ମାତିଉ 12:4 - New Testament in Pengo Parja Language

⁴ ଦାଉଦ ରାଜା ଈଶ୍ୱର ମାନି ପୁଟ୍‍ତ ହାଚାନ୍। ଆରେ ଈଶ୍ୱର ହେବାକିନି ପୁଜାରି ଈଶ୍ୱରତିଙ୍ଗ୍ ପୁଜାକିତି ରୁଟିତିଙ୍ଗ୍ ଦାଉଦ ରାଜା ଚିଚାନ୍। ଆରେ ତା ହାଙ୍ଗ୍‌ଦାକାରିଙ୍ଗ୍ ପା ଚିଞ୍ଜେଙ୍ଗ୍ ହିତାନ୍। ଇନେସ୍‌କି ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍‌ନେ ତିନାର୍, ହେଦାଙ୍ଗ୍ ହେୱାର୍ ତିନ୍‌ଞ୍ଜି ମାଚାର୍?

ସତ୍‌ ବଚନ୍‌ ପୁନି ନିୟମ୍‌

⁴ ହେୱାନ୍‌ ଇନେସ୍‌ କିଜ଼ି ଇସ୍ୱର୍‌ ଇଞ୍ଜ ହଣ୍‌ଜି, ଇମ୍‌ଣି ଦର୍ସନି ରୁଟି କେବଲ୍‌ ମାପ୍ରୁହେବାକିନାକାର୍‌ ତିନି ବିଦି ମାଚାତ୍‌, ମାତାର୍‌ ତା ଆରି ସାଙ୍ଗହିର୍‌ ତିକାନା ବିଦି ହିଲ୍‌ୱାତାତ୍‌, ହେଦାଂ ହେୱାର୍‌ ଚିଞ୍ଜି ମାଚାର୍‌ ।

ମାତିଉ 12:4 ပူးပေါင်းရင်းမြစ်များ

ମାତିଉ 12:3

ମାତର୍ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ସାସ୍ତର୍‌ତାକେ ଇ ବିଷୟରେ ପଡ଼ି କିୱାତାଦେର୍‍ନା କି? ଦାଉଦ ରାଜା ଇନାକା ହିଲିହିଙ୍ଗ୍ ହେୱାନ୍ ଇନାକା କିଜି ମାଚାନ୍। ହେପାଦ୍ନା ହେୱାନ୍ ଆରେ ତା ହାଙ୍ଗ୍‌ଦାକାର୍ ନାସ୍‌କି ମାଚାର୍।

ମାତିଉ 12:5

ଆରେ ଜମ୍‌ନିଦିନ୍‌ ନାଞ୍ଜିଙ୍ଗ୍ ପୁଜାରି ଈଶ୍ୱର ମାନି ମନ୍ଦିର୍‌ ବିତ୍ରେ ଜମ୍‌ନିଦିନ୍‌ତିଙ୍ଗ୍ ରାଡ଼ା କିଜି ପା ଦସି ଆଉର୍, ମୋଶା ଲେକିକିତି ନିୟମ୍ ସାସ୍ତର୍ ଏପେଙ୍ଗ୍ ଇନାକା ଇଦାଙ୍ଗ୍ ପଡ଼ି କିୱାତାଦେର୍‍ନା?”

ମାର୍କ 2:26

ହେପାଦ୍ନା ଅବିୟାଥର୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ମାଚାନ୍, ଦାଉଦ ଈଶ୍ୱର ମାନି ପୁଟ୍‍ତ ହାଚାନ୍, ଆରେ ଈଶ୍ୱରତିଙ୍ଗ୍ ପୁଜାକିତି ରୁଟିତିଙ୍ଗ୍ ଦାଉଦ ଚିଚାନ୍, ଆରେ ତା ହାଙ୍ଗ୍‌ଦାକାରିଙ୍ଗ୍ ପା ଚିଞ୍ଜେଙ୍ଗ୍ ହିତାନ୍। ମାତର୍ ଏପେଙ୍ଗ୍ ପୁନାଟ୍ କି ମୋଶା ନିୟମ୍ ସାସ୍ତର୍‌ତାକେ ଲେକା ମାନାତ୍, ହେ ପୁଜାକିତି ରୁଟିତିଙ୍ଗ୍ ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍‌ନେ ତିନାର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:4

ଦାଉଦ ଈଶ୍ୱର ମାନି ପୁଟ୍‍ତ ହାଚାନ୍। ଆରେ ଈଶ୍ୱର ହେବାକିନି ପୁଜାରି ଈଶ୍ୱରତିଙ୍ଗ୍ ପୁଜାକିତି ରୁଟିତିଙ୍ଗ୍ ହେୱାନ୍ ଚିଚାନ୍, ଆରେ ତା ହାଙ୍ଗ୍‌ଦାକାରିଙ୍ଗ୍ ପା ଚିଞ୍ଜେଙ୍ଗ୍ ହିତାନ୍। ଇମ୍‌ଣାକା ଈଶ୍ୱରତିଙ୍ଗ୍ ପୁଜାକିତି ରୁଟିତିଙ୍ଗ୍ ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍‌ନେ ତିନି ଦରକାର୍।”

ଏବ୍ରି 9:2

ଇ ପୁଟ୍ କୁଡ଼ିଆ ପଶୁନି ତଲ୍‌ଦାଙ୍ଗ୍ ରହିଆଜି ମାଚାତ୍ ଆରେ ପୁଟ୍ କୁଡ଼ିଆ ମାଦି ପାର୍‌ଦା ଡ଼ସି ରି ବାଗ୍‌କିଜି ମାଚାତ୍। ଆରେ କୁଡ଼ିଆନି ବାର୍ତ ପାର୍ତୁମ୍ ବାହାତିଙ୍ଗ୍ ପବିତ୍ର ବାହା ଇଞ୍ଜି ୱେଚ୍‌ନାର୍। ହେବେ ବଇଟା ଇଟ୍‌ନି ଷ୍ଟେଣ୍ଟ୍ ଆରେ ଈଶ୍ୱରତାକେ ପୁଜାକିତି ରୁଟି ଟେବୁଲ୍ ଜପି ଇଡ଼୍‌ଜି ମାଚାର୍।