Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ମାତିଉ 11:5 - New Testament in Pengo Parja Language

5 କାଣାର୍ ହୁଡ଼୍‌ଦେଙ୍ଗ୍ ଆଡ଼୍‌ତାର୍, ଚଟାର୍ ତାଙ୍ଗ୍‌ଦେଙ୍ଗ୍ ଆଡ଼୍‌ତାର୍, କୁଷ୍ଟରଗ୍‌ଦାକାର୍ ହାର୍‌ଆତାର୍, ବଇରାର୍ ୱେଞ୍ଜେଙ୍ଗ୍ ଆଡ଼୍‌ତାର୍, ଇମ୍‌ଣାକାର୍‌ ହାଃତିତାଙ୍ଗ୍ ଆରେରଗ ଜିବୁନ୍ ଆନାରା, ଆରେ ଗରିବ୍ ମାନାୟାର୍‌ତାକେ ଈଶ୍ୱର ରାଜିନି ହାର୍ଦିକାବୁର୍ ଶୁଣାୟ୍ କିୟାଆନାତା।

အခန်းကိုကြည့်ပါ။ ကော်ပီ

ସତ୍‌ ବଚନ୍‌ ପୁନି ନିୟମ୍‌

5 କାଣାର୍‌ କାଣ୍‌କୁ ହୁଡ଼୍‌ନାର୍‌, ମେଟାର୍‌ ତାଂନାର୍‌, ଗାଜା ରଗ୍ୟାର୍‌ ସକଟ୍‌ ଆନାର୍‌, ବଇରାର୍‌ ୱେନାର୍‌, ହାତାକାର୍‌ ନିଙ୍ଗ୍‌ନାର୍‌, ଆରେ ହିଲ୍‍ୱାକାର୍‍ ତାକେ ନେକ୍ରିକାବୁର୍‌ ସୁଣାୟ୍‌ କିୟାଆନାତ୍‌;

အခန်းကိုကြည့်ပါ။ ကော်ပီ




ମାତିଉ 11:5
41 ပူးပေါင်းရင်းမြစ်များ  

ବେମାର୍ ନିକାରିଙ୍ଗ୍ ଉଜ୍‌ କିୟାଟ୍, ହାଃତାକାରିଙ୍ଗ୍ ନିକାଟ୍, ଦୁକ୍‌କଷ୍ଟ ଲଗାଙ୍ଗ୍ ହାର୍ କିୟାଟ୍, ବୁତ୍ଆତ୍ମାକାଙ୍ଗ୍ ପିହି କିୟାଟ୍। ଏପେଙ୍ଗ୍ ବେକାରେ ପାୟା ଆତାଦେର୍‌ନା ବେକାରେ ହିୟାଟ୍।


ଯୀଶୁ ଡୁବନ୍‌ହିନି ଯୋହନ ଚେଲାହିରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ହାଲ୍‌ଜି ଇନା ଇନାକା ୱେଚାଦେର୍‌ନା ଆରେ ହୁଡ଼୍‌ତାଦେର୍ ହେ ୱିଜୁ ଯୋହନତିଙ୍ଗ୍ ୱେଚାଟ୍।


ହେପାଦ୍ନା ଯୀଶୁ ହେ କେଇ ୱାଚ୍‌ଚି ମାନାୟ୍‌ତିଙ୍ଗ୍ ଇଚାନ୍, “ନି କେଇ ଲାମାୟ୍ କିୟା।” ହେବେତାଙ୍ଗ୍ ହେୱାନ୍ ତା କେଇ ଲାମାୟ୍ କିତାନ୍ ଆରେ ତା ଜେକନି କେଇ ଲେକେନେ ହାର୍ ଆତାତ୍।


ଆରେ ଈଶ୍ୱର ମାନି ମନ୍ଦିର୍‌ତାକେ କାଣା ଆରେ ଚଟା ମାନାୟ୍ ଯୀଶୁ ଲାଗାୟ୍ ୱାତାର୍ ହେୱାରିଙ୍ଗ୍ ହାର୍‍କିତାନ୍।


“ଇମ୍‌ଣି ମାନାୟ୍ ଈଶ୍ୱରତିଙ୍ଗ୍ ତା ଗରବ୍‌ତାକେ ଆହ୍‌ନାର୍, ଈଶ୍ୱର ସାସନ୍ କିନି ରାଜି ହେୱାର୍‌ତି ଆନାତ୍।


ହେବେତାଙ୍ଗ୍ ହେୱାର୍ କାଣ୍‌କୁ ହୁଡ଼୍‌ଦେଙ୍ଗ୍ ଆଡ଼୍‌ତାର୍। ଆରେ, ଯୀଶୁ ହେୱାରିଙ୍ଗ୍ ଆଦେସ୍ ହିଜି ୱେଚ୍‌ଚାନ୍, “ହୁଡ଼ାଟ୍, ଆନେଙ୍ଗ୍ ମିଙ୍ଗେଙ୍ଗ୍ ହାର୍ କିତି ବିଷୟ ଇନେରିଙ୍ଗ୍ ପା ୱେଚ୍‌ମାଟ୍।”


ଇମ୍‌ଣାକାର୍ ଇବେଣ୍ ୱେଚାର୍, ମାନାୟାର୍ ଆଦିକ୍ କାବାଆଜି ୱେଚ୍‌ଚାର୍। “ହେୱାନ୍ ୱିଜୁ କାମାୟ୍ ହାର୍ କିନାନା, ହେୱାନ୍ ବଇରାରିଙ୍ଗ୍ ୱେନି ସାକ୍ତି ଆରେ ତତ୍‌ଲାଙ୍ଗ୍ ବେଣ୍ କିନି ସାକ୍ତି ପା ହିନାନ୍।”


ତାପାଚେ ଯୀଶୁ କେତ୍‌ଜାଣ୍ ମାନାୟ୍‌ତିଙ୍ଗ୍ ତା ଲାଗାୟ୍ ୱାନାକା ହୁଡ଼୍‌ତାନ୍। ଲାଗିଙ୍ଗ୍ ଯୀଶୁ ହେ ବୁତ୍ଆତ୍ମାତିଙ୍ଗ୍ ଦମ୍‍କାଇକିଜି ୱେଚ୍‌ଚାନ୍, “ଏ ବୁତ୍ଆତ୍ମା ଇ ହିମ୍‌ଣାତିଙ୍ଗ୍ କନ୍ଦା ଆରେ ବଇରା କିତାଇନା ନଙ୍ଗୟ୍ ଇ ହିମ୍‌ଣାତାଙ୍ଗ୍ ହସିହାଲା! ଆରେ ଇନାୱେଡ଼ାଙ୍ଗ୍ ପା ଇୱାନିଙ୍ଗ୍ ଡୁଉୟ୍।”


“ପବିତ୍ର ଆତ୍ମା ନାବେ ମାନାତ୍। ଗରିବ୍ ନିକାର୍‌ତାକେ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ଈଶ୍ୱର ନାଙ୍ଗେଙ୍ଗ୍ ବାଚିକିତ୍‌ନ୍‌ନା। ଆରେ ଶୟତାନ ଜାଲ୍‌ଦ ମାନାକାରିଙ୍ଗ୍ ରକ୍ଷା କିଦେଙ୍ଗ୍, ଆରେ କାଣାର୍ ମାନାୟାରିଙ୍ଗ୍ ହୁଡ଼୍‌ଦେଙ୍ଗ୍ ସାଇଜ କିଦେଙ୍ଗ୍, ଆରେ ଦୁକ୍‌କଷ୍ଟ ପାୟାଆନାକାରିଙ୍ଗ୍ ରକ୍ଷା କିଦେଙ୍ଗ୍ ଈଶ୍ୱର ନାଙ୍ଗେଙ୍ଗ୍ ପକ୍ତାତାନ୍‌ନା।


ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାତାଙ୍ଗ୍‌ନା, ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ପାର୍ତି କିଦୁଦେରା। ନାଙ୍ଗେଙ୍ଗ୍ ନା ଆବା ଈଶ୍ୱର ଆଦିକାର୍ ହିତ୍‌ତାନ୍‌ନା, ଇୱିଜୁ ଚାନିଆଆନି କାମାୟ୍ କିଦେଙ୍ଗ୍, ଆନେଙ୍ଗ୍ ଇମ୍‌ଣି-ଇମ୍‌ଣି କାମାୟ୍ କିନାଙ୍ଗା ଇୱିଜୁ ନା ବିଷୟରେ ୱେଚ୍‌ଚାନାନା।


ନା ଆବା ଈଶ୍ୱର ଇନାକା କିନାନ୍, ହେଦାଙ୍ଗ୍ ଆନେଙ୍ଗ୍ କିନାଙ୍ଗ୍, ଲାଗିଙ୍ଗ୍ ଏପେଙ୍ଗ୍ ନା କିତି କାମାୟ୍‌ତିଙ୍ଗ୍ ପାର୍ତିକିନି ଦର୍‌କାର୍। ଲାଗିଙ୍ଗ୍ ଏପେଙ୍ଗ୍ ପୁନାଦେର୍ ଆରେ ବୁଜାଆନାଦେର୍ ଯେ ଆବା ଈଶ୍ୱର ନାବେ ମାନାନ୍ ଆରେ ଆନେଙ୍ଗ୍ ତାବେ ମାନାଙ୍ଗ୍।”


ଯୀଶୁ ନିସ୍ତାର୍ ପାର୍ବୁ ମାନି କିଦେଙ୍ଗ୍ ଯିରୁଶାଲାମ ସହର୍‌ତାକେ ମାନିହିଙ୍ଗ୍ କେତେକ୍ ହେନି ମାନାୟ୍ ଚାନିଆଆନି କାମାୟ୍ କିତାକା ହୁଡ଼୍‌ଜି ହେୱାନିଙ୍ଗ୍ ପାର୍ତି କିତାର୍।


ହେୱାନ୍ ଦିନେକ୍ ମିକାଲିଙ୍ଗ୍ ଯୀଶୁ ଲାଗାୟ୍ ୱାଜି ୱେଚ୍‌ଚାନ୍, “ଏ ଗୁରୁ, ଆପେଙ୍ଗ୍ ପୁଚାପ୍‌ନା ଯେ, ଏନେଙ୍ଗ୍ ରକାଇ ଈଶ୍ୱରତାଙ୍ଗ୍ ୱାତି ଗୁରୁ। ଏନେଙ୍ଗ୍ ଇମ୍‌ଣିୱିଜୁ ଚାନିଆଆନି କାମାୟ୍ କିନାୟା। ଈଶ୍ୱର ସାଇଜ କିୱିତିସ୍‌ ଇୱିଜୁ କାମାୟ୍ ଇନେର୍ ପା କିଦେଙ୍ଗ୍ ଆଡୁର୍।”


ଡୁବନ୍‌ହିନି ଯୋହନ ସାକିତାଙ୍ଗ୍‌ ନା ଲାଗାୟ୍ ଆଦିକ୍ ଗାଜାସାକି ମାନାତ୍। ଆବା ଇମ୍‌ଣି କାମାୟ୍ ପୁରା କିନି କାଜିଙ୍ଗ୍ ହିତ୍‌ତାନ୍‌ନା, ହେ କାମାୟ୍ ୱିଜୁ ନା କାଜିଙ୍ଗ୍ ସାକି ହିତ୍‌ତାନ୍‌ନା, ଆରେ ଆବା ନାଙ୍ଗେଙ୍ଗ୍ ପକ୍ତାତାନ୍‌ନା ଲାଗିଙ୍ଗ୍ ସାକି ହିନାଙ୍ଗା।


ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ହାଲା, ଶିଲୋହ ବାନ୍ଦ୍‌ତାକେ ନୁଜିଆ।” ଶିଲୋହ ଅର୍ତ “ପକ୍ତାନ୍।” ତାପାଚେ ହେ କାଣାମାନାୟ୍ ବାନ୍ଦ୍‌ତ ନୁଜିଆଜି ୱାତାନ୍। ହେୱାନ୍ ନଙ୍ଗୟ୍ ହୁଡ଼୍‌ଦେଙ୍ଗ୍ ଆଡ଼୍‌ଜି ମାଚାନ୍।


ଏ ଇସ୍ରାଏଲ ଜାତିନି ମାନାୟାର୍, “ୱେନାଟ୍! ନାଜରିତିୟ ସହର୍‌ନି ଯୀଶୁ ଇନା-ଇନା ଶାକ୍ତିନି କାମାୟ୍, ଚାନିଆଆନି କାମାୟ୍ ଆରେ ଚିନାତାଙ୍ଗ୍ ମି ଲାଗାୟ୍ ଈଶ୍ୱର ପକିଆତି ମାନାୟ୍ ଇଞ୍ଜି ଚଚିୟା ଆନାନ୍। ହେଦାଙ୍ଗ୍ କାଜିଙ୍ଗ୍ ହେୱାନ୍‌ତାଙ୍ଗ୍ ଈଶ୍ୱର ମିବେ ଇୱିଜୁ କାମାୟ୍ କିତାନ୍‌ନା। ଇଦାଙ୍ଗ୍ ଏପେଙ୍ଗ୍ ନିଜେ ପୁଚାଦେର୍‌ନା।


ଏ ନା ପାର୍ତିକିନି ଟଣ୍ଡାର୍‌କାଦେର୍ ୱେନାଟ୍, ଈଶ୍ୱର ଗରିବ୍ ମାନାୟାରିଙ୍ଗ୍ ପାର୍ତିତାଙ୍ଗ୍ ହାଉକାର୍ ଆଦେଙ୍ଗ୍ ଇ ପୁର୍ତିତାଙ୍ଗ୍ ବାଚି କିତାନ୍‌ନା। ଆରେ ଈଶ୍ୱରତିଙ୍ଗ୍ ଲାଡ୍‌କିନି ମାନାୟାରିଙ୍ଗ୍ ଇମ୍‌ଣି ରାଜି ବିଷୟରେ ପାର୍ମାଣ୍ କିତାନ୍‌ନା, ଇ ମାନାୟାର୍ ହେ ରାଜିନି ଆଦିକାର୍ ଆନାର୍।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ