ମାତିଉ 13:2 - New Testament in Pengo Parja Language

² ହେବେ ଯୀଶୁ ଚାରିବେଣ୍‌ତାଙ୍ଗ୍ ବେସିହେନି ମାନାୟ୍ ରୁଣ୍ଡାଆତାର୍। ଲାଗିଙ୍ଗ୍ ଯୀଶୁ ର ଡଙ୍ଗାତାକେ ହାଲ୍‌ଜି କୁଚ୍‌ଚାନ୍, ଆରେ ମାନାୟାର୍ ହାମ୍‌ଦୁର୍ କାଣ୍ଡିତ ନିଲ୍‌ଚି ମାଚାର୍।

ସତ୍‌ ବଚନ୍‌ ପୁନି ନିୟମ୍‌

² ହେବେ ତା କଚଣ୍‌ତ ବେସି ମାନାୟ୍‌ ରୁଣ୍ଡା ଆତିଲେ ହେୱାନ୍‌ ହାଲ୍‌ଜି ର ଡଙ୍ଗାତ କୁଚ୍‌ଚାନ୍‌, ଆରେ ମାନାୟାର୍‌ ଗୁଟିତ ମାଚାର୍‌ ତା କାତା ୱେନ୍‌ଞ୍ଜି ମାଚାର୍‌ ।

ମାତିଉ 13:2 ပူးပေါင်းရင်းမြစ်များ

ମାତିଉ 15:30

ଆରେ ବେସିହେନି ମାନାୟ୍ ଚଟା, ବଇରା, କାଣା, ତତ୍‌ଲା ଆରେ ବାରବିନି ରଗିୟାରିଙ୍ଗ୍ ଆସ୍ତି ଯୀଶୁ ଲାଗାୟ୍ ୱାତାର୍। ଆରେ ହେୱାରିଙ୍ଗ୍ କାଲ୍‌କୁ ତାରେନ୍ ଇଡ଼୍‌ତାର୍, ଆରେ ଯୀଶୁ ହେୱାରିଙ୍ଗ୍ ହାର୍‍କିତାନ୍।

ମାତିଉ 4:25

ଲାଗିଙ୍ଗ୍ ଗାଲିଲୀ ଜିଲ୍ଲା, ଦେକାପଲି (ଇନେରିଙ୍ଗ୍ କି ଦଶ୍‌ଗଟା ସହର୍‌କୁକାଙ୍ଗ୍ ଦେକାପଲି ଇନାର୍) ଯିରୁଶାଲାମ ସହର୍, ଯିହୁଦା ଜିଲ୍ଲା ଆରେ ଯର୍ଦ୍ଦନ ନାଗୁଡ଼୍ ହେପାଡ଼୍‌କାତାଙ୍ଗ୍ ବେସିହେନି ମାନାୟାର୍ ଯୀଶୁ ପାଚେ-ପାଚେ ହାଞ୍ଜେଙ୍ଗ୍ ଲାଗାତାର୍।

ମାର୍କ 4:1

ଆରେରଗ ଯୀଶୁ ଗାଲିଲୀ ଜିଲ୍ଲାନି ହାମ୍‌ଦୁର୍ କାଣ୍ଡିତ ହିକ୍ଷାହିଦେଙ୍ଗ୍ ଆରମ୍ କିତାନ୍, ଯୀଶୁ ଚାରିବେଣ୍‍ତ ବେସିହେନି ମାନାୟ୍ ରବେ ଆତାର୍। ଲାଗିଙ୍ଗ୍ ଯୀଶୁ ର ଡଙ୍ଗାତାକେ ହାଲ୍‌ଜି କୁଚ୍‌ଚାନ୍, ଡଙ୍ଗା ଏଜୁକାଙ୍ଗ୍ ଅଲପ୍ ଦେହାମାଚାତ୍ ଆରେ ମାନାୟାର୍ କାଣ୍ଡିତ ମାଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 5:3

ଯୀଶୁ ହେବେ ମାଚି ର ଡଙ୍ଗାତାକେ ଦୁମ୍‌ତାନ୍। ହେ ଡଙ୍ଗା ଶିମୋନତି ମାଚାତ୍। ଯୀଶୁ ଡଙ୍ଗାତିଙ୍ଗ୍ କାଣ୍ଡିତାଙ୍ଗ୍ ଅଲପ୍ ବିତ୍ରେ ଅଦେଙ୍ଗ୍ ଶିମୋନତିଙ୍ଗ୍‌ ୱେଚ୍‌ଚାନ୍। ତାପାଚେ ହେ ଡଙ୍ଗାତାକେ କୁଚ୍‌ଚାନ୍ ଆରେ ହେ ଡଙ୍ଗା ଜପି ମାନ୍‌ଞ୍ଜି ମାନାୟାରିଙ୍ଗ୍ ହିକ୍ଷାହିଦେଙ୍ଗ୍ ଲାଗାତାନ୍।