ମାତିଉ 16:20 - New Testament in Pengo Parja Language

²⁰ ହେବେତାଙ୍ଗ୍ ଯୀଶୁ ତା ଚେଲାହିରିଙ୍ଗ୍ ଆଦେସ୍ ହିଜି ୱେଚ୍‌ଚାନ୍, “ଆନେଙ୍ଗ୍ ଖ୍ରୀଷ୍ଟ ଇଞ୍ଜି ଇନେରିଙ୍ଗ୍ ପା ୱେଚ୍‌ମାଟ୍।”

ସତ୍‌ ବଚନ୍‌ ପୁନି ନିୟମ୍‌

²⁰ ଜିସୁଙ୍ଗ୍‌ କ୍ରିସ୍ଟ ମସିୟା ଇଞ୍ଜି ଇନେର୍‌ ଆଗେ ୱେଚ୍‍ମାଟ୍‍ ଇଞ୍ଜି ଜିସୁ ଚେଲାହିରିଂ ବଲ୍‌ ହିତାନ୍‌ ।

ମାତିଉ 16:20 ပူးပေါင်းရင်းမြစ်များ

ମାତିଉ 1:16

ଯାକୁବ ଯୋଷେପ ଲାତ୍ରାହି ମାଚାନ୍। ଯୋଷେପ ମରିୟମ ଡକ୍ରାହି ମାଚାନ୍। ଆରେ ହେ ମରିୟମ ଯୀଶୁ ତେହି ମାଚାତ୍। ଯୀଶୁଙ୍ଗ୍ ଖ୍ରୀଷ୍ଟ ଇଞ୍ଜି ଇନାର୍।

ମାତିଉ 16:16

ଶିମୋନ ପିତର ୱେଚ୍‌ଚାନ୍, “ଏନେଙ୍ଗ୍ ଆନାୟା ଖ୍ରୀଷ୍ଟ। ଯିବୁନ୍ ମାନି ଈଶ୍ୱର ମେହିତି।”

ମାତିଉ 17:9

ହେୱାର୍ ମାଡ଼ିତାଙ୍ଗ୍ ଜୁନିହିଙ୍ଗ୍ ଯୀଶୁ ଚେଲାହିରିଙ୍ଗ୍ ଆଦେସ୍ ହିଜି ୱେଚ୍‌ଚାନ୍, “ନେଞ୍ଜେଙ୍ଗ୍ ଇନାକା ହୁଡ଼୍‌ତାଦେର୍‌ନା, ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ହାଃଜି ପୁନି ଜିବୁନ୍ ପାୟାଆନି ପାତେକ୍ ଇବେଣ୍ ଇନେରିଙ୍ଗ୍ ପା ୱେଚ୍‌ମାଟ୍।”

ମାତିଉ 8:4

ଯୀଶୁ ହେୱାନିଙ୍ଗ୍ ଆଦେସ୍ ହିଜି ୱେଚ୍‌ଚାନ୍, “ଇନେରିଙ୍ଗ୍ ପା ୱେଚ୍‌ମା ମାତର୍ ହାଲା, ଈଶ୍ୱର ହେବାକିନି ପୁଜାରିତାକେ ହାର୍ ଆତାଙ୍ଗ୍ ଇଞ୍ଜି ୱେଚା, ଆରେ ମୋଶା ଲେକିକିତି ନିୟମ୍‌ତାଙ୍ଗ୍ ଈଶ୍ୱରତିଙ୍ଗ୍ ପୁଜାକିତିସ୍ ଏନେଙ୍ଗ୍ ବିଦିଅନୁସାତାଙ୍ଗ୍ ହାର୍ ଆନାୟ୍, ଆରେ ୱିଜାକାର୍ ହାର୍ ଆତାନ୍ ଇଞ୍ଜି ପୁଞ୍ଜ୍‌ନାର୍।”

ମାର୍କ 8:30

ହେବେତାଙ୍ଗ୍ ଯୀଶୁ ହେୱାରିଙ୍ଗ୍ ତା ବିଷୟରେ ଇନେରିଙ୍ଗ୍ ପା ୱେଚ୍‌ମାଟ୍ ଇଞ୍ଜି ଆଦେସ୍ ହିତାନ୍।

ମାର୍କ 9:9

ହେୱାର୍ ମାଡ଼ିତାଙ୍ଗ୍ ଜୁନିହିଙ୍ଗ୍ ଯୀଶୁ ଚେଲାହିରିଙ୍ଗ୍ ଆଦେସ୍ ହିଜି ୱେଚ୍‌ଚାନ୍, “ନେଞ୍ଜେଙ୍ଗ୍ ଇନାକା ହୁଡ଼୍‌ତାଦେର୍‌ନା, ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ହାଃଜି ପୁନି ଜିବୁନ୍ ପାୟାଆନି ପାତେକ୍ ଇବେଣ୍ ଇନେରିଙ୍ଗ୍ ପା ୱେଚ୍‌ମାଟ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:11

ନେଞ୍ଜେଙ୍ଗ୍ ଦାଉଦ ରାଜା ବେତଲିହିମ୍ ସହର୍‌ତାକେ ମି କାଜିଙ୍ଗ୍ ଉଦାର୍ କିଦ୍‌ନାକାନ୍ ଜନମ୍ ଆତାନ୍‌ନା ହେୱାନ୍ ଆନାନା ଖ୍ରୀଷ୍ଟ ମାପୃ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:21

ହେବେତାଙ୍ଗ୍ ଯୀଶୁ ହେୱାରିଙ୍ଗ୍ ତା ବିଷୟରେ ଇନେରିଙ୍ଗ୍ ପା ୱେଚ୍‌ମାଟ୍ ଇଞ୍ଜି ଆଦେସ୍ ହିତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:36

ହେ ବେଣ୍ ୱେଚି ପାଚେ ଯୀଶୁ ରକାନ୍ ନେ ଚଞ୍ଜିଆତାନ୍। ଆରେ ହେୱାର୍ ଇନା ଇନାକା ହୁଡ଼୍‌ତାର୍, ହେ ୱିଜୁ ଇନେରିଙ୍ଗ୍ ପା ୱେଚ୍‌ୱାତାର୍।

ଜହନ୍‌ 1:41

ଆନ୍ଦ୍ରିୟ ଆଗେ ତା ଟଣ୍ଡାହି ଶିମୋନ ଲାଗାୟ୍ ହାଚାନ୍। ହେୱାନ୍ ଶିମନତିଙ୍ଗ୍‌ ୱେଚ୍‌ଚାନ୍, “ଆପେଙ୍ଗ୍ ଖ୍ରୀଷ୍ଟଙ୍ଗ୍ ହୁଡ଼୍‌ତାପ୍‌ନା।”

ଜହନ୍‌ 1:45

ପିଲିପ ନିତନିୟେଲ ତର୍‌ଦି ମାନାୟ୍‌ତାକେ ହାଚାନ୍। ପିଲିପ ହେୱାନିଙ୍ଗ୍ ୱେଚ୍‌ଚାନ୍, “ମୋଶା ଲେକିକିତି ନିୟମ୍‌ନି ସାସ୍ତର୍‌ତାକେ ଆରେ ଭବିଷ୍ଯତବକ୍ତାର୍ ତା ସାସ୍ତର୍‌ତାକେ ଇମ୍‌ଣି ମାନାୟ୍ ବିଷୟରେ ଲେକିକିଜି ମାଚାର୍, ଆପେଙ୍ଗ୍ ହେ ମାନାୟ୍‌ତିଙ୍ଗ୍ ହୁଡ଼୍‌ତାପ୍‌ନା। ହେୱାନ୍ ଆନାନା ନାଜରିତ ସହର୍‌ନି ଯୀଶୁ। ହେୱାନ୍ ଯୋଷେପ୍‌ ମେହି।”

ଜହନ୍‌ 11:27

ମାର୍ଥା ୱେଚ୍‌ଚାତ୍, “ଆଁ ମାପୃ, ଆନେଙ୍ଗ୍ ନିଙ୍ଗେଙ୍ଗ୍ ଖ୍ରୀଷ୍ଟ ଇଞ୍ଜି ପାର୍ତି କିଦ୍‌ନାଙ୍ଗା। ଏନେଙ୍ଗ୍ ଈଶ୍ୱର ମେହି। ଇନେର୍ ଇ ପୁର୍ତିତାକେ ୱାନାକା ମାଚାତ୍, ଏନେଙ୍ଗ୍ ହେୱାଇ।”

ଜହନ୍‌ 20:31

ମାତର୍ ଇ ବହିତାକେ ଇୱିଜୁ ଲେକାଆତାତ୍‌ନା, ଇନେସ୍‌କି ଏପେଙ୍ଗ୍ ପାର୍ତି କିନାଦେର୍, ଯୀଶୁ ଆନାନା ଖ୍ରୀଷ୍ଟ ଆରେ ଈଶ୍ୱର ମେହି, ଏପେଙ୍ଗ୍ ତା ତର୍‍ଦାଙ୍ଗ୍ ଜିବୁନ୍ ପାୟାଆନାଦେର୍, ଇଦାଙ୍ଗ୍ କାଜିଙ୍ଗ୍ ଇୱିଜୁ ଲେକାଆତାତ୍‌ନା।

ପକ୍ୟାତାକା 2:36

ଲାଗିଙ୍ଗ୍ ୱିଜାକାଦେର୍ ଇସ୍ରାଏଲ ଜାତିରିଙ୍ଗ୍ ହାତ୍‌ପା ପୁନାଟ୍, ଇମ୍‌ଣି ଯୀଶୁଙ୍ଗ୍ ଏପେଙ୍ଗ୍ କୃଶକାଟ୍‌ତାକେ ଅସ୍ତାଦେର୍, ହେୱାନିଙ୍ଗ୍ ଈଶ୍ୱର, ମାପୃ ଆରେ ଖ୍ରୀଷ୍ଟ ଇ ପାଦ୍ ପାୟାଆତାନ୍‌ନା।”

୧ ଯୋହନ 2:22

ଇମ୍‌ଣି ମାନାୟ୍ ଯୀଶୁ ନେ ଖ୍ରୀଷ୍ଟ ଇଞ୍ଜି ୱେଚୁନ୍, ହେୱାନ୍ ନେ ବେସି ମିଚ୍‌ୱା। ହେଲେଗ୍‌ଦି ମାନାୟ୍ ନେ ଖ୍ରୀଷ୍ଟଙ୍ଗ୍ ବିରଦ୍ କିନାର୍, ଇନେସ୍‌କି ହେୱାର୍ ଆବା ଈଶ୍ୱରତିଙ୍ଗ୍ ଆରେ ତା ମେହି ଯୀଶୁଙ୍ଗ୍ ଆହୁର୍।

୧ ଯୋହନ 5:1

ଇମ୍‌ଣି ମାନାୟ୍ ଯୀଶୁଙ୍ଗ୍ ଖ୍ରୀଷ୍ଟ ଇଞ୍ଜି ପାର୍ତିକିନାନ୍। ହେୱାନ୍ ଈଶ୍ୱର ମେହି। ଆରେ ଇମ୍‌ଣି ମାନାୟ୍ ତା ଆବାଙ୍ଗ୍ ଲାଡ୍ କିନାନ୍। ଲାଗିଙ୍ଗ୍ ତା ମେହିରିଙ୍ଗ୍ ପା ଆସେଙ୍ଗ୍ ଲାଡ୍ କିନାସ୍‌।