ମାତିଉ 18:31 - New Testament in Pengo Parja Language

³¹ ଏଚେପାଦ୍ନା ଜେକ କାମାୟ୍ କିନାକାର୍ ଇ ଗଟ୍‌ନାତିଙ୍ଗ୍ ହୁଡ଼୍‌ଜି ବେସିଦୁକ୍ ଆତାର୍। ଆରେ ରାଜା ଲାଗାୟ୍ ହାଲ୍‌ଜି ଇନାକା ଗଟାଆତାତ୍‌ନା ହେଦାଙ୍ଗ୍ ୱେଚ୍‌ଚାର୍।

ସତ୍‌ ବଚନ୍‌ ପୁନି ନିୟମ୍‌

³¹ ଲାଗିଂ ତା ହାଙ୍ଗ୍‌ଦାକାର୍‌ ଇ ଗଟ୍‌ନା ହୁଡ଼୍‌ଜି ବେସି ଦୁକ୍‌ ଆତାର୍‌ ଆରି ହାଲ୍‌ଜି ହେୱାର୍‌ ମାପ୍ରୁ ଲାଗାଂ ୱିଜ଼ୁ ଗଟ୍‍ଣାଗିଟା ଆଜ଼ି ମାଚାତ୍‌ ୱେଚ୍‍ଚାର୍ ।”

ମାତିଉ 18:31 ပူးပေါင်းရင်းမြစ်များ

ମାତିଉ 14:9

ଇବେଣ୍ ୱେନ୍‌ଞ୍ଜି ରାଜା ବେସି ଦୁଃକ୍ ଆତାନ୍, ମାତର୍ ତା ଗତାଙ୍ଗ୍ ମୁମ୍‌ଦ ପାର୍ମାଣ୍ କିଜି ମାଚାନ୍ ହେଦାଙ୍ଗ୍ କାଜିଙ୍ଗ୍ ରାଜା ମୁନା କିଦେଙ୍ଗ୍ ଆଡ୍‌ୱାତାନ୍।

ମାତିଉ 18:28

ମାତର୍ ହେ ହଲିଆହି ହାନିହିଙ୍ଗ୍ ତା ହାଙ୍ଗ୍‌ଦାକାନ୍ ତାବେତାଙ୍ଗ୍ ରଦିନ୍‌ତି ହାଜ୍ରି ଡାବୁଙ୍ଗ୍ ଋଣ୍ ଅତାକାନ୍ ହେୱାନ୍ ହାଜ୍‌ଦ ଗିଟାଆତାନ୍। ହେୱାନ୍ ହେୱାନିଙ୍ଗ୍ ଆସ୍ତି ତା ହାକ୍‌ତ ମିନ୍‌ଞ୍ଜି ୱେଚ୍‌ଚାନ୍, ନାବେତାଙ୍ଗ୍ ଋଣ୍ ଅତି ଡାବୁଙ୍ଗ୍ ହିଦା।

ମାତିଉ 18:30

ମାତର୍ ହଲିଆହି ରାଜି ଆୱିତିଲେ, ହେଦାଙ୍ଗ୍ କାଜିଙ୍ଗ୍ ଋଣ୍‌ହୁଜା ଆୱି ପାତେକ୍ ହେ ହଲିଆହିଙ୍ଗ୍ ଜଇଲ୍ ଇଞ୍ଜ ଇଡ଼୍‌ତାନ୍।

ମାତିଉ 18:32

ଲାଗିଙ୍ଗ୍ ରାଜା ହେ ଋଣ୍ ପିସ୍ତି ହଲିଆହିଙ୍ଗ୍ କୁକ୍‌ଚି ୱେଚ୍‌ଚାନ୍, ଏନେଙ୍ଗ୍ ର ବାନ୍ୟା ହଲିଆ! ଆନେଙ୍ଗ୍ ନି ବେସି ଗାଜା ଋଣ୍‌ତିଙ୍ଗ୍ ପିସ୍ତାତାଙ୍ଗ୍, ମାତର୍ ଏନେଙ୍ଗ୍ ହେ ମାନାୟ୍ ଋଣ୍ ପିହ୍‌ୱାତାଇ।

ମାର୍କ 3:5

ହେବେତାଙ୍ଗ୍ ଯୀଶୁ ହେୱାର୍ ଗରବ୍‌ନି ଆଟ୍‌ୱା ବୁଦି ହୁଡ଼୍‌ଜି ଯୀଶୁ ବେସି ଦୁଃକ୍ ଆତାନ୍, ଆରେ ହେୱାନ୍ ଚାରିବେଣ୍‌ତାଙ୍ଗ୍ ହୁଡ଼୍‌ତାନ୍ ଆରେ ହେ କେଇଦ ହିର୍କଲ୍ ଆହିଆତି ମାନାୟ୍‌ତିଙ୍ଗ୍ ୱେଚ୍‌ଚାନ୍, “ହେ ହିର୍କଲ୍ ଆସ୍ତିକେଇ ଲାମାୟ୍ କିଦା।” ହେୱାନ୍ ତା ହିର୍କଲ୍ ଆସ୍ତିକେଇ ଲାମାୟ୍ କିତାନ୍, ଆରେ ହେ ହିର୍କଲ୍ ଆସ୍ତିକେଇ ହାର୍ ଆତାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 14:21

ଲାଗିଙ୍ଗ୍ ହଲିଆହି ଲେଉଟା ଆଜି ୱାତାନ୍। ଇନାକା ୱିଜୁ ଗଟାଆତାତ୍ ହେ ବିଷୟରେ ତା ମାଲିକ୍‌ତିଙ୍ଗ୍ ୱେଚ୍‌ଚାନ୍। ଇୱିଜୁ ମାଲିକ୍ ୱେନ୍‌ଞ୍ଜି ବେସି ରିସା ରିସାଆଜି, ଜାର୍ ହଲିଆହିରିଙ୍ଗ୍ ୱେଚ୍‌ଚାନ୍, ‘ବେଗି ହାଲ୍‌ଜି ସହର୍ ହାଜିତାଙ୍ଗ୍ ଗରିବ୍‌ରିଙ୍ଗ୍, କୁବ୍‌ଡ଼ାରିଙ୍ଗ୍, କାଣାରିଙ୍ଗ୍ ଆରେ ଚଟାରିଙ୍ଗ୍ ଇବେ କୁକ୍‌ଚି ତାସିୱାଡ।’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:41

ଯୀଶୁ ଯିରୁଶାଲାମ ସହର୍ ଲାଗାୟ୍ ଏକାତାନ୍। ହେପାଦ୍ନା ଯୀଶୁ ଯିରୁଶାଲାମ ସହର୍‌ନି ମାନାୟାର୍ କାଜିଙ୍ଗ୍ ଆଡ଼୍‌ବାତାନ୍।

ରୋମିୟ 12:15

ଏଚେପାଦ୍ନା ମାନାୟାର୍ ୱାରି କିନାର୍, ଲାଗିଙ୍ଗ୍ ଏପେଙ୍ଗ୍ ପା ହେୱାର୍ ହୁଦାଙ୍ଗ୍ ମାହାଆଜି ୱାରି କିୟାଟ୍। ଆରେ ଯଦି ହେୱାର୍ ଦୁଃକ୍ ଆନାରା, ଲାଗିଙ୍ଗ୍ ଏପେଙ୍ଗ୍ ପା ହେୱାର୍ ହୁଦାଙ୍ଗ୍ ଦୁଃକ୍ ଆଡ।

୨ କରନ୍ତିୟ 11:21

ଆନେଙ୍ଗ୍ ଇଦାଙ୍ଗ୍ ୱେଚ୍‌ଚେଙ୍ଗ୍ ଲାଜା ଆନାଙ୍ଗା ଯେ, ଆପେଙ୍ଗ୍ ହେଲେକେ କାମାୟ୍ କିଦେଙ୍ଗ୍ ବେସି ଦୁର୍‌ବଲ୍ ଆତାପ୍‌ନା। ମାତର୍ ହେୱାର୍ ଇମ୍‌ଣି ବିଷୟରେ ବାଟ୍‌ପାଣ୍ ଆଦେଙ୍ଗ୍ ସାସ୍ ଚଚ୍‌ନାରା, ଆନେଙ୍ଗ୍ ପା ହେୱାର୍ ଲେକେ ନା କାମାୟ୍ କାଜିଙ୍ଗ୍ ବାଟ୍‌ପାଣ୍ ଆତାଙ୍ଗ୍‌ମା, ଆରେ ହେଦାଙ୍ଗ୍ ର ବକୁୱା ମାନାୟ୍ ୱେଚ୍‌ନିଲେକେ ଆନେଙ୍ଗ୍ ୱେଚ୍‌ନାଙ୍ଗା।

ଏବ୍ରି 13:17

ମି ଆତ୍ମିକ୍ ନେତାରିଙ୍ଗ୍ ମାନି କିୟାଟ୍ ଆରେ ହେୱାର୍ ଇନାକା ୱେଚ୍‌ଚାନାର୍ ହେଦାଙ୍ଗ୍ କିୟାଟ୍। ହେୱାର୍ କାମାୟ୍ ଆନାତା ମିଙ୍ଗେଙ୍ଗ୍ ଜାତୁନ୍ ଆନି କାଜିଙ୍ଗ୍ ଆରେ ହେୱାର୍ ଈଶ୍ୱର ଲାଗାୟ୍ ଇଲେକେ ହିଦେଙ୍ଗ୍ ଆନାତ୍ ଇଞ୍ଜି ହେୱାର୍ ପୁନାର୍। ହେୱାରିଙ୍ଗ୍ ଇଦାଙ୍ଗ୍ ୱାରିତାଙ୍ଗ୍ କିଦେଙ୍ଗ୍ ହିୟାଟ୍। ଇନେସ୍‌କି ହେୱାର୍ ଦୁକ୍‌ତାଙ୍ଗ୍ କିତାର୍, ମିଦାଙ୍ଗ୍ ଇନା ଲାବ୍ ଆଉତ୍।

ଏବ୍ରି 13:3

ଯୀଶୁତାକେ ପାର୍ତିକିତି କାଜିଙ୍ଗ୍ ଇମ୍‌ଣାକାର୍ ଜଇଲ୍ ଇଞ୍ଜ ମାନାର୍, ହେୱାରିଙ୍ଗ୍ ବାଣା ଆମାଟ୍। ହେୱାର୍ ହୁଦାଙ୍ଗ୍ ହେବେ ମାନ୍‌ଞ୍ଜି ଦୁକ୍‌କଷ୍ଟ ପାୟାଆନାଦେରା ଇଞ୍ଜି ମାନ୍ତ ବାବିକିଜି ଏପେଙ୍ଗ୍ ପା କଷ୍ଟ ପାୟାଆନାଙ୍ଗା ଇଞ୍ଜି ମାନ୍ତ ବାବି କିୟାଟ୍। ଇମ୍‌ଣାକାର୍ ଅପ୍‌ମାନ୍ ପାୟାଆନାର୍‌, ହେୱାର୍ କଷ୍ଟ ପାୟାଆନାକା ମି ଗାଗାଡ଼୍‌ତ ପା ବାବି କିୟାଟ୍।