପାୟାଆନାର୍‌।

ତୀତସ 1:2

ଇ ଲେକେ ଆତିସ୍ ହେୱାର୍ ଈଶ୍ୱର ହୁଦାଙ୍ଗ୍ ୱିଜ୍‌ୱି ଜିବୁନ୍ ମାଞ୍ଜେଙ୍ଗ୍ ଆହା କିତାର୍‌ନା। ଇନେସ୍‌କି ଈଶ୍ୱର ଇନାୱେଡ଼ାଙ୍ଗ୍ ପା ମିଚ୍ ୱେଚୁନ୍, ହେୱାନ୍ ପୁର୍ତିତିଙ୍ଗ୍ ରହ୍‌ନି ଆଗେ ଇଦାଙ୍ଗ୍ ପାର୍ମାଣ୍ କିତାନ୍‌ନା ଯେ ତା ମାନାୟାର୍ ୱିଜ୍‌ୱି ଜିବୁନ୍ ପାତେକ୍ ମାନ୍‌ଗାନାର୍।

ତୀତସ 3:7

ଈଶ୍ୱର ଇଦାଙ୍ଗ୍ ୱେଚ୍‌ଚାତାନ୍‌ନା, ଇନେସ୍ ଆସେଙ୍ଗ୍ ତା ଦୟାତାଙ୍ଗ୍ ଦରମ୍ ମାନାୟ୍ ଇଞ୍ଜି ଗାଣାକିୟା ଆନାପ୍‌, ଆରେ ପୁରା ଆହାତାଙ୍ଗ୍ ୱିଜ୍‌ୱି ଜିବୁନ୍‌ନି ଆଦିକାର୍ ଆଦେଙ୍ଗ୍ ଆଡ୍‌ନାପ୍।

୧ ଯୋହନ 1:2

ହେୱାନ୍ ଜିବୁନ୍ ହିଦ୍‌ନି ମାନାୟ୍ ପୁର୍ତିତାକେ ୱାତାନ୍। ଆପେଙ୍ଗ୍ ହେୱାନିଙ୍ଗ୍ ହୁଡ଼୍‌ତାପ୍‌ନା, ଆରେ ତା ବିଷୟରେ ଆପେଙ୍ଗ୍ ସାକି ହିଦ୍‌ନାପା। ଆପେଙ୍ଗ୍ ତା ବିଷୟରେ ୱେଚ୍‌ଚାନାପା ଯେ, ହେୱାନ୍‌ନେ ୱିଜ୍‌ୱି ଜିବୁନ୍। ହେୱାନ୍ ଆବା ଈଶ୍ୱର ହୁଦାଙ୍ଗ୍ ଆଗେତାଙ୍ଗ୍ ମାଚାନ୍, ଆରେ ହେୱାନ୍ ପୁର୍ତିତାକେ ୱାତାନ୍।

୧ ଯୋହନ 2:25

ଆରେ ଈଶ୍ୱର ମାଙ୍ଗେଙ୍ଗ୍ ହିତ୍‌ତି ପାର୍ମାଣ୍ ନେ ୱିଜ୍‌ୱି ଜିବୁନ୍।

୧ ଯୋହନ 5:20

ଆସେଙ୍ଗ୍ ପୁଚାସ୍‌ନା ଯେ, ଈଶ୍ୱର ତା ମେହିଙ୍ଗ୍ ପୁର୍ତିତାକେ ପକ୍ତାତାନ୍‌ନା। ଆରେ ହେୱାନ୍ ମାଙ୍ଗେଙ୍ଗ୍ ସତ୍ ଈଶ୍ୱରତିଙ୍ଗ୍ ପୁଞ୍ଜେଙ୍ଗ୍ ସାଇଜ କିତ୍‌ତାନ୍‌ନା। ନଙ୍ଗୟ୍ ଆପେଙ୍ଗ୍ ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟତାକେ ମାହାଆଜି ମାନାପ୍। ହେୱାନ୍‌ନେ ରକାନ୍ ସତ୍ ଈଶ୍ୱର, ଆରେ ହେୱାନ୍‌ନେ ୱିଜ୍‌ୱି ଜିବୁନ୍।

ଜିହୁଦା 1:21

ମା ମାପୃ ଯୀଶୁ ଖ୍ରୀଷ୍ଟ ତା ଦୟାତାଙ୍ଗ୍ ୱିଜ୍‌ୱି ଜିବୁନ୍ ହିଦ୍‌ନାନ୍ ଇଞ୍ଜି ଏପେଙ୍ଗ୍ କାତାଦେର୍‌ନା, ହେଦାଙ୍ଗ୍ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ଲାଡ୍ କିତ୍‌ତାନ୍‌ନା ଇଞ୍ଜି ପୁନ୍‌ଞ୍ଜି, ଏପେଙ୍ଗ୍ ହାର୍‌ଦାଙ୍ଗ୍ ଜିବୁନ୍ କାଟିକିୟାଟ୍।