ମାତିଉ 13:52 - New Testament in Pengo Parja Language

⁵² ଲାଗିଙ୍ଗ୍ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, ‘ଇମ୍‌ଣି ପଣ୍ଡିତାର୍ ଈଶ୍ୱର ସାସ୍ତର୍‌ନି କାତାତିଙ୍ଗ୍ ବୁଜାଆନାରା ହେୱାନ୍ ଈଶ୍ୱର ସାସନ୍ କିନି ରାଜିନି ଚେଲା ଆନାର୍। ହେୱାନ୍ ରକାର୍ ଇଲ୍‌ନି ମାଲିକ୍ ଲେକେ। ଇନେସ୍‌କି ମାଲିକ୍ ବିତ୍ରେ ଇଞ୍ଜାଙ୍ଗ୍ ପୁନାକା ଆରେ ପାନି ହାର୍ଦି ଜିନିଷ୍ ହପ୍ତାନାନ୍, ହେଲେକେ ଈଶ୍ୱର ସାସନ୍ କିନି ରାଜିନି ଚେଲାର୍ ପାନାକା ଆରେ ପୁନି ହାର୍ଦି ବିଷୟରେ ହିକ୍ଷା ହିନାନ୍।’ ”

ସତ୍‌ ବଚନ୍‌ ପୁନି ନିୟମ୍‌

⁵² ଜିସୁ ଗୁରୁରିଂ ଇଚାନ୍‌, “ଇନେସ୍‌ ରୱାନ୍‌ ଇଲ୍‌ ମୁଣିକା ଜାର୍‌ କଟିତାଂ ଆତି ନେଚେକ୍‍ ପୁନାକା ଆରି ପ୍ଡାନାକା ଆଡ଼୍‌ମାଡ଼୍‌ ହପ୍‌ନାନ୍‌, ସାର୍ଗେ ରାଜିତ ଚେଲା ଆଜ଼ି ମାଚି ରକାର୍‍ ରକାର୍‍ ସାସ୍ତର୍‌ ତା ଲାକେ ।”

ମାତିଉ 13:52 ပူးပေါင်းရင်းမြစ်များ

ମାତିଉ 12:35

ହାର୍ଦି ମାନାୟ୍ ଗରବ୍ ବିତ୍ରେ ହାର୍ଦି ବିଷୟ ବାର୍ତିଆଜି ମାନ୍‌ଗାନାତ୍। ହେୱାନ୍ ୱେଚ୍‌ନିହିଙ୍ଗ୍ ତା ଗରବ୍‌ତାଙ୍ଗ୍ ହାର୍ଦି ବିଷୟ ହନାତ୍। ମାତର୍ ବାନ୍ୟା ମାନାୟ୍ ଗରବ୍ ବିତ୍ରେ ବାନ୍ୟାବିଷୟ ବାର୍ତିଆଜି ମାନ୍‌ଗାନାତ୍। ଲାଗିଙ୍ଗ୍ ହେୱାନ୍ ୱେଚ୍‌ନିହିଙ୍ଗ୍ ତା ଗରବ୍‌ତାଙ୍ଗ୍ ବାନ୍ୟାବିଷୟ ହନାତ୍।”

ମାତିଉ 13:51

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଇନାକା ଇ ୱିଜୁବେଣ୍ ବୁଜାଆତାଦେର୍‌କି? ହେୱାର୍ ହେୱାନିଙ୍ଗ୍ ୱେଚ୍‌ଚାର୍, ଆଁ।

ମାତିଉ 13:53

ଯୀଶୁ ଇୱିଜୁ କାତା ୱେଚ୍‌ଚି ପାଚେ, ହେ ବାହା ପିସ୍ତି ତା ଜାର୍ ନାଜରିତ ସହର୍‌ତାକେ ହାଚାନ୍।

ମାତିଉ 23:34

ଲାଗିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଆନେଙ୍ଗ୍ ମିଙ୍ଗେଙ୍ଗ୍ ଭବିଷ୍ଯତବକ୍ତା, ପଣ୍ଡିତାର୍ ଆରେ ଯିହୁଦି ଦରମ୍‌ନି ନିୟମ୍ ଗୁରୁର୍ ଲାଗାୟ୍ ପକ୍ତାନାଙ୍ଗା। ଏପେଙ୍ଗ୍ ହେୱାର୍ ବିତ୍ରେତାଙ୍ଗ୍ କେତ୍‌ଜାଣ୍‌ତିଙ୍ଗ୍ ଅହ୍‌ନାଦେର୍, କୃଶକାଟ୍‌ତାକେ ଦୁପ୍‌ଚି କେତ୍‌ଜାଣ୍‌ତିଙ୍ଗ୍ ଅହ୍‌ନାଦେର୍। ମି ପାର୍ତାନା ଇଞ୍ଜ କେତ୍‌ଜାଣ୍‌ତିଙ୍ଗ୍ କର୍‌ଡା ଇଡ଼୍‌ନାଦେର୍। ସହର୍‌ତାଙ୍ଗ୍ ସହର୍ ଏପେଙ୍ଗ୍ ହେୱାର୍ ପାଚେ-ପାଚେ ହାଲ୍‌ଜି କେତ୍‌ଜାଣ୍‌ତିଙ୍ଗ୍ ଦୁକ୍‌କଷ୍ଟ ହିନାଦେର୍,

ମାତିଉ 28:19

ଲାଗିଙ୍ଗ୍ ଏପେଙ୍ଗ୍ ହାଲାଟ୍ ଆରେ ୱିଜୁଜାତି ମାନାୟାରିଙ୍ଗ୍ ନା ଚେଲା ରହାଟ୍। ଆବା ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟ ଆରେ ପବିତ୍ର ଆତ୍ମା ତର୍‍ଦାଙ୍ଗ୍ ଏପେଙ୍ଗ୍ ହେୱାରିଙ୍ଗ୍ ଡୁବନ୍ ହିୟାଟ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:49

ଇଦାଙ୍ଗ୍ କାଜିଙ୍ଗ୍ ଈଶ୍ୱର ବୁଦି ଇଞ୍ଜ୍‌ନାନା, ‘ଆନେଙ୍ଗ୍ ଭବିଷ୍ଯତବକ୍ତା ଆରେ ବାଚିକିତି ଚେଲାରିଙ୍ଗ୍ ହେୱାର୍ ଲାଗାୟ୍ ପକ୍‍ନାଙ୍ଗ୍। କେତ୍‌ଜାଣ୍‌ତିଙ୍ଗ୍ ହେୱାର୍ ମାର୍ନେ ଅହ୍‌ନାର୍ ଆରେ କେତ୍‌ଜାଣ୍‌ତିଙ୍ଗ୍ ବେସି ପାଚ୍‌କାନାର୍।’

ଜହନ୍‌ 13:34

ଆନେଙ୍ଗ୍ ମିଙ୍ଗେଙ୍ଗ୍ ପୁନି ଆଦେସ୍ ହିଦ୍‌ନାଙ୍ଗା। ଏପେଙ୍ଗ୍ ଜାର୍-ଜାର୍‌ତିଙ୍ଗ୍ ଲାଡ୍ କିୟାଟ୍। ଆନେଙ୍ଗ୍ ମିଙ୍ଗେଙ୍ଗ୍ ଇନେସ୍‌କିଜି ଲାଡ୍ କିଦ୍‌ନାଙ୍ଗା, ଏପେଙ୍ଗ୍ ପା ଜାର୍-ଜାର୍‌ତିଙ୍ଗ୍ ହେଲେକେ ଲାଡ୍‌କିନି କାତା।

୨ କରନ୍ତିୟ 6:10

ଆପେଙ୍ଗ୍ ବେସି ଦୁଃକ୍‌ତ ମାନାପ୍, ମାତର୍ ଆପେଙ୍ଗ୍ ୱିଜୁଦିନ୍ ୱାରି କିନାପା। ଆପେଙ୍ଗ୍ ଗରିବ୍, ମାତର୍ ଆପେଙ୍ଗ୍ ପବିତ୍ର ଆତ୍ମାନି ଦନ୍ ଜେକନିକାରିଙ୍ଗ୍ ହିନାପା। ଆପେଙ୍ଗ୍ ଆର୍ଜା ଆୱାତାପ୍‌ନା ମାତର୍ ମା ତାକେ ୱିଜୁ ଜିନିଷ୍ ମାନାତ୍।

ଏପିସିୟ 3:4

ହେଦାଙ୍ଗ୍ ଏପେଙ୍ଗ୍ ପଡ଼ିକିତିସ୍ ପୁଞ୍ଜେଙ୍ଗ୍ ଆଡ୍‌ନାଦେର୍ ଯେ ଆନେଙ୍ଗ୍ ଇନେସ୍ ଖ୍ରୀଷ୍ଟତି ଡ଼ୁକ୍‌ତି ବିଷୟରେ ପୁଞ୍ଜେଙ୍ଗ୍ ଆଡ଼୍‌ତାଙ୍ଗ୍‌ନା।

ଏପିସିୟ 3:8

ଈଶ୍ୱର ୱିଜୁ ମାନାୟାର୍ ବିତ୍ରେ ଆନେଙ୍ଗ୍ ରକାଙ୍ଗ୍ ହିରୁକାଙ୍ଗ୍। ମାତର୍ ବିନ୍‌ଜାତିନି ମାନାୟାରିଙ୍ଗ୍ ଖ୍ରୀଷ୍ଟତାକେ ମାନି ୱିଜ୍‌ୱି ହେବାକିନି ବାବ୍‌ନାତାଙ୍ଗ୍ ଆଦିକ୍ ଆଶ୍ରିବାଦ୍‌ନି ହାର୍ଦିକାବୁର୍ ଆନେଙ୍ଗ୍ ୱେଚ୍‌ଚେଙ୍ଗ୍ ଆଡ୍‌ନାଙ୍ଗ୍।

କଲସିୟ 1:7

ଏପାଫ୍ରା ରକାନ୍ ମା ହାଙ୍ଗ୍‌ଦାକାନ୍ ହେୱାନିଙ୍ଗ୍ ଆପେଙ୍ଗ୍ ଲାଡ୍ କିନାପା, ହେୱାନ୍‌ତାଙ୍ଗ୍ ଇ ହାର୍ଦିକାବୁର୍ ହିକା ଆତାଦେର୍‌ନା। ହେୱାନ୍ ରକାନ୍ ଯୀଶୁ ଖ୍ରୀଷ୍ଟଙ୍ଗ୍ ମାନିକିଜି ହେବାକିନି ଦାସ୍, ଆରେ ମା ବାଦୁଲ୍‌ତ ହେୱାନ୍ ମିଙ୍ଗେଙ୍ଗ୍ ହେବା କିଦ୍‌ନାନା।

କଲସିୟ 3:16

ଖ୍ରୀଷ୍ଟ ବିଷୟନି ହିକ୍ଷାତିଙ୍ଗ୍ ୱିଜୁଦିନ୍ ଚିନ୍ତା କିୟାଟ୍, ତା ପୁରା ଜ୍ଞାନ୍‌ତାଙ୍ଗ୍ ଏପେଙ୍ଗ୍ ଜାର୍-ଜାର୍‌ବିତ୍ରେ ହିକାଇ କିବା ଆଡ ଆରେ ଜାଗ୍ରତ୍ କିବା ଆଡ। ଗିତସଙ୍ଗିତାନି କେର୍‌କଣ୍, ଈଶ୍ୱର ଭଜନ୍ କେର୍‌କଣ୍ କେର୍‌ଜି, ଖ୍ରୀଷ୍ଟାନ୍ କେର୍‌କଣ୍ କେର୍‌ଜି ଈଶ୍ୱରତିଙ୍ଗ୍ ଦନ୍ଯବାଦ୍ ହିୟାଟ୍।

୧ ତିମତି 3:6

ହେୱାନ୍ ନୁଆଁରେ ପାର୍ତିକିନାକାନ୍ ଆୱାଦାଙ୍ଗ୍ ମାନ୍‌ଗାନାନ୍, ନଇଲେ ହେୱାନ୍ ବାଟ୍‌ପାଣିଆ ଆନାନ୍ ପାଚେ ଶୟତାନ୍ ଇନେସ୍ ବାଟ୍‌ପାଣିଆ ଆଜି ଦଣ୍ଡ୍ ପାୟାଆଜି ମାଚାତ୍ ହେୱାନ୍ ପା ହେଲେକେ ଦଣ୍ଡ୍ ପାୟା ଆନାନ୍।

ତୀତସ 1:9

ଇମ୍‌ଣି ହିକ୍ଷା ହେୱାନ୍ ପାୟାଆତାନ୍‌ନା ହେ ପାର୍ତିକିନି ହିକ୍ଷାତିଙ୍ଗ୍ ହେୱାନ୍ ବେସି ପାର୍ତିକିନି ଦର୍‌କାର୍। ଲାଗିଙ୍ଗ୍ ହେୱାନ୍ ସତ୍ ହିକ୍ଷାତାଙ୍ଗ୍ ଜେକନିକାନିଙ୍ଗ୍ ସାହାସ୍ କିଦେଙ୍ଗ୍ ଆଡ୍‌ନାନ୍ ଆରେ ତା ହିକ୍ଷାତିଙ୍ଗ୍ ବିରଦ୍ କିନି ମାନାୟାରିଙ୍ଗ୍ ଟିକ୍ କିଦେଙ୍ଗ୍ ଆଡ୍‌ନାନ୍।