ମାତିଉ 10:16 - New Testament in Pengo Parja Language

¹⁶ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ହୁଡ଼ାଟ୍, ବୁର୍‌କାଙ୍ଗ୍ ବିତ୍ରେ ମେଣ୍ଢାକାଙ୍ଗ୍ ହେଲାଇ କିତିଲେକେ ଆନେଙ୍ଗ୍ ମିଙ୍ଗେଙ୍ଗ୍ ବାର୍ତ ପକ୍ତାନାଙ୍ଗା। ଲାଗିଙ୍ଗ୍ ଏପେଙ୍ଗ୍ ରାଚ୍ ଲେକେ ବୁଦି ଆରେ ପାର୍‌ୱା ଲେକେ ସାଦୁ ଆଡ।

ସତ୍‌ ବଚନ୍‌ ପୁନି ନିୟମ୍‌

¹⁶ “ହୁଡ଼ାଟ୍‌, ହୁଣ୍ଡାର୍‌ ବୁର୍କାକାଂ ତାକେ ପା ମେଣ୍ଡାଂ ଲାକେ ଆନ୍‌ ମିଙ୍ଗେଙ୍ଗ୍‌ ପକ୍ତାନାଙ୍ଗା, ଇଚିସ୍‌ ରାଚ୍‌ ଲାକେ ବୁଦ୍ୟା ଆରି ପାର୍‌ୱା ଲାକେ ହୁଦାର୍‌ ଆଡୁ ।

ମାତିଉ 10:16 ပူးပေါင်းရင်းမြစ်များ

ମାତିଉ 24:25

ହୁଡ଼ାଟ୍ ଇ ୱିଜୁଗଟ୍‌ନା ୱାୱି ଆଗେ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା।

ମାତିଉ 24:45

ଯୀଶୁ ଆରେରଗ ୱେଚ୍‌ଚାନ୍, “ରକାନ୍ ସାତ୍‌ଦାରୁମ୍ ଆରେ ବୁଦିକାଟି ହଲିଆ ଲେକେ। ଇନେର୍ ଜେକନି ହଲିଆରିଙ୍ଗ୍ ତିନିହିଙ୍ଗ୍ କାଦି ତାସିହିତାନ୍। ମାପୃ ହେଲେକେ ହଲିଆହିଙ୍ଗ୍ ପାର୍ତି କିଜି ମାନାନ୍। ଇନେର୍ ହେ ହଲିଆହି ହେ କାମାୟ୍ କିଦେଙ୍ଗ୍ ତା କାମାୟ୍‌ତାଙ୍ଗ୍ ହେ ହଲିଆରିଙ୍ଗ୍ ପାର୍ତିକିନାନ୍।

ମାତିଉ 25:2

ହେୱେକ୍ ବିତ୍ରେତାଙ୍ଗ୍ ପାଞ୍ଚ୍‌ଜାଣ୍ ଗାଡ଼୍‌ଚେକାଙ୍ଗ୍ ବୁଦି ହିଲିକିକ୍‌। ଆରେ ପାଞ୍ଚ୍‌ଜାଣ୍ ଗାଡ଼୍‌ଚେକ୍ ଚାଲାକି ମାଚିକ୍।

ମାତିଉ 25:4

ଚାଲାକି ମାନି ପାଞ୍ଚ୍‌ଜାଣ୍ ଗାଡ଼୍‌ଚେକ୍ ବଇଟା ତ ଅଜିମାଚିକ୍। ହେଦାଙ୍ଗ୍ ପିସ୍ତି କାଚ୍‌ତାକେ ଆଗ୍‌ଡ଼ା ଆଦିକ୍ ଚିକାଣ୍ ଅଜିମାଚିକ୍।

ମାତିଉ 25:9

ଚାଲାକି ଗାଡ଼୍‌ଚେକ୍ ୱେଚ୍‌ଚିକ୍, ‘ଆକାୟ୍ ମା ଚିକାଣ୍ ମାଙ୍ଗେଙ୍ଗ୍ ଉଣା ଆଦ୍‌ନାତ୍। ଆପେଙ୍ଗ୍ ମିଙ୍ଗେଙ୍ଗ୍ ହିତ୍‌ଦେଙ୍ଗ୍ ଆଡ଼୍‌ଦୁପ୍ ଏପେଙ୍ଗ୍ ଦୁକାଣ୍‌ତ ହାଲ୍‌ଜି ଜାର୍ କାଜିଙ୍ଗ୍ ଇଚ୍‍କେ ଚିକାଣ୍ କଡ଼୍‌ଜିତାଡ।’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:3

ଏପେଙ୍ଗ୍ ହାଲାଟ୍, ମାତର୍ ମାନ୍ତରାକି କିୟାଟ୍, ଆନେଙ୍ଗ୍ ବୁର୍‌କାଙ୍ଗ୍ ବିତ୍ରେ ମେଣ୍ଢାଙ୍ଗ୍ ଲେକେ ଆନେଙ୍ଗ୍ ମିଙ୍ଗେଙ୍ଗ୍ ପକ୍ତାନାଙ୍ଗା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:15

ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚେଙ୍ଗ୍ ବୁଦି ହିଦ୍‌ନାଙ୍ଗ୍। ଏପେଙ୍ଗ୍ ଇନାକା ଇନାଦେର୍, ମି ଶାତ୍ରୁ ତା ଉତର୍ ହିଦ୍‌ଦେଙ୍ଗ୍ ଆଡ଼୍‌ଦୁନ୍।

ପକ୍ୟାତାକା 20:29

ଇନେସ୍‌କି ଆନେଙ୍ଗ୍ ପୁଚାଙ୍ଗ୍‌ନା, ଆନେଙ୍ଗ୍ ହାଚି ପାଚେ, ମିଚ୍‌ୱା ମାଷ୍ଟେର୍ ୱାଜି ପାର୍ତି କିନାକାରିଙ୍ଗ୍ ବେସି ହଇରାଣ୍ କିନାର୍। ହୁଣ୍ଡେର୍ ଇନେସ୍ ମେଣ୍ଢାକାଙ୍ଗ୍ ପାଗ୍‌ନାତ୍ ହେଲେକେ ଇ ମାଷ୍ଟେରାର୍ କିନାର୍।

୧ କରନ୍ତିୟ 14:20

ଏ ଟଣ୍ଡାର୍‌କାଦେର୍, ଇ ୱିଜୁ ବିଷୟ ବୁଜା ଆଦେଙ୍ଗ୍ ଏପେଙ୍ଗ୍ ହିମ୍‌ଣାଙ୍ଗ୍ ଲେକେ ଆମାଟ୍। ପାପ୍ ବିଷୟରେ ପୁନ୍‌ୱି ହିମ୍‌ଣା ଲେକେ ଆଡ, ମାତର୍ ଇଲେଗ୍‌ଦି ବିଷୟତିଙ୍ଗ୍ ବୁଜା ଆଦେଙ୍ଗ୍ ଗାଜାକାର୍‌ଲେକେ ଆଡ।

୨ କରନ୍ତିୟ 1:12

ଆସେଙ୍ଗ୍ ବାଟ୍‌ପାଣ୍ ଆଜି ୱେଚ୍‌ଚେଙ୍ଗ୍ ଆଡ୍‌ନାସ୍, ଇନେସ୍‌କି ଆପେଙ୍ଗ୍ ଦରମ୍ ଆରେ ସତ୍ ସମ୍ପର୍କ ମିହୁଦାଙ୍ଗ୍ ଇଡ଼୍‌ତାପ୍‌ନା, ହେଦାଙ୍ଗ୍ ମା ମାନ୍ତି ବାବ୍‌ନା ସାକି ହିନାତା। ଆସେଙ୍ଗ୍ ମା ପୁର୍ତିନି ଜ୍ଞାନ୍‌ତିଙ୍ଗ୍ ଆହା କିୱାଦାଙ୍ଗ୍, ଈଶ୍ୱର ଦୟାତିଙ୍ଗ୍ ଆହା କିନାପା। ହେଲେକେ ମିହୁଦାଙ୍ଗ୍ ଆରେ ୱିଜାକାର୍ ହୁଦାଙ୍ଗ୍ ଜିବୁନ୍ କାଟିକିଜି ମାଚାପ୍।

୨ କରନ୍ତିୟ 11:14

ମାତର୍ ହେୱାର୍ କାଜିଙ୍ଗ୍ ଆନେଙ୍ଗ୍ ଚାନିଆ ଆଉଙ୍ଗା, ଇନେସ୍‌କି ଶୟତାନ ଜାର୍‌ତିଙ୍ଗ୍ ଅଜଡ଼୍‌ନି ଦୁତ୍ ଇଞ୍ଜି ୱେଚ୍‌ନାତା।

୨ କରନ୍ତିୟ 11:3

ମାତର୍ ପାର୍ତୁମ୍ କଗ୍‌ଲେଙ୍ଗ୍ ହବାଙ୍ଗ୍ ଶୟ୍‌ତାନ୍ ରାଚ୍ ହେଲେକେ ଆଜି ଟକାୟ୍ କିତାତ୍। ହେଲେକେ ଶୟ୍‌ତାନ୍ ମିଚ୍ ହିକ୍ଷାହିନି ମାନାୟାର୍‌ଲେକେ ଆଜି ମିଙ୍ଗେଙ୍ଗ୍ ପା ଚାଲାକି କିଜି ଟକାୟ୍ କିଦ୍‌ନାତ୍ ଆରେ ଏପେଙ୍ଗ୍ ଖ୍ରୀଷ୍ଟଙ୍ଗ୍ ହେବା କିନାକା ବନ୍ଦ୍ କିନାଦେର୍ ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ପାଣ୍ଡ୍ରାଆନାଙ୍ଗା।

୨ କରନ୍ତିୟ 8:20

ମି ବିତ୍ରେତାଙ୍ଗ୍ ଇନେର୍ ପା, ଜେକନି ପାର୍ତିକିନି ଟଣ୍ଡାରିଙ୍ଗ୍ ସାଇଜ କିଦେଙ୍ଗ୍ ଅରାୟ୍ କିତି ଡାବୁଙ୍ଗ୍ ଅତାର୍ ଇଞ୍ଜି ମାଙ୍ଗେଙ୍ଗ୍ ଦସ୍ ହିଦ୍‌ମେର୍ ଇଞ୍ଜି ମା ହୁଦାଙ୍ଗ୍ ମାନି ହେ ପାର୍ତିକିନି ଟଣ୍ଡେନିଙ୍ଗ୍ ପା ତିତସ ହୁଦାଙ୍ଗ୍ ଡାବୁଙ୍ଗ୍ ଅସିହିନି କାଜିଙ୍ଗ୍ ପକ୍‌ନାପା।

ପିଲିପିୟ 2:15

ଲାଗିଙ୍ଗ୍ ଇନେର୍ ପା ମିଙ୍ଗେଙ୍ଗ୍ ଦସି ଇଞ୍ଜି ୱେଚ୍‌ଚେଙ୍ଗ୍ ଆଡ଼୍‌ଦୁର୍, ଆରେ ଏପେଙ୍ଗ୍ ଦରମ୍ ମାନାୟ୍ ଆନାଦେର୍। କରାପ୍ ମାନାୟାର୍ ବିତ୍ରେ ମାନ୍‌ଞ୍ଜି ପା ଏପେଙ୍ଗ୍ ଇନାକା କରାପ୍ କାମାୟ୍ କିୱାଦାଙ୍ଗ୍ ଏପେଙ୍ଗ୍ ଈଶ୍ୱର ହିମ୍‌ଣାଙ୍ଗ୍ ଲେକେ ଆଜି ମାନାଟ୍। ଏପେଙ୍ଗ୍ ଜିବୁନ୍ ହିଦ୍‌ନି କାତାତିଙ୍ଗ୍ ଆସ୍ତି ବାଦାଡ଼୍‌ନି ହୁକା ଲେକେ ଆଜି ହେୱାର୍ ବିତ୍ରେ ଅଜଡ଼୍ ଆଡ।

କଲସିୟ 1:9

ହେଦାଙ୍ଗ୍ କାଜିଙ୍ଗ୍ ହେ କାତା ୱେଚି ଦିନ୍‌ତାଙ୍ଗ୍ ୱିଜୁଦିନ୍ ଆପେଙ୍ଗ୍ ମି କାଜିଙ୍ଗ୍ ପାର୍ତାନା କିନାପା। ଆପେଙ୍ଗ୍ ପାର୍ତାନା କିନାପା ଯେ, ମିଙ୍ଗେଙ୍ଗ୍ ଈଶ୍ୱର ଆତ୍ମା ଜ୍ଞାନ୍ ଆରେ ବୁଦି ହିଦେନ୍, ଇନେସ୍‌କି ଏପେଙ୍ଗ୍ ତା ଇଚାତାଙ୍ଗ୍ ପୁରାପୁରି ପୁଞ୍ଜେଙ୍ଗ୍ ଆଡ୍‌ନାଦେର୍।

କଲସିୟ 4:5

ପାର୍ତିକିୱି ମାନାୟାରିଙ୍ଗ୍ ବୁଦି ହୁଦାଙ୍ଗ୍ ବ୍ଯବହାର୍ କିୟାଟ୍, ଆରେ ୱିଜୁ ସୁଯଗ୍‌ତିଙ୍ଗ୍ ହାର୍‌ଦାଙ୍ଗ୍ ବ୍ଯବହାର୍ କିୟାଟ୍।

୧ ଥେସଲନୀକିୟ 2:10

ହେଦାଙ୍ଗ୍ ଈଶ୍ୱର ଆରେ ଏପେଙ୍ଗ୍ ସାକି ମାନାଦେର୍, ଆପେଙ୍ଗ୍ ଈଶ୍ୱର ଇଚା ଆନୁସାରେ ପବିତ୍ର, ଦରମ୍ ଆରେ ୱିଜୁ ସତ୍ କାମାୟ୍ କିଜି ମାଚାପ୍।

୧ ଥେସଲନୀକିୟ 5:22

ୱିଜୁ ପର୍‌କାର୍ କରାପ୍ କାମାୟ୍‌ତାଙ୍ଗ୍ ଦେହା ମାନାଟ୍।