ମାତିଉ 15:36 - New Testament in Pengo Parja Language

³⁶ ତାପାଚେ ହେ ସାତ୍‌ଗଟା ରୁଟି ଆରେ ହିରୁ ମିନ୍‌କୁକାଙ୍ଗ୍ ଆସ୍ତି ଯୀଶୁ ଈଶ୍ୱରତିଙ୍ଗ୍ ଦନ୍ଯବାଦ୍‍କିଜି, ହେ ରୁଟିଙ୍ଗ୍ ଆରେ ହିରୁ ମିନ୍‌କୁକାଙ୍ଗ୍ ଡ୍ରିପ୍‍କିସ୍ ମାନାୟାରିଙ୍ଗ୍ ବାଟାକିଜି ହିଦେଙ୍ଗ୍ ଚେଲାହିରିଙ୍ଗ୍ ହିତାନ୍। ଚେଲାହିର୍ ହେ ରୁଟିଙ୍ଗ୍ ବୁଲାଇ କିଜି ହିତାର୍।

ସତ୍‌ ବଚନ୍‌ ପୁନି ନିୟମ୍‌

³⁶ ଆରେ ଜିସୁ ହେ ସାତ୍‌ଗଟା ରୁଟିଂ ଆରି ମିନ୍‌କୁ ଅଜ଼ି ଦନ୍ୟବାଦ୍‌ ହିଜ଼ି ହେ ସବୁ ଚେଲାହିରିଂ ହିତାନ୍‌, ହେୱାର୍‌ ମାନାୟାରିଂ ହିତାର୍‌ ।

ମାତିଉ 15:36 ပူးပေါင်းရင်းမြစ်များ

ମାତିଉ 14:19

ଯୀଶୁ ହେବେ ରୁଣ୍ଡାଆତି ମାନାୟାରିଙ୍ଗ୍ କାଚ୍ରା ଜପି କୁଚ୍‌ଚେଙ୍ଗ୍ ଆଦେସ୍ ହିତାନ୍। ତାପାଚେ ହେ ପାଞ୍ଚ୍‌ଗଟା ରୁଟିଙ୍ଗ୍ ଆରେ ରିଣ୍ଡାଙ୍ଗ୍ ମିନ୍‌କୁକାଙ୍ଗ୍ ଆସ୍ତି ବାଦାଡ଼୍‌ଜପି ହୁଡ଼୍‌ଜି ଈଶ୍ୱରତିଙ୍ଗ୍ ଦନ୍ଯବାଦ୍ କିତାନ୍ ଆରେ ରୁଟିଙ୍ଗ୍ ଡ୍ରିପ୍‌କି ତା ଚେଲାହିରିଙ୍ଗ୍ ହିତାନ୍। ଚେଲାହିର୍ ଅଜି ମାନାୟାରିଙ୍ଗ୍ ବାଟାକିଜି ହିତାର୍।

ମାତିଉ 15:35

ହେବେତାଙ୍ଗ୍ ଯୀଶୁ ମାନାୟ୍‌ତିଙ୍ଗ୍ ମେଦ୍‌ନିତ କୁଚ୍‌ଚେଙ୍ଗ୍ ଆଦେସ୍ ହିତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:17

ତାପାଚେ ଯୀଶୁ ର ଗିନାତାକେ ଅଙ୍ଗୁର୍ ରାସ୍ ଅତାନ୍। ଇଦାଙ୍ଗ୍ କାଜିଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିତାନ୍। ଆରେ ୱେଚ୍‌ଚାନ୍, “ଇ ଗିନା ଅୱାଟ୍, ଇବେ ମାନି ଅଙ୍ଗୁର୍ ରାସ୍ ୱିଜାକାରିଙ୍ଗ୍ ହିୟାଟ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:19

ହେୱାର୍ ତିନିହିଙ୍ଗ୍ ଯୀଶୁ ରୁଟିଙ୍ଗ୍ ଆସ୍ତି ଈଶ୍ୱରତିଙ୍ଗ୍ ଦନ୍ଯବାଦ୍ କିତାନ୍ ଆରେ ରୁଟି ଡ୍ରିକ୍‌ଚି ଚେଲାହିରିଙ୍ଗ୍ ହିଜି ୱେଚ୍‌ଚାନ୍, “ଅୱାଟ୍, ଆରେ ତିନାଟ୍ ଇଦାଙ୍ଗ୍ ନା ଗାଗାଡ଼୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:30

ଯୀଶୁ ହେୱାର୍ ହୁଦାଙ୍ଗ୍ ଚିଞ୍ଜେଙ୍ଗ୍ କୁଚ୍‌ଚାନ୍। ହେୱାନ୍ କେଇଦ ଇଚ୍‍କେ ରୁଟି ଆସ୍ତାନ୍। ହେ କାଦି କାଜିଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିତାନ୍ ଆରେ ରୁଟିତିଙ୍ଗ୍ ଗନ୍ଦା-ଗନ୍ଦା କିଜି ଡ୍ରିକ୍‌ଚି ହେୱାରିଙ୍ଗ୍ ହିତାନ୍।

ଜହନ୍‌ 6:11

ହେବେତାଙ୍ଗ୍ ଯୀଶୁ ରୁଟିଙ୍ଗ୍ ଆସ୍ତି ଈଶ୍ୱରତିଙ୍ଗ୍ ପାର୍ତାନା କିତାନ୍ ଆରେ ହେବେ କୁଚ୍‌ଚି ମାନାୟାରିଙ୍ଗ୍ ବାଟାକିଜି ହିଦେଙ୍ଗ୍ ହିତାନ୍। ହେ ମିନ୍‌କୁକାଙ୍ଗ୍ ପା ହେଲେକେ ବାଟାକିଜି ହିତାନ୍। ହେୱାନ୍ ମାନାୟାରିଙ୍ଗ୍ ମାନ୍‌କେ ଇଚା ଚିଞ୍ଜେଙ୍ଗ୍ ହିତାନ୍।

ଜହନ୍‌ 6:23

ଯୀଶୁ ଈଶ୍ୱରତିଙ୍ଗ୍ ପାର୍ତାନା କିଜି ମାନାୟାରିଙ୍ଗ୍ ରୁଟିଙ୍ଗ୍ ଚିଞ୍ଜେଙ୍ଗ୍ ହିଜିମାଚାନ୍, ହେ ବାହାତାକେ ତିବିରିଆ ଜିଲ୍ଲାତାଙ୍ଗ୍ କେତେକ୍ ଡଙ୍ଗାଙ୍ଗ୍ ୱାତିକ୍।

ପକ୍ୟାତାକା 27:35

ଇୱିଜୁ କାତା ୱେଚ୍‌ଚି ପାଚେ, ପାଉଲ ରୁଟି ଆସ୍ତି ୱିଜାକାର୍ ମୁମ୍‌ଦ ଈଶ୍ୱରତାକେ ପାର୍ତାନା କିତାନ୍, ଆରେ ରୁଟିତିଙ୍ଗ୍ ଡ୍ରିକ୍‌ଚି ଚିଞ୍ଜେଙ୍ଗ୍ ଲାଗାତାର୍।

ରୋମିୟ 14:6

ଇମ୍‌ଣି ମାନାୟାର୍ ମାପୃଙ୍ଗ୍ ପୁଜାକିନି କାଜିଙ୍ଗ୍ ରଦିନ୍ ବାଚିକିତାର୍‌ନା, ଇନେସ୍‌କି ତାଙ୍ଗେଙ୍ଗ୍ ସନ୍‌ମାନ୍ ହିଦେଙ୍ଗ୍ ଇଚା କିନାରା। ଇମ୍‌ଣି ମାନାୟାର୍ ବାରବିନି କାଦି କିନାରା ହେୱାର୍ ପା ମାପୃଙ୍ଗ୍ ସନ୍‌ମାନ୍ ହିନାରା। ହେୱାର୍ ତିନି ଆଗେ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାରା, ଆରେ ଇମ୍‌ଣି ମାନାୟାର୍ ୱିଜୁ ଜିନିଷ୍ ତିନୁରା, ହେୱାର୍ ପା ମାପୃଙ୍ଗ୍ ସାର୍‌ଦା କିୟିକିଦେଙ୍ଗ୍ ଇଚା କିନାରା ଆରେ ଈଶ୍ୱରତିଙ୍ଗ୍ ଦନ୍ଯବାଦ୍ କିନାରା।

୧ କରନ୍ତିୟ 10:31

ଏପେଙ୍ଗ୍ ତିନାଟ୍ କି ଉଣାଟ୍ ଆରେ ଏପେଙ୍ଗ୍ ଇନାକା ପା କିୟାଟ୍, ହେ ୱିଜୁ ଈଶ୍ୱରତିଙ୍ଗ୍ ଗୌରବ କିଦେଙ୍ଗ୍ କିୟାଟ୍।

୧ କରନ୍ତିୟ 14:16

ଯଦି ଏପେଙ୍ଗ୍ ଈଶ୍ୱରତିଙ୍ଗ୍ ମି ଆତ୍ମା ହୁଦାଙ୍ଗ୍ ନେ ଜୟ୍-ଜୟ୍ କିନାଦେର୍, ଆରେ ଯଦି ଏପେଙ୍ଗ୍ ଈଶ୍ୱରତିଙ୍ଗ୍ ହିନି ଦନ୍ଯବାଦ୍ ପାର୍ତାନାତିଙ୍ଗ୍ ମାନାୟାର୍ ବୁଜା ଆଉର୍, ଲାଗିଙ୍ଗ୍ ହେୱାର୍ ମିହୁଦାଙ୍ଗ୍ ଈଶ୍ୱରତିଙ୍ଗ୍ ଜୟ୍-ଜୟ୍ ଆରେ ଦନ୍ଯବାଦ୍ କିଦେଙ୍ଗ୍ ଆଡୁର୍। ଇନେସ୍‌କି ହେୱାର୍ ଏପେଙ୍ଗ୍ ୱେଚ୍‌ଚି ବିଷୟତିଙ୍ଗ୍ ବୁଜା ଆଦେଙ୍ଗ୍ ଆଡୁରା।