ମାତିଉ 11:29 - New Testament in Pengo Parja Language

²⁹ ଏପେଙ୍ଗ୍ ନା ପାଚେ ୱାଡୁ, ଆନେଙ୍ଗ୍ ମିଙ୍ଗେଙ୍ଗ୍ ହିକାୟ୍ କିଦ୍‌ନାଙ୍ଗ୍। ଇନେସ୍‌କି ଆନେଙ୍ଗ୍ ର ସାଦାସିଦା ଆରେ ଦରମ୍ ମାନାୟ୍‌ତଙ୍ଗ୍‌। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଜିବୁନ୍ ପାୟାଆନାଦେର୍।

ସତ୍‌ ବଚନ୍‌ ପୁନି ନିୟମ୍‌

²⁹ ନା ଜୁୱାଣ୍ଡ୍‌ ଜାର୍‌ ଜାର୍‌ ଜପି ପିଣ୍ଡ୍‌ଜି, ଆରେ, ନା ତାକେ ହିକ୍ୟା କିୟାଟ୍‌, ଇନାକିଦେଂକି, ଆନ୍‌ ହୁଦାର୍‌ ଆରି ଦାର୍ମି, ଆରେ ଏପେଙ୍ଗ୍‌ ଜାର୍‌ ଜାର୍‌ ୱାସ୍କିତ ଜମ୍‌ନାଦେର୍‌;

ମାତିଉ 11:29 ပူးပေါင်းရင်းမြစ်များ

ମାତିଉ 17:5

ଯୀଶୁ ଇବେଣ୍ ୱେଚୁ-ୱେଚୁ, ଅଲପ୍ ବାଦାଡ଼୍ ୱାଜି ହେୱାରିଙ୍ଗ୍ ଡାବାଇ କିତାତ୍, ଆରେ ହେ ବାଦାଡ଼୍‌ତାଙ୍ଗ୍ ଈଶ୍ୱର ବେଣ୍‌କିତାନ୍, “ଏ ନା ଲାଡ୍ ମାଜି। ଇୱାନ୍‌ତାକେ ଆନେଙ୍ଗ୍ ବେସି ୱାରି, ଇୱାନ୍ ବେଣ୍‌ତିଙ୍ଗ୍ ମାନ୍‌ଦିୟାନ୍ କିଜି ୱେନାଟ୍!”

ମାତିଉ 21:5

ସିୟୋନ ଦେସ୍‌ତିଙ୍ଗ୍ ୱେଚ୍‌ଚାନ୍, ହୁଡ଼ାଟ୍, ମି ରାଜା ମିବେ ୱାନାନା। ହେୱାନ୍ ଦରମ୍‌ଆଜି ଗଦଜପି କୁଚ୍‌ଚି ୱାନାନା।

ମାତିଉ 28:20

ଆନେଙ୍ଗ୍ ମିଙ୍ଗେଙ୍ଗ୍ ଇମ୍‌ଣି-ଇମ୍‌ଣି ବିଷୟ ୱିଜୁ ୱେଚ୍‌ଚାତାଙ୍ଗ୍‌ନା, ହେ ୱିଜୁବେଣ୍ ମାନି କିଦେଙ୍ଗ୍ ମାନାୟାରିଙ୍ଗ୍ ହିକ୍ଷା ହିୟାଟ୍। ଆନେଙ୍ଗ୍ ମିହୁଦାଙ୍ଗ୍ ୱିଜୁଦିନ୍ ମାନାଙ୍ଗ୍ ଇଞ୍ଜି ପୁରା ପାର୍ତିକିୟାଟ୍। ଜୁଗ୍ ସେସ୍‌ଆନି ପାତେକ୍ ପା ଆନେଙ୍ଗ୍ ମି ହାଙ୍ଗ୍-ହାଙ୍ଗ୍ ମାନ୍‌ଗାନାଙ୍ଗ୍।”

ମାତିଉ 7:24

ଇମ୍‌ଣାକାନ୍ ନା ଲାଗାୟ୍ ୱାଜି ନା କାତା ୱେନାନ୍ ଆରେ ହେ କାତାତିଙ୍ଗ୍ ମାନି କିନାନ୍, ହେୱାନ୍ ରକାନ୍ କାଲ୍‌ଜପି କୁନାଦି କିଜି ଇଲ୍ ଗାଚ୍‌ନି ବୁଦିକାଟି ମାନାୟ୍ ଲେକେ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:35

ହେବେ ଇନାକା ଗଟାଆତାତ୍‌ନା ଇଞ୍ଜି ମାନାୟ୍ ହୁଡ଼୍‌ଦେଙ୍ଗ୍ ହାଚାର୍। ହେୱାର୍ ଯୀଶୁ ଲାଗାୟ୍ ୱାଜି ହୁଡ଼୍‌ତାର୍ ଇନେରିଙ୍ଗ୍ ଆଗେ ବୁତ୍ଆତ୍ମାଙ୍ଗ୍‌ ଡୁଜି ମାଚିକ୍, ହେୱାନିଙ୍ଗ୍ ହେନ୍ଦ୍ରା ଉସ୍‍ପି ହାଦ୍‌ଦାରୁମ୍ ଆଜି କୁଚ୍‍ଚାକା ହୁଡ଼୍‌ଜି ହେୱାର୍ ପାଣ୍ଡ୍ରା ଆତାର୍।

ଜହନ୍‌ 13:15

ଆନେଙ୍ଗ୍ ଇଦାଙ୍ଗ୍ ମି କାଜିଙ୍ଗ୍ ର ମାନି କିତିଲେକେ କିତାଙ୍ଗ୍। ଲାଗିଙ୍ଗ୍ ଏପେଙ୍ଗ୍ ଜାର୍-ଜାର୍‌ବିତ୍ରେ ହେଲେକେ କିନାଦେର୍।

ଜହନ୍‌ 13:17

ଏପେଙ୍ଗ୍ ଯଦି ଇଦାଙ୍ଗ୍ ୱିଜୁ ପୁନାଦେର୍, ଲାଗିଙ୍ଗ୍ ଏପେଙ୍ଗ୍ ଇ କାମାୟ୍ କିଜି ଆଶ୍ରିବାଦ୍ ପାୟାଆନାଦେର୍।

ପକ୍ୟାତାକା 7:37

ଇବେଣ୍ ମୋଶା ଇସ୍ରାଏଲନି ମାନାୟାରିଙ୍ଗ୍ ୱେଚ୍‌ଚାନ୍, ‘ଈଶ୍ୱର ମି ଟଣ୍ଡାର୍ ବିତ୍ରେତାଙ୍ଗ୍ ମି କାଜିଙ୍ଗ୍ ନା ଲେକେ ରକାନ୍ ଭବିଷ୍ଯତବକ୍ତାତିଙ୍ଗ୍ ପକ୍‌ନାନ୍।’

୧ କରନ୍ତିୟ 9:21

ହେଲେକେ ଆନେଙ୍ଗ୍ ଏଚେପାଦ୍ନା ବିନ୍‌ଜାତିନି ମାନାୟାର୍‌ତାକେ କାମାୟ୍ କିଜି ମାଚାଙ୍ଗ୍, ଆନେଙ୍ଗ୍ ହେୱାରିଙ୍ଗ୍ ଖ୍ରୀଷ୍ଟତାକେ ତାସିୱାନାଙ୍ଗ୍ ଦରମ୍ ସାସ୍ତରତିଙ୍ଗ୍ ମାନିକିୱି ବିନ୍‌ଜାତିର୍ ମାନାୟ୍ ଲେକେ ଜିବୁନ୍ କାଟିକିଜି ମାଚାଙ୍ଗ୍। ଆନେଙ୍ଗ୍ ଈଶ୍ୱର ନିୟମ୍‌ତିଙ୍ଗ୍ ମାନିକିଜି ଜିବୁନ୍ କାଟିକିଜି ମାନାଙ୍ଗ୍, ଇନେସ୍‌କି ଆନେଙ୍ଗ୍ ଖ୍ରୀଷ୍ଟନି ନିୟମ୍ ତାରେନ୍ ମାନାଙ୍ଗ୍।

୨ କରନ୍ତିୟ 10:1

ଆନେଙ୍ଗ୍ ପାଉଲ, ଖ୍ରୀଷ୍ଟ ଲେକେ ଆନେଙ୍ଗ୍ ଦୟା ଆରେ ଦରମ୍‌ଆଜି ୱେଚ୍‌ଚାନାଙ୍ଗା। କେତ୍‌ଜାଣ୍ ନାଙ୍ଗେଙ୍ଗ୍ ଇଞ୍ଜ୍‌ନାରା ଯେ, ଆନେଙ୍ଗ୍ ମିହୁଦାଙ୍ଗ୍ ମାନିହିଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚେଦେଙ୍ଗ୍ ଆନେଙ୍ଗ୍ ଲାଜା ଆନାଙ୍ଗା, ମାତର୍ ମିବେତାଙ୍ଗ୍ ଦେହା ମାନିହିଙ୍ଗ୍ ସାସ୍ ଆଜି ଚିଟିତାକେ ଲେକି କିନାନା।

୨ କରନ୍ତିୟ 10:5

ଆସେଙ୍ଗ୍ ହେ ଅସ୍ତର୍ ଶସ୍ତର୍‌ତିଙ୍ଗ୍ ବ୍ୟବହାର୍ କିଜି ଈଶ୍ୱରତିଙ୍ଗ୍ ପୁନ୍‌ୱି ବାଟ୍‌ପାଣିୟାର୍‌ ଜିକାଟାଣା ଆନି ବିଷୟତିଙ୍ଗ୍ ଆପେଙ୍ଗ୍ ନଷ୍ଟ କିନାପା। ଆପେଙ୍ଗ୍ ହେ ଅସ୍ତର୍ ଶସ୍ତର୍‌ତିଙ୍ଗ୍ ବ୍ୟବହାର୍ କିଜି ହେୱାର୍ ମାନ୍‌ତିଙ୍ଗ୍ କଣ୍ଟ୍ରୁଲ୍ କିନାପା, ଆରେ ଆପେଙ୍ଗ୍ ଖ୍ରୀଷ୍ଟଙ୍ଗ୍ ମାନି କିଦେଙ୍ଗ୍ ହିକ୍ଷା ହିନାପା।

ପିଲିପିୟ 2:5

ଯୀଶୁ ଖ୍ରୀଷ୍ଟଙ୍ଗ୍ ଇନେସ୍ ମାନ୍ ମାଚାତ୍, ହେଲେକେ ମି ମାନ୍ ପା ଆୟେତ୍।

୧ ଥେସଲନୀକିୟ 4:2

ଆପେଙ୍ଗ୍ ମିଙ୍ଗେଙ୍ଗ୍ ଆଦେସ୍ ହିତ୍‌ତାକା ପୁଚାଦେର୍‌ନା, ମିଙ୍ଗେଙ୍ଗ୍ ଇ ଆଦେସ୍ ୱେଚ୍‌ଚେଦେଙ୍ଗ୍ ମାଙ୍ଗେଙ୍ଗ୍ ମାପୃ ଯୀଶୁ ୱେଚ୍‌ଚି ମାନ୍‌ଞ୍ଚାନ୍।

୨ ଥେସଲନୀକିୟ 1:8

ଇମ୍‌ଣି ମାନାୟାର୍ ଈଶ୍ୱରତିଙ୍ଗ୍ ପୁନ୍‌ୱାତାର୍‌ନା, ଆରେ ମା ମାପୃ ଯୀଶୁତି ହାର୍ଦିକାବୁର୍ ମାନି କିୱାତାର୍‌ନା, ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍।

ଏବ୍ରି 5:9

ଇଦାଙ୍ଗ୍ କାଜିଙ୍ଗ୍ ଈଶ୍ୱର ହେୱାନିଙ୍ଗ୍ ପୁରାପୁରି ଟିକ୍ ପ୍ରଦାନ୍ ମୁଡ଼୍‌ଦି ପୁଜାରି ଇଞ୍ଜି ଯଗ୍ୟ କିତାନ୍, ଆରେ ହେୱାନ୍‌ତାକେ ପାର୍ତିକିନି ମାନାୟାରିଙ୍ଗ୍ ହେୱାନ୍ ଯୁଗ୍-ଯୁଗ୍ କାଜିଙ୍ଗ୍ ଉଦାର୍ କିନାନ୍।

୧ ଯୋହନ 2:6

ଇମ୍‌ଣି ମାନାୟ୍ ଈଶ୍ୱର ହୁଦାଙ୍ଗ୍ ମାନାଙ୍ଗ୍ ଇଞ୍ଜି ୱେଚ୍‌ନାନା, ହେୱାନ୍ ଯୀଶୁ ଖ୍ରୀଷ୍ଟ ଲେକେ ଯିବୁନ୍ କାଟିକିନି ଦର୍‌କାର୍।