ମାତିଉ 12:32 - New Testament in Pengo Parja Language

³² ଆରେ ଇନେର୍‌କି ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ବିରଦ୍‌ତାକେ ନିନ୍ଦା କିନାର୍, ହେୱାନିଙ୍ଗ୍ କେମା ହିଇଆନାତ୍, ମାତର୍ ଇନେର୍ ପବିତ୍ର ଆତ୍ମାତିଙ୍ଗ୍ ବିରଦ୍‌କିଜି ନିନ୍ଦା କିନାର୍ ହେୱାନିଙ୍ଗ୍ ଇ ଯୁଗ୍‌ଦ କି ପାଚେନି ଯୁଗ୍‌ଦ ପା କେମା ହିଇୟାଉତ୍।”

ସତ୍‌ ବଚନ୍‌ ପୁନି ନିୟମ୍‌

³² ଆରେ, ଇନେର୍‌ ଆୟେତ୍‌ ମାନାୟ୍‌ ମାଜ଼ି ବେରୁତାଂ କାତା ଇନାନ୍‌, ତାଙ୍ଗେଙ୍ଗ୍‌ କେମା ହିୟା ଆନାତ୍‌, ମାତର୍‌ ଇନେର୍‌ ଆୟେତ୍‌ ପୁଇପୁୟା ଜିବୁନ୍‌ ବେରୁତାଂ କାତା ଇନାନ୍‌, ଇ ଜୁଗ୍‌ତ କି ପାଚେନି ଜୁଗ୍‌ତ ତାଙ୍ଗେଙ୍ଗ୍‌ କେମା ହିୟା ଆଉତ୍‌ ।”

ମାତିଉ 12:32 ပူးပေါင်းရင်းမြစ်များ

ମାତିଉ 11:19

ମାତର୍ ଏଚେପାଦ୍ନା ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଉଟାନ୍ ଚିଚାନ୍, ମାନାୟାର୍ ହେୱାନିଙ୍ଗ୍ ୱେଚ୍‌ଚାର୍, ‘ହୁଡ଼ାଟ୍, ଇୱାନ୍ ପେଟୁ, ମଦୁୱା। ଆରେ ସିସ୍ତୁଏନ୍‌ନାକାର୍ ଆରେ ପାପିର୍ ହାଙ୍ଗ୍‌ଦାକାନ୍।’ ମାତର୍ ରକାନିଙ୍ଗ୍ ତା କାମାୟ୍‌ତିଙ୍ଗ୍ ହୁଡ଼୍‌ଜି ତା ବୁଦି ଆରେ ଜ୍ଞାନ୍‌ତିଙ୍ଗ୍ ପୁନିଆନାତ୍।”

ମାତିଉ 12:31

ଲାଗିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, “ମାନାୟାର୍ ୱିଜୁ ପାପ୍ କେମା କିୟାଆନାତ୍। ମାତର୍ ଇମ୍‌ଣାକାର୍ ପବିତ୍ର ଆତ୍ମା ବିରଦ୍‌ତାକେ ନିନ୍ଦାକିଜି ୱେଚ୍‌ନାକାରିଙ୍ଗ୍ ତା କେମା ହିୟାଆଉତ୍।

ମାତିଉ 12:8

ଇନେସ୍‌କି ଯିହୁଦିର୍ ଜମ୍‌ନିଦିନ୍‌ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‍ଣାତି ଆଦିକାର୍ ମାନାତ୍।”

ମାତିଉ 13:22

ଆରେ କେତେକ୍ ମାନାୟ୍ ଈଶ୍ୱର କାତାତିଙ୍ଗ୍ ୱେନାର୍। ମାତର୍ ଦୁନିଆନି ଚିନ୍ତା, ହାଉକାର୍ ଆନି ଚିନ୍ତା, ଆରେ ବାରବିନି ଚିନ୍ତା ଇୱିଜୁ ଚିନ୍ତା ମାନ୍ତ ଆଜି ଈଶ୍ୱର କାତାତିଙ୍ଗ୍ ଡାବାଇ କିନାତ୍। ହେଦାଙ୍ଗ୍ କାଜିଙ୍ଗ୍ ଈଶ୍ୱର କାତାତିଙ୍ଗ୍ ମାନିକିଉର୍। ହେଲେଗ୍‌ଦି ମାନାୟ୍ ୱାଡ଼ି ମାର୍‌କୁକାଙ୍ଗ୍ ଆର୍ଜିମାଚି ବିୟାନ୍ ଲେକେ।

ମାତିଉ 13:39

ଇମ୍‌ଣି ଶାତ୍ରୁ କାଚ୍ରା ୱିତ୍‌ନାନ୍ ହେୱାନ୍‌ନେ ଶୟତାନ। ତାସ୍ ତେଜ୍‌ନି ଦିନ୍‌ନି ଅର୍ତ ଆନାତା ଯୁଗ୍‌ଶେସ୍। ଆରେ ତେଜ୍‌ନାକାର୍‌ ଈଶ୍ୱର ଦୁତ୍‌କୁ।

ମାତିଉ 13:40

ଇନେସ୍‌କି ଯୁଗ୍‌ଶେସ୍ ଆନିହିଙ୍ଗ୍ କାଚ୍ରାତିଙ୍ଗ୍ ରବେକିଜି ନାଣି ଆହିକିୟି ଆନାତ୍, ହେଲେକେ ଯୁଗ୍‌ଶେସ୍ ଆନାତ୍।

ମାତିଉ 13:55

ଇୱାନ୍‌ତ ହେ ବାଡ଼ାଇ ମେହି। ତା ତେହି ତର୍‌ତ ମରିୟମ ଆରେ ଇୱାନ୍ ଟଣ୍ଡାହିର୍ ତର୍‌ ଯାକୁବ, ଯୋଷେପ୍‌, ଶିମୋନ ଆରେ ଯିହୁଦା।

ମାତିଉ 8:20

ହେବେତାଙ୍ଗ୍ ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “କଲିଆ ମାଞ୍ଜେଙ୍ଗ୍ ପାରା ମାନାତ୍। ବାଦାଡ଼୍‌ତ ବୁଲା ଆନି ପଟିକାଙ୍ଗ୍ ଗୁଡା ମାନାତ୍। ମାତର୍ ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତଙ୍ଗ୍‌ ଆନେଙ୍ଗ୍ (ଯୀଶୁ) ମାଞ୍ଜେଙ୍ଗ୍ ବାହା ହିଲେତ୍।”

ମାର୍କ 10:30

ଆରେ ନଙ୍ଗୟ୍ ଇ ଜୁଗ୍‌ତ ବେସି ଦୁଃକ୍ ପାୟାଆତି ସାଙ୍ଗେ-ସାଙ୍ଗେ ସତ୍ ଗୁଣ୍‌ତାଙ୍ଗ୍ ଇଲ୍‌ଗାଣ୍, ଟଣ୍ଡେନ୍, ତଣ୍‌ଦେଲ୍, ଆୟା, ହିମ୍‌ଣାୱାକ୍‌ଡ଼ା ଆରେ ଦନ୍ ସମ୍ପତି ଆରେ ଜମିବାଡ଼ି ଗାଟାଆନାନ୍ ଆରେ ୱାନିଜୁଗ୍‌ତ ୱିଜ୍‌ୱି ଜିବୁନ୍ ପାୟା ଆନାନ୍। ଇଲେକେ ମାନାୟ୍ ଇନେର୍ ପା ହିଲୁର୍।

ମାର୍କ 3:28

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ମାନାୟାର୍ ୱିଜୁ ପାପ୍ ଆରେ ଈଶ୍ୱରତିଙ୍ଗ୍ ନିନ୍ଦାକିତିସ୍ ହେୱାର୍ ପାପ୍ ୱିଜୁ କେମା କିନାନ୍।

ମାର୍କ 3:29

ମାତର୍ ଇନେର୍ ପା ପବିତ୍ର ଆତ୍ମାତିଙ୍ଗ୍ ନିନ୍ଦା କିନାର୍, ଈଶ୍ୱର ହେୱାନିଙ୍ଗ୍ ଇନାୱେଡ଼ାଙ୍ଗ୍ ପା ପାପ୍ କେମା ହିଉନ୍, ଆରେ ଈଶ୍ୱରତାକେ ହେୱାନ୍ ୱିଜୁଦିନ୍ ପାପି ଇଞ୍ଜି ଗାଣାକିୟା ଆନାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:10

ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ବିରଦ୍‌ତାକେ ଇନାକା ନିନ୍ଦା ମାନାୟ୍‌ତିଙ୍ଗ୍ କେମା ହିଇଆନାତ୍। ମାତର୍ ଇନେର୍ ପବିତ୍ର ଆତ୍ମାତିଙ୍ଗ୍ ନିନ୍ଦାକିଜି ଇନାନ୍, ହେ ମାନାୟ୍‌ତିଙ୍ଗ୍ କେମା ହିଇୟାଉତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:8

ତାପାଚେ ମାଲିକ୍ ହେ ଅସାଦୁ ମୁନ୍‌ସିତିଙ୍ଗ୍ ଆଶ୍ରିବାଦ୍ କିତାନ୍। ଇନେସ୍‌କି ମୁନ୍‌ସି ଚାତୁର୍ ଆଜି କାମାୟ୍ କିତାନ୍। ହେଲେକେ ଇ ଯୁଗ୍‌ନି କରାପ୍ ମାନାୟାର୍ ଜାର୍ କାମାୟ୍‌ତିଙ୍ଗ୍ ହାର୍ଦି ମାନାୟ୍‌ତାଙ୍ଗ୍ ଆଦିକ୍ ଚାତୁର୍ ଆଜି କାମାୟ୍ କିନାର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:30

ହେୱାନ୍ ଇ ଯୁଗ୍‌ତ ବେସି ପାୟା ଆନାନ୍। ଆରେ ପାଚେନି କାଡ଼୍‌ଦ ହେୱାନ୍ ୱିଜ୍‌ୱି ଜିବୁନ୍ ପାୟା ଆନାନ୍। ଆରେ ହେୱାନ୍ ଈଶ୍ୱର ହୁଦାଙ୍ଗ୍ ୱିଜ୍‌ୱିଦିନ୍ ପାତେକ୍ ମାନ୍‌ଗାନାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:34

ହେପାଦ୍ନା ଯୀଶୁ ୱେଚ୍‌ଚାନ୍, “ଆବା, ଇୱାରିଙ୍ଗ୍ କେମା କିୟା, ଇନେସ୍‌କି ଇୱାର୍ ଇନାକା କିନାର୍ ହେଦାଙ୍ଗ୍ ପୁନୁରା। ଆରେ ହେୱାର୍ ଯୀଶୁ ଉସ୍‌ପିତି ହେନ୍ଦ୍ରାତିଙ୍ଗ୍ ହେୱାର୍ ବାଗ୍‌କିଦେଙ୍ଗ୍ ଅତାର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:34

ମାତର୍ ଆନେଙ୍ଗ୍, ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଉଣ୍ଡେଙ୍ଗ୍ କି ଚିଞ୍ଜେଙ୍ଗ୍, ୱାତାୟ୍‌ନା ଇଞ୍ଜି ମାନାୟାର୍ ୱେଚ୍‌ଚାତାର୍, ‘ହୁଡ଼ାଟ୍, ଇୱାନ୍ ପେଟୁ, ମଦୁୱା। ଆରେ ସିସ୍ତୁଏନ୍‌ନାକାର୍ ଆରେ ପାପିର୍ ହାଙ୍ଗ୍‌ଦାକାନ୍।’

ଜହନ୍‌ 7:12

ହେବେ ବେସିହେନି ମାନାୟାର୍ ମାଚାର୍। ହେୱାର୍ ବିତ୍ରେତାଙ୍ଗ୍ କେତେକ୍ ହେନି ଜାର୍-ଜାର୍‌ବିତ୍ରେ ଯୀଶୁ ବଷୟରେ ବେଣ୍‌କିବାଆଜି ମାଚାର୍, କେତ୍‌ଜାଣ୍ ୱେଚ୍‌ଚାର୍, “ହେୱାନ୍ ରକାନ୍ ହାର୍ଦି ମାନାୟ୍।” ମାତର୍ ଜେକନିକାର୍ ୱେଚ୍‌ଚି ମାଚାର୍, “ଆକାୟ୍, ହେୱାନ୍ ମାନାୟାରିଙ୍ଗ୍ ବୁଲ୍ ହାଜ୍‌ଦିଙ୍ଗ୍ ଅନାନା।”

ଜହନ୍‌ 7:39

ଇମ୍‌ଣାକାର୍ ଯୀଶୁତାକେ ପାର୍ତି କିଜି ମାଚାର୍, ଆରେ ହେୱାର୍ ଈଶ୍ୱରଆତ୍ମା ପାୟାଆନାକା ମାଚାତ୍। ହେୱାରିଙ୍ଗ୍ ଚଚ୍‌ଚି ଯୀଶୁ ଇ କାତା ୱେଚ୍‌ଚାନ୍। ଇନେସ୍‌କି ଈଶ୍ୱର ଯୀଶୁଙ୍ଗ୍ ଅଜଡ଼୍ କିୱାଦାଙ୍ଗ୍ ମାଚିଲେ, ହେୱାର୍ ଈଶ୍ୱରଆତ୍ମା ପାୟାଆୱାଦାଙ୍ଗ୍ ମାଚାର୍।

ଜହନ୍‌ 7:52

ଯିହୁଦି ନେତାର୍ ୱେଚ୍‌ଚାର୍, “ଏନେଙ୍ଗ୍ ଇନାକା ଗାଲିଲୀ ଜିଲ୍ଲାନି ମାନାୟାର୍ ବିତ୍ରେତାଙ୍ଗ୍ ରକାଇ? ଏପେଙ୍ଗ୍ ଦରମ୍ ସାସ୍ତର୍ ପିଡ଼ିକିୟାଟ୍, ଲାଗିଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍, ଇମ୍‌ଣି ଭବିଷ୍ଯତବକ୍ତା ପା ଗାଲିଲୀ ଜିଲ୍ଲାତାଙ୍ଗ୍ ୱାଉନ୍।”

ପକ୍ୟାତାକା 3:19

ଇଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ମି ପାପ୍ କାମାୟ୍ ପିସ୍ତି ମାପୃତାକେ ୱାତିସ୍, ଈଶ୍ୱର ମି ପାପ୍ ୱିଜୁ କେମା କିଦ୍‌ନାନ୍।

ଏପିସିୟ 1:21

ଖ୍ରୀଷ୍ଟ ହେ ବାହାତାକେ ୱିଜୁ ଅଦିକାର୍‌ନି ଶାକ୍ତିତାଙ୍ଗ୍ ଗାଜା ଅଦିକାର୍। ଆରେ ଅପିସର୍‌ତାଙ୍ଗ୍ ବେସି ଗାଜା ଅପିସର୍। ହେୱାନ୍ ଇ ଯୁଗ୍‌ଦ ନେ ଆକାୟ୍ ୱାନି ଯୁଗ୍‌ଦ ପା ଗାଜା।

୧ ତିମତି 1:13

ଆନେଙ୍ଗ୍ ପାର୍ତିକିୱି ଆଗେ ଖ୍ରୀଷ୍ଟଙ୍ଗ୍ ନିନ୍ଦାକିଜି ମାଚାଙ୍ଗ୍, ଆରେ ପାର୍ତି କିନାକାରିଙ୍ଗ୍ ଦୁକ୍‌କଷ୍ଟ ହିଜି ମାଚାଙ୍ଗ୍ ଆରେ ହେୱାରିଙ୍ଗ୍ ବେସି ହରିଆଣ୍ କିଜି ମାଚାଙ୍ଗ୍। ମାତର୍ ଆନେଙ୍ଗ୍ ନଙ୍ଗୟ୍ ପାତେକ୍ ଖ୍ରୀଷ୍ଟଙ୍ଗ୍ ପୁନ୍‌ୱାଦାଙ୍ଗ୍ ମାଚାଙ୍ଗ୍ ଆରେ ଇନାକା ଆନେଙ୍ଗ୍ କିନାଙ୍ଗା ହେଦାଙ୍ଗ୍ ପୁନ୍‌ୱାଦାଙ୍ଗ୍ କିତି କାଜିଙ୍ଗ୍ ଖ୍ରୀଷ୍ଟ ନାଙ୍ଗେଙ୍ଗ୍ ଦୟା କିତ୍‌ତାନ୍‌ନା।

୧ ତିମତି 1:15

ପାପି ମାନାୟାରିଙ୍ଗ୍ ଉଦାର୍ କିଦେଙ୍ଗ୍ ଯୀଶୁ ଖ୍ରୀଷ୍ଟ ପୁର୍ତିତାକେ ୱାଜିମାଚାନ୍, ଇ କାତା ପୁରାପୁରି ସତ୍ ଆରେ ପାର୍ତିକିନି ଦର୍‌କାର୍, ହେ ପାପି ମାନାୟାର୍ ବିତ୍ରେତାଙ୍ଗ୍ ଆନେଙ୍ଗ୍ ରକାଙ୍ଗ୍ ଗାଜା ପାପି।

୧ ତିମତି 4:8

ଇନେସ୍‌କି ଏକ୍ସେସାଇଜ୍ କିତିସ୍ ଆପ୍‌କା ନି ଗାଗାଡ଼୍‌ତିଙ୍ଗ୍ ନେ ଲାବ୍ ଆନାତ୍। ମାତର୍ ଈଶ୍ୱର ଇଚାତାଙ୍ଗ୍ ଜିବୁନ୍ କାଟିକିତିସ୍‌ ଈଶ୍ୱର ଇମ୍‌ଣି ଜିବୁନ୍ ହିଦ୍‌ଦେଙ୍ଗ୍ ପାର୍ମାଣ୍ କିତ୍‌ତାନ୍‌ନା, ହେଦାଙ୍ଗ୍ ନଙ୍ଗୟ୍‌ନି ଯୁଗ୍‌ଦ ଆରେ ୱାନି ଯୁଗ୍‌ଦ ଏନେଙ୍ଗ୍ ହେ ଜିବୁନ୍ ପାୟାଆନାୟ୍।

୧ ତିମତି 6:17

ଇମ୍‌ଣାକାର୍ ଇ ଯୁଗ୍‌ତ ହାଉକାର୍, ହେୱାର୍ ଇନେସ୍ ଲେକେ ଆକାର୍ ଆଉର୍ ଆରେ ଟେବାଆୱି ଦନ୍‌ତିଙ୍ଗ୍ ଆହା କିଉର୍, ବାଉରା ଆଦେଙ୍ଗ୍ ୱିଜୁ ବିଷୟ ବେସି ମାଙ୍ଗେଙ୍ଗ୍ ଦାନ୍ କିଦ୍‌ନି ଈଶ୍ୱର ଜପି ଆହା ଇଟ୍‌ନାର୍।

୨ ତିମଥି 4:10

ଇନେସ୍‌କି ଦୀମା ଇ ପୁର୍ତିତିଙ୍ଗ୍ ଲାଡ୍‌କିଜି ନାଙ୍ଗେଙ୍ଗ୍ ପିସ୍ତି ହାନ୍‌ଞ୍ଚାନ୍ ଆରେ ଥେସଲନିକି ସହର୍‌ତାକେ ହାଚାନ୍‌ନା। କ୍ରେସ୍‌କେନସ୍ ଗାଲାତିୟ ଜିଲ୍ଲାତ ହାଚାନ୍‌ନା, ଆରେ ତିତସ ଦଲ୍ମତିଆ ସହର୍‌ତିଙ୍ଗ୍ ହାଚାନ୍‌ନା।

ତୀତସ 2:12

ଆସେଙ୍ଗ୍ ଇନେସ୍ ଅଦରମ୍‌ ଆରେ ପୁର୍ତିନି ଇଚାତାଙ୍ଗ୍ ପିସ୍ତି ଇ ନଙ୍ଗୟ୍‌ନି ଯୁଗ୍‌ତ ଇ ପୁର୍ତିତାକେ ବୁଦି ହୁଦାଙ୍ଗ୍, ଦରମ୍ ମାନାୟ୍ ଆଜି ଜିବୁନ୍ କାଟିକିନି ଦର୍‌କାର୍।

ଜାକ୍‌ବ 1:27

ଟୁରା ହିମ୍‌ଣା ଆରେ ରାଣ୍ଡି କଗ୍‍ଲେକାଙ୍ଗ୍ ଜାତୁନ୍ କିଦେଙ୍ଗ୍ ଆରେ ପୁର୍ତିନି କରାପ୍ କାମାୟ୍‌ତାଙ୍ଗ୍ ମାନ୍‌ୱାଦାଙ୍ଗ୍ ଜାର୍‌ତିଙ୍ଗ୍ କରାପ୍ ଆଜି ମାନ୍‌ଗୁନ୍, ହେଦାଙ୍ଗ୍ ନେ ମା ଆବା ଈଶ୍ୱର ମୁମ୍‌ଦ ନିର୍ମଲ୍ ଆରେ ଟିକ୍‌ଟାକ୍ ଦରମ୍ ଜିବୁନ୍।