ମାତିଉ 10:25 - New Testament in Pengo Parja Language

²⁵ ଚେଲା ତା ଗୁରୁ ଲେକେ ଆରେ ହଲିଆ ତା ମାଲିକ୍ ଲେକେ ଆଦେଙ୍ଗ୍ ଆଡ଼୍‌ତିସ୍ ହାର୍। ମାତର୍ ଇଲ୍ ମାଲିକ୍‌ତିଙ୍ଗ୍ ବାଲ୍‌ଜିବୁଲ୍ ଶୟତାନ ଇଞ୍ଜି କୁକ୍ତିସ୍, ଆରେ ଇଲ୍‌ନି ଜେକନିକାରିଙ୍ଗ୍ ତ ଆଦିକ୍ ବାନ୍ୟା ତର୍‍ଦାଙ୍ଗ୍ କୁକିୟା ଆନାତ୍।”

ସତ୍‌ ବଚନ୍‌ ପୁନି ନିୟମ୍‌

²⁵ ଚେଲା ଜାର୍‌ ଗୁରୁ ଆରି ଆଡ଼ିଏନ୍‌ ଜାର୍‌ ହାଉକାର୍‌ ଲାକେ ଆତିସ୍‌ ହେୱାର୍‌ ପାକ୍ୟାତ ସାରି । ହେୱାର୍‌ ଏଚେକାଡ଼୍‌ଦ ଇଲ୍‌ ମୁଣିକାଂ ବାଲ୍‌ଜିବୁଲ୍‌ ଇଞ୍ଜି ଇଚାର୍ଣ୍ଣା, ତେବେ ହେୱାର୍‌ତି ଲକ୍‌ବାକ୍‍ତିଂ ତ ଆରି ଆଦିକ୍‌ ଇନାର୍‌ !”

ମାତିଉ 10:25 ပူးပေါင်းရင်းမြစ်များ

ମାତିଉ 12:24

ମାତର୍ ପାରୁସିଦଳ୍‍ନି ମାନାୟ୍ ହେଦାଙ୍ଗ୍ ୱେନ୍‌ଞ୍ଜି ୱେଚ୍‌ଚାର୍, “ଇୱାନ୍ ଶୟତାନ ଆତ୍ମା ସାଇଜତାଙ୍ଗ୍ ବୁତ୍ଆତ୍ମାକାଙ୍ଗ୍ ପିହିକିନାନା।”

ମାତିଉ 12:27

ଯଦି ଆନେଙ୍ଗ୍ ଶୟତାନ ଆତ୍ମା ସାଇଜତାଙ୍ଗ୍ ବୁତ୍ଆତ୍ମାକାଙ୍ଗ୍ ପିହିକିନାଙ୍ଗ୍, ଲାଗିଙ୍ଗ୍ ମି ହିମ୍‌ଣାଙ୍ଗ୍ ଇନେର୍ ସାଇଜତାଙ୍ଗ୍ ହେୱାରିଙ୍ଗ୍ ବୁତ୍ଆତ୍ମାକାଙ୍ଗ୍ ପିହିକିନାର୍। ଏପେଙ୍ଗ୍ ଇମ୍‌ଣି କାତା ନାଙ୍ଗେଙ୍ଗ୍ ଦସ୍ ହିଜି ଇଞ୍ଜ୍‌ନାଦେରା, ହେୱାର୍ ମିଙ୍ଗେଙ୍ଗ୍ ବିଚାର୍ କିଦ୍‌ନାର୍।

ମାତିଉ 9:34

ମାତର୍ ପାରୁସିଦଳ୍‍ନି ମାନାୟାର୍ ୱେଚ୍‌ଚାର୍, “ଇୱାନ୍ ଶୟତାନ ଆତ୍ମା ସାଇଜତାଙ୍ଗ୍ ବୁତ୍ଆତ୍ମାକାଙ୍ଗ୍ ପିହିକିନାନା।”

ମାର୍କ 10:39

ହେୱାର୍ ଯୀଶୁଙ୍ଗ୍ ୱେଚ୍‌ଚାର୍, “ଆପେଙ୍ଗ୍ ଆଡ୍‌ନାପ୍।” ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ଇମ୍‌ଣି ଦୁଃକ୍ ପାୟା ଆଦେଙ୍ଗ୍ ହାନାଙ୍ଗ୍, ଏପେଙ୍ଗ୍ ପା ହେ ଏନେଙ୍ଗ୍ ଦୁଃକ୍ ପାୟ୍ଆନାଦେର୍, ଆରେ ଆନେଙ୍ଗ୍ ଇନେସ୍‌ଆଜି ହାଃନାଙ୍ଗ୍ ଏପେଙ୍ଗ୍ ପା ହେ ଏନେଙ୍ଗ୍ ଆଜି ହାନାଦେର୍ କି?

ମାର୍କ 3:22

ଆରେ, ଯିରୁଶାଲାମ ସହର୍‌ତାଙ୍ଗ୍ ୱାତି କେତେକ୍ ଯିହୁଦି ଦରମ୍‌ନି ପଣ୍ଡିତାର୍ ୱେଚ୍‌ଚାର୍, “ଇୱାନିଙ୍ଗ୍ ଶୟତାନ ଆତ୍ମା ଡୁତାତ୍‌ନା, ହେଦାଙ୍ଗ୍ କାଜିଙ୍ଗ୍ ଇୱାନ୍ ଶଇତାନ୍ ସାଇଜତାଙ୍ଗ୍ ବୁତ୍ଆତ୍ମାକାଙ୍ଗ୍ ପିହିକିନାନା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:15

ମାତର୍ ହେବେ ମାନି ମାନାୟ୍ ବିତ୍ରେତାଙ୍ଗ୍ କେତ୍‌ଜାଣ୍ ୱେଚ୍‌ଚାର୍, ଇୱାନ୍ ଶୟତାନ ଆତ୍ମା ସାଇଜତାଙ୍ଗ୍ ବୁତ୍ଆତ୍ମାକାଙ୍ଗ୍ ପିହିକିନାନା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:18

ଯଦି ଶୟତାନ ଜାର୍ ଲକ୍ ବିତ୍ରେ ବିରଦ୍ କିନାତ୍, ଲାଗିଙ୍ଗ୍ ତା ରାଜି ଶାନ୍ତିଆଜି ମାଞ୍ଜେଙ୍ଗ୍ ଆଡୁତ୍? ଇନେସ୍‌କି ଆନେଙ୍ଗ୍ ତ ଶୟତାନ ଆତ୍ମା ସାଇଜତାଙ୍ଗ୍ ବୁତ୍ଆତ୍ମାକାଙ୍ଗ୍ ପିହିକିନାୟ୍ ଇଞ୍ଜି ଏପେଙ୍ଗ୍ ତ ୱେଚ୍‌ଚାନାଦେରା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:19

ଯଦି ଆନେଙ୍ଗ୍ ଶୟତାନ ଆତ୍ମା ସାଇଜତାଙ୍ଗ୍ ବୁତ୍ଆତ୍ମାକାଙ୍ଗ୍ ପିହିକିନାଙ୍ଗ୍, ଲାଗିଙ୍ଗ୍ ମି ହିମ୍‌ଣାଙ୍ଗ୍ ଇନେର୍ ସାଇଜତାଙ୍ଗ୍ ହେୱାରିଙ୍ଗ୍ ବୁତ୍ଆତ୍ମାକାଙ୍ଗ୍ ପିହିକିନାର୍। ଏପେଙ୍ଗ୍ ଇମ୍‌ଣି କାତା ନାଙ୍ଗେଙ୍ଗ୍ ଦସ୍ ହିଜି ଇଞ୍ଜ୍‌ନାଦେରା, ହେୱାର୍ ମିଙ୍ଗେଙ୍ଗ୍ ବିଚାର୍ କିଦ୍‌ନାର୍।

ଜହନ୍‌ 10:20

ହେୱାର୍ ବିତ୍ରେତାଙ୍ଗ୍ କେତ୍‌ଜାଣ୍ ଯିହୁଦି ନେତାର୍ ୱେଚ୍‌ଚାର୍, “ରଞ୍ଜାଙ୍ଗ୍ ବୁତ୍ଆତ୍ମା ତା ବିତ୍ରେ ହଟାତ୍‌ନା ଆରେ ତାଙ୍ଗେଙ୍ଗ୍ ପାଗଲ୍ କିତାତ୍‌ନା। ଇଲେଗ୍‌ଦି ମାନାୟ୍‌ତି କାତା ୱେଞ୍ଜେଙ୍ଗ୍ ଦରକାର୍ ଆକାୟ୍।”

ଜହନ୍‌ 7:20

ମାନାୟାର୍ ୱେଚ୍‌ଚାର୍, “ନିଙ୍ଗେଙ୍ଗ୍ ବୁତ୍ଆତ୍ମା ଡୁତ୍‌ତାତ୍‌ନା। ଇନେର୍ ନିଙ୍ଗେଙ୍ଗ୍ ଅସ୍ତେଦେଙ୍ଗ୍ ଉପାୟ୍ କିଦ୍‌ନାରା?”

ଜହନ୍‌ 8:48

ଯିହୁଦି ନେତାର୍ ଯୀଶୁଙ୍ଗ୍ ୱେଚ୍‌ଚାର୍, “ଏନେଙ୍ଗ୍ ରକାଇ ଶମିରଣିୟ ମାନାୟ୍। ନିଙ୍ଗେଙ୍ଗ୍ ରଞ୍ଜାଙ୍ଗ୍ ବୁତ୍ଆତ୍ମା ଡାଞ୍ଜ୍‌ଜାତାତ୍‌ନା। ଆପେଙ୍ଗ୍ ୱେଚ୍‌ନି ବେଣ୍ ଟିକ୍ ଆକାୟ୍‌କି?”

ଜହନ୍‌ 8:52

ଯିହୁଦି ନେତାର୍ ଯୀଶୁଙ୍ଗ୍ ୱେଚ୍‌ଚାର୍, “ନଙ୍ଗୟ୍ ଆପେଙ୍ଗ୍ ପୁଚାପ୍ ଯେ, ନି ବିତ୍ରେ ରଞ୍ଜାଙ୍ଗ୍ ବୁତ୍ଆତ୍ମା ଡାଞ୍ଜ୍‌ଜାତାତ୍‌ନା। ଇନେସ୍‌କି ଅବ୍ରାହାମ୍‌ ହାଃଜି ମାଚାନ୍ ଆରେ ଭବିଷ୍ଯତବକ୍ତାର୍ ପା ହାଃଜି ମାଚାର୍। ମାତର୍ ଏନେଙ୍ଗ୍ ୱେଚ୍‌ଚାନାୟା, ‘ନା ହିକ୍ଷାତିଙ୍ଗ୍ ମାନିକିନାକାର୍ ଇନାୱେଡ଼ାଙ୍ଗ୍ ପା ହାଃଉର୍।’