ମାତିଉ 15:27 - New Testament in Pengo Parja Language

²⁷ ହେ କଗ୍‌ଲେ ଯୀଶୁଙ୍ଗ୍ ୱେଚ୍‌ଚାତ୍, ଆଁ ମାପୃ, ନିକୁଡ଼ିଙ୍ଗ୍ ପା କାଟେଲ୍ ତାରେନ୍ ମାନ୍‌ଞ୍ଜି ହିମ୍‌ଣାଙ୍ଗ୍ ସୁକ୍‌ଡ଼ି କାଦି ତିନିକ୍।

ସତ୍‌ ବଚନ୍‌ ପୁନି ନିୟମ୍‌

²⁷ ମାତର୍‌ ହେଦେଲ୍‌ ଇଚାତ୍‌, “ଆଁ, ମାପ୍ରୁ, ମାତର୍‌ ନିକୁଡ଼ିଙ୍ଗ୍‌ ତ ଜାର୍‌ ଜାର୍‌ ମାପ୍ରୁତି ପାଟା ତାରେନ୍‌ ଆର୍‌ତି ସୁକ୍‍ଡ଼ି ତିନିକ୍‌ ।”

ମାତିଉ 15:27 ပူးပေါင်းရင်းမြစ်များ

ମାତିଉ 15:26

ମାତର୍ ଯୀଶୁ ହେଦିଲିଙ୍ଗ୍ ୱେଚ୍‌ଚାନ୍, “ଇମ୍‌ଣାକା ହେୱାରିଙ୍ଗ୍ ଦର୍‌କାର୍ ଆଗେ ମା ଜାର୍ ଯିହୁଦି ଲଗାଙ୍ଗ୍ ହିୟାଆନାତ୍। ନଇଲେ ହିମ୍‌ଣାଙ୍ଗ୍ କାଦି ନିକୁଡ଼ିକାଙ୍ଗ୍ ହିତିଲେକେ ଆନାତ୍।”

ମାତିଉ 15:28

ତାପାଚେ ଯୀଶୁ ୱେଚ୍‌ଚାନ୍, “ଏ ଗାଡ଼୍‌ଚେ! ନିବେ ଗାଜା ପାର୍ତି ମାନାତ୍। ଏନେଙ୍ଗ୍ ନାବେତାଙ୍ଗ୍ ଇନାକା ଇଚା କିନାୟା, ଆନେଙ୍ଗ୍ ହେଦାଙ୍ଗ୍ କିଜିହିଦ୍ନାଙ୍ଗ୍।” ଏଲେଙ୍ଗ୍ ୱେଚ୍‌ଚି ଦାପ୍ରେ ହେ କଗ୍‌ଲେ ଗାଡ଼୍‍ହି ହାର୍ ଆତାତ୍।

ମାତିଉ 5:45

ହେଲେକେ କିତିସ୍ ଏପେଙ୍ଗ୍ ମି ସରଗ୍‌ନି ଆବା ମେହି ଆନାଦେର୍। ହେୱାନ୍ ତ ବାନ୍ୟା ଆରେ ହାର୍‌ଦାକାନ୍ ଇ ରିକାର୍ ଜପି ପା ଜାର୍ ୱେଡ଼ାନି ଅଜଡ଼୍‌ତିଙ୍ଗ୍ ହପିକିନାନ୍, ମାତର୍ ହାର୍ଦି ଆରେ ବାନ୍ୟା ମାନାୟ୍ ଜପି ପା ବାର୍ହା ପଡିକିନାନ୍।

ମାତିଉ 8:8

ମାତର୍ ଶତ୍‌ସେନାପତି ୱେଚ୍‌ଚାନ୍, “ମାପୃ ଏନେଙ୍ଗ୍ ମାଞ୍ଜ ୱାନାଇ, ଇନେସ୍‌କି ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ସାମାନ୍ ଆକାୟ୍। ଏନେଙ୍ଗ୍ ଇବେତାଙ୍ଗ୍ ରପାଦ୍ ଆଦେସ୍ ହିଦା, ଇନେସ୍‌କି ନା ହଲିଆ ହାର୍ ଆନାନ୍।

ମାର୍କ 7:28

ହେ କଗ୍‌ଲେ ଯୀଶୁଙ୍ଗ୍ ୱେଚ୍‌ଚାତ୍, “ଆଁ ମାପୃ ହେଦାଙ୍ଗ୍ ସତ୍‌ନେ। ମାତର୍ ନିକୁଡ଼ିଙ୍ଗ୍ ପା ହିମ୍‌ଣାଙ୍ଗ୍ ସୁକ୍‌ଡ଼ି କାଦି ତାରେନ୍ ଆର୍‌ତିସ୍ ଟେବୁଲ୍ ତାରେନ୍ ମାନ୍‌ଞ୍ଜି ତିନିକ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:21

ଆରେ ନିକୁଡ଼ିଙ୍ଗ୍ ୱାଜି ତା ଗାଉତିଙ୍ଗ୍ ନାଗ୍‌ଜି ମାଚିସ୍ ପା, ସାଉକାର୍ ମାନାୟ୍ ତିନ୍‌ଞ୍ଜି ଉବ୍ରାଆତି ସକ୍‌ଡ଼ି କାଦି ପା ଚିଞ୍ଜେଙ୍ଗ୍ କାସି ମାନ୍‌ଗାନାକା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:13

ସିସ୍ତୁ ଏନ୍‌ନାକାନ୍ ପା ଜେକ ରକାନ୍ ନିଲ୍‌ଚି ମାଚାନ୍। ମାତର୍ ପାର୍ତାନା କିନିହିଙ୍ଗ୍ ହେୱାନ୍ ସରଗ୍ ନିପଣ୍ ହୁଡ଼୍‌ଦେଙ୍ଗ୍ ଶାସ୍ କିୱାତାନ୍। ସିସ୍ତୁ ଏନ୍‌ନାକାନ୍ ଈଶ୍ୱର ଲାଗାୟ୍ ଦୁକ୍‌ଆଜି ନେଞ୍ଜାଡାକିତାକେ ଇଡ଼ିଆ ଆଜି ପାର୍ତାନା କିତାନ୍, ‘ଏ ଈଶ୍ୱର, ନାଙ୍ଗେଙ୍ଗ୍ ଦୟାକିଦା। ଆନେଙ୍ଗ୍ ରକାଙ୍ଗ୍ ପାପି ମାନାୟ୍।’

ରୋମିୟ 10:12

ଯିହୁଦି ଜାତିନି ମାନାୟାର୍ ଆୟେର୍ କି ବିନ୍‌ଜାତିନି ମାନାୟାର୍ ଆଏର୍ ହାମାନ୍ ସନ୍‌ମାନ୍ ପାୟାଆନାର୍‌। ହେୱାର୍ ୱିଜାର୍ ର ଈଶ୍ୱରତିଙ୍ଗ୍ ନେ ପାର୍ତିକିନାରା, ଏଚେପାଦ୍ନା ହେୱାର୍ ଈଶ୍ୱରତିଙ୍ଗ୍ ପାର୍ତାନା କିଜି ଇନାକା ଏନ୍‌ନାର୍। ଲାଗିଙ୍ଗ୍ ହେୱାନ୍ ହେୱାରିଙ୍ଗ୍ ଦୟା କିନାନ୍‌।

ରୋମିୟ 3:19

ଲାଗିଙ୍ଗ୍ ଆପେଙ୍ଗ୍ ପୁଚାପ୍‌ନା ଯେ, ମଶା ଲେକିକିତି ଦରମ୍ ସାସ୍ତରନି ନିୟମ୍ ଇମ୍‌ଣି ମାନାୟାରିଙ୍ଗ୍ ହିତାତ୍‌ନା। ହେଦାଙ୍ଗ୍ ପୁର୍ତିନି ୱିଜୁ ମାନାୟାର୍ ମାନିକିନି ଦର୍‌କାର୍। ଏଚେଜାଣ୍ ଦରମ୍ ସାସ୍ତର୍‌ତିଙ୍ଗ୍ ପୁଚାର୍‌ନା। ହେୱାର୍ ୱିଜାକାର୍ ଈଶ୍ୱର ଆଗେ ଚିମ୍ରା ଆଜି ମାନାର୍ ଆରେ ଈଶ୍ୱର ହେୱାରିଙ୍ଗ୍ ତା ପାପ୍ କାମାୟ୍ କାଜିଙ୍ଗ୍ ଦଣ୍ଡ୍ ହିନାତ୍।

ରୋମିୟ 3:29

ଈଶ୍ୱର ୱାରା ଯିହୁଦି ଜାତିନି ଈଶ୍ୱର ଆକାୟ୍, ମାତର୍ ହେୱାନ୍ ବିନ୍‌ଜାତିନି ମାନାୟାର୍ ନି ଈଶ୍ୱର ପା।

ରୋମିୟ 3:4

ପୁର୍ତିନି ୱିଜୁ ମାନାୟାର୍ ମିଚ୍ ୱେଚ୍‌ନାର୍, ମାତର୍ ଈଶ୍ୱର ୱିଜୁଦିନ୍ ସତ୍ ୱେଚ୍‌ନାନ୍, ଇନେସ୍‌କି ଇଲେକେ ଦରମ୍ ସାସ୍ତର୍‌ତାକେ ଈଶ୍ୱର ବିଷୟରେ ଲେକା ମାନାତ୍, ଏପେଙ୍ଗ୍ ୱେଚ୍‌ନି ୱିଜୁ କାତା ଟିକ୍ ଆନାତ୍, ଆରେ ବିଚାର୍ କିଦ୍‌ନି ବାହାତାକେ ଏପେଙ୍ଗ୍ ଜିତା ଆନାଦେର୍।

ଏପିସିୟ 3:19

ଆରେ ଈଶ୍ୱର ତା ୱିଜୁ ଗୁଣ୍‌ତାକେ ମିଙ୍ଗେଙ୍ଗ୍ ପୁରା କିଦ୍‌ନାନ୍।

ଏପିସିୟ 3:8

ଈଶ୍ୱର ୱିଜୁ ମାନାୟାର୍ ବିତ୍ରେ ଆନେଙ୍ଗ୍ ରକାଙ୍ଗ୍ ହିରୁକାଙ୍ଗ୍। ମାତର୍ ବିନ୍‌ଜାତିନି ମାନାୟାରିଙ୍ଗ୍ ଖ୍ରୀଷ୍ଟତାକେ ମାନି ୱିଜ୍‌ୱି ହେବାକିନି ବାବ୍‌ନାତାଙ୍ଗ୍ ଆଦିକ୍ ଆଶ୍ରିବାଦ୍‌ନି ହାର୍ଦିକାବୁର୍ ଆନେଙ୍ଗ୍ ୱେଚ୍‌ଚେଙ୍ଗ୍ ଆଡ୍‌ନାଙ୍ଗ୍।