ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:49 - New Testament in Pengo Parja Language

⁴⁹ ତା ଚେଲାହି ଯୋହନ ଯୀଶୁଙ୍ଗ୍ ୱେଚ୍‌ଚାନ୍, “ଏ ଗୁରୁ, ନି ତର୍‌ ଅଜି ରକାନ୍ ମାନାୟ୍ ବୁତ୍ଆତ୍ମା ପିହିକିନାକା ଆପେଙ୍ଗ୍ ହୁଡ଼୍‌ତାପ୍, ହେୱାନ୍ ମା ବିତ୍ରେ ନିକାନ୍ ଆକାଇ ଲାଗିଙ୍ଗ୍ ହେୱାନିଙ୍ଗ୍ ମୁନାକିତାପ୍।”

ସତ୍‌ ବଚନ୍‌ ପୁନି ନିୟମ୍‌

⁴⁹ ହେବେ ଜହନ୍‌ ଉତର୍‌ ହିତାନ୍‌, “ଏ ଗୁରୁ, ଆପେଂ ରୱାନିଂ ନି ତର୍‌ଦାଂ ପୁଦା ପିହି କିନାକା ହୁଡ଼୍‌ତାପ୍‌, ଆରେ ହେୱାନ୍‌ ମା ଦଲ୍‌ଦ ୱାୱିକାଜିଂ ତାଙ୍ଗେଙ୍ଗ୍‌ ମୁନା କିତାପ୍ ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:49 ပူးပေါင်းရင်းမြစ်များ

ମାତିଉ 3:14

ମାତର୍ ଯୋହନ ଯୀଶୁଙ୍ଗ୍ ମୁନା କିଦେଙ୍ଗ୍ ଉପାୟ୍ କିଜି ୱେଚ୍‌ଚାନ୍, “ଆନେଙ୍ଗ୍ ନିତାକେ ଡୁବନ୍ ଅନି ଦର୍‌କାର୍, ଏନେଙ୍ଗ୍ ନାବେ ଇନା କିଦେଙ୍ଗ୍ ୱାତାୟ୍‌ନା?”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 5:5

ଶିମୋନ ୱେଚ୍‌ଚାନ୍, “ମାପୃ ମିନ୍‌କୁ ଆହ୍‌ନି କାଜିଙ୍ଗ୍ ଆପେଙ୍ଗ୍ ହାର୍‌ତାନାଣା କଷ୍ଟ ପଡ଼ା ଆତାପ୍, ମାତର୍ ଇଚୁଡ଼ିଙ୍ଗ୍ ପା ଆଡ୍‌ୱାତାପ୍। ନଙ୍ଗୟ୍ ଏନେଙ୍ଗ୍ ଜାଲ୍ ଇଡ଼୍‍ଦେଙ୍ଗ୍ ଇଞ୍ଜ୍‌ନାୟା। ଲାଗିଙ୍ଗ୍ ଆନେଙ୍ଗ୍ ଜାଲ୍ ଇଡ଼୍‌ନାଙ୍ଗ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:33

ହେୱାର୍ ତାବେଡାଙ୍ଗ୍ ହସିହାନିହିଙ୍ଗ୍ ପିତର ଯୀଶୁଙ୍ଗ୍ ୱେଚ୍‌ଚାନ୍, “ଏ ଗୁରୁ, ଆପେଙ୍ଗ୍ ଯେ ଇ ବାହାତାକେ ମାନାକା ହାର୍! ଆପେଙ୍ଗ୍ ତିନ୍‌ଗଟା ପୁଟ୍‌କୁ ରହ୍‌ନାପ୍, ନି କାଜିଙ୍ଗ୍ ରଞ୍ଜାଙ୍ଗ୍ ମୋଶା କାଜିଙ୍ଗ୍ ରଞ୍ଜାଙ୍ଗ୍ ଆରେ ଏଲିୟ କାଜିଙ୍ଗ୍ ରଞ୍ଜାଙ୍ଗ୍।” ମାତର୍ ହେୱାନ୍ ଇନାକା ୱେଚ୍‌ଚାନାନା ହେଦାଙ୍ଗ୍ ପୁୱାଦାଙ୍ଗ୍ ମାଚାନ୍।

ପକ୍ୟାତାକା 5:28

“ଆପେଙ୍ଗ୍ ମିଙ୍ଗେଙ୍ଗ୍ ଯୀଶୁ ତର୍‍ଦାଙ୍ଗ୍ ହିକ୍ଷାହିଦେଙ୍ଗ୍ ମୁନା କିତ୍‌ତାପ୍‌ନା। ମାତର୍ ଏପେଙ୍ଗ୍ ତା ବିଷୟରେ ଯିରୁଶାଲାମ ସହର୍‌ନି ବେସି ମାନାୟାରିଙ୍ଗ୍ ହିକ୍ଷା ହିତାଦେର୍‌ନା। ଇ ମାନାୟ୍‌ତିଙ୍ଗ୍ ନେତେର୍ ହପ୍‌ଚି ଟ୍ରାକ୍‌ତି ଦସ୍ ମା ଜପି ଲେଦି କିଦ୍‌ଦେଙ୍ଗ୍ ଇଚା କିନାଦେରା।”

୧ ଥେସଲନୀକିୟ 2:16

ଇନେସ୍‌କି ବିନ୍‌ଜାତିନି ମାନାୟାର୍ ରକ୍ଷା ପାୟାଆମେର୍ ଇଞ୍ଜି ହାର୍ଦିକାବୁର୍ ଶୁଣାୟ୍ କିତିଲେ, ହେୱାର୍ ମାଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନାରା। ହେଲେକେ ହେୱାର୍ ପାପ୍ କିଜି ମାଚାର୍, ସେସ୍ ୱେଡ଼ାଙ୍ଗ୍ ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିଦେଙ୍ଗ୍ କାତାନ୍‌ନା।