ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:20 - New Testament in Pengo Parja Language

²⁰ ଯୀଶୁ ହେୱାରିଙ୍ଗ୍ ୱେନ୍‌ବାତାନ୍, “ଏପେଙ୍ଗ୍ ଇନେର୍ ଇଞ୍ଜି ବାବିକିନାଦେରା?” ପିତର ଯୀଶୁଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ଈଶ୍ୱରତାଙ୍ଗ୍ ୱାଜିମାଚି ଖ୍ରୀଷ୍ଟ।”

ସତ୍‌ ବଚନ୍‌ ପୁନି ନିୟମ୍‌

²⁰ ଜିସୁ ହେୱାରିଂ ୱେନ୍‌ବାତାନ୍‌, “ମାତର୍‌ ଆନ୍‌ ଇନେନ୍‌ ଇଞ୍ଜି ଏପେଙ୍ଗ୍‌ ଇନାକା ଇଞ୍ଜ୍‌ନାଦେରା ?” ପିତର୍‌ ଉତର୍‌ ହିତାନ୍, “ଇସ୍ୱର୍ତି କ୍ରିସ୍ଟ ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:20 ပူးပေါင်းရင်းမြစ်များ

ମାତିଉ 22:42

ଖ୍ରୀଷ୍ଟ ବିଷୟତାଙ୍ଗ୍ ଏପେଙ୍ଗ୍ ଇନାକା ବାବିକିନାଦେରା? ହେୱାନ୍ ଇନେର୍ ବଂଶ? ହେୱାର୍ ହେୱାନିଙ୍ଗ୍ ୱେଚ୍‌ଚାର୍, ଦାଉଦ ରାଜାନି ବଂଶ।

ମାତିଉ 26:63

ମାତର୍ ଯୀଶୁ ଚିମ୍ରା ଆଜି ମାଚାନ୍। ହେବେତାଙ୍ଗ୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ହେୱାନିଙ୍ଗ୍ ୱେଚ୍‌ଚାନ୍, ଆପେଙ୍ଗ୍ ନିଙ୍ଗେଙ୍ଗ୍ ଜିବୁନ୍ ମାନି ଈଶ୍ୱର ତର୍‍ଦାଙ୍ଗ୍ ପାର୍ମାଣ୍ ହିଦ୍‌ନାଙ୍ଗା ମାଙ୍ଗେଙ୍ଗ୍ ୱେଚ୍‌ଚା, ଏନେଙ୍ଗ୍ ଇନାକା ଈଶ୍ୱର ମେହି ଯୀଶୁ ଖ୍ରୀଷ୍ଟ ତି?

ମାତିଉ 5:47

ଆରେ ଏପେଙ୍ଗ୍ ଯଦି ମି ଟଣ୍ଡାଦିଙ୍ଗ୍ ଜୱାର୍ କିନାଦେର୍, ଲାଗିଙ୍ଗ୍ ଏପେଙ୍ଗ୍ ଜେକନିକାର୍ କିତିତାଙ୍ଗ୍ ପା ଆଦିକ୍‌ବେଶି ଇନାକା କିୱାତାଦେର୍‍ନା। ବିନେନି ଜାତିନି ମାନାୟାର୍ ପା ହେଲେକେ କିନାରା, ଇମ୍‌ଣାକାନ୍ କି ମାପୃ ସାସ୍ତର୍‌ତିଙ୍ଗ୍ ପୁନ୍‌ୱାତାନ୍‌ନା।

ମାର୍କ 14:61

ମାତର୍ ଯୀଶୁ ଚିମ୍ରା ଆଜି ମାନ୍‌ଞ୍ଜି ଇନାକାପା ଇନ୍‌ୱାତାନ୍। ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ଆରେରଗ ଯୀଶୁଙ୍ଗ୍ ୱେନ୍‌ବାତାନ୍, “ଏନେଙ୍ଗ୍ କି ଖ୍ରୀଷ୍ଟ, ଈଶ୍ୱର ମେହି ଇନେରିଙ୍ଗ୍ ଆପେଙ୍ଗ୍ ଆରାଦାନା କିନାପା?”

ମାର୍କ 8:29

ଯୀଶୁ ହେୱାରିଙ୍ଗ୍ ୱେନ୍‌ବାତାନ୍, “ଏପେଙ୍ଗ୍ ଇନାକା ଇଞ୍ଜି ବାବିକିନାଦେରା?” ପିତର ଯୀଶୁଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ଖ୍ରୀଷ୍ଟ, ଈଶ୍ୱର ପକ୍ତି ମାନାୟ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:67

ମାତର୍ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ଯଦି ମିଙ୍ଗେଙ୍ଗ୍ ୱେଚ୍‌ଚାନାଙ୍ଗ୍, ଏପେଙ୍ଗ୍ ପା ପାର୍ତି କିଉଦେର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:19

ହେୱାର୍ ଯୀଶୁଙ୍ଗ୍ ୱେଚ୍‌ଚାର୍, “କେତେକ୍ ମାନାୟାର୍ ଇନାରା ଡୁବନ୍‌ହିନି ଯୋହନ୍, ଆରେ କେତେକ୍ ହେନି ଇନାରା ଏଲିୟ, ଆରେ କେତେକ୍ ହେନି ଆଗେନି ଭବିଷ୍ଯତବକ୍ତାର୍ ବିତ୍ରେତାଙ୍ଗ୍ ରକାନ୍ ହାଃଜି ଆରେରଗ ନିଙ୍ଗ୍‍ତାନ୍‍ନା।”

ଜହନ୍‌ 1:41

ଆନ୍ଦ୍ରିୟ ଆଗେ ତା ଟଣ୍ଡାହି ଶିମୋନ ଲାଗାୟ୍ ହାଚାନ୍। ହେୱାନ୍ ଶିମନତିଙ୍ଗ୍‌ ୱେଚ୍‌ଚାନ୍, “ଆପେଙ୍ଗ୍ ଖ୍ରୀଷ୍ଟଙ୍ଗ୍ ହୁଡ଼୍‌ତାପ୍‌ନା।”

ଜହନ୍‌ 1:49

ତାପାଚେ ନିତନିୟେଲ ଯୀଶୁଙ୍ଗ୍ ୱେଚ୍‌ଚାନ୍, “ଏ ଗୁରୁ, ଏନେଙ୍ଗ୍ ଈଶ୍ୱର ମେହି। ଏନେଙ୍ଗ୍‍ନେ ଇସ୍ରାଏଲ ଜାତିନି ରାଜା।”

ଜହନ୍‌ 11:27

ମାର୍ଥା ୱେଚ୍‌ଚାତ୍, “ଆଁ ମାପୃ, ଆନେଙ୍ଗ୍ ନିଙ୍ଗେଙ୍ଗ୍ ଖ୍ରୀଷ୍ଟ ଇଞ୍ଜି ପାର୍ତି କିଦ୍‌ନାଙ୍ଗା। ଏନେଙ୍ଗ୍ ଈଶ୍ୱର ମେହି। ଇନେର୍ ଇ ପୁର୍ତିତାକେ ୱାନାକା ମାଚାତ୍, ଏନେଙ୍ଗ୍ ହେୱାଇ।”

ଜହନ୍‌ 20:31

ମାତର୍ ଇ ବହିତାକେ ଇୱିଜୁ ଲେକାଆତାତ୍‌ନା, ଇନେସ୍‌କି ଏପେଙ୍ଗ୍ ପାର୍ତି କିନାଦେର୍, ଯୀଶୁ ଆନାନା ଖ୍ରୀଷ୍ଟ ଆରେ ଈଶ୍ୱର ମେହି, ଏପେଙ୍ଗ୍ ତା ତର୍‍ଦାଙ୍ଗ୍ ଜିବୁନ୍ ପାୟାଆନାଦେର୍, ଇଦାଙ୍ଗ୍ କାଜିଙ୍ଗ୍ ଇୱିଜୁ ଲେକାଆତାତ୍‌ନା।

ଜହନ୍‌ 4:29

“ୱାଡ! ରକାନିଙ୍ଗ୍ ହୁଡ଼୍‌ନାଦେର୍। ଆନେଙ୍ଗ୍ ଇନା ଇନାକା କିତାଙ୍ଗ୍‌ନା, ହେ ୱିଜୁବେଣ୍ ହେୱାନ୍ ନାଙ୍ଗେଙ୍ଗ୍ ୱେଚ୍‌ଚାତାନ୍। ହେୱାନ୍‌ନେ ଖ୍ରୀଷ୍ଟ ଆଜି ମାନ୍‌ଗାନାନ୍?”

ଜହନ୍‌ 4:42

ମାନାୟାର୍ ହେ କଗ୍‌ଲେଙ୍ଗ୍ ୱେଚ୍‌ଚାର୍, “ପାର୍ତୁମ୍ ଆପେଙ୍ଗ୍ ନି ବେଣ୍ ୱେନ୍‌ଞ୍ଜି ଯୀଶୁଙ୍ଗ୍ ପାର୍ତି କିୱାଦାଙ୍ଗ୍ ମାଚାପ୍। ମାତର୍ ନଙ୍ଗୟ୍ ଆପେଙ୍ଗ୍ ନିଜେ ତା ବେଣ୍ ୱେଚାପ୍ ଆରେ ପୁଚାପ୍, ଲାଗିଙ୍ଗ୍ ପାର୍ତି କିତାପ୍‌ନା। ଆପେଙ୍ଗ୍ ନଙ୍ଗୟ୍ ପୁନାପା ଯେ, ଇୱାନ୍‌ନେ ପୁର୍ତିନି ଉଦାର୍ କିଦ୍‌ନାକାନ୍।”

ଜହନ୍‌ 7:41

ଜେକନିକାର୍ ୱେଚ୍‌ଚାର୍, “ହେୱାନ୍ ଖ୍ରୀଷ୍ଟ।” ଆରେ ଜେକନିକାର୍ ୱେଚ୍‌ଚାର୍, “ଗାଲିଲୀ ଜିଲ୍ଲାତାଙ୍ଗ୍ ଖ୍ରୀଷ୍ଟ ୱାଉନ୍।

ପକ୍ୟାତାକା 17:3

ଆରେ ପାଉଲ ହେୱାରିଙ୍ଗ୍ ଖ୍ରୀଷ୍ଟ ଦୁକ୍‌କଷ୍ଟ ପାୟାଆଜି ହାଃନାକା ଆରେ ହାଃତାକାର୍‌ତାଙ୍ଗ୍ ଆରେରଗ ଜିବୁନ୍‌ଆନି ବିଷୟରେ ବୁଜାଇକିଜି ୱେଚ୍‌ଚାନ୍। ଆରେ ହେୱାନ୍ ଇମ୍‌ଣି ଯୀଶୁର୍ ବିଷୟରେ ହେୱାରିଙ୍ଗ୍ ଶୁଣାୟ୍ କିଜି ମାଚାନ୍, ହେୱାନ୍‌ନେ ରକ୍ଷାକିଦ୍ନାକାନ୍‌ ଇଞ୍ଜି ହେୱାରିଙ୍ଗ୍ ସତ୍ ଇଞ୍ଜି ଚଚ୍‌ଚାନ୍।

ପକ୍ୟାତାକା 8:36

ଆରେ ହେୱାର୍ ହାନିହିଙ୍ଗ୍ ହାଜି ଲାଗାୟ୍ ର ବାନ୍ଦ୍‌ତାକେ ଇକାତାର୍। ଲାଗିଙ୍ଗ୍ ହେ ଅପିସର୍ ପିଲିପତିଙ୍ଗ୍ ୱେଚ୍‌ଚାନ୍, “ଏହେଁ ତ ବାନ୍ଦ୍ ମାନାତ୍, ନାଙ୍ଗେଙ୍ଗ୍ ଏନେଙ୍ଗ୍ ଡୁବନ୍ ହିଦ୍‌ନି କାଜିଙ୍ଗ୍ ଇନାକା ବାଦା ମାନାତ୍ କି?”

ପକ୍ୟାତାକା 9:22

ମାତର୍ ଈଶ୍ୱର ଶାଉଲତିଙ୍ଗ୍ ବେସି ଶାକ୍ତି ହିତାନ୍। ଯୀଶୁ ନେ ଖ୍ରୀଷ୍ଟ ଇଞ୍ଜି ପାର୍ମାଣ୍ କିଜି ଶୁଣାୟ୍ କିଜି ମାଚାନ୍। ଇଦାଙ୍ଗ୍ କାଜିଙ୍ଗ୍ ଦମେସକ ସହର୍‌ତାକେ ମାନି ଯିହୁଦି ମାନାୟାର୍ ଇନାକା ୱେଚ୍‌ଚେଙ୍ଗ୍ ଆଡ୍‌ୱାଦାଙ୍ଗ୍ ମାଚାର୍।

୧ ଯୋହନ 5:1

ଇମ୍‌ଣି ମାନାୟ୍ ଯୀଶୁଙ୍ଗ୍ ଖ୍ରୀଷ୍ଟ ଇଞ୍ଜି ପାର୍ତିକିନାନ୍। ହେୱାନ୍ ଈଶ୍ୱର ମେହି। ଆରେ ଇମ୍‌ଣି ମାନାୟ୍ ତା ଆବାଙ୍ଗ୍ ଲାଡ୍ କିନାନ୍। ଲାଗିଙ୍ଗ୍ ତା ମେହିରିଙ୍ଗ୍ ପା ଆସେଙ୍ଗ୍ ଲାଡ୍ କିନାସ୍‌।