ମାତିଉ 16:21 - New Testament in Pengo Parja Language

²¹ ‌ନଙ୍ଗୟ୍‌ତାଙ୍ଗ୍ ଯୀଶୁ ଖ୍ରୀଷ୍ଟ ତା ଚେଲାରିଙ୍ଗ୍ ବୁଜାଇକିଜି ୱେଚ୍‌ଚେଙ୍ଗ୍ ଲାଗାତାନ୍, ଆନେଙ୍ଗ୍ ଯିରୁଶାଲାମ ସହର୍‌ତାକେ ହାଞ୍ଜେଙ୍ଗ୍ ଆନାତ୍। ହେବେ ପ୍ରାଚିନ୍‌, ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ଯିହୁଦି ଦରମ୍‌ନି ପଣ୍ଡିତାର୍ ନାଙ୍ଗେଙ୍ଗ୍ ହିନସ୍ତାକିଜି ମାର୍ନେ ଅସ୍ତାନାର୍। ମାତର୍ ଆନେଙ୍ଗ୍ ତିନ୍‌ଦିନ୍ ପାଚେ ଆରେରଗ ନିଙ୍ଗ୍‌ନାଙ୍ଗ୍।

ସତ୍‌ ବଚନ୍‌ ପୁନି ନିୟମ୍‌

²¹ ହେ ସମୁତ ଜିସୁ କ୍ରିସ୍ଟ ଚେଲାହିରିଂ ହାର୍‌ କିଜ଼ି ଇଞ୍ଜେଙ୍ଗ୍‌ ଲାଗାତାନ୍‌, “ଆନ୍‌ ଜିରୁସାଲମ୍‌ତ ହାଲ୍‌ଜି ପ୍ରାଚିନ୍‌ ମୁଡ଼୍‌ ମାପ୍ରୁହେବାକିନାକାନ୍‌, ଦରମ୍‌ ଗୁରୁ ଦରମ୍‌ ନେତାର୍‌ କାଜିଂ ଚୁପ୍‌ୟାଆଜ଼ି ବେସି କସ୍ଟ ବଗି କିନାଙ୍ଗ୍‌ । ହାରିହାରା ହାନାଙ୍ଗ୍‌, ମାତର୍‌ ତିନ୍‌ଦିନ୍‌ତାଂ ନିଙ୍ଗ୍‌ନାକା ମାନାତ୍‌ ।”

ମାତିଉ 16:21 ပူးပေါင်းရင်းမြစ်များ

ମାତିଉ 12:40

ହେଲେକେ ଭବିଷ୍ଯତବକ୍ତା ଯୁନସ୍‌ ତିନ୍‌ଦିନ୍ ଆରେ ତିନ୍‌ରାତି ର ଗାଜା ମିନ୍ ପଟତ ମାଚାନ୍, ହେଲେକେ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ତିନ୍‌ଦିନ୍ ଆରେ ତିନ୍‌ରାତି ମେଦ୍‌ନି ବିତ୍ରେ ମାନ୍‌ଗାନାନ୍।

ମାତିଉ 16:22

ହେବେତାଙ୍ଗ୍ ପିତର ହେୱାନିଙ୍ଗ୍ ଅଲପ୍ ଦେହା କୁଚ୍‌ଚି ଏଲେଙ୍ଗ୍ ୱେଚ୍‌ୱାକା ଇଞ୍ଜି ଅଲପ୍ ରିସାଆଜି ୱେଚ୍‌ଚାନ୍। ଏ ମାପୃ, ଈଶ୍ୱର ନିଙ୍ଗେଙ୍ଗ୍ ଦୟା କିଦେନ୍, ଇଦାଙ୍ଗ୍ ମିଙ୍ଗେଙ୍ଗ୍ ଇନାୱେଡ଼ାଙ୍ଗ୍ ପା ଗଟା ଆମେତ୍।

ମାତିଉ 16:28

ଯୀଶୁ ତା ଚେଲାରିଙ୍ଗ୍ ଆରେ ହେବେ ମାଚି ମାନାୟାରିଙ୍ଗ୍ ୱେଚ୍‌ଚାନ୍, ‘ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ତା ସାସନ୍ କିନି ରାଜି ୱାୱି ପାତେକ୍ ଇବେ ମାନି କେତେକ୍ ମାନାୟ୍ ହାଃଉର୍।’ ”

ମାତିଉ 17:12

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ‘ଏଲିୟ ୱାତାନେ।’ ଆରେ ଆଗେନି ଭବିଷ୍ଯତବକ୍ତାର୍ ୱେଚ୍‌ଚିଲେକେ ମାନାୟାର୍ ମାନ୍ଇଚା ବାଉରାଆଜି ହେୱାନିଙ୍ଗ୍ ଇନସ୍ତା କିତାର୍। ହେଲେକେନେ ଆନେଙ୍ଗ୍, ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଆନେଙ୍ଗ୍ ବେସି ଦୁଃକ୍ ପାୟଆଦେଙ୍ଗ୍ ହାନାଙ୍ଗା।”

ମାତିଉ 17:9

ହେୱାର୍ ମାଡ଼ିତାଙ୍ଗ୍ ଜୁନିହିଙ୍ଗ୍ ଯୀଶୁ ଚେଲାହିରିଙ୍ଗ୍ ଆଦେସ୍ ହିଜି ୱେଚ୍‌ଚାନ୍, “ନେଞ୍ଜେଙ୍ଗ୍ ଇନାକା ହୁଡ଼୍‌ତାଦେର୍‌ନା, ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ହାଃଜି ପୁନି ଜିବୁନ୍ ପାୟାଆନି ପାତେକ୍ ଇବେଣ୍ ଇନେରିଙ୍ଗ୍ ପା ୱେଚ୍‌ମାଟ୍।”

ମାତିଉ 20:28

ହେଲେକେ ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ପା ହେବା ପାୟା ଆଦେଙ୍ଗ୍ ୱାୱାତାନ୍‌ନା। ମାତର୍ ୱିଜାକାର୍ କାଜିଙ୍ଗ୍ ହାଃଜି ମୁକ୍ତି ହିଦେଙ୍ଗ୍ ୱାତାନ୍‌ନା।”

ମାତିଉ 26:2

ରିଦିନ୍ ପାଚେ ନିସ୍ତାର୍ ପାର୍ବୁ ଆନାତ୍ ଇଦାଙ୍ଗ୍ ଏପେଙ୍ଗ୍ ପୁନାଟ୍। ଆରେ ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା କୃଶକାଟ୍‌ତାକେ ହାଃନି କାଜିଙ୍ଗ୍ ଆହିୟା ଆନାଙ୍ଗ୍।

ମାତିଉ 26:47

ଯୀଶୁ ବେଣ୍ ୱେଚ୍‌ନିହିଙ୍ଗ୍ ବାରଜାଣ୍ ବିତ୍ରେତାଙ୍ଗ୍ ଇଷ୍କାରିତିୟ ଯିହୁଦା ତର୍‍ଦାକାନ୍ ରକାନ୍ ହେବେ ୱାତାନ୍। ହେୱାର୍ ହୁଦାଙ୍ଗ୍ ଟେଙ୍ଗା, କାଣ୍ଡାଙ୍ଗ୍ ଆସ୍ତି ର ମାନ୍ଦା ମାନାୟ୍‌ତିଙ୍ଗ୍ ତାହିୱାତାନ୍। ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍, ଆରେ ପ୍ରାଚିନ୍‌ନାର୍ ହେୱାରିଙ୍ଗ୍ ପକ୍‌ଚି ମାଚାର୍।

ମାତିଉ 27:12

ମାତର୍ ଏଚେପାଦ୍ନା ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ପ୍ରାଚିନ୍‌ ବେସି ଦସ୍ ହିଜି ୱେଚ୍‌ଚାର୍, ଯୀଶୁ ଇନାକାପା ୱେଚ୍‌ୱାତାନ୍।

ମାତିଉ 27:63

ହେୱାର୍ ୱେଚ୍‌ଚାର୍, ମାପୃ ମା ମାନ୍ତ ମାନାତ୍ ଯେ ମିଚ୍ ୱେଚ୍‌ନାକାନ୍ ହେୱାନ୍ ଜିଜି ମାନିହିଙ୍ଗ୍ ୱେଚ୍‌ଚି ମାନ୍‌ଞ୍ଚାନ୍, ତିନ୍‌ଦିନ୍ ପାଚେ ଆନେଙ୍ଗ୍ ଆରେ ଜିବୁନ୍‌ଆଜି ନିଙ୍ଗ୍‌ନାଙ୍ଗ୍।

ମାତିଉ 28:6

ହେୱାନ୍ ଇବେ ହିଲୁନ୍, ତା ୱେଚ୍‌ଚିଲେକେ ହେୱାନ୍ ଆରେରଗ ଜିବୁନ୍‌ଆଜି ନିଙ୍ଗ୍‍ତାନ୍‍ନା। ୱାଡ ଇମ୍‌ଣି ବାହାତାକେ ମାଡ଼ା ମାଚାତ୍ ୱାଜି ହୁଡ଼ାଟ୍।

ମାର୍କ 8:31

ଯୀଶୁ ତା ଚେଲାହିରିଙ୍ଗ୍ ହିକ୍ଷାହିଦେଙ୍ଗ୍ ଲାଗାତାନ୍, ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତିଙ୍ଗ୍ ବେସି ଦୁଃକ୍ ପାୟ୍‌କିଦେଙ୍ଗ୍ ଆନାତ୍। ଆରେ ପ୍ରାଚିନ୍‌, ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ଯିହୁଦି ଦରମ୍‌ନି ପଣ୍ଡିତାର୍ କାଜିଙ୍ଗ୍ ହିନସ୍ତା ପାୟାଆଜି ହାଃଦେଙ୍ଗ୍ ଆନାତ୍। ଆରେ ହେୱାନ୍ ହାଃଜି ତିନ୍‌ଦିନ୍ ପାଚେ ଆରେରଗ ନିଙ୍ଗ୍‌ନାନ୍।

ମାର୍କ 9:12

ଯୀଶୁ ତା ଚେଲାହିରିଙ୍ଗ୍ ୱେଚ୍‌ଚାନ୍, “ଈଶ୍ୱର ଏଲିୟଙ୍ଗ୍ ପାର୍ତୁମ୍ ପକ୍‌ନି କାତା, ଆରେ ରକ୍ଷାକିଦ୍ନାକାନ୍‌ ୱାୱି ଆଗେ ହେୱାନ୍ ୱାଜି ମାନାୟାର୍ ଗରବ୍‌ତିଙ୍ଗ୍ ରହନାକା ସତ୍। ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ‘ଏଲିୟ ୱାତାନେ।’ ଆରେ ଆଗେନି ଭବିଷ୍ୟତବକ୍ତାର୍‌ ୱେଚ୍‌ଚିଲେକେ ମା ନାୟକାର୍ ମାନ୍ଇଚା ବାଉରାଆଜି ହେୱାନିଙ୍ଗ୍ ଇନସ୍ତା କିତାର୍। ହେଲେକେନେ ଆନେଙ୍ଗ୍, ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା, ବିଷୟରେ ଦରମ୍ ସାସ୍ତର୍‌ତାକେ ବେସି ଲେକାଆତାତ୍‌ନା ଯେ ଆନେଙ୍ଗ୍ ବେସି ଦୁଃକ୍ ପାୟାଆନାଙ୍ଗ୍, ଆରେ ମାନାୟାର୍ ନାଙ୍ଗେଙ୍ଗ୍ ଆସ୍ତୁର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 17:25

ମାତର୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ପାର୍ତୁମ୍ କେତେକ୍ ଦୁକ୍ ପାୟା ଆନାନ୍। ଆରେ ଇ ଯୁଗ୍‌ନି ମାନାୟାର୍ ହେୱାନିଙ୍ଗ୍ ଗିଣ୍ କିନାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:46

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଖ୍ରୀଷ୍ଟ ଦୁକ୍‌କଷ୍ଟ ପାୟାଆଜି ହାଃନାନ୍ ଆରେ ହାଃତିତାଙ୍ଗ୍ ତିନ୍‌ଦିନ୍ ପାଚେ ଆରେରଗ ଜିବୁନ୍‌ଆନି କାତା ସାସ୍ତରତାକେ ଲେକା ମାନାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:31

ହେୱାର୍ ମୁମ୍ ପା ଗୌରବତାଙ୍ଗ୍ ହଲ୍‌ଜି ମାଚାତ୍। ଯିରୁଶାଲାମ ସହର୍‌ତାକେ ଯୀଶୁ ହାଃନି ବିଷୟ ହେୱାର୍ ବେଣ୍‌କିବାଆଜି ମାଚାର୍।