ମାତିଉ 16:27 - New Testament in Pengo Parja Language

²⁷ ଆରେ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଜାର୍ ଆବା ଗୌରବ ହୁଦାଙ୍ଗ୍ ଜାର୍ ଦୁତ୍‌କୁ ହୁଦାଙ୍ଗ୍ ୱାନାନ୍। ଆରେ ହେପାଦ୍ନା ଯୀଶୁ ୱିଜୁ ମାନାୟାରିଙ୍ଗ୍ ତା କିତି କାମାୟ୍‌ତାଙ୍ଗ୍ ପାଡ଼୍‌ ହିଦ୍‌ନାନ୍।

ସତ୍‌ ବଚନ୍‌ ପୁନି ନିୟମ୍‌

²⁷ ଆରି, ମାନାୟ୍‌ ମାଜ଼ି ଜାର୍‌ ଆବାତି ପାଣ୍‌ଦାଙ୍ଗ୍‌ ଜାର୍‌ ଦୁତ୍‌ର୍‌ ଲାହାଙ୍ଗ୍‌ ଆରେ ରଗ ଜୁଦ୍‌ନାନ୍‌ ଆରି ହେ ପାଦ୍‌ନା ହେୱେନ୍‌ ୱିଜ଼ାର୍‌ ମାନାୟାରିଂ ହେ କାମାୟ୍‌ ହୁଡ଼୍‌ଜି ପାଡ଼୍‌ ହିଦ୍‌ନାନ୍‌ ।

ମାତିଉ 16:27 ပူးပေါင်းရင်းမြစ်များ

ମାତିଉ 13:41

ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ନା ଦୁତ୍‌କୁକାଙ୍ଗ୍ ପକ୍ତାନାଙ୍ଗ୍। ଆରେ ହେୱାର୍ ଈଶ୍ୱର ସାସନ୍ କିନି ରାଜିତିଙ୍ଗ୍ ୱିଜୁ ଅଦରମ୍‌ କିନାକାରିଙ୍ଗ୍ ଆରେ ପାପ୍ ମାନାୟାରିଙ୍ଗ୍ ରବେ ରୁଣ୍ଡା କିନାର୍,

ମାତିଉ 13:49

ଯୁଗ୍‌ଶେସ୍ ଆନିହିଙ୍ଗ୍ ହେଲେକେ ଗଟାଆନାତ୍, ଦୁତ୍‌କୁ ୱାଜି ଦରମ୍ ମାନାୟ୍ ବିତ୍ରେତାଙ୍ଗ୍ ବାନ୍ୟାଲଗାଙ୍ଗ୍‌ ବିନେ କିନିକ୍,

ମାତିଉ 24:30

ତାପାଚେ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ୱାନି ଚିନ୍ ବାଦାଡ଼୍‌ତ ଚଞ୍ଜ୍‌ଞ୍ଜାନାତ୍। ଆରେ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ବାଦାଡ଼୍‌ତାକେ ଶାକ୍ତିତାଙ୍ଗ୍ ଆରେ ଗୌରବ ହୁଦାଙ୍ଗ୍ ୱାନାକା ହୁଡ଼୍‌ଜି ୱିଜୁଜାତିର୍ ମାନାୟାର୍ ଆଡ଼୍‌ବାନାର୍।

ମାତିଉ 25:31

ଏଚେପାଦ୍ନା ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଆରେରଗ ହେୱାନ୍ ଗୌରବ ହୁଦାଙ୍ଗ୍ ୱାନାନ୍। ହେୱାନ୍ ହୁଦାଙ୍ଗ୍ ସରଗ୍‌ନି ଦୁତ୍‌କୁ ୱାନିକ୍। ହେୱାନ୍ ରାଜା ଆନାନ୍ ଆରେ ତା ଗାଜା ସିଂହାସନ୍ ଜପି ୱିଜାକାରିଙ୍ଗ୍ ବିଚାର୍ କିଦେଙ୍ଗ୍ କୁଚ୍‌ନାନ୍।

ମାତିଉ 26:64

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆଁ, ଆନେଙ୍ଗ୍ ଈଶ୍ୱର ମେହି ଖ୍ରୀଷ୍ଟ। ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଯେ ଏପେଙ୍ଗ୍ ହାତ୍‌ପା ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ୱିଜୁତାଙ୍ଗ୍ ଶାକ୍ତିକାଟି ଈଶ୍ୱର ତିନିବାଗାଙ୍ଗ୍ କୁଚ୍‍ଚାକା ଆରେ ସରଗ୍‌ନି ବାଦାଡ଼୍‌ତାଙ୍ଗ୍ ୱାନାକା ହୁଡ଼୍‌ନାଦେର୍।”

ମାତିଉ 8:20

ହେବେତାଙ୍ଗ୍ ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “କଲିଆ ମାଞ୍ଜେଙ୍ଗ୍ ପାରା ମାନାତ୍। ବାଦାଡ଼୍‌ତ ବୁଲା ଆନି ପଟିକାଙ୍ଗ୍ ଗୁଡା ମାନାତ୍। ମାତର୍ ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତଙ୍ଗ୍‌ ଆନେଙ୍ଗ୍ (ଯୀଶୁ) ମାଞ୍ଜେଙ୍ଗ୍ ବାହା ହିଲେତ୍।”

ମାର୍କ 14:62

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ତ ହେୱାନ୍। ଆରେ ଏପେଙ୍ଗ୍ ନାଙ୍ଗେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ୱିଜୁତାଙ୍ଗ୍ ଶାକ୍ତିକାଟି ଈଶ୍ୱର ତିନିବାଗାଙ୍ଗ୍ କୁଚ୍‍ଚାକା ଆରେ ସରଗ୍‌ନି ବାଦାଡ଼୍‌ତାଙ୍ଗ୍ ୱାନାକା ହୁଡ଼୍‌ନାଦେର୍।”

ମାର୍କ 8:38

ଇ ଜୁଗ୍‍ନି ପାର୍ତିକିୱାକାର୍ ଆରେ ପାପ୍‍କିନି ମାନାୟାର୍ କଷ୍ଟ ହିଦ୍‌ନାର୍ ଇଞ୍ଜି ପାଣ୍ଡ୍ରାଆଜି ଯଦି ଇନେର୍ ନାଙ୍ଗେଙ୍ଗ୍ ମାପୃ ଇଞ୍ଜେଙ୍ଗ୍ ଲାଜ୍ ଆନାର୍, ଆରେ ନା ହିକ୍ଷାତିଙ୍ଗ୍ ମାନିକିଉର୍, ଲାଗିଙ୍ଗ୍ ଆନେଙ୍ଗ୍ ପା ନା ଚେଲା ଆକାୟ୍ ଇଞ୍ଜି ୱେଚ୍‌ନାଙ୍ଗ୍। ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ପବିତ୍ର ଦୁତ୍‌କୁ ହୁଦାଙ୍ଗ୍ ପୁର୍ତିତାକେ ଆରେରଗ ୱାନାଙ୍ଗ୍, ହେପାଦ୍ନା ମାଞ୍ଜିଆବାଙ୍ଗ୍ ଇନେସ୍ ଗୌରବ ମାନାତ୍ ହେଲେକେ ଆନେଙ୍ଗ୍ ଗୌରବତାଙ୍ଗ୍ ୱାନିହିଙ୍ଗ୍ ୱିଜାକାର୍ ହୁଡ଼୍‌ନାର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:27

ହେପାଦ୍ନା ମାନାୟାର୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତିଙ୍ଗ୍, ଶାକ୍ତିତାଙ୍ଗ୍ ଆରେ ଗୌରବ ହୁଦାଙ୍ଗ୍ ବାଦାଡ଼୍ ଜପିତାଙ୍ଗ୍ ୱାନାକା ହୁଡ଼୍‌ନାଦେର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:69

ମାତର୍ ନଙ୍ଗୟତାଙ୍ଗ୍ ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଈଶ୍ୱର ସିଂହାସନ୍‌ନି ତିନାବାଗାୟ୍ ଆଦିକାର୍‌ତାଙ୍ଗ୍ କୁଚ୍‌ନାଙ୍ଗ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:26

ଯଦି ଇନେର୍ ପା ନାଙ୍ଗେଙ୍ଗ୍ ମାପୃ ଇଞ୍ଜେଙ୍ଗ୍ ଲାଜ୍ ଆନାର୍, ଆରେ ନା ହିକ୍ଷାତିଙ୍ଗ୍ ମାନିକିଉର୍, ଆନେଙ୍ଗ୍ ପା ନା ଚେଲା ଆକାୟ୍ ଇଞ୍ଜି ୱେଚ୍‌ନାଙ୍ଗ୍। ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଏଚେକାଡ଼୍‌ଦ ସରଗ୍‌ତାଙ୍ଗ୍ ପବିତ୍ର ଦୁତ୍‌କୁ ହୁଦାଙ୍ଗ୍ ପୁର୍ତିତାକେ ଆରେରଗ ୱାନାଙ୍ଗ୍, ମାଞ୍ଜିଆବାଙ୍ଗ୍ ଇନେସ୍ ଗୌରବ ମାନାତ୍ ହେଲେକେ ଆନେଙ୍ଗ୍ ଗୌରବତାଙ୍ଗ୍ ୱାନିହିଙ୍ଗ୍ ୱିଜାକାର୍ ହୁଡ଼୍‌ନାର୍।”

ଜହନ୍‌ 21:22

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ଆରେରଗ ୱାନିଦିନ୍ ପାତେକ୍ ହେୱାନ୍ ଜିଜି ମାନେନ୍ ଇଞ୍ଜି ଯଦି ଆନେଙ୍ଗ୍ ଇଚା କିନାଙ୍ଗ୍, ଲାଗିଙ୍ଗ୍ ହେବେ ମିଦାଙ୍ଗ୍ ଇନାକା ମାନାତ୍? ଏପେଙ୍ଗ୍ ନା ପାଚେ ୱାଡ।”

ଜହନ୍‌ 21:23

ଲାଗିଙ୍ଗ୍ ଟଣ୍ଡାହିର୍ ବିତ୍ରେତାଙ୍ଗ୍ ଇ କାତା ୱେଚ୍‌ପାଆତାର୍। ହେୱାର୍ ୱେଚ୍‌ଚି ମାଚାର୍ ଯେ, ଯୀଶୁ ଇମ୍‌ଣି ଚେଲାହିଙ୍ଗ୍ ଲାଡ୍ କିନାନା, ହେ ଚେଲାହି ହାଃଉନ୍। ମାତର୍ ଯୀଶୁ ଇ କାତା ପିତରତିଙ୍ଗ୍ ୱେଚ୍‌ୱାଦାଙ୍ଗ୍ ମାଚାନ୍, ମାତର୍ ଜେକନି ଚେଲାହିର୍ ହାଃଉର୍, ଯଦି ଆନେଙ୍ଗ୍ ଇଚା କିନାଙ୍ଗ୍, ଲାଗିଙ୍ଗ୍ ହେବେ ମିଦାଙ୍ଗ୍ ଇନାକା ମାନାତ୍?

ପକ୍ୟାତାକା 1:11

ଦୁତ୍‌କୁ ହେୱାରିଙ୍ଗ୍ ୱେଚ୍‌ଚିକ୍, “ହେ ଗାଲିଲୀ ଜିଲ୍ଲାନି ମାନାୟ୍ କାଦେର୍, ଇନା କିଦେଙ୍ଗ୍ ନଙ୍ଗୟ୍ ପାତେକ୍ ଏପେଙ୍ଗ୍ ବାଦାଡ଼୍ ନିପଣ୍ ହୁଡ଼୍‌ଜି ନିଲ୍‌ତାଦେର୍‌ନା? ଇ ଯୀଶୁ ଇନେରିଙ୍ଗ୍ ଈଶ୍ୱର ସରଗ୍‌ଜପି ଅତାନ୍‌ନା, ଆରେ ଏପେଙ୍ଗ୍ ଇନେସ୍ କିଜି ହାନାକା ହୁଡ଼୍‌ତାଦେର୍‌ନା ହେଲେକେ ନେ ଆରେରଗ ପୁର୍ତିତାକେ ୱାନାକା ହୁଡ଼୍‌ନାଦେର୍।”

ରୋମିୟ 14:12

ଆଁ ଆପେଙ୍ଗ୍ ୱିଜାକାପ୍ ଈଶ୍ୱର ଆଗେ ଜାର୍-ଜାର୍ ଇସାବ୍ ହିୟାଆନାତ୍।

ରୋମିୟ 2:6

ହେୱାନ୍ ୱିଜୁ ମାନାୟାର୍ ଜାର୍-ଜାର୍ କାମାୟ୍ କିତି ଅନୁସାରେ ପୁରଷ୍କାର୍ ହିନାନ୍‌,

୧ କରନ୍ତିୟ 15:23

ମାତର୍ ୱିଜୁ ମାନାୟାର୍ ଟିକ୍ ସମୟରେ ଆରେରଗ ଜିବୁନ୍ ଆନାର୍। ଈଶ୍ୱର ମାଙ୍ଗେଙ୍ଗ୍ ପୁନି କିଦ୍‌ନି କାଜିଙ୍ଗ୍ ଖ୍ରୀଷ୍ଟଙ୍ଗ୍ ଆରେରଗ ପାର୍ତୁମ୍ ଜିବୁନ୍ କିତାନ୍। ଲାଗିଙ୍ଗ୍ ଏଚେପାଦ୍ନା ଖ୍ରୀଷ୍ଟ ଆରେରଗ ୱାନାନ୍ ତା ମାନାୟାରିଙ୍ଗ୍ ଆରେରଗ ଜିବୁନ୍ କିନାନ୍।

୧ କରନ୍ତିୟ 3:13

ଏଚେପାଦ୍ନା ମାପୃ ଯୀଶୁ ଖ୍ରୀଷ୍ଟ ଆରେରଗ ପୁର୍ତିତାକେ ୱାନାନ୍, ୱିଜୁ ମାନାୟାର୍ କାମାୟ୍‌ତିଙ୍ଗ୍ ଖ୍ରୀଷ୍ଟ ନାଣିତାକେ ପରିକ୍ଷା କିନାନ୍। ହେ ନାଣିତାକେ ହେୱାର୍ ଟିକ୍ ବାବ୍‌ରେ କାମାୟ୍ କିତାର୍‌ନା କି ଆକାୟ୍ ଇଞ୍ଜି ପୁନ୍ୟା କିନାତ୍।

୧ କରନ୍ତିୟ 8:8

ମାତର୍ ଆସେଙ୍ଗ୍ ଚିଚି କାଦି କାଜିଙ୍ଗ୍ ଈଶ୍ୱରତାକେ ଜାର୍ ଲକ୍ ଆୟାଆଉତ୍‌, କି ହେ କାଦି ତିନ୍‌ୱିତିସ୍‌ ଈଶ୍ୱରତିଙ୍ଗ୍ ଅଲପ୍ ୱାରି କିୟାଆଉତ୍, ଆରେ ହେ କାଦି ଚିଚି କାଜିଙ୍ଗ୍ ଈଶ୍ୱର ଆଗେ ହାର୍ଦି ଲକ୍ ଆୟାଆଉତ୍‌।

୨ କରନ୍ତିୟ 5:10

ଇନେସ୍‌କି ଆସେଙ୍ଗ୍ ବିଚାର୍ ଆନି କାଜିଙ୍ଗ୍ ଯୀଶୁ ଖ୍ରୀଷ୍ଟ ବିଚାର୍‌କିନି ବାହାତାକେ ନିଲ୍‌ୟା ଆନାତ୍, ଆସେଙ୍ଗ୍ ଇନାକା ମା ଗାଗାଡ଼୍‌ତାକେ କିଜି ମାନାସ୍ ହେୱାନ୍ ମାଙ୍ଗେଙ୍ଗ୍ ମା ହାର୍ ଆରେ କରାପ୍ କାମାୟ୍ କାଜିଙ୍ଗ୍ ପୁରଷ୍କାର୍ ହିଦ୍‌ନାନ୍।

ଏପିସିୟ 6:8

ଇନେସ୍‌କି ଏପେଙ୍ଗ୍ ପୁଚାଦେର୍‌ନା ଯେ ଦାସ୍ ଆୟେନ୍ କି ଦାସ୍ ଆୱାଦାଙ୍ଗ୍ କାମାୟ୍ କିନାକାନ୍, ଇନେର୍ ହାର୍ଦି କାମାୟ୍ କିନାନ୍, ହେୱାନ୍ ମାପୃତାଙ୍ଗ୍ ହେବେନି ପୁରଷ୍କାର୍ ଆୟାଆନାନ୍।

କଲସିୟ 3:25

ମାତର୍ ଏପେଙ୍ଗ୍ ଯଦି ବୁଲ୍ କାମାୟ୍ କିଜି ମାନ୍‌ଗାନାଦେର୍, ହେ ବୁଲ୍ କାମାୟ୍‌ନି ପାଡ଼୍‌ ପାୟାଆନାଦେର୍। ଇନେସ୍‌କି ଈଶ୍ୱର ମୁମ୍ ହୁଡ଼୍‌ଜି ବିଚାର୍ କିଉନ୍।

୧ ଥେସଲନୀକିୟ 1:10

ଆରେ ଈଶ୍ୱର ତା ମେହିଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିତାନ୍। ନଙ୍ଗୟ୍‌ୱାନି ଦଣ୍ଡ୍‌ତାଙ୍ଗ୍ ରକ୍ଷା ପାୟାଆନି କାଜିଙ୍ଗ୍ ଉଦାର୍ କିଦ୍‌ନି ଯୀଶୁ ସରଗ୍‌ତାଙ୍ଗ୍ ୱାନାନ୍ ଇଞ୍ଜି କାନାଦେରା। ହେଦାଙ୍ଗ୍ କାଜିଙ୍ଗ୍ ଜାର୍-ଜାର୍ ଜିବୁନ୍‌ତିଙ୍ଗ୍ ବାଦ୍‌ଲାୟ୍ କିଜି ଈଶ୍ୱରତିଙ୍ଗ୍ ପାର୍ତି କିତାଦେର୍।

୧ ଥେସଲନୀକିୟ 4:16

ମାତର୍ ମାପୃ ଯୀଶୁ ନିଜେ ଆଦେସ୍ ହିଜି ସରଗ୍‌ତାଙ୍ଗ୍ ପୁର୍ତିତାକେ ୱାନିହିଙ୍ଗ୍, ମାନାୟାର୍ ଈଶ୍ୱରତି ମରି ବାଜା ଆରେ ଦୁତ୍‌ତି ର କାଟ୍ ୱେନାର୍, ହେପାଦ୍ନା ଖ୍ରୀଷ୍ଟଙ୍ଗ୍ ପାର୍ତି କିଜି ହାଃତାକାର୍ ଆରେରଗ ପାର୍ତୁମ୍ ଜିବୁନ୍ ଆନାର୍।

ଜାକ୍‌ବ 5:7

ହେଦାଙ୍ଗ୍ କାଜିଙ୍ଗ୍ ଏ ପାର୍ତିକିନି ଟଣ୍ଡାର୍‌କାଦେର୍, ମାପୃ ୱାନି ପାତେକ୍ ସାସ୍ ଆସ୍ତି ମାନାଟ୍। ତାସି ବିଷୟରେ ବାବିକିଜି ହୁଡ଼ାଟ୍, ତାସ୍‌ତାଙ୍ଗ୍ ହାର୍ଦି ପାଡ଼୍‌ ପାୟା ଆଦେଙ୍ଗ୍ ଆହା କିଜି ପାର୍ତୁମ୍ ଆରେ ପାଚେନି ବାର୍ହା ଆନି ପାତେକ୍ ସାସ୍ ଆସ୍ତି ମାନାନ୍।

୧ ପିତର 1:17

ଈଶ୍ୱର ୱିଜାକାର୍ କିତି କାମାୟ୍‌ତିଙ୍ଗ୍ ପୁନାନା, ଆରେ ହେୱାନ୍ ୱିଜାରିଙ୍ଗ୍ ହାମାନ୍ ବିଚାର୍ କିନାନ୍। ଏପେଙ୍ଗ୍ ଏଚେପାଦ୍ନା ଈଶ୍ୱରତିଙ୍ଗ୍ ଆବା ଇଞ୍ଜି ପାର୍ତାନା କିନାଦେରା, ହେପାଦ୍ନା ଏପେଙ୍ଗ୍ ଇ ପୁର୍ତିତାକେ ବିନ୍ ଦେସ୍‌ତାକେ ମାନିଲେକେ ଈଶ୍ୱରତିଙ୍ଗ୍ ପାଣ୍ଡ୍ରାଆଜି ଜିବୁନ୍ କାଟିକିନି ଦର୍‌କାର୍।

୧ ଯୋହନ 2:28

ଏ କାଡ଼୍‌ଦେର୍, ଖ୍ରୀଷ୍ଟତାକେ ମାହାଆଜି ମାନାଟ୍। ଲାଗିଙ୍ଗ୍ ଏଚେପାଦ୍ନା ହେୱାନ୍ ପୁର୍ତିତାକେ ଆରେରଗ ୱାନାନ୍, ହେପାଦ୍ନା ଆସେଙ୍ଗ୍ ତା ଆଗେ ଲାଜା ଆୱାଦାଙ୍ଗ୍ ଶାସ୍ ହୁଦାଙ୍ଗ୍ ମାହା ଆନାସ୍।

ଜିହୁଦା 1:14

ଆଦମତାଙ୍ଗ୍ ସାତ୍ କୁଟୁମ୍ ଜନମ୍ ଆତି ପାଚେ ହନୋକ ଜନମ୍ ଆଜି ମାଚାନ୍। ହେୱାନ୍ ଇ ମାନାୟାର୍ ବିଷୟରେ ଈଶ୍ୱର କାତା ୱେନ୍‌ଞ୍ଜି ଶୁଣାୟ୍ କିଜି ୱେଚ୍‌ଚାନ୍।

ହତ୍‌ତି 1:7

ହୁଡ଼ାଟ୍ ହେୱାନ୍ ସରଗ୍‌ତାଙ୍ଗ୍ ବାଦାଡ଼୍ ହୁଦାଙ୍ଗ୍ ମାହାଆଜି ୱାନାନ୍। ଆରେ ୱିଜାକାର୍ ହେୱାନିଙ୍ଗ୍ ହୁଡ଼୍‌ନାର୍, ଆରେ ପା ତାଙ୍ଗେଙ୍ଗ୍ ବାଲା ହୁଦାଙ୍ଗ୍ କୁନ୍ତାକାର୍ ହୁଡ଼୍‌ନାର୍। ଆରେ ଇ ପୁର୍ତିନି ୱିଜୁ ଦେସ୍‌ନି ମାନାୟାର୍ ତା କାଜିଙ୍ଗ୍ ଆଡ଼୍‌ବାନାର୍। ଆମେନ୍।

ହତ୍‌ତି 2:23

ଆନେଙ୍ଗ୍ ତା ହିକ୍ଷାତିଙ୍ଗ୍ ମାନି କିନାକାରିଙ୍ଗ୍ ମାର୍ନେ ଅହ୍‌ନାଙ୍ଗ୍, ଲାଗିଙ୍ଗ୍ ୱିଜୁ ମଣ୍ଡ୍‌ଲିନି ମାନାୟାର୍ ପୁନାର୍ ଯେ, ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌ ଇନେର୍ ୱିଜାର୍ ମାନ୍ତି ବାବ୍‌ନାତିଙ୍ଗ୍ ଆରେ ଚିନ୍ତାତିଙ୍ଗ୍ ପୁନି ମାନାୟ୍। ଆରେ ଆନେଙ୍ଗ୍ ମି ଜାର୍-ଜାର୍ କାମାୟ୍ ଅନୁସାରେ ମିଙ୍ଗେଙ୍ଗ୍ ପୁରଷ୍କାର୍ ହିଦ୍‌ନାଙ୍ଗ୍।

ହତ୍‌ତି 20:12

ତାପାଚେ ଆନେଙ୍ଗ୍ ହୁଡ଼୍‌ତାଙ୍ଗ୍, ହାଃତି ୱିଜାର୍ ଗାଜା ହିରୁ ମାନାୟାର୍ ଈଶ୍ୱର ସିଙ୍ଗାସନ ଆଗେ ନିଲ୍‌ଚି ମାଚାର୍। ହେବେ ବହିଙ୍ଗ୍ ଆରେ ଜିବୁନ୍ ମାନି ମାନାୟାର୍ ତର୍‌ ଲେକା ଆନି ବହି ପା ଜେୟା ଆଜି ମାଚାତ୍, ଆରେ ହେ ବହିତାକେ ଲେକାଆତି ଅନୁସାରେ ଆରେ ହେୱାର୍ ଜାର୍ କାମାୟ୍ ଅନୁସାରେ ହେ ହାଃତି ମାନାୟ୍‌ତିଙ୍ଗ୍ ଈଶ୍ୱର ବିଚାର୍ କିତାନ୍।