ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:39 - New Testament in Pengo Parja Language

³⁹ ହେୱାନିଙ୍ଗ୍ ର ବୁତ୍ଆତ୍ମା ଆହ୍‌ନାତ୍। ହେୱାନିଙ୍ଗ୍ ବୁତ୍ଆତ୍ମା ଆସ୍ତିସ୍ ତିପ୍‌କୁ ଚେରାଆନାନ୍। ଆରେ ହେୱାନିଙ୍ଗ୍ ଇଲେକେ ମଡ଼ିକିନାତ୍ ଯେ ହେୱାନ୍ ତା ୱେଇଦାଙ୍ଗ୍ ପେପୁଲ୍ ହନାତ୍। ହେୱାନିଙ୍ଗ୍ ଚିତ୍ରା କାବ୍ରା କିଜି ହେୱାନ୍‌ତାଙ୍ଗ୍ ବେସି କଷ୍ଟ ହିଜି ହସିହାନାତ୍।”

ସତ୍‌ ବଚନ୍‌ ପୁନି ନିୟମ୍‌

³⁹ ହୁଡ଼ାଟ୍‌, ତାଙ୍ଗେଙ୍ଗ୍‌ ର ପୁଦା ଆହ୍‌ନାତ୍‌, ଆରେ ହେୱାନ୍‌ ତ୍ରିପ୍‌କୁ କିର୍‌ଡ଼ି କିଜ଼ି ନିଙ୍ଗ୍‌ନାନ୍‌, ପାଚେ ହେୱାନିଂ ଏଲେଙ୍ଗ୍‌ ମଡ଼ିକିନାତ୍‌ ଜେ, ତା ୱେଇଦିଂ ପେପ୍‌ଲା ହତ୍‌ନାତ୍‌, ପାଚେ ହେଦାଂ ତାଙ୍ଗେଙ୍ଗ୍‌ ଚିର୍‌ବିର୍‌ କିଜ଼ି ତା ତାକେଣ୍ଡାଂ କେତେ କସ୍ଟତାଂ ହସି ହାନାତ୍‌ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:39 ပူးပေါင်းရင်းမြစ်များ

ମାର୍କ 9:18

ବୁତ୍ ତାଙ୍ଗେଙ୍ଗ୍ ଆସ୍ତି, ରଗ-ରଗ ତାରେନ୍ ଗୁତ୍‌ନାତ୍, ହେପାଦ୍ନା ତା ମୁମ୍‌ଦ ପେପୁଲ୍ ହନାତ୍। ଆରେ ହେୱାନ୍ ଟାଡାଙ୍ଗ୍ କାପ୍‍ନାନ୍, ଆରେ ତା ଗାଗାଡ଼୍ ଡାଙ୍ଗ୍‌ଡାଙ୍ଗା ଆଜି ହାଃତି ଲେକେ ଆନାତ୍। ବୁତ୍ ପିହିକିଦେଙ୍ଗ୍ ନି ଚେଲାରିଙ୍ଗ୍ ୱେଚ୍‌ଚି ମାଚାଙ୍ଗ୍, ମାତର୍ ହେୱାର୍ ଇନାକାପା କିଦେଙ୍ଗ୍ ଆଡ୍‌ୱାତାର୍।”

ମାର୍କ 9:20

ବୁତ୍ଆତ୍ମା ଯୀଶୁଙ୍ଗ୍ ହୁଡ଼୍‌ତି ଦାପ୍ରେ ହେ ହିମ୍‌ଣାଙ୍ଗ୍ ଅପ୍ରାବଲ୍ ମଡି କିତାତ୍, ଆରେ ହେୱାନିଙ୍ଗ୍ ମେଦ୍‌ନିତ ତିଗ୍ତାତ୍, ଆରେ ହିମ୍‌ଣା ୱେଇଦାଙ୍ଗ୍ ପେପୁଲ୍ ହପ୍‌ଚି ଗୁଣ୍ଡ୍‌ଲା ଆଦେଙ୍ଗ୍ ଲାଗାତାନ୍।

ମାର୍କ 9:26

ହେବେତାଙ୍ଗ୍ ବୁତ୍ଆତ୍ମା ବିଲ୍‌କି ଆଜି ହିମ୍‌ଣାତିଙ୍ଗ୍ ମଡ଼ିକିଜି ହସିହାଚାତ୍, ଆରେ ହିମ୍‌ଣା ହାଃତି ଲେକେ ଆତାନ୍, ଆରେ ୱିଜାକାର୍ ୱେଚ୍‌ଚାର୍, “ଇ ହିମ୍‌ଣା ହାଃତାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:35

ଯୀଶୁ ତାଙ୍ଗେଙ୍ଗ୍ ଦମ୍‍କାଇକିଜି ୱେଚ୍‌ଚାନ୍, “ଚିମ୍ରାଆ! ଇୱାନ୍‌ତାଙ୍ଗ୍ ହସିହାଲା!” ହେବେତାଙ୍ଗ୍ ହେ ବୁତ୍ଆତ୍ମା ହେୱାନିଙ୍ଗ୍ ଗାଉଦାଉ କିୱାଦାଙ୍ଗ୍ ମାନାୟ୍ ମାଦି ଗୁତ୍‍ତି ହେୱାନ୍‌ତାଙ୍ଗ୍ ହସିହାଚାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:29

ଇନେସ୍‌କି ଯୀଶୁ ବୁତ୍ଆତ୍ମାତିଙ୍ଗ୍ ଆଗେ ଆଦେସ୍ ହିଜି ୱେଚ୍‌ଚି ମାଚାନ୍, “ଏ ବୁତ୍ଆତ୍ମା ଇୱାନ୍‌ତାଙ୍ଗ୍ ହସିହାଲା!” ଇନେସ୍‌କି ହେ ବୁତ୍ଆତ୍ମା ଦିନେକ୍ ଡୁଜି ମାଚାତ୍। ହେଦାଙ୍ଗ୍ କାଜିଙ୍ଗ୍ ମାନାୟାର୍ ହେୱାନିଙ୍ଗ୍ ହିକ୍‌ଡ଼ିଙ୍ଗ୍ ହୁଦାଙ୍ଗ୍ ଗାଚ୍‌ଚି ମାଚାର୍, ମାତର୍ ହେୱାନ୍ ଗାଚ୍‌ଚି ହିକ୍‌ଡ଼ିଙ୍ଗ୍ ପା ନାଡ଼୍‌ଚି ମାଚାନ୍, ଆରେ ବୁତ୍ଆତ୍ମା ହେୱାନିଙ୍ଗ୍ ଟାଙ୍ଗ୍ରାବାହାତାକେ ଅଜି ମାଚାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:38

ମାନାୟାର୍ ବିତ୍ରେତାଙ୍ଗ୍ ରକାନ୍ ଯୀଶୁଙ୍ଗ୍ ଚେରାଆଜି ୱେଚ୍‌ଚାନ୍, “ଏ ଗୁରୁ, ନିଙ୍ଗେଙ୍ଗ୍ ଆନେଙ୍ଗ୍ ଗୁୱାରି କିଦ୍‌ନାଙ୍ଗା ନା ହିମ୍‌ଣା କାଜିଙ୍ଗ୍ ଦୟାକିଦା, ଇନେସ୍‌କି ହେୱାନ୍ ନା ରକାନ୍ ଇଞ୍ଜି ହିମ୍‌ଣା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:40

ବୁତ୍ ପିହିକିଦେଙ୍ଗ୍ ଆନେଙ୍ଗ୍ ନି ଚେଲାରିଙ୍ଗ୍ ୱେଚ୍‌ଚି ମାଚାଙ୍ଗ୍, ମାତର୍ ହେୱାର୍ ଇନାକାପା କିଦେଙ୍ଗ୍ ଆଡ୍‌ୱାତାର୍।

ଜହନ୍‌ 8:44

ଶୟତାନ୍ ଆନାନା ମିଞ୍ଜ୍‌ବା ଆରେ ଏପେଙ୍ଗ୍ ତା ମେହି କାଦେର୍। ଏପେଙ୍ଗ୍ ତା ଇଚାତାଙ୍ଗ୍ କାମାୟ୍ କିନାଦେରା। ହେୱାନ୍ ଆଗେତାଙ୍ଗ୍ ମାନାୟ୍ ମାରୁ, ଆରେ ହେୱାନ୍ ଇନାୱେଡ଼ାଙ୍ଗ୍ ପା ସତ୍ ୱେଚ୍‌ୱାତାନ୍‌ନା। ଇନେସ୍‌କି ହେୱାନ୍ ମିଚ୍‌ୱା। ଏଚେପାଦ୍ନା ହେୱାନ୍ ମିଚ୍ କାତା ୱେଚ୍‌ନାନ୍, ହେପାଦ୍ନା ହେୱାନ୍ ଜାର୍‌ତିଙ୍ଗ୍ ୱେଚ୍‌ନାନ୍। ଇନେସ୍‌କି ହେୱାନ୍ ମିଚ୍ ୱେଚ୍‌ନି ମାନାୟ୍, ଆରେ ହେୱାନ୍ ମିଚ୍ ୱେଚ୍‌ନାକାର୍ ତାଞ୍ଜିବା।

୧ ପିତର 5:8

ଏପେଙ୍ଗ୍ ମି ମାନ୍‌ତିଙ୍ଗ୍ କିଲେର୍ କିୟାଟ୍ ଆରେ ଜାଗ୍ରତ୍ ଆଜି ମାନାଟ୍, ଇନେସ୍‌କି ମି ଶାତୃ ଶୟତାନ ନି ସିଂହ ବୁର୍‌କା ଲେକେ ମାନାୟାରିଙ୍ଗ୍ ବିନାସ୍ କିଦେଙ୍ଗ୍ ଚାରିବେଣ୍‌ତାଙ୍ଗ୍ ଡେକ୍‌ଚି ବୁଲା ଆନାତା।

ହତ୍‌ତି 9:11

ପାତାଳ୍‌ନି ଦୁତ୍ ହେୱାର୍ ରାଜା ମାଚାତ୍, ଏବ୍ରୀ ବାଷାତାଙ୍ଗ୍ ତା ତର୍‌ ଆବାଦାନ୍ ମାଚାତ୍, ଆରେ ଗ୍ରୀକ୍ ବାଷାତାଙ୍ଗ୍ ତା ତର୍‌ ଅପଲ୍ଲିୟୋନ୍ ମାଚାତ୍, ତା ଅର୍ତ ବିନାସ୍ କିନି ମାନାୟ୍।