ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:55 - New Testament in Pengo Parja Language

⁵⁵ ମାତର୍ ଯୀଶୁ ହେୱାର୍ ନିପଣ୍ ବୁଲାଆଜି ହେୱାରିଙ୍ଗ୍ ଦମ୍‍କାଇକିଜି ୱେଚ୍‌ଚାନ୍, “ଏପେଙ୍ଗ୍ ଇନାକା ମାନ୍ତ ବାବିକିନାଦେରା। ହେଦାଙ୍ଗ୍ ପୁନୁଦେର୍, ଇନେସ୍‌କି ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ମାନାୟାର୍ ଜିବୁନ୍ ବୁଡାୟ୍ କିଦେଙ୍ଗ୍ ୱାୱାତାଙ୍ଗ୍‌ନା, ମାତର୍ ରକ୍ଷା କିଦେଙ୍ଗ୍ ୱାତାଙ୍ଗ୍‌ନ୍‌ନା।”

ସତ୍‌ ବଚନ୍‌ ପୁନି ନିୟମ୍‌

⁵⁵ ମାତର୍‌ ହେୱାନ୍‌ ମାସ୍‌ଦି ହେୱାରିଂ ଗଡ଼୍‌ କିତାନ୍‌ ଆରି ଇଚାନ୍‌, ଏପେଙ୍ଗ୍‌ ଇନେସ୍‌ ବାର୍ତି ଜିବୁନ୍‌ନି ମାନାୟ୍‌, ଇଦାଂ ପୁନୁଦେରା । ମାନାୟ୍‌ ମାସ୍‌ଦି ମାନାୟ୍‌ତିଂ ଜିବୁନ୍‌ ନସ୍ଟ କିଦେଙ୍ଗ୍‌ ୱାୱାଦାଙ୍ଗ୍‌ ରାକ୍ୟା କିଦେଙ୍ଗ୍‌ ୱାତାଂନା ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:55 ပူးပေါင်းရင်းမြစ်များ

ମାତିଉ 16:23

ମାତର୍ ଯୀଶୁ ମାସ୍‌ଜି ତା ଚେଲାରିଙ୍ଗ୍ ହୁଡ଼୍‌ତାନ୍, ଆରେ ପିତରତିଙ୍ଗ୍ ଦମ୍‍କାଇକିଜି ୱେଚ୍‌ଚାନ୍, “ଶୟତାନ! ନାବେତାଙ୍ଗ୍ ଦେହା ଆ। ଏନେଙ୍ଗ୍ ନାଙ୍ଗେଙ୍ଗ୍ ବାଦାହିଦ୍‌ନି ଲେକେ ଆନାୟା, ଇନେସ୍‌କି ଏନେଙ୍ଗ୍ ଈଶ୍ୱର ବିଷୟରେ ବାବି କିୱାଦାଙ୍ଗ୍ ମାନାୟ୍ ବିଷୟରେ ବାବିକିନାୟା।”

ମାତିଉ 26:33

ପିତର ଯୀଶୁଙ୍ଗ୍ ୱେଚ୍‌ଚାନ୍, “ୱିଜାକାର୍ ନିଙ୍ଗେଙ୍ଗ୍ ପିସ୍ତି ହାଞ୍ଜ୍‌ନାର୍ ହିନା ନିଙ୍ଗେଙ୍ଗ୍ ଆନେଙ୍ଗ୍ ଅଲପ୍‌ପା ପିସ୍ତି ହାଞ୍ଜୁଙ୍ଗ୍।”

ମାତିଉ 26:41

ଆରେରଗ ଯୀଶୁ ଚେଲାହିରିଙ୍ଗ୍ ୱେଚ୍‌ଚାନ୍, “ନାଙ୍ଗେଙ୍ଗ୍ କାସି ମାଞ୍ଜାଟ୍, ଆରେ ଏପେଙ୍ଗ୍ ଇନେସ୍‌କି ପରିକ୍ଷାତାକେ ପଡ଼ାଆଉଦେର୍‌ ହେଦାଙ୍ଗ୍ କାଜିଙ୍ଗ୍ ପାର୍ତାନା କିୟାଟ୍, ମି ଆତ୍ମା ସତ୍ କିଦେଙ୍ଗ୍ ଇଚା କିନାତ୍, ମାତର୍ ମି ଗାଗାଡ଼୍ ବାଡ଼୍‌କାସ୍ ହିଲେତ୍।”

ମାତିଉ 26:51

ଇମ୍‌ଣାକାର୍ ଯୀଶୁ ହୁଦାଙ୍ଗ୍ ମାଚାର୍, ହେୱାର୍ ବିତ୍ରେତାଙ୍ଗ୍ ରକାନ୍ ଚେଲାହି ତା କାଣ୍ଡା ହପ୍‌ଚି ଈଶ୍ଵରତିଙ୍ଗ୍ ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ହଲିଆହିଙ୍ଗ୍ ହେବେ କିତୁଲ୍ ରଞ୍ଜି ହଣ୍‌ତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:54

ଯୀଶୁ ଚେଲାହି ଯାକୁବ ଆରେ ଯୋହନ ଇଦାଙ୍ଗ୍ ହୁଡ଼୍‌ତାର୍। ହେ ଚେଲାହିର୍ ୱେଚ୍‌ଚାର୍, “ମାପୃ ସରଗ୍‌ତାଙ୍ଗ୍ ନାଣି ବାର୍ହା କିଜି ହେୱାରିଙ୍ଗ୍ ବୁଡାୟ୍‌କିନି କାଜିଙ୍ଗ୍ ଆପେଙ୍ଗ୍ ଆଦେସ୍ ହିନାପ୍ ଇଞ୍ଜି ଇନାକା ଏନେଙ୍ଗ୍ ଇଚା କିନାୟା?”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:56

ତାପାଚେ ଯୀଶୁ ଆରେ ତା ଚେଲାହିର୍ ଜେକନି ନାସ୍ ହାଚାର୍।

ଜହନ୍‌ 16:9

ଆରେ ପାପ୍ ବିଷୟରେ ୱେଚ୍‌ନାନ୍, ଇନେସ୍‌କି ହେୱାର୍ ନାବେ ପାର୍ତି କିଉରା।

ଜାକ୍‌ବ 3:10

ଇ ୱେଇଦାଙ୍ଗ୍ ନେ ଆସେଙ୍ଗ୍ ଦନ୍ଯବାଦ୍ ଆରେ ଅବିଶାପ୍ ହିନାସା। ଏ ନା ପାର୍ତିକିନି ଟଣ୍ଡାର୍‌କାଦେର୍, ଇ ଲେକେ ଆନାକା ହାର୍ ଆକାୟ୍।

୧ ପିତର 3:9

ଯଦି ମି ବିରୁଦ୍‌ତାକେ ଇନେର୍ ମି ଜିନିଷ୍‌ତିଙ୍ଗ୍ ନଷ୍ଟ କିନାନ୍, ଲାଗିଙ୍ଗ୍ ଏପେଙ୍ଗ୍ ତା ଜିନିଷ୍‌ତିଙ୍ଗ୍ ଉଲ୍‌ଟା ନଷ୍ଟ କିମାଟ୍, ଆରେ ଇନେର୍ ଯଦି ମିଙ୍ଗେଙ୍ଗ୍ ଇନସ୍ତା କିଦ୍‌ନାନ୍ ଆରେ ଏପେଙ୍ଗ୍ ତାଙ୍ଗେଙ୍ଗ୍ ଉଲ୍‌ଟା ଇନସ୍ତା କିମାଟ୍। ମାତର୍ ଏପେଙ୍ଗ୍ ହେୱାରିଙ୍ଗ୍ ଆଶ୍ରିବାଦ୍ କିୟାଟ୍, ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ବାଚି କିତ୍‌ତାନ୍‌ନା, ଯଦି ଏପେଙ୍ଗ୍ ହେଲେକେ କିନାଦେର୍ ଈଶ୍ୱର ମିଙ୍ଗେଙ୍ଗ୍ ଆଶ୍ରିବାଦ୍ କିଦ୍‌ନାନ୍।

ହତ୍‌ତି 3:19

ଆନେଙ୍ଗ୍ ଇନେରିଙ୍ଗ୍ ଲାଡ୍ କିନାଙ୍ଗା ତାଙ୍ଗେଙ୍ଗ୍ ହିକାୟ୍ କିନାଙ୍ଗ୍ ଆରେ ଦନ୍ ହିନାଙ୍ଗ୍, ଲାଗିଙ୍ଗ୍ ହେୱାର୍ ହାର୍ଦି ମାନାୟାର୍ ଆନାର୍। ଲାଗିଙ୍ଗ୍ ଏପେଙ୍ଗ୍ ହାର୍ କାମାୟ୍ କିୟାଟ୍ ଆରେ ପାପ୍ କାମାୟ୍ କିନାକା ବନ୍ଦ୍ କିୟାଟ୍।”