ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:3 - New Testament in Pengo Parja Language

³ କୁଜା ତର୍‍ଦାକାନ୍ ରକାନ୍ ମାଚାନ୍। ହେୱାନ୍ ହେରୋଦ ରାଜା ହଲିଆହି ମାଚାନ୍। ତା ଡକ୍ରୁହି ଯୋହନ, ଆରେ ଶୁସନ୍ନା ଆରେ ଜେକନି କଗ୍‍ଲେକ୍ ପା ଯୀଶୁ ଆରେ ତା ଚେଲାହିରିଙ୍ଗ୍ ହେୱେକ୍ ଡାବୁଙ୍ଗ୍ ହିଜି ସାଇଜ କିଜି ମାଚିକ୍।

ସତ୍‌ ବଚନ୍‌ ପୁନି ନିୟମ୍‌

³ ହେରଦ୍‌ତି ଗୁମୁସ୍ତା କୁଜାତି ୱାଣି ଜହନା, ସସ୍‌ନ୍ନା, ଆରେ ଆଦିକ୍‌ ହେନି କଗ୍‌ଲେକ୍‌ ତା ଲାହାଙ୍ଗ୍‌ ମାନ୍‌ଞ୍ଜି ଜାର୍‌ ଜାର୍‌ ଦାନ୍‌ ହିଜ଼ି ହେୱାର୍‌ତି ହେବା କିଜ଼ି ମାଚିକ୍‌ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:3 ပူးပေါင်းရင်းမြစ်များ

ମାତିଉ 14:1

ହେପାଦ୍ନା ହେରୋଦ ରାଜା ଯୀଶୁ ଇନା-ଇନା କାମାୟ୍ କିତାକା ୱେଚାନ୍। ଆରେ ହେରୋଦ ରାଜା ତା ହଲିଆରିଙ୍ଗ୍ ୱେଚ୍‌ଚାନ୍,

ମାତିଉ 14:3

ହେରୋଦ ରାଜା ତା ଟଣ୍ଡାହି ପିଲିପ ଡକ୍ରୁହିଙ୍ଗ୍ ରାଣି ହେରଦିୟାଙ୍ଗ୍ ବିବାଆଜି ମାଚାନ୍। ହେଦାଙ୍ଗ୍ କାଜିଙ୍ଗ୍ ଯୋହନ ହେରୋଦ ରାଜାଙ୍ଗ୍ ଇଞ୍ଜି ମାଚାନ୍, ନି ଟଣ୍ଡାଦି ଡକ୍ରିଙ୍ଗ୍ ବିବାଆନି ବିଦି ହିଲେତ୍।

ମାତିଉ 14:6

ଏଚେପାଦ୍ନା ହେରୋଦ ରାଜା ଜନମ୍‍ଦିନ୍ ୱାତିଲେ, ହେୱାନ୍ ର ବଜି କିଜି ମାଚାନ୍। ହେ ବଜିତାକେ ରାଣି ହେରଦିୟା ଗାଡ଼୍‍ହି ବିତ୍ରେ ୱାଜି ଏନ୍ତାତ୍। ଆରେ ହେରୋଦ ରାଜା ହୁଦାଙ୍ଗ୍ କୁଚ୍‌ଚି ମାଚି ମାନାୟାର୍ ୱାରିୟା ଆତାର୍।

ମାତିଉ 2:11

ଆରେ ହେୱାର୍ ଇଲ୍ ବିତ୍ରେ ହାଲ୍‌ଜି ମେହିଙ୍ଗ୍ ତେହି ମରିୟମ ଡ୍ରକ୍ତାକା ହୁଡ଼୍‌ତାର୍, ଆରେ ତାଙ୍ଗେଙ୍ଗ୍ ଡାଣ୍ଡାହାରାଣ୍ ମାଗ୍‌ଜି ପୁଜା କିତାର୍। ଆରେ ଜାର୍-ଜାର୍ ପେଡ଼ିଜେସି ହନା, ଇନେସ୍‌କି ଇଦାଙ୍ଗ୍ ର ବାନି ବେସି ଦାମ୍‌ନି ବାସ୍ନା ଆନି ଦୁପ୍‌ନି ଆରେ ଅହ ଚିକାଣ୍ ଗନ୍ଦରାସ୍ ତାଙ୍ଗେଙ୍ଗ୍ ହିତାର୍।

ମାତିଉ 20:8

ହେନାଞ୍ଜ୍ ମିକାହାରେସ୍ ଅଙ୍ଗୁର୍ ବାଡ଼୍‍ଦି ହାଉକାର୍ ଗୁମସ୍ତାତାଙ୍ଗ୍ ୱେଚ୍‌ଚାନ୍, କୁଲିୟାରିଙ୍ଗ୍ ହିର୍‌ବା। ଇମ୍‌ଣାକାର୍ ୱିଜାକାର୍‌ତାଙ୍ଗ୍ ପାଚେ କାମାୟ୍ କିତାକାରିଙ୍ଗ୍, ଆଗେ ହେୱାରିଙ୍ଗ୍ ଡାବୁଙ୍ଗ୍ ହିୟାଟ୍।

ମାତିଉ 25:40

ଏଚେପାଦ୍ନା ଆନେଙ୍ଗ୍ ରାଜା ୱେଚ୍‌ଚାନାଙ୍ଗ୍, ‘ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା। ଏପେଙ୍ଗ୍ ନାବେ ପାର୍ତିକିନି ଟଣ୍ଡାର୍ ବିତ୍ରେତାଙ୍ଗ୍ ରକାନିଙ୍ଗ୍ ଇନାକା କିତାଦେର୍‌ନା। ହେଦାଙ୍ଗ୍ ଏପେଙ୍ଗ୍ ନା କାଜିଙ୍ଗ୍ କିତାଦେର୍‌ନା।’

ମାତିଉ 26:11

ଗରିବ୍ ନିକାର୍ ମି ଲାଗାୟ୍ ୱିଜୁଦିନ୍ ମାନ୍‌ଗାନାର୍, ମାତର୍ ଆନେଙ୍ଗ୍ ୱିଜୁଦିନ୍ ମିହୁଦାଙ୍ଗ୍ ମାନ୍‌ଗୁଙ୍ଗ୍।

ମାତିଉ 27:55

ଅଲପ୍ ଦେହା କେତେକ୍ କଗ୍‌ଲେ ହିମ୍‌ଣାକ୍ ଇୱିଜୁ ହୁଡ଼୍‌ଜି ମାଚିକ୍। ଇ କଗ୍‌ଲେ ହିମ୍‌ଣାକ୍ ଯୀଶୁଙ୍ଗ୍ ଜାତୁନ୍ ଅଦେଙ୍ଗ୍ ଗାଲିଲୀ ଜିଲ୍ଲାତାଙ୍ଗ୍ ତା ହୁଦାଙ୍ଗ୍ ୱାଜିମାଚିକ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:10

ହେ କଗ୍‍ଲେକ୍ ବିତ୍ରେତାଙ୍ଗ୍ ମଗ୍‌ଦଲିନି ସହର୍‌ନି ମରିୟମ, ଯୋହନ, ଯାକୁବ ତେହି ମରିୟମ ଆରେ ଜେକନିକିକ୍ ପା ମାଚିକ୍। ହେୱେକ୍ ୱିଜୁ ବିଷୟ ବାଚିକିତି ଚେଲାରିଙ୍ଗ୍ ୱେଚ୍‌ଚିକ୍।

ଜହନ୍‌ 12:6

ମାତର୍ ଇଷ୍କାରିତିୟ ଯିହୁଦା ଗରିବ୍ ଲକାର୍ କାଜିଙ୍ଗ୍ ଚିନ୍ତା କିୱାଦାଙ୍ଗ୍ ମାଚାନ୍। ହେୱାନ୍ ଚର୍ ମାଚିଲେ ଇ କାତା ୱେଚ୍‌ଚାନ୍। ହେୱାନ୍ ଚେଲାହିର୍ କାଜିଙ୍ଗ୍ ଡାବୁଙ୍ଗ୍ ପେଡ଼ି ତା ଲାଗାୟ୍ ଇଡ଼୍‌ଜି ମାଚାନ୍। ଆରେ ହେୱାନ୍ ଲାଗାୟ୍ ର ପେଡ଼ି ମାଚାତ୍, ଆରେ ପେଡ଼ିତାକେ ଚର୍ କିତି ଡାବୁଙ୍ଗ୍ ଇଡ଼୍‌ଜି ମାଚାନ୍।

ପକ୍ୟାତାକା 13:1

ଆନ୍ତିୟକିଆ ସହର୍‌ନି ମଣ୍ଡ୍‌ଲିତାକେ ଭବିଷ୍ଯତବକ୍ତାର୍ ଆରେ ଗୁରୁର୍ ମାଚାର୍। ହେୱାର୍ ତର୍‌ ଇଲେକେ ବର୍ଣ୍ଣବା, ଶିମିୟନ ତର୍‌ ନିଗର ପା ଇନାର୍, କୁରିଣିୟ ସହର୍‌ନି ଲୁକିୟ, ହେରୋଦ ରାଜା ମାନିହିଙ୍ଗ୍ ମନହେମ, ଶାଉଲ ମାଚାର୍।

୨ କରନ୍ତିୟ 8:9

ଏପେଙ୍ଗ୍ ପୁଚାଦେର୍‌ନା ଯେ, ମା ମାପୃ ଯୀଶୁ ଖ୍ରୀଷ୍ଟ ନିଜେ ଇଚା କିଜି ମାଙ୍ଗେଙ୍ଗ୍ ଦୟା କିତ୍‌ତାନ୍‌ନା। ହେୱାନ୍ ଗରିବ୍ ଆତି କାଜିଙ୍ଗ୍ ଆସେଙ୍ଗ୍ ହାଉକାର୍ ଆୟା ଆନାତ୍, ଲାଗିଙ୍ଗ୍ ହେୱାର୍ ହାଉକାର୍ ମାଚିସ୍ ପା ହେୱାନ୍ ମା କାଜିଙ୍ଗ୍ ଗରିବ୍ ଆଜି ମାଚାନ୍।

ପିଲିପିୟ 4:22

ମହା ରାଜାନି ରାଜ୍ ମହଲ୍‌ତାକେ ମାନି ସାଦୁ ମାନାୟାର୍ ୱିଜାକାର୍ ଜୱାର୍ କିଦ୍‌ନାରା।

୧ ତିମତି 5:10

ଆରେ ର ଆଣ୍ଡ୍ରା ନେ ଇଡ଼୍‌ଜି ମାନ୍‌ଗାନାତ୍, ଆରେ ହେଦେଲ୍ ହାର୍ଦି କାମାୟ୍ କାଜିଙ୍ଗ୍ ଜଣାସୁଣା କଗ୍‌ଲେ ଆନାତ୍‌। ଇନେସ୍‌କି ହେଦେଲ୍ ତା ହିମ୍‌ଣା ୱାକ୍‌ଡ଼ାକାଙ୍ଗ୍ ହାର୍ କିଜି ପହା କିନାତ୍, ଗତାକାଙ୍ଗ୍ ହାର୍ କିଜି ମାନିକିନାତ୍। ସାଦୁ ମାନାୟାରିଙ୍ଗ୍ କାଲ୍‌ପାନା ନୁଜ୍‌ଦି ହିନାତ୍, ଆରେ ଦୁକ୍‌ତାକେ ମାନାକାରିଙ୍ଗ୍ ସାଇଜ କିନାତ୍, ଆରେ ୱିଜୁ ହାର୍ଦି କାମାୟ୍ କିଦେଙ୍ଗ୍ ତିର୍‌କାଡ଼୍ ଆନାତ୍, ଇଲେକେ ରାଣ୍ଡି କଗ୍‌ଲେଙ୍ଗ୍ ରାଣ୍ଡିକ୍ ଲିଷ୍ଟ୍‌ତାକେ ଲେକା ଆୟେତ୍।