ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:50 - New Testament in Pengo Parja Language

⁵⁰ ଯୀଶୁ ହେ କଗ୍‌ଲେଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ପାର୍ତି କିତିଲେଙ୍ଗ୍ ନି ପାପ୍‌ତାଙ୍ଗ୍ ଉଦାର୍ ପାୟାଆତାୟ୍‌ନା। ଶାନ୍ତିତାଙ୍ଗ୍ ହାଲା।”

ସତ୍‌ ବଚନ୍‌ ପୁନି ନିୟମ୍‌

⁵⁰ ମାତର୍‌ ଜିସୁ ହେ କଗ୍‌ଲେଂ ଇଚାନ୍‌, “ନି ପାର୍ତି ନିଙ୍ଗେଙ୍ଗ୍‌ ରାକ୍ୟା କିତ୍‌ତାତ୍‌ନ୍ନା; ସୁସ୍ତାତାଂ ହାଲା ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:50 ပူးပေါင်းရင်းမြစ်များ

ମାତିଉ 9:22

ମାତର୍ ଯୀଶୁ ମାସ୍‌ଜି ହେ କଗ୍‌ଲେଙ୍ଗ୍ ହୁଡ଼୍‌ଜି ୱେଚ୍‌ଚାନ୍, “ଏ କଇ ଏନେଙ୍ଗ୍ ନାଙ୍ଗେଙ୍ଗ୍ ପାର୍ତି କିତ୍‌ତାୟ୍, ହେ ପାର୍ତି ନିଙ୍ଗେଙ୍ଗ୍ ହାର୍ କିତ୍‌ତାତ୍।” ହେଦିନ୍‌ତାଙ୍ଗ୍ ହେ କଗ୍‌ଲେ ରଗ୍‍ତାଙ୍ଗ୍ ହାର୍ ଆତାତ୍।

ମାର୍କ 10:52

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ହାଲା!” “ନି ପାର୍ତି ନିଙ୍ଗେଙ୍ଗ୍ ହାର୍ କିତ୍‌ତାତ୍‌ନା।” ହେଦାପ୍ରେ କାଣାମାନାୟ୍ କାଣ୍‌କୁ ହୁଡ଼୍‌ଜି, ହେୱାନ୍ ପା ଯୀଶୁ ହାନି ହାଜ୍‌ଦିଙ୍ଗ୍ ହାଞ୍ଜେଙ୍ଗ୍ ଲାଗାତାନ୍।

ମାର୍କ 5:34

ହେବେତାଙ୍ଗ୍ ଯୀଶୁ ହେ କଗ୍‌ଲେଙ୍ଗ୍ ୱେଚ୍‌ଚାନ୍, “ଏ କଇ, ଏନେଙ୍ଗ୍ ନାଙ୍ଗେଙ୍ଗ୍ ପାର୍ତି କିତ୍‌ତାୟ୍ ହେ ପାର୍ତି ନିଙ୍ଗେଙ୍ଗ୍ ହାର୍ କିତ୍‌ତାତ୍, ଆରେ ଏନେଙ୍ଗ୍ ନି ରଗ୍‍ତାଙ୍ଗ୍ ହାର୍ ଆତାୟ୍, ନଙ୍ଗୟ୍ ଏନେଙ୍ଗ୍ ଶାନ୍ତିତାଙ୍ଗ୍ ହାଲା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 17:19

ତାପାଚେ ଯୀଶୁ ହେୱାନିଙ୍ଗ୍ ୱେଚାଚାନ୍, “ନିଲା ଏନେଙ୍ଗ୍ ନଙ୍ଗୟ୍ ହାଲା। ଏନେଙ୍ଗ୍ ନାଙ୍ଗେଙ୍ଗ୍ ପାର୍ତି କିତ୍‌ତିଲେ ଈଶ୍ୱର ନିଙ୍ଗେଙ୍ଗ୍ କୁଷ୍ଟରଗ୍‌ତାଙ୍ଗ୍ ଉଦାର୍ କିତ୍‌ତାନ୍‌ନା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:42

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ନଙ୍ଗୟ୍ ହୁଡ଼ା। ଏନେଙ୍ଗ୍ ନାଙ୍ଗେଙ୍ଗ୍ ପାର୍ତି କିତ୍‌ତିଲେ ଈଶ୍ୱର ନିଙ୍ଗେଙ୍ଗ୍ ହାର୍ କିତ୍‌ତାତ୍‌ନା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:9

ଯୀଶୁ ଇଦାଙ୍ଗ୍ ୱେନ୍‌ଞ୍ଜି ଚାନିଆ ଆତାନ୍। ହେୱାନ୍ ତାପାଚେ ୱାଜିମାଚି ମାନାୟାର୍ ନିପଣ୍ ବୁଲାଆଜି ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଇଲେକେ ପାର୍ତି କିନାକାର୍ ଇସ୍ରାଏଲ ଜାତିତାକେ ଇନେର୍‌ତାକେ ପା ହୁଡ଼୍‌ୱାତାଙ୍ଗ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:18

ଲାଗିଙ୍ଗ୍ ଏପେଙ୍ଗ୍ ଇମ୍‌ଣି କାତା ୱେନାଦେର୍, ହେ ବିଷୟତାଙ୍ଗ୍ ପୁନ୍‌ଞ୍ଜି ମାନାଟ୍। ଇନେସ୍‌କି ଇମ୍‌ଣାକାର୍ ନା ହିକ୍ଷାତିଙ୍ଗ୍ ବୁଜା ଆଦେଙ୍ଗ୍ ଇଚାକିନାର୍, ଈଶ୍ୱର ହେୱାନିଙ୍ଗ୍ ଆଦିକ୍ ବୁଜା ଆଦେଙ୍ଗ୍ ଶାକ୍ତି ହିନାନ୍। ମାତର୍ ଇମ୍‌ଣାକାର୍ ନା ହିକ୍ଷାତିଙ୍ଗ୍ ପୁଞ୍ଜେଙ୍ଗ୍ ମାନ୍‍କିଉର୍, ଈଶ୍ୱର ହେ ମାନାୟ୍‌ତି ପୁଚାକା ପା ଅନାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:42

ଇନେସ୍‌କି ତା ଗାଡ଼୍‍ହି ହାଃନିଲେକେ ଆଜି ମାଚାତ୍। ହେ ଗାଡ଼୍‌ଚେଙ୍ଗ୍ ବାର ବାହ୍‌ରୁ ଆଜି ମାଚାତ୍। ଇବେଣ୍ ୱେନ୍‌ଞ୍ଜି ଯୀଶୁ ଯିହୁଦିର୍ ପାର୍ତାନା ଇଲ୍‌ନି ମୁକ୍ୟା ଯାଇରସ୍‌ ଇଞ୍ଜ ହାନିହିଙ୍ଗ୍ ବେସିହେନି ମାନାୟ୍ ଯୀଶୁ ଚାରିବେଣ୍‌ତାଙ୍ଗ୍ ରୁଣ୍ଡାଆଜି ତା ଜପି ତିବ୍‍ଗା ତିବ୍‍ଗି ଆଜି ମାଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:48

ହେବେତାଙ୍ଗ୍ ଯୀଶୁ ହେ କଗ୍‌ଲେଙ୍ଗ୍ ୱେଚ୍‌ଚାନ୍, “ଏ କଇ ଏନେଙ୍ଗ୍ ନାଙ୍ଗେଙ୍ଗ୍ ପାର୍ତି କିତ୍‌ତାୟ୍ ହେ ପାର୍ତି ନିଙ୍ଗେଙ୍ଗ୍ ହାର୍ କିତ୍‌ତାତ୍। ଆରେ ଏନେଙ୍ଗ୍ ୱିଜୁ ରଗ୍‍ତାଙ୍ଗ୍ ହାର୍ ଆତାୟ୍, ନଙ୍ଗୟ୍ ଈଶ୍ୱର ନି ହୁଦାଙ୍ଗ୍ ମାନାନ୍ ଏନେଙ୍ଗ୍ ଶାନ୍ତିତାଙ୍ଗ୍ ହାଲା।”