ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:16 - New Testament in Pengo Parja Language

¹⁶ ତାପାଚେ ଯୀଶୁ ପାଞ୍ଚ୍‌ଗଟା ରୁଟିଙ୍ଗ୍ ଆରେ ରିଣ୍ଡାଙ୍ଗ୍ ମିନ୍‌କୁ ଅତାନ୍। ଆରେ ହେୱାନ୍ ସରଗ୍‌ଜପି ହୁଡ଼୍‌ଜି କାଦି କାଜିଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିତାନ୍। ହେ ରୁଟିଙ୍ଗ୍ ଗନ୍ଦା-ଗନ୍ଦା କିଜି ଡ୍ରିକ୍‌ଚି ମାନାୟାରିଙ୍ଗ୍ ବୁଲାଇ କିଜି ହିଦେଙ୍ଗ୍ ତା ଚେଲାହିରିଙ୍ଗ୍ ହିତାନ୍।

ସତ୍‌ ବଚନ୍‌ ପୁନି ନିୟମ୍‌

¹⁶ ଆରେ, ଜିସୁ ହେ ପାଞ୍ଚ୍‌ଗଟା ରୁଟିଂ ଆରେ ରିଣ୍ଡାଂ ମିନ୍‌କୁ ଅଜ଼ି ବାଦାଡ଼୍‌ତିଂ ହୁଡ଼୍‌ଜି ହେ ୱିଜ଼ୁକାଙ୍ଗ୍‌ ଆସିର୍ବାଦ୍‌ କିତାନ୍‌, ଆରେ ଡ୍ରିପ୍‌କିସ୍‌ ୱିଜ଼ୁ ଲଗାଂ ଚିଚ୍‍ପି କିଦେଙ୍ଗ୍‌ କାଜିଂ ଚେଲାରିଂ ହିଦେଂ ଲାଗାତାନ୍‌ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:16 ပူးပေါင်းရင်းမြစ်များ

ମାତିଉ 14:19

ଯୀଶୁ ହେବେ ରୁଣ୍ଡାଆତି ମାନାୟାରିଙ୍ଗ୍ କାଚ୍ରା ଜପି କୁଚ୍‌ଚେଙ୍ଗ୍ ଆଦେସ୍ ହିତାନ୍। ତାପାଚେ ହେ ପାଞ୍ଚ୍‌ଗଟା ରୁଟିଙ୍ଗ୍ ଆରେ ରିଣ୍ଡାଙ୍ଗ୍ ମିନ୍‌କୁକାଙ୍ଗ୍ ଆସ୍ତି ବାଦାଡ଼୍‌ଜପି ହୁଡ଼୍‌ଜି ଈଶ୍ୱରତିଙ୍ଗ୍ ଦନ୍ଯବାଦ୍ କିତାନ୍ ଆରେ ରୁଟିଙ୍ଗ୍ ଡ୍ରିପ୍‌କି ତା ଚେଲାହିରିଙ୍ଗ୍ ହିତାନ୍। ଚେଲାହିର୍ ଅଜି ମାନାୟାରିଙ୍ଗ୍ ବାଟାକିଜି ହିତାର୍।

ମାତିଉ 15:36

ତାପାଚେ ହେ ସାତ୍‌ଗଟା ରୁଟି ଆରେ ହିରୁ ମିନ୍‌କୁକାଙ୍ଗ୍ ଆସ୍ତି ଯୀଶୁ ଈଶ୍ୱରତିଙ୍ଗ୍ ଦନ୍ଯବାଦ୍‍କିଜି, ହେ ରୁଟିଙ୍ଗ୍ ଆରେ ହିରୁ ମିନ୍‌କୁକାଙ୍ଗ୍ ଡ୍ରିପ୍‍କିସ୍ ମାନାୟାରିଙ୍ଗ୍ ବାଟାକିଜି ହିଦେଙ୍ଗ୍ ଚେଲାହିରିଙ୍ଗ୍ ହିତାନ୍। ଚେଲାହିର୍ ହେ ରୁଟିଙ୍ଗ୍ ବୁଲାଇ କିଜି ହିତାର୍।

ମାର୍କ 7:34

ତାପାଚେ ସରଗ୍ ନିପଣ୍ ହୁଡ଼୍‌ଜି ଗାଜାପୁଣ୍ଡା କିଜି ୱେଚ୍‌ଚାନ୍, “ଇପ୍‌ଥା!” “ନି ଅର୍ତ ୱେନ୍ଦୁଲ୍ ପିଟା ଆ!”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:19

ହେୱାର୍ ତିନିହିଙ୍ଗ୍ ଯୀଶୁ ରୁଟିଙ୍ଗ୍ ଆସ୍ତି ଈଶ୍ୱରତିଙ୍ଗ୍ ଦନ୍ଯବାଦ୍ କିତାନ୍ ଆରେ ରୁଟି ଡ୍ରିକ୍‌ଚି ଚେଲାହିରିଙ୍ଗ୍ ହିଜି ୱେଚ୍‌ଚାନ୍, “ଅୱାଟ୍, ଆରେ ତିନାଟ୍ ଇଦାଙ୍ଗ୍ ନା ଗାଗାଡ଼୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:30

ଯୀଶୁ ହେୱାର୍ ହୁଦାଙ୍ଗ୍ ଚିଞ୍ଜେଙ୍ଗ୍ କୁଚ୍‌ଚାନ୍। ହେୱାନ୍ କେଇଦ ଇଚ୍‍କେ ରୁଟି ଆସ୍ତାନ୍। ହେ କାଦି କାଜିଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିତାନ୍ ଆରେ ରୁଟିତିଙ୍ଗ୍ ଗନ୍ଦା-ଗନ୍ଦା କିଜି ଡ୍ରିକ୍‌ଚି ହେୱାରିଙ୍ଗ୍ ହିତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:15

ହେବେତାଙ୍ଗ୍ ହେବେ ହେଲେକେ ୱିଜାକାରିଙ୍ଗ୍ କୁଚିକିତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:17

ୱିଜାକାର୍ ରୁଟିଙ୍ଗ୍ ତିନ୍‌ଞ୍ଜି ପାଞ୍ଚାର୍। ଆରେ ତିନ୍‌ଞ୍ଜି ଉବ୍ରାଆତି ରୁଟି ଆରେ ମନ୍‌କୁ ବାରଗଟା ଟପାକାଙ୍ଗ୍ ଚେଲାହିର୍ ପେସ୍‌କି ବାର୍ତିକିତାର୍।

ଜହନ୍‌ 6:11

ହେବେତାଙ୍ଗ୍ ଯୀଶୁ ରୁଟିଙ୍ଗ୍ ଆସ୍ତି ଈଶ୍ୱରତିଙ୍ଗ୍ ପାର୍ତାନା କିତାନ୍ ଆରେ ହେବେ କୁଚ୍‌ଚି ମାନାୟାରିଙ୍ଗ୍ ବାଟାକିଜି ହିଦେଙ୍ଗ୍ ହିତାନ୍। ହେ ମିନ୍‌କୁକାଙ୍ଗ୍ ପା ହେଲେକେ ବାଟାକିଜି ହିତାନ୍। ହେୱାନ୍ ମାନାୟାରିଙ୍ଗ୍ ମାନ୍‌କେ ଇଚା ଚିଞ୍ଜେଙ୍ଗ୍ ହିତାନ୍।

ଜହନ୍‌ 6:23

ଯୀଶୁ ଈଶ୍ୱରତିଙ୍ଗ୍ ପାର୍ତାନା କିଜି ମାନାୟାରିଙ୍ଗ୍ ରୁଟିଙ୍ଗ୍ ଚିଞ୍ଜେଙ୍ଗ୍ ହିଜିମାଚାନ୍, ହେ ବାହାତାକେ ତିବିରିଆ ଜିଲ୍ଲାତାଙ୍ଗ୍ କେତେକ୍ ଡଙ୍ଗାଙ୍ଗ୍ ୱାତିକ୍।

ପକ୍ୟାତାକା 27:35

ଇୱିଜୁ କାତା ୱେଚ୍‌ଚି ପାଚେ, ପାଉଲ ରୁଟି ଆସ୍ତି ୱିଜାକାର୍ ମୁମ୍‌ଦ ଈଶ୍ୱରତାକେ ପାର୍ତାନା କିତାନ୍, ଆରେ ରୁଟିତିଙ୍ଗ୍ ଡ୍ରିକ୍‌ଚି ଚିଞ୍ଜେଙ୍ଗ୍ ଲାଗାତାର୍।

ରୋମିୟ 14:6

ଇମ୍‌ଣି ମାନାୟାର୍ ମାପୃଙ୍ଗ୍ ପୁଜାକିନି କାଜିଙ୍ଗ୍ ରଦିନ୍ ବାଚିକିତାର୍‌ନା, ଇନେସ୍‌କି ତାଙ୍ଗେଙ୍ଗ୍ ସନ୍‌ମାନ୍ ହିଦେଙ୍ଗ୍ ଇଚା କିନାରା। ଇମ୍‌ଣି ମାନାୟାର୍ ବାରବିନି କାଦି କିନାରା ହେୱାର୍ ପା ମାପୃଙ୍ଗ୍ ସନ୍‌ମାନ୍ ହିନାରା। ହେୱାର୍ ତିନି ଆଗେ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାରା, ଆରେ ଇମ୍‌ଣି ମାନାୟାର୍ ୱିଜୁ ଜିନିଷ୍ ତିନୁରା, ହେୱାର୍ ପା ମାପୃଙ୍ଗ୍ ସାର୍‌ଦା କିୟିକିଦେଙ୍ଗ୍ ଇଚା କିନାରା ଆରେ ଈଶ୍ୱରତିଙ୍ଗ୍ ଦନ୍ଯବାଦ୍ କିନାରା।

୧ କରନ୍ତିୟ 10:30

ଯଦି ଆନେଙ୍ଗ୍ ହେ କାଦିତିଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିଜି ତିନାଙ୍ଗ୍, ହେଦାଙ୍ଗ୍ ହାର୍। ଲାଗିଙ୍ଗ୍ ଆନେଙ୍ଗ୍ ହେ କାଦି ଚିନ୍‌ଞ୍ଜି ଇନାକିଦେଙ୍ଗ୍ ଦସ୍ ପାୟାଆନାଙ୍ଗ୍।