ମାତିଉ 13:25 - New Testament in Pengo Parja Language

²⁵ ମାତର୍ ମାନାୟ୍ ହୁନ୍‌ଞ୍ଚିହିଙ୍ଗ୍ ତା ଶାତ୍ରୁ ୱାଜି ହେ ଗହମ୍‌ ୱିତ୍‌ତିତାକେ କାଚ୍ରା ୱିତ୍‌ଦି ହାଚାନ୍।

ସତ୍‌ ବଚନ୍‌ ପୁନି ନିୟମ୍‌

²⁵ ମତର୍‌ ଲକୁ ହୁଚ୍‌କାଣ୍‌କୁ ହନିହିଙ୍ଗ୍‌ ତା ସାତ୍ରୁ ୱାଜ଼ି ହେ ଗଁମ୍‌ ବିୟାନ୍‌ ବିତ୍ରେ କାଚ୍ରା ୱିଦ୍‌ଦି ତାଙ୍ଗ୍‌ଜି ହାଚାନ୍‌ ।

ମାତିଉ 13:25 ပူးပေါင်းရင်းမြစ်များ

ମାତିଉ 13:24

ଯୀଶୁ ହେୱାରିଙ୍ଗ୍ ଆରେରଗ କାତା ୱେଚ୍‌ନିଲେକେ କିଜି ୱେଚ୍‌ଚାନ୍, “ରକାନ୍ ତା ଜମିତ ହାର୍ ବିୟାନ୍ ୱିତ୍‌ନି ଲେକେ ଈଶ୍ୱର ସାସନ୍ କିନି ରାଜି।

ମାତିଉ 13:26

ଏଚେକାଡ଼୍‌ଦ ଆକିଙ୍ଗ୍ ହସି ପାଡ଼୍‌ ଆସ୍ତେଙ୍ଗ୍ ଲାଗାତାତ୍, ହେପାଦ୍ନା କାଚ୍ରା ପା ଚଞ୍ଚ୍‌ଚାତ୍।

ମାତିଉ 13:27

ହେବେତାଙ୍ଗ୍ ଜମି ମାଲିକ୍‌ନି ହଲିଆହିର୍ ମାଲିକ୍‌ତାକେ ୱାଜି ୱେଚ୍‌ଚାର୍, ‘ମାଲିକ୍, ଏନେଙ୍ଗ୍ ଇନାକା ୱିତ୍‌ନିହିଙ୍ଗ୍ ହାର୍ଦି ବିୟାନ୍ ହିୱାଦାଙ୍ଗ୍ ମାଚାଇ କି? ଇନେସାଜି କାଚ୍ରା ନିଙ୍ଗ୍‌ତାତ୍?’

ମାତିଉ 13:29

ମାତର୍ ମାଲିକ୍ ହେୱାରିଙ୍ଗ୍ ୱେଚ୍‌ଚାନ୍, ‘ଆକାୟ୍! ଏପେଙ୍ଗ୍ କାଚ୍ରାତିଙ୍ଗ୍ ଜେଲୁ-ଜେଲୁ ଗହମ୍‌ ପା ଜେଲ୍‌ଜି ତୁହିନାଦେର୍।

ମାତିଉ 13:30

ହେଦାଙ୍ଗ୍ ଗହମ୍‌ ତେଜ୍‌ୱି ପାତେକ୍ ରିଣ୍ଡାଙ୍ଗ୍ ପା ରବେ ଗାଜାଆଦେଙ୍ଗ୍ ପିହାଟ୍।’ ଆରେ ଗହମ୍‌ ତେଜ୍‌ନିହିଙ୍ଗ୍ ହଲିଆରିଙ୍ଗ୍ ଆନେଙ୍ଗ୍ ୱେଚ୍‌ନାଙ୍ଗ୍, ‘ପାର୍ତୁମ୍ କାଡିକିଦେଙ୍ଗ୍ କାଚ୍ରାତିଙ୍ଗ୍ ରବେ କିୟାଟ୍, ତାପାଚେ ଗହମ୍‌ ନା କଲ୍‌କିତାକେ ଇସ୍‌ପି ଇଟାଟ୍।’ ”

ମାତିଉ 13:39

ଇମ୍‌ଣି ଶାତ୍ରୁ କାଚ୍ରା ୱିତ୍‌ନାନ୍ ହେୱାନ୍‌ନେ ଶୟତାନ। ତାସ୍ ତେଜ୍‌ନି ଦିନ୍‌ନି ଅର୍ତ ଆନାତା ଯୁଗ୍‌ଶେସ୍। ଆରେ ତେଜ୍‌ନାକାର୍‌ ଈଶ୍ୱର ଦୁତ୍‌କୁ।

ମାତିଉ 25:5

ବର ୱାଦେଙ୍ଗ୍ ଲେଟ୍ ଆତାତ୍। ୱିଜୁ ଗାଡ଼୍‌ଚେକ୍ ୱାସ୍ତି ପାଚେ ହୁନ୍‌ଚିକ୍।

ଗାଲାତିୟ 2:4

ମାତର୍ ଇଦାଙ୍ଗ୍ ଜାମ୍‌ଲା ଆତାତ୍, ଏଚେପାଦ୍ନା କେତେକ୍ ନକ୍‌ଲି ପାର୍ତିକିନି ଟଣ୍ଡାର୍ ମା ବିତ୍ରେ ଇନେର୍ ପୁନ୍‌ୱାଦାଙ୍ଗ୍ ୱାତାର୍। ହେୱାର୍ ଡ଼ୁଗ୍‌ଜି-ଡ଼ୁଗ୍‌ଜି ମାଙ୍ଗେଙ୍ଗ୍ ହୁଡ଼୍‌ଜି ମାନ୍‌ଞ୍ଚାର୍। ଆରେ ହେୱାର୍ ମା ଇମ୍‌ଣି ସ୍ୱାଦିନ୍ ଯୀଶୁ ଖ୍ରୀଷ୍ଟତାକେ ମାନାତ୍, ହେବେତାଙ୍ଗ୍ ମାଙ୍ଗେଙ୍ଗ୍ ହପ୍‌ଚି ଯିହୁଦିର୍ ନିୟମ୍‌ନି ଦାସ୍ କିଦ୍‌ଦେଙ୍ଗ୍ ଉପାୟ୍ କିଜି ମାନ୍‌ଞ୍ଚାର୍।

ଏବ୍ରି 12:15

ଇନେସ୍ ଇନେର୍ ଈଶ୍ୱର ଦୟାତାଙ୍ଗ୍ ଜିୱାତାର୍‌ନା, ହେଦାଙ୍ଗ୍ କାଜିଙ୍ଗ୍ ଜାର୍-ଜାର୍ ସାଇଜ କିବା ଆଡ। ମି ବିତ୍ରେ ଇନେସ୍ ଇମ୍‌ଣି ଅବିସ୍‌ବାସ୍‌ନି କେନି ମାର୍‌ତି ଚିରାଙ୍ଗ୍ ଉବ୍‌ଜା ଆଉତ୍, ହେଦାଙ୍ଗ୍ କାଜିଙ୍ଗ୍ ଜାଗ୍ରତ୍ ଆଜି ମାନାଟ୍। ଇନେସ୍‌କି ଇଦାଙ୍ଗ୍ ଇନାୱେଡ଼ାଙ୍ଗ୍ ଉବ୍‌ଜା ଆନାତ୍, କେତେକ୍ ମାନାୟ୍ ଇ ବିଷୟତାଙ୍ଗ୍ କରାପ୍ ଆନାର୍।

୧ ପିତର 5:8

ଏପେଙ୍ଗ୍ ମି ମାନ୍‌ତିଙ୍ଗ୍ କିଲେର୍ କିୟାଟ୍ ଆରେ ଜାଗ୍ରତ୍ ଆଜି ମାନାଟ୍, ଇନେସ୍‌କି ମି ଶାତୃ ଶୟତାନ ନି ସିଂହ ବୁର୍‌କା ଲେକେ ମାନାୟାରିଙ୍ଗ୍ ବିନାସ୍ କିଦେଙ୍ଗ୍ ଚାରିବେଣ୍‌ତାଙ୍ଗ୍ ଡେକ୍‌ଚି ବୁଲା ଆନାତା।

୨ ପିତର 2:1

ଇସ୍ରାଏଲ ଦେସ୍‌ତାକେ ଇନେସ୍ ଆଗେ ବୁଲ୍ ଭବିଷ୍ଯତବକ୍ତାର୍ ଚଞ୍ଜିଆଆଜି ମାଚାର୍, ହେଲେକେ ବୁଲ୍ ହିକ୍ଷାହିନି ମାଷ୍ଟେରାର୍ ମି ବିତ୍ରେ ଚଞ୍ଜିୟା ଆନାର୍। ହେୱାର୍ ମିଚ୍ ହିକ୍ଷା ହିନାର୍, ଲାଗିଙ୍ଗ୍ ମାନାୟାର୍ ଖ୍ରୀଷ୍ଟତାକେ ପାର୍ତି କିନାକା ବନ୍ଦ୍ କିନାର୍। ଇ ବୁଲ୍ ହିକ୍ଷାହିନି ମାଷ୍ଟେରାର୍ ଖ୍ରୀଷ୍ଟଙ୍ଗ୍ ହେୱାର୍ ମାଷ୍ଟେର୍ ଇଞ୍ଜି ମାନିକିଉର୍, ଆରେ ଖ୍ରୀଷ୍ଟ ହେୱାରିଙ୍ଗ୍ ପାପ୍‌ନି ଶାକ୍ତିତାଙ୍ଗ୍ ମୁକ୍ତି କିତ୍‌ତାନ୍‌ନା ଇଞ୍ଜି ପା ଆହୁର୍। ହେୱାର୍ ଇଲେକେ ନିଜେତିଙ୍ଗ୍ ନିଜେ ହେଦାପ୍ରେ ନଷ୍ଟ ଗଟାଇକିୟା ଆନାର୍।

ହତ୍‌ତି 12:9

ଲାଗିଙ୍ଗ୍ ହେ ରାଚ୍ ଆରେ ତା ଦୁତ୍‌କୁକାଙ୍ଗ୍ ପୁର୍ତିତାକେ ତୁସିହିତାର୍, ହେ ରାଚ୍‌ତିଙ୍ଗ୍ ଆଗେ ପୁର୍‌ବେନି ଶୟତାନ୍ ଇନେର୍ ପୁର୍ତିନି ୱିଜୁ ମାନାୟାରିଙ୍ଗ୍ ଟକାୟ୍ କିନାତା। ହେୱାନ୍ ନେ ଗାଜା ରାଚ୍ ଲେକେ ଚଞ୍ଜ୍‌ନାତା।

ହତ୍‌ତି 13:14

ହେ ପାର୍ତୁମ୍ ପଶୁନି ବାଦୁଲ୍‌ତାଙ୍ଗ୍ ଦୁଇ ନମ୍ବର୍ ପଶୁତିଙ୍ଗ୍ ଚାନିଆ କାମାୟ୍ କିନି ଅଦିକାର୍ ଈଶ୍ୱର ହିଜିମାଚାନ୍। ହେ ପଶୁ ଚାନିଆଆନି କାମାୟ୍ କିଜି ପୁର୍ତିନି ୱିଜାର୍ ମାନାୟାରିଙ୍ଗ୍ ଟକାୟ୍ କିଜି ମାଚାତ୍। ହେ ପଶୁ ମାନାୟାରିଙ୍ଗ୍ ପାର୍ତୁମ୍ ପଶୁନି ମୁର୍ତି ରସ୍ତେଙ୍ଗ୍ ଆଦେସ୍ ହିତାନ୍, ଇମ୍‌ଣି ପାର୍ତୁମ୍ ପଶୁ କାଣ୍ଡାତାଙ୍ଗ୍ ହାଃଜି ମାଚାତ୍ ମାତର୍ ଆରେରଗ ଜିବୁନ୍ ଆତାତ୍‌ନା।

ହତ୍‌ତି 2:20

ମାତର୍ ଏପେଙ୍ଗ୍ ର ବୁଲ୍ କାମାୟ୍ କିନାକା ଆନେଙ୍ଗ୍ ହୁଡ଼୍‌ନାଙ୍ଗା। ଏପେଙ୍ଗ୍ ଯିଜେବଲ ତର୍‌ଦି କଗ୍‌ଲେ ମିଚ୍ ହିକ୍ଷାତିଙ୍ଗ୍ ଆହ୍‌ନାଦେରା ହେଦେଲ୍ ଜାର୍‌ତିଙ୍ଗ୍ ଭବିଷ୍ଯତବକ୍ତା ଇଞ୍ଜି ୱେଚ୍‌ନାତା। ମାତର୍ ନା ଲକ୍‌ବାକ୍ ମୁର୍ତିକାଙ୍ଗ୍ ହିତି କାଦି କିନାକା, ମୁର୍ତିକାଙ୍ଗ୍ ପୁଜା କିନାକା ଆରେ ଦାରି କାମାୟ୍ କିନି ପାପ୍ କାମାୟ୍ କିନାକା ହିକାୟ୍ କିନାତା।