ମାତିଉ 12:26 - New Testament in Pengo Parja Language

²⁶ ଶୟତାନ ଯଦି ଶୟତାନତିଙ୍ଗ୍ ବିରଦ୍ କିଜି ହପ୍‌ନାତ୍, ହେଦାଙ୍ଗ୍ କାଜିଙ୍ଗ୍ ତା ଜାର୍ ଲକ୍ ବିତ୍ରେ ବାଗ୍-ବାଗ୍ କିନାତ୍। ଲାଗିଙ୍ଗ୍ ତା ରାଜି ଶାନ୍ତିଆଜି ମାଞ୍ଜେଙ୍ଗ୍ ଆଡୁତ୍।

ସତ୍‌ ବଚନ୍‌ ପୁନି ନିୟମ୍‌

²⁶ ଆରେ, ସୟ୍‌ତାନ୍‌ ଜଦି ସୟ୍‌ତାନ୍‌ତିଂ ପିହିକିତିସ୍‌, ତା ଆତିସ୍‌ ହେଦାଂ ରିବାଗ୍‌ ଆଜ଼ି ଜାର୍‌ ବିରୁତ୍‌ତାଂ ନିଙ୍ଗ୍‌ତାତେ; ଲାଗିଂ ତା ରାଜି ଇନେସ୍‌ ତିର୍‌ ଆଜ଼ି ମାନାତ୍‌ ?

ମାତିଉ 12:26 ပူးပေါင်းရင်းမြစ်များ

ମାତିଉ 13:19

“ମାନାୟାର୍ ଈଶ୍ୱର କାତାତିଙ୍ଗ୍ ୱେନାର୍ ମାତର୍ ଶୟତାନ୍ ୱାଜି ହେୱାର୍ ୱେଚି କାତାତିଙ୍ଗ୍ ବାଣାଇ କିନାତ୍। ଏଲେଙ୍ଗ୍ ଲେଗ୍‌ଦି ମାନାୟ୍ ହାଜ୍‌ଦ ଆର୍ତି ବିୟାନ୍ ଲେକେ।

ମାତିଉ 4:10

ହେବେ ଯୀଶୁ ତାଙ୍ଗେଙ୍ଗ୍ ୱେଚ୍‌ଚାନ୍, “ନାବେତାଙ୍ଗ୍ ଦେହା ଆ ଶୟତାନ, ‘ଲାଗିଙ୍ଗ୍ ଈଶ୍ୱର ସାସ୍ତର୍‌ତାକେ ଲେକା ମାନାତ୍, ଏପେଙ୍ଗ୍ ଜାର୍ ମାପୃତିଙ୍ଗ୍ ମେଣ୍ଡାକୁନ୍ଦିକିଜି ଜୱାର୍ କିନାଦେର୍, ଆରେ ହେୱାନିଙ୍ଗ୍‌ନେ ହେବା କିନାଦେର୍।’ ”

ମାତିଉ 9:34

ମାତର୍ ପାରୁସିଦଳ୍‍ନି ମାନାୟାର୍ ୱେଚ୍‌ଚାର୍, “ଇୱାନ୍ ଶୟତାନ ଆତ୍ମା ସାଇଜତାଙ୍ଗ୍ ବୁତ୍ଆତ୍ମାକାଙ୍ଗ୍ ପିହିକିନାନା।”

ଜହନ୍‌ 12:31

ନଙ୍ଗୟ୍ ଇ ପୁର୍ତିତିଙ୍ଗ୍ ବିଚାର୍‌କିନି ଦିନ୍ ଏକିୱାତାତ୍, ଇ ପୁର୍ତିତିଙ୍ଗ୍ ସାସନ୍ କିନି ଶୟତାନ୍‌ତିଙ୍ଗ୍ ବାର୍ତ ତୁସିହିନି ଦିନ୍ ୱାତାତ୍।

ଜହନ୍‌ 14:30

ଆନେଙ୍ଗ୍ ମିହୁଦାଙ୍ଗ୍ ଆରେ ବେସି ବେଣ୍ କିଦ୍‌ଦେଙ୍ଗ୍ ଆଡ଼୍‌ଦୁଙ୍ଗ୍। ଇ ପୁର୍ତିନି ସାସନ୍ କିନାକାନ୍ ୱାନାନା, ଆରେ ନାବେ ହେୱାନ୍‌ତି ଇନାକାପା ଆଦିକାର୍ ହିଲୁତ୍।

ଜହନ୍‌ 16:11

ନ୍ୟାୟ୍ ବିଚାର୍ ବିଷୟରେ ପୁର୍ତିତିଙ୍ଗ୍ ଚଚ୍‍ନାନ୍, ଇନେସ୍‌କି ପୁର୍ତିନି ସାସନ୍ କିନି ଶୟତାନ୍ ବିଚାର୍ ଆତାନେ।

୨ କରନ୍ତିୟ 4:4

ଆସେଙ୍ଗ୍ ଶୁଣାୟ୍ କିନି ହାର୍ଦିକାବୁର୍‌ତିଙ୍ଗ୍ ପାର୍ତିକିୱି ମାନାୟାରିଙ୍ଗ୍ ଇ ପୁର୍ତିତିଙ୍ଗ୍ ସାସନ୍ କିନି ଶୟତାନ୍, ତା ମାନ୍‌ତିଙ୍ଗ୍ କଣ୍ଟ୍ରୁଲ୍ କିନାତା ଆରେ ବୁଜା ଆଦେଙ୍ଗ୍ ହିଉତା। ଲାଗିଙ୍ଗ୍ ଈଶ୍ୱରଲେକେ ଚଞ୍ଜ୍‌ନି ଖ୍ରୀଷ୍ଟ ଯୀଶୁ ବିଷୟନି ହାର୍ଦିକାବୁର୍ ଆରେ ତା ଗୌରବତିଙ୍ଗ୍ ବୁଜା ଆଦେଙ୍ଗ୍ ଆଡୁରା।

କଲସିୟ 1:13

ଇନେସ୍‌କି ହେୱାନ୍ ମାଙ୍ଗେଙ୍ଗ୍ ମାଜ୍‌ଗାନି ରାଜିତାଙ୍ଗ୍ ଉଦାର୍ କିତ୍‌ତାନ୍‌ନା। ଆରେ ତା ଲାଡ୍‌ନି ମେହି ସାସନ୍ କିନି ରାଜିତାକେ ମାଙ୍ଗେଙ୍ଗ୍ ଅତ୍‌ତାନ୍‌ନା।

୧ ଯୋହନ 5:19

ଆପେଙ୍ଗ୍ ପୁଚାପ୍‌ନା ଯେ, ଆପେଙ୍ଗ୍ ଈଶ୍ୱର ମେହିକାପ୍, ମାତର୍ ଶୟତାନ୍ ଇ ପୁର୍ତିନି ମାନାୟାରିଙ୍ଗ୍ ତା ଅଦିନ୍‌ରେ ଇଡ଼୍‌ତାତ୍‌ନା।

ହତ୍‌ତି 12:9

ଲାଗିଙ୍ଗ୍ ହେ ରାଚ୍ ଆରେ ତା ଦୁତ୍‌କୁକାଙ୍ଗ୍ ପୁର୍ତିତାକେ ତୁସିହିତାର୍, ହେ ରାଚ୍‌ତିଙ୍ଗ୍ ଆଗେ ପୁର୍‌ବେନି ଶୟତାନ୍ ଇନେର୍ ପୁର୍ତିନି ୱିଜୁ ମାନାୟାରିଙ୍ଗ୍ ଟକାୟ୍ କିନାତା। ହେୱାନ୍ ନେ ଗାଜା ରାଚ୍ ଲେକେ ଚଞ୍ଜ୍‌ନାତା।

ହତ୍‌ତି 16:10

ତାପାଚେ ପାଞ୍ଚ୍ ନମ୍ବର୍ ଦୁତ୍, ତା ଗିନାତାକେ ମାନି ଈଶ୍ୱର ଦଣ୍ଡ୍ ପଶୁଙ୍ଗ୍ ସିଙ୍ଗାସନ ଜପି ୱାକ୍‌ତାତ୍‌, ଆରେ ହେ ପଶୁଙ୍ଗ୍ ମାନି ଦେସ୍ ମାଜ୍‌ଗା ଆତାତ୍। ଆରେ ମାନାୟାର୍ ବେସି କଷ୍ଟ ଆତି କାଜିଙ୍ଗ୍ ୱେନ୍ଦୁଲ୍ କାପ୍‌ତେଙ୍ଗ୍ ଲାଗାତାର୍।

ହତ୍‌ତି 9:11

ପାତାଳ୍‌ନି ଦୁତ୍ ହେୱାର୍ ରାଜା ମାଚାତ୍, ଏବ୍ରୀ ବାଷାତାଙ୍ଗ୍ ତା ତର୍‌ ଆବାଦାନ୍ ମାଚାତ୍, ଆରେ ଗ୍ରୀକ୍ ବାଷାତାଙ୍ଗ୍ ତା ତର୍‌ ଅପଲ୍ଲିୟୋନ୍ ମାଚାତ୍, ତା ଅର୍ତ ବିନାସ୍ କିନି ମାନାୟ୍।