ମାତିଉ 15:31 - New Testament in Pengo Parja Language

³¹ ହେଲେକେ ତତ୍‌ଲାର୍ ବେଣ୍‌କିନାରା, ବଇରାର୍ ୱେଞ୍ଜେଙ୍ଗ୍ ଆଡ୍‌ନାରା, ଚଟାର୍ ତାଙ୍ଗ୍‌ନାରା ଆରେ କାଣାର୍ ହୁଡ଼୍‌ନାରା, ଇଦାଙ୍ଗ୍ ହୁଡ଼୍‌ଜି ମାନାୟାର୍ କାବା ଆତାର୍। ଆରେ ଇସ୍ରାଏଲନି ମାନାୟାର୍ ଈଶ୍ୱରତିଙ୍ଗ୍ ଜୟ୍-ଜୟ୍ କିତାର୍।

ସତ୍‌ ବଚନ୍‌ ପୁନି ନିୟମ୍‌

³¹ ଇ ଲାକେ କନ୍ଦା ବେଣ୍‌ କିତାନ୍‌, ଚଟାର୍‌ ଉଜ୍‌ ଆତାର୍‌, ଚଟାର୍‌ ତାଙ୍ଗ୍‍ତାର୍, କାଣାର୍‌ ହୁଡ଼୍‍ନାରା, ଇଦାଂ ହୁଡ଼୍‌ତାର୍‌, ଆରି ଇସ୍ରାଏଲ୍‌ନି ଇସ୍ୱର୍ତି ପାର୍ତାନା କିତାର୍‌ ।

ମାତିଉ 15:31 ပူးပေါင်းရင်းမြစ်များ

ମାତିଉ 15:30

ଆରେ ବେସିହେନି ମାନାୟ୍ ଚଟା, ବଇରା, କାଣା, ତତ୍‌ଲା ଆରେ ବାରବିନି ରଗିୟାରିଙ୍ଗ୍ ଆସ୍ତି ଯୀଶୁ ଲାଗାୟ୍ ୱାତାର୍। ଆରେ ହେୱାରିଙ୍ଗ୍ କାଲ୍‌କୁ ତାରେନ୍ ଇଡ଼୍‌ତାର୍, ଆରେ ଯୀଶୁ ହେୱାରିଙ୍ଗ୍ ହାର୍‍କିତାନ୍।

ମାତିଉ 18:8

ମି କେଇ ଆରେ କାଲ୍ ଯଦି ପାପ୍ କାମ୍ କିନାତ୍, ଲାଗିଙ୍ଗ୍ ହେ କେଇ, କାଲ୍ କାଦ୍‌ଦି ତୁୟାଟ୍। ରି କେଇ ଆରେ ରି କାଲ୍‌କୁ ଆସ୍ତି ୱିଜୁଦିନ୍ କାଚାଆନି ନାଣିନି ନରକ୍‌ତ ହାନି ବାଦୁଲ୍ କଲା, ଟୁଟା ଆଜି ସରଗ୍‌ତାକେ ହାନାକା ହାର୍।

ମାତିଉ 21:14

ଆରେ ଈଶ୍ୱର ମାନି ମନ୍ଦିର୍‌ତାକେ କାଣା ଆରେ ଚଟା ମାନାୟ୍ ଯୀଶୁ ଲାଗାୟ୍ ୱାତାର୍ ହେୱାରିଙ୍ଗ୍ ହାର୍‍କିତାନ୍।

ମାତିଉ 8:10

ଯୀଶୁ ଇଦାଙ୍ଗ୍ ୱେନ୍‌ଞ୍ଜି ଚାନିଆ ଆତାନ୍। ତାପାଚେ ୱାଜିମାଚି ମାନାୟାରିଙ୍ଗ୍ ୱେଚ୍‌ଚାନ୍, ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଯେ ଇଲେକେ ପାର୍ତି କିନାକାରିଙ୍ଗ୍ ଇସ୍ରାଏଲତ ମାନି ମାନାୟାର୍‌ତାକେ ଇନେର୍‌ତାକେ ପା ହୁଡ଼୍‌ୱାତାଙ୍ଗ୍‌ନା।”

ମାତିଉ 9:32

ହେ ରିକାର୍ କାଣା ମାନାୟାର୍ ହାର୍ ଆଜି ହାଚି ପାଚେ କେତେକ୍ ହେନି ମାନାୟ୍ ର ତତ୍‌ଲା ବୁତ୍ ଡୁତି ମାନାୟ୍‌ତିଙ୍ଗ୍ ଯୀଶୁ ଲାଗେ ତାହିୱାତାର୍।

ମାତିଉ 9:33

ଆରେ, ଏଚେପାଦ୍ନା ଯୀଶୁ ହେ ମାନାୟ୍‌ତାଙ୍ଗ୍ ତତ୍‌ଲା ବୁତ୍ଆତ୍ମାତିଙ୍ଗ୍ ପିହିକିତାନ୍, ହେୱାନ୍ ବେଣ୍‌କିଦେଙ୍ଗ୍ ହାଙ୍ଗ୍‌ତାନ୍। ହେବେତାଙ୍ଗ୍ ମାନାୟାର୍ ଚାନିଆ ଆଜି ୱେଚ୍‌ଚାର୍, ଇସ୍ରାଏଲନି ମାନାୟ୍‌ବିତ୍ରେ ଇନାୱେଡ଼ାଙ୍ଗ୍ ପା ଏଲେଙ୍ଗ୍ ଆୱାତାତ୍‌ନା।

ମାତିଉ 9:8

ହେବେ ରୁଣ୍ଡାଆତି ମାନାୟାର୍ ହେଦାଙ୍ଗ୍ ହୁଡ଼୍‌ଜି କାବା ଆତାର୍। ଈଶ୍ୱର ମାନାୟ୍ ହିମ୍‌ଣାତିଙ୍ଗ୍ ଇୱିଜୁ ରଗ୍‌ଦାକାରିଙ୍ଗ୍ ହାର୍‌କିନି ଆଦିକାର୍ ହିତାନ୍‌ନା। ହେଦାଙ୍ଗ୍ କାଜିଙ୍ଗ୍ ମାନାୟାର୍ ଈଶ୍ୱରତିଙ୍ଗ୍ ଜୟ୍-ଜୟ୍ କିତାର୍।

ମାର୍କ 2:12

ହେଦାପ୍ରେ ୱିଜାର୍ ହୁଡ଼୍‌ନିହିଙ୍ଗ୍ ହିର୍କଲ୍ ରଗ୍‌କାଟାକାନ୍ ନିଙ୍ଗ୍‌ଞ୍ଜି ଟାଟି ଆସ୍ତି ୱିଜାକାର୍ ମୁମ୍‌ଦ ହସିହାଚାନ୍। ଇଦାଙ୍ଗ୍ ହୁଡ଼୍‌ଜି ୱିଜାକାର୍ କାବାଆଜି ଈଶ୍ୱରତିଙ୍ଗ୍ ଜୟ୍-ଜୟକିଜି ୱାରି କିଜି ୱେଚ୍‌ଚାର୍, “ଏଲେଙ୍ଗ୍ ଲେଗ୍‌ଦି କାମାୟ୍ ଆପେଙ୍ଗ୍ ଇନାୱେଡ଼ାଙ୍ଗ୍ ପା ହୁଡ଼୍‌ୱାଦାଙ୍ଗ୍ ମାଚାପ୍!”

ମାର୍କ 7:37

ଇମ୍‌ଣାକାର୍ ଇବେଣ୍ ୱେଚାର୍, ମାନାୟାର୍ ଆଦିକ୍ କାବାଆଜି ୱେଚ୍‌ଚାର୍। “ହେୱାନ୍ ୱିଜୁ କାମାୟ୍ ହାର୍ କିନାନା, ହେୱାନ୍ ବଇରାରିଙ୍ଗ୍ ୱେନି ସାକ୍ତି ଆରେ ତତ୍‌ଲାଙ୍ଗ୍ ବେଣ୍ କିନି ସାକ୍ତି ପା ହିନାନ୍।”

ମାର୍କ 9:43

ମାତର୍ ମି କେଇ ପାପ୍ କାମାୟ୍ କିନାତ୍, ଲାଗିଙ୍ଗ୍ ହେ କେଇ କାଦ୍‌ଦି ତୁୟାଟ୍। ରି କେଇ ଆସ୍ତି ନରକ୍‌ତାକେ, ହାନି ବାଦୁଲ୍ କଲା ଆଜି ସରଗ୍‌ତାକେ ହାନାକା ହାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 14:13

ମାତର୍ ବଜି ହିନିହିଙ୍ଗ୍ ଗରିବ୍ ମାନାୟ୍, କୁବ୍‌ଡ଼ାରିଙ୍ଗ୍, ଚଟାରିଙ୍ଗ୍ ଆରେ କାଣାରିଙ୍ଗ୍ କୁକାଟ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 14:21

ଲାଗିଙ୍ଗ୍ ହଲିଆହି ଲେଉଟା ଆଜି ୱାତାନ୍। ଇନାକା ୱିଜୁ ଗଟାଆତାତ୍ ହେ ବିଷୟରେ ତା ମାଲିକ୍‌ତିଙ୍ଗ୍ ୱେଚ୍‌ଚାନ୍। ଇୱିଜୁ ମାଲିକ୍ ୱେନ୍‌ଞ୍ଜି ବେସି ରିସା ରିସାଆଜି, ଜାର୍ ହଲିଆହିରିଙ୍ଗ୍ ୱେଚ୍‌ଚାନ୍, ‘ବେଗି ହାଲ୍‌ଜି ସହର୍ ହାଜିତାଙ୍ଗ୍ ଗରିବ୍‌ରିଙ୍ଗ୍, କୁବ୍‌ଡ଼ାରିଙ୍ଗ୍, କାଣାରିଙ୍ଗ୍ ଆରେ ଚଟାରିଙ୍ଗ୍ ଇବେ କୁକ୍‌ଚି ତାସିୱାଡ।’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:43

ହେଦାପ୍ରେ କାଣାମାନାୟ୍ କାଣ୍‌କୁ ହୁଡ଼୍‌ତାନ୍। ଆରେ ଈଶ୍ୱରତିଙ୍ଗ୍ ଜୟ୍-ଜୟକିଜି ଯୀଶୁ ପାଚେ-ପାଚେ ହାଚାନ୍। ଇଦାଙ୍ଗ୍ ହୁଡ଼୍‌ଜି ମାନାୟାର୍ ଈଶ୍ୱରତିଙ୍ଗ୍ ଜୟ୍-ଜୟ୍ କିତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:16

ହେବେ ମାଚି ୱିଜାକାର୍ ଚାନିଆ ଆତାର୍‌। ଆରେ ହେୱାର୍ ଈଶ୍ୱରତିଙ୍ଗ୍ ଜୟ୍-ଜୟକିଜି ହେୱାର୍ ୱେଚ୍‌ଚାର୍, “ଇୱାନ୍ ଗାଜା ଭବିଷ୍ଯତବକ୍ତା ମା ଲାଗାୟ୍ ୱାତାନ୍‌ନା। ଆରେ ଈଶ୍ୱର ତା ଲକ୍‌ବାକ୍‌ତିଙ୍ଗ୍ ସାଇଜ କିଦେଙ୍ଗ୍ ୱାତାନ୍‌ନା।”

ଜହନ୍‌ 9:24

ହେବେତାଙ୍ଗ୍ ଯିହୁଦି ନେତାର୍ ହେ ଜନମ୍ ଦିନ୍‌ତାଙ୍ଗ୍ କାଣା ମାଚି ମାନାୟ୍‌ତିଙ୍ଗ୍ ଆରେରଗ ହିର୍‌ବିସ୍ ୱେଚ୍‌ଚାର୍, “ଏନେଙ୍ଗ୍ ଈଶ୍ୱରତିଙ୍ଗ୍ ଜୟ୍-ଜୟ୍ କିୟା। ହେୱାନ୍ ରକାନ୍ ପାପି ମାନାୟ୍ ଇଞ୍ଜି ଆପେଙ୍ଗ୍ ପୁନାପ୍।”