ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:44 - New Testament in Pengo Parja Language

⁴⁴ ହେ ବିଟାଡ଼୍ ରଗ୍ ଆହିଆତି କଗ୍‌ଲେ ଯୀଶୁ ମାନାୟାରିଙ୍ଗ୍ ହାର୍ କିତି କାମାୟ୍‌ନି ବେଣ୍ ୱେନ୍‌ଞ୍ଜି, ମାନାୟ୍ ଗଉଲି ତାକେ ପାଚ୍‌ବାଗାୟ୍ ୱାଜି ଯୀଶୁ ଉସ୍‌ପିତି ହେନ୍ଦ୍ରାତିଙ୍ଗ୍ ଆସ୍‌ପାତାତ୍। ଆରେ ହେଦେଲ୍ ଆସ୍‌ପିତି ଦାପ୍ରେ ତା ବିଟାଡ଼୍ ରଗ୍‍ତାଙ୍ଗ୍ ହାର୍ ଆତାତ୍।

ସତ୍‌ ବଚନ୍‌ ପୁନି ନିୟମ୍‌

⁴⁴ ହେଦେଲ୍‌ ପାଚ୍‌ ବାଗାଙ୍ଗ୍‌ ୱାଜ଼ି ହେୱାନ୍‌ତି ହେନ୍ଦ୍ରାନି ଚେଲିଂ ଡୁତାତ୍‌, ଆରେ ହେ ସାଙ୍ଗେ ତାଙ୍ଗେଙ୍ଗ୍‌ ଗାଗାଡ଼୍‌ ଟେବା ଆତାତ୍‌ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:44 ပူးပေါင်းရင်းမြစ်များ

ମାତିଉ 20:34

ଆରେ ଯୀଶୁ କାର୍‌ମାଆଜି ହେୱାର୍ କାଣ୍‍କୁକାଙ୍ଗ୍ ଆସ୍‌ପିତି ଦାପ୍ରେ ହେୱାର୍ କାଣ୍‌କୁ ହୁଡ଼୍‌ତାର୍ ଆରେ ତା ଲାହାଙ୍ଗ୍ ପାଚେ-ପାଚେ ହାଚାର୍।

ମାତିଉ 8:3

ହେବେତାଙ୍ଗ୍ ଯୀଶୁ କେଇ ଲାମାୟ୍ କିଜି ତାଙ୍ଗେଙ୍ଗ୍ ଆସ୍‌ପାତାନ୍ ଆରେ ୱେଚ୍‌ଚାନ୍, “ଆନେଙ୍ଗ୍ ମାନ୍ କିଦ୍‌ନାଙ୍ଗା ହାର୍ ଆ।” ହେଦାପ୍ରେ ହେ କୁଷ୍ଟରଗ୍ କାଟାକାନ୍ ହାର୍ ଆତାନ୍।

ମାତିଉ 9:20

ହେ ମାନାୟ୍ ଗଉଲି ବିତ୍ରେ ର କଗ୍‌ଲେ ମାଚାତ୍। ହେଦେଲିଙ୍ଗ୍ ବାର ବାର୍ହୁ ପାତେକ୍ ବିଟାଡ଼୍ ରଗ୍ ଆସ୍‍ତି ମାଚାତ୍। ହେ କଗ୍‌ଲେ ଯୀଶୁ ପାଚ୍‌ବାଗାୟ୍ ୱାଜି ତା ଉସ୍‌ପିତି ହେନ୍ଦ୍ରାନି ଅଟିତିଙ୍ଗ୍ ଆସ୍‌ପାତାତ୍।

ମାର୍କ 6:56

ଯୀଶୁ ଇମ୍‌ଣିନାସ୍, ସହର୍ କି ହିରୁ ନାସ୍‌କୁକାଙ୍ଗ୍ ଇକାତାନ୍। ହେବେ ଆଟ୍ ବାଜାର୍‌ତାକେ ପା ରଗିରିଙ୍ଗ୍ ଇଡ଼୍‌ତାର୍, ଆରେ ଯୀଶୁଙ୍ଗ୍ ତା ହେନ୍ଦ୍ରାନି ଗାଟିଙ୍ଗ୍ ଆସ୍‌ପେଦେଙ୍ଗ୍ ଗୁୱାରି କିଦେଙ୍ଗ୍ ଲାଗାତାର୍, ଆରେ ହେନ୍ଦ୍ରା ଗାଟିଙ୍ଗ୍ ଆସ୍‌ପିତି ଦାପ୍ରେ ରଗିୟାର୍ ହାର୍‌ଆତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 13:13

ଏଚେପାଦ୍ନା ଯୀଶୁ ତା କେଇ ହେ କଗ୍‌ଲେ ଜପି ଇଡ଼୍‌ତାନ୍। ହେଦାପ୍ରେ ହେ କଗ୍‌ଲେ ସିଦାଆଜି ନିଲ୍‌ତେଙ୍ଗ୍ ଆଡ଼୍‍ତାତ୍। ହେଦେଲ୍ ଈଶ୍ୱରତିଙ୍ଗ୍ ଜୟ୍-ଜୟ୍ କିତାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:38

ହେଦେଲ୍ ଯୀଶୁ ପାଚ୍‌ବାଗାୟ୍‌ନି କାଲ୍‌କୁ ଲାଗାୟ୍ ନିଲ୍‌ତାତ୍। ହେଦେଲ୍ ଆଡ଼୍‌ବିସ୍‌ ମାଚାତ୍। ତାପାଚେ ହେଦେଲ୍ ଯୀଶୁ କାଲ୍‌ପାନା ତା କାଣେଲିଙ୍ଗ୍ ହୁଦାଙ୍ଗ୍ ନୁସ୍‌ଜି ହିତାତ୍। ଜାର୍ କାପ୍‌ଡ଼ାନି ତେମୁଲ୍ ହୁଦାଙ୍ଗ୍ ଯୀଶୁ କାଲ୍‌ପାନା ନେନ୍ଦ୍‌ତାତ୍। ଆରେ ଯୀଶୁ କାଲ୍‌ପାନାତିଙ୍ଗ୍ ବେସିହଟ୍ ଚୁମା ହିତାତ୍ ଆରେ ହେବେ ବାସ୍ନା ଚିକାଣ୍ ୱାକ୍‌ତାତ୍‌।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:43

ହେ ମାନାୟ୍ ଗଉଲି ବିତ୍ରେ ର କଗ୍‌ଲେ ମାଚାତ୍ ହେଦେଲିଙ୍ଗ୍ ବାର ବାର୍ହୁ ପାତେକ୍ ବିଟାଡ଼୍ ରଗ୍ ଆସ୍ତି ମାଚାତ୍। ହେ କଗ୍‌ଲେ ଡାକ୍‍ଟର୍ ତାକେ ହାଲ୍‌ଜି ଡାବୁଙ୍ଗ୍ ୱିସ୍ତି ଚେକ୍ କିୟା ଆଜିମାନାତ୍। ମାତର୍ ହେଦେଲ୍ ହାର୍ ଆୱାଦାଙ୍ଗ୍ ମାଚାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:45

ହେବେତାଙ୍ଗ୍ ଯୀଶୁ ୱେନ୍‌ବାତାନ୍, “ନା ହେନ୍ଦ୍ରା ଇନେର୍ ଆସ୍‌ପାତାର୍?” ଆନେଙ୍ଗ୍ ଆକାୟ୍ ଆନେଙ୍ଗ୍ ଆକାୟ୍ ଇଞ୍ଜି ମାନାୟାର୍ ୱେଚ୍‌ଚି ପାଚେ, ପିତର ଯୀଶୁଙ୍ଗ୍ ୱେଚ୍‌ଚାନ୍, “ଏ ଗୁରୁ ଏନେଙ୍ଗ୍ ତ ହୁଡ଼୍‌ନାୟା ମାନାୟ୍ ଗଉଲି ନି ଚାରିବେଣ୍‌ତାଙ୍ଗ୍ ତିବ୍‍ଗା ତିବ୍‍ଗି ଆନାରା।”

ଜହନ୍‌ 5:13

ମାତର୍ ହାର୍‌ଆତି ମାନାୟ୍ ହେୱାନ୍ ଇନେର୍ ଇଞ୍ଜି ପୁନ୍‌ୱାଦାଙ୍ଗ୍ ମାଚାନ୍। ହେ ବାହାତାକେ ବେସିହେନି ମାନାୟ୍ ମାଚାର୍। ଆରେ ଯୀଶୁ ହେବେତାଙ୍ଗ୍ ହାଲ୍‌ଜି ମାଚାନ୍।

ପକ୍ୟାତାକା 19:12

ପାଉଲ ଇଲେକେ ସାକ୍ତି ପାୟାଆଜି ମାଚାନ୍ ଯେ, ହେୱାନ୍ ବାଉରା ଆତି ରୁମାଲ୍ କି ତା ତୁୱାଲ୍ ମାନାୟାର୍ ରଗି ଲାଗାୟ୍ ଅତିସ୍, ରଗ୍‌ଦାକାର୍ ହାର୍ ଆଜି ମାଚାର୍। ଆରେ ବୁତ୍ ଡୁୟାଆତି ମାନାୟାର୍‌ତାଙ୍ଗ୍ ବୁତ୍ଆତ୍ମା ହସିହାଲ୍‍ଜି ମାଚିକ୍‌।

ପକ୍ୟାତାକା 5:15

ବାଚିକିତି ଚେଲାର୍ ଚାନିଆଆନି କାମାୟ୍ କିଜି ମାଚାର୍। ହେଦାଙ୍ଗ୍ କାଜିଙ୍ଗ୍ ପିତର ୱାନିହିଙ୍ଗ୍ ତା ଡ଼ିଗାଆଜି ହାର୍ ଆଏର୍ ଇଞ୍ଜି ମାନାୟାର୍ ରଗିୟାରିଙ୍ଗ୍ ପିଣ୍‌ଜି ଅଜି ରାସ୍ତା କାଟାତାକେ ଟାଟି ଆରେ କାଟେଲ୍‌ତାକେ ହୁଚ୍‌ପିସ୍ ମାଚାର୍।