ମାତିଉ 11:28 - New Testament in Pengo Parja Language

²⁸ ଏ କଷ୍ଟ କିନାକାଦେର୍ ଆରେ ବଜ୍ ପିଣ୍‌ତି ମାନାୟ୍ ୱିଜାକାଦେର୍ ନା ଲାଗାୟ୍ ୱାଡ। ଆନେଙ୍ଗ୍ ମିଙ୍ଗେଙ୍ଗ୍ ଜମ୍‌ନାକା ହିଦ୍‌ନାଙ୍ଗ୍।

ସତ୍‌ ବଚନ୍‌ ପୁନି ନିୟମ୍‌

²⁸ “ଏ ୱାହ୍‌ନାକାଦେର୍‌ ଆରି ବଜ୍‌ପିଣ୍ଡ୍‌ତି ମାନାୟ୍‌ ନା ତାକେ ୱାଡୁ, ଆନ୍‌ ମିଙ୍ଗ୍‌ ଜମ୍‌ଦେଂ ହିଦ୍‌ନାଂ ।

ମାତିଉ 11:28 ပူးပေါင်းရင်းမြစ်များ

ମାତିଉ 11:29

ଏପେଙ୍ଗ୍ ନା ପାଚେ ୱାଡୁ, ଆନେଙ୍ଗ୍ ମିଙ୍ଗେଙ୍ଗ୍ ହିକାୟ୍ କିଦ୍‌ନାଙ୍ଗ୍। ଇନେସ୍‌କି ଆନେଙ୍ଗ୍ ର ସାଦାସିଦା ଆରେ ଦରମ୍ ମାନାୟ୍‌ତଙ୍ଗ୍‌। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଜିବୁନ୍ ପାୟାଆନାଦେର୍।

ମାତିଉ 23:4

ମାନି କିଦେଙ୍ଗ୍ କଷ୍ଟ ଆତିସ୍‌ପା ହେୱାର୍ ମାନାୟାର୍ କାଜିଙ୍ଗ୍ ଆବ୍‌ଡ଼ୁ ନିୟମ୍ ରହ୍‌ନାର୍। ହେ ନିୟମ୍ ମାନି କିଦେଙ୍ଗ୍ ମାନାୟାରିଙ୍ଗ୍ ଜବର୍ ଦସ୍ତ୍ କିନାର୍, ମାତର୍ ହେୱାର୍ ଜାର୍ ଇନାୱେଡ଼ାଙ୍ଗ୍ ପା ହେ ନିୟମ୍‌ତିଙ୍ଗ୍ ରଞ୍ଜି ପା ମାନି କିଦେଙ୍ଗ୍ ମାନ୍‍କିଉର୍।

ଜହନ୍‌ 6:37

ନା ଆବା ଈଶ୍ୱର ନାଙ୍ଗେଙ୍ଗ୍ ଇମ୍‌ଣାକା ହିତ୍‌ତାନ୍‌ନା, ହେୱାର୍ ନା ଲାଗାୟ୍ ୱାନାର୍। ଆରେ ଆନେଙ୍ଗ୍ ହେୱାରିଙ୍ଗ୍ ଇନାୱେଡ଼ାଙ୍ଗ୍ ପା ହପୁଙ୍ଗ୍‌।

ଜହନ୍‌ 7:37

ପାର୍ବୁନି ସେସ୍‌ଦିନ୍‌ତ ଯୀଶୁ ନିଲ୍‌ଚି ଗାଜାକାଟ୍ କିଜି ୱେଚ୍‌ଚାନ୍, “ଇମ୍‌ଣାକାନ୍ ଯଦି ଏସ୍‌କି ଆନାନ୍, ହେୱାନ୍ ନା ଲାଗାୟ୍ ୱାଜି ଉଣେନ୍।

ପକ୍ୟାତାକା 15:10

ଲାଗିଙ୍ଗ୍ ଯିହୁଦିର୍ ନିୟମ୍ ଆରେ ବିନ୍‌ଜାତିନି ପାର୍ତିକିନି ଚେଲାହିରିଙ୍ଗ୍ ବଜ୍ ଇଲେକେ ଇନା କିଦେଙ୍ଗ୍ ଲେଦି କିନାଦେରା? ଇମ୍‌ଣାକା ମା ଆକଦାଦିର୍ ଆରେ ଆପେଙ୍ଗ୍ ପିଣ୍‌ଦେଙ୍ଗ୍ ଆଡ୍‌ୱାତାର୍। ଏପେଙ୍ଗ୍ ଏଲେଙ୍ଗ୍ କିଜି ଈଶ୍ୱରତିଙ୍ଗ୍ ପରିକ୍ଷା କିନାଦେରା।

ପକ୍ୟାତାକା 20:35

ଆନେଙ୍ଗ୍ ଏଲେଙ୍ଗ୍ ୱିଜୁ କାମାୟ୍ କିଜି ମିଙ୍ଗେଙ୍ଗ୍ ଚଚ୍‌ଚାତାଙ୍ଗ୍‌ନା, ଏପେଙ୍ଗ୍ ଇଲେକେ କାମାୟ୍ କିଜି ଗରିବ୍ ଲଗାଙ୍ଗ୍ ସାଇଜ କିୟାଟ୍। ମାପୃ ଯୀଶୁ ନିଜେ ୱେଚ୍‌ଚିତି କାତାତିଙ୍ଗ୍ ମାନ୍ତ ଏତୁକିୟାଟ୍, ‘ଅନାକାତାଙ୍ଗ୍ ହିନାକା ବେସି ଆଶ୍ରିବାଦ୍ ଆନାତ୍।’ ”

ଗାଲାତିୟ 5:1

ଖ୍ରୀଷ୍ଟ ମାଙ୍ଗେଙ୍ଗ୍ ମୋଶା ନିୟମ୍ ସାସ୍ତର୍‌ତାଙ୍ଗ୍ ସ୍ୱାଦିନ୍ କିତ୍‌ତାନ୍‌ନା। ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ଆରେ ନିୟମ୍ ସାସ୍ତର୍‌ନି ଦାସ୍ ଆଜି ମାଞ୍ଜେଙ୍ଗ୍ ଉପାୟ୍ କିୱାଦାଙ୍ଗ୍, ସ୍ୱାଦିନ୍ ଆଜି ମାନାଟ୍।

୨ ଥେସଲନୀକିୟ 1:7

ହେପାଦ୍ନା ମିଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନି ମାନାୟାରିଙ୍ଗ୍ ଈଶ୍ୱର ହେଲେକେ ନେ ହେୱାରିଙ୍ଗ୍ ଦୁଃକ୍ କଷ୍ଟ ହିନାନ୍। ଆରେ ଏପେଙ୍ଗ୍ ଦୁଃକ୍ କଷ୍ଟ ପାୟାଆଜି ମାଚି କାଜିଙ୍ଗ୍ ହେୱାନ୍ ମା ହୁଦାଙ୍ଗ୍ ମିଙ୍ଗେଙ୍ଗ୍ ଶାନ୍ତି ହିଦ୍‌ନାନା, ଇଦାଙ୍ଗ୍ ନେ ଈଶ୍ୱରତି ନ୍ୟାୟ୍ ବିଚାର୍।

ଏବ୍ରି 4:1

ଈଶ୍ୱର ନଙ୍ଗୟ୍ ପା ତା ଜମ୍‌ନି ବାହାତାକେ ହାଞ୍ଜେଙ୍ଗ୍ ପାର୍ମାଣ୍ କିତାନ୍‌ନା, ଆରେ ହେ ପାର୍ମାଣ୍‌କିତି ବାହାତାକେ ହାଞ୍ଜେଙ୍ଗ୍ ଇନେସ୍ ମି ବିତ୍ରେତାଙ୍ଗ୍ ଇନେର୍ ବାକିଆଜି ମାନୁଦେର୍, ଇଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ପାଣ୍ଡ୍ରାଆଜି ଜାଗ୍ରତ୍ ଆଜି ମାନାସ୍।

ହତ୍‌ତି 22:17

ତାପାଚେ ପବିତ୍ର ଆତ୍ମା ଆରେ ମେଣ୍ଢା ଇନେର୍‌କି ଯୀଶୁ ବିବାଆନି କଗ୍‌ଲେ ୱେଚ୍‌ଚାତ୍, “ୱାଡ” ଆରେ ୱିଜୁ ୱେନାକାର୍ ପା ୱେଚ୍‌ଚାର୍ “ୱାଡ।” ଇମ୍‌ଣାକାର୍ ଏସ୍‌କି ଆନାରା ଆରେ ଉଣ୍ଡେଙ୍ଗ୍ ଇଚାକିନାର୍ ହେୱାର୍ ୱାଏର୍ ଆରେ ଉପ୍‌କା ଜିବୁନ୍‌ହିନି ଏଜୁଙ୍ଗ୍ ଉଣେର୍।