ମାତିଉ 18:20 - New Testament in Pengo Parja Language

²⁰ ଇନେସ୍‌କି ନାଙ୍ଗେଙ୍ଗ୍ ପାର୍ତି କିନାପା ଇଞ୍ଜି ର ବାହାତାକେ ରିକାର୍ କି ତିନ୍‌ଜାଣ୍ ରୁଣ୍ଡା ଆନାର୍, ହେ ବାହାତାକେ ହେୱାର୍ କାଜିଙ୍ଗ୍ ଆନେଙ୍ଗ୍ ମାନ୍‌ଗାନାଙ୍ଗ୍।”

ସତ୍‌ ବଚନ୍‌ ପୁନି ନିୟମ୍‌

²⁰ “ଇନାକିଦେଂକି ଇମ୍‌ଣି ବାହାତ ରିୟାର୍‌ କି ତିନ୍‌ ଜାଣ୍‌ ନା ତର୍‌ଦାଂ ରୁଣ୍ଡା ଆନାର୍‌, ହେ ବାହାତ ଆନ୍‌ ହେୱାର୍‌ ବିତ୍ରେ ମାନ୍‌ଗାନାଂ ।”

ମାତିଉ 18:20 ပူးပေါင်းရင်းမြစ်များ

ମାତିଉ 18:21

ହେପାଦ୍ନା ପିତର ଯୀଶୁ ଲାଗାୟ୍ ୱାଜି ୱେନ୍‌ବାତାନ୍, “ଏ ମାପୃ, ଏଚେହଟ୍‌ ନା ଟଣ୍ଡେନ୍ କି ତଣ୍‌ଦେଲିଙ୍ଗ୍ ନା ବିରୁଦ୍‌ତାକେ ପାପ୍ କିତାର୍ ଇଞ୍ଜି କେମା କିନାଙ୍ଗ୍? ଇନାକା ସାତ୍‌ହଟ୍ ପାତେକ୍ କେମା ହିନାଙ୍ଗ୍?”

ମାତିଉ 28:20

ଆନେଙ୍ଗ୍ ମିଙ୍ଗେଙ୍ଗ୍ ଇମ୍‌ଣି-ଇମ୍‌ଣି ବିଷୟ ୱିଜୁ ୱେଚ୍‌ଚାତାଙ୍ଗ୍‌ନା, ହେ ୱିଜୁବେଣ୍ ମାନି କିଦେଙ୍ଗ୍ ମାନାୟାରିଙ୍ଗ୍ ହିକ୍ଷା ହିୟାଟ୍। ଆନେଙ୍ଗ୍ ମିହୁଦାଙ୍ଗ୍ ୱିଜୁଦିନ୍ ମାନାଙ୍ଗ୍ ଇଞ୍ଜି ପୁରା ପାର୍ତିକିୟାଟ୍। ଜୁଗ୍ ସେସ୍‌ଆନି ପାତେକ୍ ପା ଆନେଙ୍ଗ୍ ମି ହାଙ୍ଗ୍-ହାଙ୍ଗ୍ ମାନ୍‌ଗାନାଙ୍ଗ୍।”

ଜହନ୍‌ 20:19

ହେ ଦିନ୍ ରଇବାର୍ ମାଚାତ୍। ମିକାହାରେସ୍ ଚେଲାହିର୍ ରବେ ଆତାର୍। ଯିହୁଦି ନେତାର୍ ପାଣ୍ଡ୍ରୁତିଙ୍ଗ୍ ଚେଲାହିର୍ ଇଲ୍‌ନି ୱିଜୁ କାପାଟିଙ୍ଗ୍ ଗେସ୍ତାର୍। ତାପାଚେ ଯୀଶୁ ୱାଜି ହେୱାର୍‌ତାକେ ନିଲ୍‌ତାନ୍ ଆରେ ହେୱାରିଙ୍ଗ୍ ୱେଚ୍‌ଚାନ୍, “ମିଙ୍ଗେଙ୍ଗ୍ ଶାନ୍ତି ଆୟେତ୍।”

ଜହନ୍‌ 20:26

ଆଡ଼୍‌ଦିନ୍ ପାଚେ ତା ଚେଲାହିର୍ ଆରେରଗ ଇଲ୍ ବିତ୍ରେ ମାଚାର୍। ଥୋମା ହେୱାର୍ ହୁଦାଙ୍ଗ୍ ମାଚାନ୍। କାପାଟ୍‌ତାକେ କୁଚି ଆହିଆଜି ମାଚାତ୍। ମାତର୍ ଯୀଶୁ ୱାଜି ହେୱାର୍‌ତାକେ ନିଲ୍‌ତାନ୍। ହେୱାନ୍ ୱେଚ୍‌ଚାନ୍, “ଈଶ୍ୱର ମିଙ୍ଗେଙ୍ଗ୍ ଶାନ୍ତି ହିଦେନ୍।”

ଜହନ୍‌ 8:58

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଅବ୍ରାହାମ୍‌ ଜନମ୍ ଆୱିତି ଆଗେ ଆନେଙ୍ଗ୍ ମାନାଙ୍ଗ୍।”

୧ କରନ୍ତିୟ 5:4

ନଙ୍ଗୟ୍ ଏପେଙ୍ଗ୍ ଇଲେକେ କିନି ଦର୍‌କାର୍। ଏଚେପାଦ୍ନା ଏପେଙ୍ଗ୍ ପାର୍ତି କିନାକାଦେର୍ ରବେ ରୁଣ୍ଡା ଆନାଦେର୍, ମା ମାପୃ ଯୀଶୁ ଖ୍ରୀଷ୍ଟ ହାତ୍‌ପା ମିଙ୍ଗେଙ୍ଗ୍ ଅଦିକାର୍ ହିତ୍‌ତାନ୍‌ନା ଇଞ୍ଜି ପୁନି ଦର୍‌କାର୍। ଆରେ ହେଦାଙ୍ଗ୍ ନା ମାନ୍ତ ହେ ବାହାତାକେ ମାଚିଲେକେ ଆନାତ୍‌। ଆରେ ମା ମାପୃ ଯୀଶୁ ଖ୍ରୀଷ୍ଟନି ଶାକ୍ତିତାଙ୍ଗ୍,

୧ ଥେସଲନୀକିୟ 1:1

ଇ ଚିଟି ପାଉଲ, ଶିଲା ଆରେ ତିମତି ଲେକିକିତାର୍‌ନା। ଥେସଲନିକିୟ ସହର୍‌ନି ମଣ୍ଡ୍‌ଲିତାକେ ଆପେଙ୍ଗ୍ ଇ ଚିଟି ଲେକିକିନାପା, ଇନେର୍‌କି ଆବା ଈଶ୍ୱର ଆରେ ମାପୃ ଯୀଶୁ ଖ୍ରୀଷ୍ଟନି ମାନାୟ୍। ଈଶ୍ୱର ମିଙ୍ଗେଙ୍ଗ୍ ଦୟା ଆରେ ଶାନ୍ତି ହିଦେନ୍।

ଫିଲୀମୋନ 1:2

ଆରେ ମା ପାର୍ତିକିନି ତଣ୍‌ଦେଲ୍ ଆପିୟା, ଆରେ ସେନାର୍ ଲେକେ ମାପୃତିଙ୍ଗ୍ ହେବାକିନି ଆର୍କିପ, ଆରେ ମିଞ୍ଜ ପାର୍ତାନା କିଦେଙ୍ଗ୍ କୁଚ୍‌ନି ପାର୍ତିକିନି ମଣ୍ଡ୍‌ଲିନି ମାନାୟାରିଙ୍ଗ୍ ପା ମା ଜୱାର୍।

ହତ୍‌ତି 2:1

ହେୱାନ୍ ପା ନାଙ୍ଗେଙ୍ଗ୍ ୱେଚ୍‌ଚାତାନ୍, “ଏପିସ ସହର୍‌ତ ମାନି ମଣ୍ଡ୍‌ଲିନି ଦୁତ୍‌ତିଙ୍ଗ୍ ଇ କାବୁର୍ ଲେକିକିୟାଟ୍: ହେ କାବୁର୍ ଇଲେକେ, ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌ ଇନେର୍ ନା ତିନି କେଇଦ ସାତ୍‌ଗଟା ହୁକାଙ୍ଗ୍ ଆସ୍ତାଙ୍ଗ୍‌ନା। ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌ ଇନେର୍ ସାତ୍‌ଗଟା ହନାତାଙ୍ଗ୍ ରସ୍ତି ବଇଟା ଇଟ୍‌ନି ମାଦି ବୁଲା ଆନାଙ୍ଗା। ଇଦାଙ୍ଗ୍ ନେ ଆନେଙ୍ଗ୍ ୱେଚ୍‌ଚାନାଙ୍ଗା।

ହତ୍‌ତି 21:3

ଆରେ ସରଗ୍‌ନି ସିଙ୍ଗାସନତାଙ୍ଗ୍ ରକାନ୍ ଗାଜାକାଟ୍ କିଜି ୱେଚ୍‌ନାକା ଆନେଙ୍ଗ୍ ୱେଚାଙ୍ଗ୍, “ହୁଡ଼ା, ଈଶ୍ୱର ମନ୍ଦିର୍‌ ତା ମାନାୟାର୍‌ତାକେ ୱାନାନା, ହେୱାନ୍ ହେୱାର୍ ହୁଦାଙ୍ଗ୍ ମାନାନ୍ ଆରେ ହେୱାର୍ ତା ଲକ୍ ଆନାର୍। ଈଶ୍ୱର ନିଜେ ହେୱାର୍ ହୁଦାଙ୍ଗ୍ ମାନାନ୍।