ମାତିଉ 16:19 - New Testament in Pengo Parja Language

¹⁹ ଆନେଙ୍ଗ୍ ମିଙ୍ଗେଙ୍ଗ୍ ଈଶ୍ୱର ସାସନ୍ କିନି ରାଜିନି କୁଚିକାଡିଙ୍ଗ୍ ହିଦ୍‌ନାଙ୍ଗ୍। ଆରେ ଏପେଙ୍ଗ୍ ପୁର୍ତିତାକେ ଇନାକାପା ବନ୍ଦ୍ କିନାଦେର୍, ସରଗ୍‌ତାକେ ହେଦାଙ୍ଗ୍ ବନ୍ଦ୍ ମାନ୍‌ଙ୍ଗାନାତ୍, ଆରେ, ପୁର୍ତିତାକେ ଇନାକାପା ମୁକ୍ତି କିନାଦେର୍, ସରଗ୍‌ତାକେ ପା ହେଦାଙ୍ଗ୍‌ୱିଜୁ ମୁକ୍ତି ମାନ୍‌ଗାନାତ୍।”

ସତ୍‌ ବଚନ୍‌ ପୁନି ନିୟମ୍‌

¹⁹ “ଆନ୍‌ ମିଙ୍ଗେଙ୍ଗ୍‌ ସାର୍ଗେ ରାଜିନି କୁଚିକାଡିଙ୍ଗ୍ ହିଦ୍‌ନାଂ । ଆରେ ଏପେଙ୍ଗ୍‌ ପୁର୍ତିତ ଇନାକା ବନ୍ଦ୍‌ କିନାଦେର୍‌, ସାର୍ଗେତପା ହେଦାଂ ବନ୍ଦ୍‌ ମାନ୍‌ଗାନାତ୍‌ । ଆରି ପୁର୍ତିତାକେ ଇନାକାପା ଜେନାଦେର୍‌, ସାର୍ଗେତ ପା ଜେନାଦେର୍‌ ।”

ମାତିଉ 16:19 ပူးပေါင်းရင်းမြစ်များ

ମାତିଉ 18:18

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଏପେଙ୍ଗ୍ ପୁର୍ତିତାକେ ଇନାକାପା ବନ୍ଦ୍ କିନାଦେର୍, ସରଗ୍‌ତାକେ ପା ହେ ୱିଜୁ ବନ୍ଦ୍ ମାନ୍‌ଙ୍ଗାନାତ୍, ଆରେ ପୁର୍ତିତାକେ ଇନାକାପା ମୁକ୍ତି କିନାଦେର୍, ସରଗ୍‌ତାକେ ପା ହେଦାଙ୍ଗ୍‌ୱିଜୁ ମୁକ୍ତି ମାନ୍‌ଗାନାତ୍।

ଜହନ୍‌ 20:23

ଏପେଙ୍ଗ୍ ଯଦି ମାନାୟାରିଙ୍ଗ୍ ପାପ୍ କେମା କିନାଦେର୍, ଲାଗିଙ୍ଗ୍ ହେୱାରିଙ୍ଗ୍ ଈଶ୍ୱର ପାପ୍ କେମା କିନାନ୍। ମାତର୍ ଏପେଙ୍ଗ୍ ଯଦି ମାନାୟାରିଙ୍ଗ୍ ପାପ୍ କେମା କିଉଦେର୍, ଲାଗିଙ୍ଗ୍ ହେୱାରିଙ୍ଗ୍ ପା ଈଶ୍ୱର ପାପ୍ କେମା କିଉନ୍।”

ପକ୍ୟାତାକା 15:7

ହେୱାର୍ ବେସି ଆଲ୍‌ଚାନା କିତି ପାଚେ, ପିତର ନିଙ୍ଗ୍‌ଞ୍ଜି ହେୱାରିଙ୍ଗ୍ ୱେଚ୍‌ଚାନ୍, “ଏ ଟଣ୍ଡାର୍‌କାଦେର୍, ଆନେଙ୍ଗ୍ ଇନେସ୍ ବିନ୍‌ଜାତିନି ମାନାୟାର୍‌ତାକେ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ଆଡ୍‌ନାଙ୍ଗ୍, ଆରେ ହେୱାର୍ ୱେନ୍‌ଞ୍ଜି ପାର୍ତି କିଦେଙ୍ଗ୍ ଆଡ୍‌ନାର୍, ହେଦାଙ୍ଗ୍ କାଜିଙ୍ଗ୍ କେତେକ୍ ଦିନ୍ ଆଗେ ମି ବିତ୍ରେତାଙ୍ଗ୍ ଈଶ୍ୱର ନାଙ୍ଗେଙ୍ଗ୍ ବାଚି କିତ୍‌ତାନ୍‌ନା, ଇ ବିଷୟରେ ଏପେଙ୍ଗ୍ ପୁଚାଦେର୍‌ନା।

୨ କରନ୍ତିୟ 2:10

ଏଚେପାଦ୍ନା ଏପେଙ୍ଗ୍ ହେୱାନ୍ କିଜିମାଚି ପାପ୍‌ତିଙ୍ଗ୍ କେମା କିନାଦେର୍, ଲାଗିଙ୍ଗ୍ ଆନେଙ୍ଗ୍ ପା ତାଙ୍ଗେଙ୍ଗ୍ କେମା କିନାଙ୍ଗ୍। ଆରେ ଆନେଙ୍ଗ୍ ଏଚେପାଦ୍ନା ତାଙ୍ଗେଙ୍ଗ୍ କେମା କିନାଙ୍ଗ୍ ମି ହାର୍ କାଜିଙ୍ଗ୍ ଖ୍ରୀଷ୍ଟ ଅଦିକାର୍‌ତାଙ୍ଗ୍ କିନାଙ୍ଗ୍, ଇନେସ୍‌କି ଆନେଙ୍ଗ୍ କେମା ପାୟାଆନି ବିଷୟତିଙ୍ଗ୍ ନେ କେମା କିନାଙ୍ଗ୍।

୧ ଥେସଲନୀକିୟ 4:8

ଲାଗିଙ୍ଗ୍ ଇମ୍‌ଣି ମାନାୟ୍, ଇ ହିକ୍ଷାତିଙ୍ଗ୍ ଆହୁନ୍, ହେୱାନ୍ ମାନାୟାର୍ ହିକ୍ଷାତିଙ୍ଗ୍ ଆହ୍‌ନାନା, ଲାଗିଙ୍ଗ୍ ହେୱାନ୍ ପବିତ୍ର ଆତ୍ମା ହିଦ୍‌ନି ଈଶ୍ୱରତିଙ୍ଗ୍ ଆହୁନ୍।

ହତ୍‌ତି 1:18

ଆନେଙ୍ଗ୍ ନେ ହାଃତାକାଙ୍ଗ୍ ନଙ୍ଗୟ୍ ଜିବୁନ୍ ମାନାଙ୍ଗ୍, ଆନେଙ୍ଗ୍ ରଗ ହାଃଜି ମାଚାଙ୍ଗ୍ ମାତର୍ ନଙ୍ଗୟ୍ ଆନେଙ୍ଗ୍ ଜିବୁନ୍ ମାନାଙ୍ଗ୍ ଆରେ ନଙ୍ଗୟ୍ ୱିଜୁଦିନ୍ କାଜିଙ୍ଗ୍ ଜିବୁନ୍ ମାନ୍‌ଗାନାଙ୍ଗ୍। ନାବେ ମାରାଣ୍‌ତିଙ୍ଗ୍ ଆରେ ପାତାଳ୍‌ତିଙ୍ଗ୍ ଆରେ ହାଃତାକାରିଙ୍ଗ୍ ଆରେରଗ ଜିବୁନ୍ କିନି ଅଦିକାର୍ ମାନାତ୍।

ହତ୍‌ତି 11:6

ହେ ଦିନ୍ ହେୱାର୍ ଈଶ୍ୱର କାତା ଶୁଣାୟ୍ କିନାର୍, ଆରେ ଈଶ୍ୱର ହେୱାରିଙ୍ଗ୍ ବାଦାଡ଼୍‌ତାଙ୍ଗ୍ ବାର୍ହା ବନ୍ଦ୍ କିନି ଅଦିକାର୍ ହିନାନ୍, ଆରେ ପା ଈଶ୍ୱର ହେୱାରିଙ୍ଗ୍ ନାଗୁଡ଼୍ ଆରେ ହାମ୍‌ଦୁର୍ ଏଜୁକାଙ୍ଗ୍ ନେତେର୍ ଲେକେ ରାତା କିଦେଙ୍ଗ୍ ଅଦିକାର୍ ହିଜି ମାନାନ୍। ହେୱାର୍ ତା ଜାର୍ ଇଚା ଅନୁସାରେ ପୁର୍ତିତିଙ୍ଗ୍ ନଷ୍ଟ କିଦେଙ୍ଗ୍ ବିନ୍-ବିନ୍ ବିପତ୍ ହିନାର୍।

ହତ୍‌ତି 3:7

ହେୱାନ୍ ପା ନାଙ୍ଗେଙ୍ଗ୍ ୱେଚ୍‌ଚାତାନ୍, “ଫିଲାଦେଲ୍‌ଫିଆ ସହର୍‌ତ ମାନି ମଣ୍ଡ୍‌ଲିନି ଦୁତ୍‌ତିଙ୍ଗ୍ ଇ କାବୁର୍ ଲେକିକିୟାଟ୍: ହେ କାବୁର୍ ଇଲେକେ, ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌, ଇନେର୍ ପବିତ୍ର ଆରେ ସତ୍ ଆରେ ଇନେର୍‌ତାକେ ଦାଉଦ ରାଜାତି କୁଚିକାଡିଙ୍ଗ୍ ମାନିକ୍। ଆନେଙ୍ଗ୍ ଏଚେକାଡ଼୍‌ଦ ହେ କୁଚିକାଡିଙ୍ଗ୍‌ତାଙ୍ଗ୍ ର କାପାଟ୍ ଜେନାଙ୍ଗ୍ ହେଦାଙ୍ଗ୍ ଇନେର୍ ପା ଗେସ୍ତେଙ୍ଗ୍ ଆଡୁର୍, ଆରେ ଆନେଙ୍ଗ୍ ଏଚେପାଦ୍ନା ହେ କୁଚିକାଡି ସାଇଜତାଙ୍ଗ୍ ହେ କାପାଟ୍ ଗେହ୍‌ନାଙ୍ଗ୍‌ ଇନେର୍ ପା ଜେତେଙ୍ଗ୍ ଆଡୁର୍।

ହତ୍‌ତି 9:1

ତାପାଚେ ଏଚେପାଦ୍ନା ପାଞ୍ଚ୍ ନମ୍ବର୍ ଦୁତ୍ ମରି ତୁପ୍‌ତାତ୍, ହେପାଦ୍ନା ଆନେଙ୍ଗ୍ ହୁଡ଼୍‌ତାଙ୍ଗ୍ ଯେ, ବାଦାଡ଼୍‌ତାଙ୍ଗ୍ ପୁର୍ତିତାକେ ର ହୁକା ଆର୍‌ଦାତାତ୍‌। ତାଙ୍ଗେଙ୍ଗ୍ ପାତାଳ୍‌ନି କୁଚିକାଡିଙ୍ଗ୍ ହିଜିମାଚାନ୍।