ମାତିଉ 11:22 - New Testament in Pengo Parja Language

²² ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, “ବିଚାର୍ ଦିନ୍‌ତ ମିଙ୍ଗେଙ୍ଗ୍ ସୋର୍ ସହର୍ ଆରେ ସିଦନ୍‌ ସହର୍‌ତାଙ୍ଗ୍ ମିଙ୍ଗେଙ୍ଗ୍ ଈଶ୍ୱର ବେସି ଦଣ୍ଡ୍ ହିଦ୍‌ନାନ୍।

ସତ୍‌ ବଚନ୍‌ ପୁନି ନିୟମ୍‌

²² ଆତିସ୍‌ପା ଆନ୍‌ ମିଙ୍ଗେଙ୍ଗ୍‌ ଇଞ୍ଜ୍‌ନାଙ୍ଗା, ଇସ୍ୱର୍ତି ବିଚାର୍‌ ନାଜିଂ ମି ବାଟା ସର ଆରି ସିଦନ୍‌ନି ମାନାୟାରିଂ ଆଦିକ୍‌ ଦୟା ଚଚ୍‌ଚାନାତ୍‌ ।

ମାତିଉ 11:22 ပူးပေါင်းရင်းမြစ်များ

ମାତିଉ 10:15

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, “ବିଚାର୍ ଦିନ୍ ନାଞ୍ଜିଙ୍ଗ୍ ସଦୋମ ଆରେ ଗମୋରା ସହର୍ ଦଣ୍ଡ୍‌ତାଙ୍ଗ୍ ହେ ସହର୍‌ନି ମାନାୟାରିଙ୍ଗ୍ ଈଶ୍ୱର ବେସି ଦଣ୍ଡ୍ ହିନାନ୍।”

ମାତିଉ 11:21

ହେଦାଙ୍ଗ୍ କାଜିଙ୍ଗ୍ ଯୀଶୁ ୱେଚ୍‌ଚାନ୍, “ହାୟ୍, କୋରାଜିନ୍ ହାୟ୍ ବେଥ୍‍ସାଇଦା ସହର୍‌ନି ମାନାୟ୍ କାଦେର୍, ମି ବିତ୍ରେ ଆନେଙ୍ଗ୍ ଚାନିଆଆନି କାମାୟ୍ କିତାଙ୍ଗ୍‌ନା। ମାତର୍ ଏପେଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାୱାତାଦେର୍‌ନା। ଯଦି ଇଦାଙ୍ଗ୍ ସୋର୍ ଆରେ ସିଦନ୍‌ ସହର୍‌ତାକେ ଚାନିଆଆନି କାମାୟ୍ କିଜିମାଚିସ୍ ହେବେନି ମାନାୟାର୍ ପାପ୍ କାମାୟ୍ କିନାକା ପିସ୍ତି ବାସ୍ତାତାଙ୍ଗ୍ ରସ୍ତି ହେନ୍ଦ୍ରା ଉସ୍‌ପାତାର୍‌ମା ଆରେ କାପ୍ଡ଼ାତାକେ ନିସ୍ ଇବିସ୍ ଉପାସ୍ କିତାର୍‌ମା।”

ମାତିଉ 11:24

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, “ବିଚାର୍ ଦିନ୍‌ତ ମିଙ୍ଗେଙ୍ଗ୍ ସଦୋମ ସହର୍‌ତାଙ୍ଗ୍ ମିଙ୍ଗେଙ୍ଗ୍ ଈଶ୍ୱର ବେସି ଦଣ୍ଡ୍ ହିଦ୍‌ନାନ୍।”

ମାତିଉ 12:36

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, “ଈଶ୍ୱର ବିଚାର୍ କିଦ୍‌ନିଦିନ୍ ମାନାୟାର୍ ଇମ୍‌ଣି ପଲିଆ-ପଲିଆ କାତାତିଙ୍ଗ୍ ପା ହେୱାନ୍ ବିଚାର୍ କିଦ୍‌ନାନ୍। ଆରେ ହେୱାର୍ ୱେଚ୍‌ଚି କାତାତାଙ୍ଗ୍ ବିଚାର୍ କିନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:14

ବିଚାର୍ ନାଞ୍ଜିଙ୍ଗ୍ ସୋର୍ ସହର୍ ଦଣ୍ଡ୍ ସିଦନ୍‌ ଦେସ୍‌ନି ବାଦୁଲ୍‌ତାଙ୍ଗ୍ ତ ଦଣ୍ଡ୍ ପାୟାଆନାର୍‌।

ଏବ୍ରି 2:3

ଲାଗିଙ୍ଗ୍ ମାପୃ ଯୀଶୁ ନିଜେ ଶୁଣାୟ୍ କିଜି ୱେଚ୍‌ଚାନ୍, ହାର୍ ଉଦାର୍ କିନି କାତାତିଙ୍ଗ୍ ମାନିକିୱିତିସ୍, ଆସେଙ୍ଗ୍ ଇନେସ୍ ରକ୍ଷା ପାୟାଆନାସ୍ ଇଞ୍ଜି ବାବିକିନାସା? ମାପୃ ଯୀଶୁ ୱେଚ୍‌ନିହିଙ୍ଗ୍ ପାର୍ତୁମ୍ ୱେଚି ଚେଲାହିର୍, ଇଦାଙ୍ଗ୍ ସତ୍ ଇଞ୍ଜି ମାବେ ଚଚ୍‌ଚାନ୍‌ନା।

୨ ପିତର 2:9

ମାପୃ ନିଜେ ରକ୍ଷା ଆରେ ଦଣ୍ଡ୍ ହିନି ବିଷୟ କିଜିମାଚି କାଜିଙ୍ଗ୍, ହେୱାନିଙ୍ଗ୍ ପାଣ୍ଡ୍ରାଆଜି ଇମ୍‌ଣି ମାନାୟାର୍ ଦୁକ୍‌କଷ୍ଟ ପାୟାଆନାର୍‌ ହେୱାରିଙ୍ଗ୍ ରକ୍ଷା କିଦେଙ୍ଗ୍ ପୁଚାନ୍‌ନା। ଆରେ ହେୱାନ୍ କରାପ୍ କାମାୟ୍ କିନି ମାନାୟାରିଙ୍ଗ୍ ବିଚାର୍‌କିନି ଦିନ୍‌ତ ଦଣ୍ଡ୍ ହିଦେଙ୍ଗ୍ ପା ପୁନାନା।

୨ ପିତର 3:7

ମାତର୍ ଇ ସରଗ୍ ଆରେ ପୁର୍ତିତିଙ୍ଗ୍ ନାଣିତାଙ୍ଗ୍ ନଷ୍ଟ କିଦେଙ୍ଗ୍, ହେ କାତା ଈଶ୍ୱର ଇଡ଼୍‌ତାନ୍‌ନା। ହେୱାନ୍ ବିଚାର୍‌କିନି ଦିନ୍ କାଜିଙ୍ଗ୍ ଆରେ ଇମ୍‌ଣାକାର୍ ହେୱାନିଙ୍ଗ୍ ମାନିକିଉର୍ ହେ ମାନାୟାରିଙ୍ଗ୍ ନଷ୍ଟ କିଦେଙ୍ଗ୍, ହେୱାନ୍ ହେୱାରିଙ୍ଗ୍ ଇଡ଼୍‌ତାନ୍‌ନା।

୧ ଯୋହନ 4:17

ଲାଗିଙ୍ଗ୍ ବିଚାର୍ କିନିହିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ଦଣ୍ଡ୍ ହିଦୁନ୍, ଇନେସ୍‌କି ହେୱାନ୍ ଇନେସ୍ କିଜି ମାନାୟାରିଙ୍ଗ୍ ଲାଡ୍ କିନାନା, ଇଲେକେ ଆସେଙ୍ଗ୍ ପା ପୁର୍ତିନି ମାନାୟାରିଙ୍ଗ୍ ଲାଡ୍ କିନାସା, ଇନେସ୍‌କି ତା ଲାଡ୍ ମାବେ ମାନାତ୍।

ହତ୍‌ତି 20:11

ତାପାଚେ ଆନେଙ୍ଗ୍ ର ଗାଜା ଡ଼ିଞ୍ଜ୍‌ନି ସିଙ୍ଗାସନ ହୁଡ଼୍‌ତାଙ୍ଗ୍, ହେବେ ଈଶ୍ୱର କୁଚ୍‌ଚି ମାଚାନ୍। ଇମ୍‌ଣି ବାହାତାକେ ଈଶ୍ୱର କୁଚ୍‌ଚି ମାଚାନ୍, ହେବେ ପୁର୍ତି ଆରେ ବାଦାଡ଼୍ ଡ଼ୁକ୍‌ତାତ୍‌ ଆରେ ଇନେର୍ ପା ହେୱାନିଙ୍ଗ୍ ହୁଡ଼୍‌ଦେଙ୍ଗ୍ ଆଡ୍‌ୱାତାର୍।

ହତ୍‌ତି 20:12

ତାପାଚେ ଆନେଙ୍ଗ୍ ହୁଡ଼୍‌ତାଙ୍ଗ୍, ହାଃତି ୱିଜାର୍ ଗାଜା ହିରୁ ମାନାୟାର୍ ଈଶ୍ୱର ସିଙ୍ଗାସନ ଆଗେ ନିଲ୍‌ଚି ମାଚାର୍। ହେବେ ବହିଙ୍ଗ୍ ଆରେ ଜିବୁନ୍ ମାନି ମାନାୟାର୍ ତର୍‌ ଲେକା ଆନି ବହି ପା ଜେୟା ଆଜି ମାଚାତ୍, ଆରେ ହେ ବହିତାକେ ଲେକାଆତି ଅନୁସାରେ ଆରେ ହେୱାର୍ ଜାର୍ କାମାୟ୍ ଅନୁସାରେ ହେ ହାଃତି ମାନାୟ୍‌ତିଙ୍ଗ୍ ଈଶ୍ୱର ବିଚାର୍ କିତାନ୍।