ମାତିଉ 14:14 - New Testament in Pengo Parja Language

¹⁴ ଡଙ୍ଗାତାଙ୍ଗ୍ ଜୁଜି ଯୀଶୁ ହୁଡ଼୍‌ତାନ୍, ହେବେ ବେସିହେନି ମାନାୟାର୍ ରୁଣ୍ଡା ଆତାର୍‌ନା। ମାନାୟାରିଙ୍ଗ୍ ହୁଡ଼୍‌ଜି କାର୍‌ମାଆଜି କେତେକ୍ ରଗିୟାରିଙ୍ଗ୍ ହାର୍‍କିତାନ୍।

ସତ୍‌ ବଚନ୍‌ ପୁନି ନିୟମ୍‌

¹⁴ ଆରେ, ଜିସୁ ହେୱାନ୍‌ ଡଙ୍ଗାତାଂ ହସି ବେସି ହେନି ମାନାୟାରିଂ ହୁଡ଼୍‌ଜି ହେୱାର୍‌ କାଜିଂ କାର୍ମାତିଂ ତାଙ୍ଗ୍‌ ମାନ୍ତ ରାସ୍‌ ଇଚାତ୍‌ । ଆରି ହେୱାର୍‌ ରଗିରିଂ ଉଜ୍‌ କିତାନ୍‌ ।

ମାତିଉ 14:14 ပူးပေါင်းရင်းမြစ်များ

ମାତିଉ 14:15

ୱେଡ଼ାଆର୍ଜି ୱାନିହିଙ୍ଗ୍ ଚେଲାହିର୍ ଯୀଶୁ ଲାଗାୟ୍ ୱାଜି ୱେଚ୍‌ଚାର୍, ବେସି ବିଲମ୍ ଆତାତେ ଆରେ ଇବାହା ବେସି ଟାଙ୍ଗ୍ରାବାହା। ଇଦାଙ୍ଗ୍ କାଜିଙ୍ଗ୍ ଇୱାରିଙ୍ଗ୍ ପକାମ୍‌ଦେ, ହେୱାର୍ ଲାଗେନି ହିରୁ ନାସ୍‌କୁକାଙ୍ଗ୍ ହାଲ୍‌ଜି କାଦି କଡ଼୍‌ଜି ତିନେର୍।

ମାତିଉ 4:23

ପାଚେ ଯୀଶୁ ଗାଲିଲୀ ଜିଲ୍ଲାତ ବୁଲାଆନିହିଙ୍ଗ୍, ଯିହୁଦିର୍ ପାର୍ତାନା ଇଞ୍ଜ ହିକ୍ଷାହିଜି ଈଶ୍ୱର ସାସନ୍ କିନି ରାଜିନି ହାର୍ଦିକାବୁର୍ ଶୁଣାୟ୍ କିଜି ଆରେ ବାରବିନି ରଗ୍ ଆରେ ୱିଜୁ ଦୁକ୍ କଷ୍ଟନିକାରିଙ୍ଗ୍ ହାର୍‍କିତାନ୍।

ମାତିଉ 9:36

ଯୀଶୁ ମାନାୟାରିଙ୍ଗ୍ ହୁଡ଼୍‌ଜି ଜିବୁନ୍ କାଡିକିତାନ୍। ଇନେସ୍‌କି ହେୱାର୍ ଗଡ଼ିୟା ହିଲ୍‌ୱି ମେଣ୍ଢାଙ୍ଗ୍ ଲେକେ ମାଚାର୍। ଆରେ ହେୱାର୍ ଚିନ୍‌ବିନ୍ ଆଜି ଦୁକ୍‌କଷ୍ଟ ପାୟାଆଜି ମାଚାର୍।

ମାର୍କ 6:34

ଯୀଶୁ ଡଙ୍ଗାତାଙ୍ଗ୍ ଜୁଜି ବେସିହେନି ମାନାୟାରିଙ୍ଗ୍ ହୁଡ଼୍‌ତାନ୍, ଆରେ କାର୍‌ମାଆଜି ହେୱାରିଙ୍ଗ୍ ଜାତୁନ୍ କିତାନ୍। ଇନେସ୍‌କି ହେୱାର୍ ଗଡ଼ିୟା ହିଲ୍‌ୱି ମେଣ୍ଢାଙ୍ଗ୍ ଲେକେ ମାଚାର୍, ହେବେ ଯୀଶୁ ହେୱାରିଙ୍ଗ୍ ମାପୃବେଣ୍ କେତେକ୍ ହିକ୍ଷା ହିତାନ୍।

ମାର୍କ 9:22

ହେ ବୁତ୍ ରଗ-ରଗ ନାଣିତ ଆରେ ଏଜୁକାଙ୍ଗ୍ ଇୱାନିଙ୍ଗ୍ ପାଗ୍‍ଦେଙ୍ଗ୍ ଉପାୟ୍ କିଜି ମାଚାତ୍, ଏନେଙ୍ଗ୍ ଯଦି ଆଡ଼୍‌ତିସ୍ ନାଙ୍ଗେଙ୍ଗ୍ ଅଲପ୍ ସାଇଜକିଦା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:41

ଯୀଶୁ ଯିରୁଶାଲାମ ସହର୍ ଲାଗାୟ୍ ଏକାତାନ୍। ହେପାଦ୍ନା ଯୀଶୁ ଯିରୁଶାଲାମ ସହର୍‌ନି ମାନାୟାର୍ କାଜିଙ୍ଗ୍ ଆଡ଼୍‌ବାତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:13

ହେ ରାଣ୍ଡିଙ୍ଗ୍ ହୁଡ଼୍‌ଜି ଯୀଶୁ ବେସିଦୁକ୍ ଆତାନ୍। ହେୱାନ୍ ହେ ରାଣ୍ଡିଙ୍ଗ୍ ୱେଚ୍‌ଚାନ୍, “ଆଡ଼୍‌ବାମା।”

ଏବ୍ରି 2:17

ଲାଗିଙ୍ଗ୍ ଇନେସ୍ ହେୱାନ୍ ଈଶ୍ୱର ଲାଗାୟ୍ ମା କାଜିଙ୍ଗ୍ ଦୟା ଆରେ ବିସ୍‌ବସ୍ତ ପ୍ରଦାନ୍ ମୁଡ଼୍‌ଦି ପୁଜାରି ଆଦେଙ୍ଗ୍ ଆଡ୍‌ନାନ୍। ଆରେ ମା ପାପ୍‌ତିଙ୍ଗ୍ ଦେହା କିଦେଙ୍ଗ୍ ହେୱାନ୍ ନିଜେ ଇନେସ୍ ବଲିପୁଜା କିଦେଙ୍ଗ୍ ଆଡ୍‌ନାନ୍, ହେଦାଙ୍ଗ୍ କାଜିଙ୍ଗ୍ ତା ଟଣ୍ଡାହିର୍ ଲେକେ ଯୀଶୁ ପା ୱିଜୁ ବିଷୟରେ ହାମାନ୍ ଆଦେଙ୍ଗ୍ ଦର୍‌କାର୍ ମାଚାତ୍।

ଏବ୍ରି 4:15

ଯୀଶୁ ଖ୍ରୀଷ୍ଟ ମା ପ୍ରଦାନ୍ ମୁଡ଼୍‌ଦି ପୁଜାରି ମା ଦୁର୍‌ବଲ୍‌ତିଙ୍ଗ୍ ପୁନାନ୍, ଶୟତାନ ମା ଲେକେ ଯୀଶୁଙ୍ଗ୍ ୱିଜୁ ବିଷୟରେ ପରିକ୍ଷା କିତାତ୍, ମାତର୍ ଯୀଶୁ ପାପ୍ କିୱାତାନ୍।

ଏବ୍ରି 5:2

ହେ ପ୍ରଦାନ୍ ମୁଡ଼୍‌ଦି ପୁଜାରି ପା ରକାନ୍ ମାନାୟ୍ ଆତି କାଜିଙ୍ଗ୍, ହେୱାନିଙ୍ଗ୍ ପା ବୁଲ୍‌ବାଲ୍ ମାନ୍‌ଗାନାତ୍। ଇଦାଙ୍ଗ୍ କାଜିଙ୍ଗ୍ ବୁଦିହିଲ୍‌ୱି ଆରେ ବୁଲ୍ କିନି ମାନାୟାରିଙ୍ଗ୍ ହେୱାନ୍ ହାର୍‌ଦାଙ୍ଗ୍ ପୁନାନ୍।