ମାତିଉ 12:40 - New Testament in Pengo Parja Language

⁴⁰ ହେଲେକେ ଭବିଷ୍ଯତବକ୍ତା ଯୁନସ୍‌ ତିନ୍‌ଦିନ୍ ଆରେ ତିନ୍‌ରାତି ର ଗାଜା ମିନ୍ ପଟତ ମାଚାନ୍, ହେଲେକେ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ତିନ୍‌ଦିନ୍ ଆରେ ତିନ୍‌ରାତି ମେଦ୍‌ନି ବିତ୍ରେ ମାନ୍‌ଗାନାନ୍।

ସତ୍‌ ବଚନ୍‌ ପୁନି ନିୟମ୍‌

⁴⁰ ଜୁନସ୍‌ ଇନେସ୍‌ ତିନ୍‌ ଦିନ୍‌ ଆରି ତିନ୍‌ ରାତି ଗାଜା ମିନ୍‌ ପଟ ବିତ୍ରେ ମାଚାନ୍‌, ମାନାୟ୍‌ ମାଜ଼ି ହେ ଲାକେ ତିନ୍‌ ଦିନ୍‌ ଆରି ତିନ୍‌ ରାତି ମେଦ୍‌ନି ପୁର୍ତିନି ଗରବ୍‌ ବିତ୍ରେ ମାନ୍‌ଗାନାନ୍‌ ।

ମାତିଉ 12:40 ပူးပေါင်းရင်းမြစ်များ

ମାତିଉ 12:8

ଇନେସ୍‌କି ଯିହୁଦିର୍ ଜମ୍‌ନିଦିନ୍‌ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‍ଣାତି ଆଦିକାର୍ ମାନାତ୍।”

ମାତିଉ 16:21

‌ନଙ୍ଗୟ୍‌ତାଙ୍ଗ୍ ଯୀଶୁ ଖ୍ରୀଷ୍ଟ ତା ଚେଲାରିଙ୍ଗ୍ ବୁଜାଇକିଜି ୱେଚ୍‌ଚେଙ୍ଗ୍ ଲାଗାତାନ୍, ଆନେଙ୍ଗ୍ ଯିରୁଶାଲାମ ସହର୍‌ତାକେ ହାଞ୍ଜେଙ୍ଗ୍ ଆନାତ୍। ହେବେ ପ୍ରାଚିନ୍‌, ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ଯିହୁଦି ଦରମ୍‌ନି ପଣ୍ଡିତାର୍ ନାଙ୍ଗେଙ୍ଗ୍ ହିନସ୍ତାକିଜି ମାର୍ନେ ଅସ୍ତାନାର୍। ମାତର୍ ଆନେଙ୍ଗ୍ ତିନ୍‌ଦିନ୍ ପାଚେ ଆରେରଗ ନିଙ୍ଗ୍‌ନାଙ୍ଗ୍।

ମାତିଉ 17:23

ଆରେ ହେୱାର୍ ନାଙ୍ଗେଙ୍ଗ୍ ମାର୍ନେ ଅସ୍ତାନାର୍। ଆରେ ଆନେଙ୍ଗ୍ ହାଃତି ପାଚେ ତିନ୍‌ଦିନ୍‌ତାଙ୍ଗ୍ ଆରେରଗ ଯିବୁନ୍ ଆନାଙ୍ଗ୍।” ହେଦାଙ୍ଗ୍ କାଜିଙ୍ଗ୍ ହେୱାର୍ ବେସିଦୁକ୍ ଆତାର୍।

ମାତିଉ 27:40

“ଏଡ଼େ ମନ୍ଦିର୍‌ ଡ୍ରିକ୍‌ଚି ଆରେ ତିନ୍‌ଦିନ୍‌ତାଙ୍ଗ୍ ରହ୍‍ନାକାନ୍, ଏନେଙ୍ଗ୍ ଯଦି ଈଶ୍ୱର ମେହି, ଲାଗିଙ୍ଗ୍ କୃଶକାଟ୍‌ତାଙ୍ଗ୍ ଜୁଜିୱାଜି ଜାର୍‌ତିଙ୍ଗ୍ ରକ୍ଷା କିୟା।”

ମାତିଉ 28:6

ହେୱାନ୍ ଇବେ ହିଲୁନ୍, ତା ୱେଚ୍‌ଚିଲେକେ ହେୱାନ୍ ଆରେରଗ ଜିବୁନ୍‌ଆଜି ନିଙ୍ଗ୍‍ତାନ୍‍ନା। ୱାଡ ଇମ୍‌ଣି ବାହାତାକେ ମାଡ଼ା ମାଚାତ୍ ୱାଜି ହୁଡ଼ାଟ୍।

ମାତିଉ 8:20

ହେବେତାଙ୍ଗ୍ ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “କଲିଆ ମାଞ୍ଜେଙ୍ଗ୍ ପାରା ମାନାତ୍। ବାଦାଡ଼୍‌ତ ବୁଲା ଆନି ପଟିକାଙ୍ଗ୍ ଗୁଡା ମାନାତ୍। ମାତର୍ ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତଙ୍ଗ୍‌ ଆନେଙ୍ଗ୍ (ଯୀଶୁ) ମାଞ୍ଜେଙ୍ଗ୍ ବାହା ହିଲେତ୍।”

ଜହନ୍‌ 2:19

ଯୀଶୁ ୱେଚ୍‌ଚାନ୍, “ଏପେଙ୍ଗ୍ ଇ ଈଶ୍ୱର ମାନି ମନ୍ଦିର୍‌ତିଙ୍ଗ୍ ବାଡ଼୍‌ହାଇ କିୟାଟ୍। ଆରେ ଆନେଙ୍ଗ୍ ଇଦାଙ୍ଗ୍‌ ତିନ୍‌ଦିନ୍‌ତାଙ୍ଗ୍ ଆରେରଗ ରସ୍ତି ହିଦ୍‌ନାଙ୍ଗ୍।”