ମାତିଉ 11:27 - New Testament in Pengo Parja Language

²⁷ ନା ଆବା ସରଗ୍ ଆରେ ପୁର୍ତିନି ଆଦିକାର୍ ୱିଜୁ ବିଷୟ ନାଙ୍ଗେଙ୍ଗ୍ ହିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ହିମ୍‌ଣା ବିଷୟରେ ଆବାଙ୍ଗ୍ ପିସ୍ତି ଇନେର୍ ପା ପୁନୁର୍। ଆରେ ଆବା ବିଷୟରେ ହିମ୍‌ଣାଙ୍ଗ୍ ପିସ୍ତି ଇନେର୍ ପୁଞ୍ଜେଙ୍ଗ୍ ଆଡୁର୍। ଆରେ ହିମ୍‌ଣା ଇନେରିଙ୍ଗ୍ ବାଚିକିଜି ୱେଚ୍‌ଚାଙ୍ଗ୍‌ନା ହେୱାର୍ ନେ ଆବାଙ୍ଗ୍ ପୁନାନ୍।

ସତ୍‌ ବଚନ୍‌ ପୁନି ନିୟମ୍‌

²⁷ ନା ଆବା ନାଙ୍ଗେଙ୍ଗ୍‌ ୱିଜ଼ୁ ବିସ୍ରେ ନାବେ ସର୍‌ପି ଆତାତ୍‌ନ୍ନା । ଆବାଂ ପିସ୍ତି ମାଜ଼ି ଆରେ ଇନେର୍‌ ପୁନୁର୍‌ ଆରି ମାଜ଼ି ପିସ୍ତି ଆବା ଆରେ ଇନେର୍‌ ପୁନୁର୍‌ । ମାଜ଼ି ଇମ୍‌ଣାକାର୍‌ ତାକେ ଆବାଂ ହପ୍‌ନାନ୍‌, କେବଲ୍‌ ହେୱାର୍‌ ଆବାଂ ପୁଞ୍ଜେଙ୍ଗ୍‌ ଆଡ୍‌ନାର୍‌ ।

ମାତିଉ 11:27 ပူးပေါင်းရင်းမြစ်များ

ମାତିଉ 28:18

ଲାଗିଙ୍ଗ୍ ଯୀଶୁ ହେୱାର୍ ଲାଗାୟ୍ ୱାଜି ହେୱାରିଙ୍ଗ୍ ୱେଚ୍‌ଚାନ୍, “ସରଗ୍ ଆରେ ପୁର୍ତିନି ୱିଜୁ ଆଦିକାର୍ ଈଶ୍ୱର ନାଙ୍ଗେଙ୍ଗ୍ ହିତ୍‌ତାନ୍‌ନା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:22

ନା ଆବାନି ଆଦିକାର୍ ୱିଜୁ ବିଷୟ ନାଙ୍ଗେଙ୍ଗ୍ ହିତ୍‌ତାନ୍‌ନା। ହିମ୍‌ଣା ବିଷୟରେ ଆବାଙ୍ଗ୍ ପିସ୍ତି ଇଦାଙ୍ଗ୍ ଇନେର୍ ପା ପୁନୁର୍, ଆରେ ଆବା ବିଷୟରେ ଇନେର୍, ହିମ୍‌ଣାଙ୍ଗ୍ ପିସ୍ତି ଇନେର୍ ପୁଞ୍ଜେଙ୍ଗ୍ ଆଡୁର୍, ଆରେ ହିମ୍‌ଣା ଇନେରିଙ୍ଗ୍ ହେଦାଙ୍ଗ୍ ପୁନିକିଦେଙ୍ଗ୍ ଇଚାକିନାନ୍ ହେୱାନିଙ୍ଗ୍‌ନେ ଆବା ବିଷୟରେ ପୁନିକିନାଙ୍ଗ୍‌।”

ଜହନ୍‌ 1:18

ଈଶ୍ୱରତିଙ୍ଗ୍ ଇନାୱେଡ଼ାଙ୍ଗ୍ ଇନେର୍ ପା ହୁଡ଼୍‌ୱାତାର୍‌ନା। ମାତର୍ ଈଶ୍ୱର ଲାଗାୟ୍ ମାନି ରକାନ୍ ଇଞ୍ଜି ମେହି ଯୀଶୁ ନେ ତା ବିଷୟରେ ୱେଚ୍‌ଚାନ୍‌ନା।

ଜହନ୍‌ 10:15

ଆନେଙ୍ଗ୍ ହେଲେକେ ନା ମେଣ୍ଢାକାଙ୍ଗ୍ ପା ପୁନାଙ୍ଗ୍, ଆରେ ହେୱେକ୍ ପା ନାଙ୍ଗେଙ୍ଗ୍ ପୁଞ୍ଜ୍‌ନିକ୍। ଆନେଙ୍ଗ୍ ମେଣ୍ଢାକାଙ୍ଗ୍ ନା ଜିବୁନ୍ ହିଦେଙ୍ଗ୍ ପା ରାଜି ମାନାଙ୍ଗ୍।

ଜହନ୍‌ 13:3

ଆବା ଈଶ୍ୱର ଯୀଶୁଙ୍ଗ୍ ୱିଜୁ ବଷୟରେ ଆଦିକାର୍ ହିଜିମାଚାନ୍। ହେୱାନ୍ ଈଶ୍ୱରତାଙ୍ଗ୍ ୱାତାନ୍‌ନା ଆରେ ଈଶ୍ୱରତାକେ ହାନାଙ୍ଗ୍ ଇଞ୍ଜି ଯୀଶୁ ଇଦାଙ୍ଗ୍ ପୁନ୍‌ଞ୍ଜି ମାଚାନ୍।

ଜହନ୍‌ 17:6

ଏଲେଙ୍ଗ୍ ପୁର୍ତିନି କେତ୍‌ଜାଣ୍ ମାନାୟାର୍ ନିଙ୍ଗେଙ୍ଗ୍ ପୁନ୍‌ଞ୍ଚାର୍‌ନା, ହେୱାର୍ ନି ଲକ୍ ମାଚାର୍, ଆରେ ଏନେଙ୍ଗ୍ ହେୱାରିଙ୍ଗ୍ ନାଙ୍ଗେଙ୍ଗ୍ ହିତ୍‌ତାଇନା। ହେୱାର୍ ନି ହିକ୍ଷାତିଙ୍ଗ୍ ମାନିକିତାର୍‌ନା।

ଜହନ୍‌ 3:35

ଆବା ଈଶ୍ୱର ତା ମେହିଙ୍ଗ୍ ଲାଡ୍ କିନାନ୍। ହେୱାନିଙ୍ଗ୍ ୱିଜୁ ବିଷୟତିଙ୍ଗ୍ ଆଦିକାର୍ ହିତାନ୍‌ନା।

ଜହନ୍‌ 6:46

ଇନେର୍ ପା ଆବା ଈଶ୍ୱରତିଙ୍ଗ୍ ହୁଡ଼୍‌ୱାତାର୍‌ନା। ମାତର୍ ଆନେଙ୍ଗ୍ ଈଶ୍ୱରତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ନେ ଆବାଙ୍ଗ୍ ହୁଡ଼୍‌ତାଙ୍ଗ୍‌ନା।

ଜହନ୍‌ 7:29

ମାତର୍ ଆନେଙ୍ଗ୍ ହେୱାନିଙ୍ଗ୍ ପୁଚାଙ୍ଗ୍‌ନା। ଇନେସ୍‌କି ଆନେଙ୍ଗ୍ ହେୱାନ୍‌ତାଙ୍ଗ୍ ୱାତାଙ୍ଗ୍‌ନା, ଆରେ ହେୱାନ୍ ନାଙ୍ଗେଙ୍ଗ୍ ପକ୍ତାତାନ୍‌ନା।”

୧ ପିତର 3:22

ଆରେ ହେୱାନ୍ ସରଗ୍‌ଜପି ହାଚାନ୍‌ନା। ହେୱାନ୍ ନଙ୍ଗୟ୍ ସନ୍‌ମାନ୍ ପାୟାଆନି ବାହାତାକେ ଈଶ୍ୱର ତିନାବାଗାୟ୍ କୁଚ୍‌ଚାନ୍‌ନା, ଆରେ ହେୱାନ୍ ୱିଜୁ ଦୁତ୍‌କୁକାଙ୍ଗ୍, ଅଦିକାର୍ କି ଶାକ୍ତିମାନି ଆତ୍ମାକାଙ୍ଗ୍ ସାସନ୍ କିନାନା।

୧ ଯୋହନ 2:23

ଇନେର୍ ଈଶ୍ୱର ମେହିଙ୍ଗ୍ ପୁନୁଙ୍ଗ୍ ଇଞ୍ଜି ୱେଚ୍‌ନାନ୍, ହେୱାନ୍ ଆବା ଈଶ୍ୱରତିଙ୍ଗ୍ ଗାଟା ଆୱାତାନ୍‌ନା, ମାତର୍ ଇନେର୍ ଈଶ୍ୱର ମେହିଙ୍ଗ୍ ପୁଚାଙ୍ଗ୍ ଇଞ୍ଜି ୱେଚ୍‌ନାନ୍, ହେୱାନ୍ ଆବା ଈଶ୍ୱରତିଙ୍ଗ୍ ପା ପାୟାଆତାନ୍‌ନା।

୨ ଯୋହନ 1:9

ଯଦି ଇମ୍‌ଣି ମାନାୟ୍ ଖ୍ରୀଷ୍ଟ ହିକ୍ଷାତିଙ୍ଗ୍ ଆରେ ତା ହିକ୍ଷାତିଙ୍ଗ୍ ମାହାୟ୍ କିନାନ୍, ଆରେ ଖ୍ରୀଷ୍ଟ ହିକ୍ଷାତିଙ୍ଗ୍ ପାର୍ତି କିଉନ୍। ଲାଗିଙ୍ଗ୍ ହେୱାନ୍ ଈଶ୍ୱରତିଙ୍ଗ୍ ମାହା ବିଡ଼ା ଆଜି ମାନୁନା। ମାତର୍ ଇମ୍‌ଣି ମାନାୟ୍ ହେ ହିକ୍ଷାତିଙ୍ଗ୍ ପାର୍ତିକିନାନ୍, ହେୱାନ୍ ଆବା ଈଶ୍ୱରତିଙ୍ଗ୍ ଆରେ ତା ମେହି ଯୀଶୁଙ୍ଗ୍ ମାହାଆଜି ମାନାନ୍।