ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:40 - New Testament in Pengo Parja Language

⁴⁰ ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଶିମୋନ, ଆନେଙ୍ଗ୍ ର କାତା ୱେଚ୍‌ନାଙ୍ଗ୍।” ଶିମୋନ ୱେଚ୍‌ଚାନ୍, “ଗୁରୁ, ୱେଚ୍‌ଚା!”

ସତ୍‌ ବଚନ୍‌ ପୁନି ନିୟମ୍‌

⁴⁰ ଜିସୁ ତାଙ୍ଗେଙ୍ଗ୍‌ ଉତର୍‌ ହିତାନ୍‌, “ସିମନ୍‌, ନିଙ୍ଗେଙ୍ଗ୍‌ ଆନ୍‌ ଇନାକାପା ଇଞ୍ଜ୍‌ନାକା ମାନାତ୍‌ ।” ହେୱାନ୍‌ ଇଚାନ୍‌, “ଗୁରୁ ଇଞ୍ଜା ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:40 ပူးပေါင်းရင်းမြစ်များ

ମାତିଉ 26:49

ତାପାଚେ ଇଷ୍କାରିତିୟ ଯିହୁଦା ହେଦାପ୍ରେ ଯୀଶୁ ଲାଗେ ୱାଜି ୱେଚ୍‌ଚାନ୍, “ଏ ଗୁରୁ ଜୱାର୍,” ଇଞ୍ଜି ୱେଚ୍‌ଚି ଚୁମା ହିତାନ୍।

ମାତିଉ 7:22

ବିଚାର୍ ଦିନ୍‌ତ କେତ୍‌ଜାଣ୍ ନାଙ୍ଗେଙ୍ଗ୍ ୱେନ୍‌ବା ଆଦ୍‌ନାର୍, ‘ମାପୃ, ଆପେଙ୍ଗ୍ ଇନାକା ନି ତର୍‍ଦାଙ୍ଗ୍ ନି କାତା ୱେଚ୍‌ୱା ତାପ୍‌ନାକି? ଆରେ, ନି ତର୍‍ଦାଙ୍ଗ୍ ବୁତ୍ଆତ୍ମାକାଙ୍ଗ୍ ପିହିକିୱା ତାପ୍‌ନାକି? ଆରେ ନି ତର୍‍ଦାଙ୍ଗ୍ କେତେକ୍ ଚାନିଆ ଆନି କାମାୟ୍ କିୱାତାପ୍‌ନା କି?’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:18

ଦିନେକ୍ ରକାନ୍ ଯିହୁଦିର୍ ମୁଡ଼୍‌ଦାକାନ୍ ଯୀଶୁଙ୍ଗ୍ ୱେନ୍‌ବାତାନ୍, “ଏ ସତ୍ ଗୁରୁ! ୱିଜ୍‌ୱି ଜିବୁନ୍ ପାଇକିଦେଙ୍ଗ୍ ଆନେଙ୍ଗ୍ ଇନାକା କିଦେଙ୍ଗ୍ ଆନାତ୍?”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 5:22

ମାତର୍ ଯୀଶୁ ହେୱାର୍ ମାନ୍ତି ବାବ୍‌ନା ପୁନ୍‌ଞ୍ଜି ହେୱାରିଙ୍ଗ୍ ୱେନ୍‌ବାତାନ୍, “ଏପେଙ୍ଗ୍ ଇନା କିଦେଙ୍ଗ୍ ଜାର୍-ଜାର୍ ମାନ୍ତ ବାବିକିନାଦେରା?

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 5:31

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ହାର୍ଦି ମାନାୟ୍ ଡାକ୍‍ଟର୍ ତାକେ ହାଲୁର୍, ମାତର୍ ବେମାର୍ ନିକାର୍ ଡାକ୍‍ଟର୍ ତାକେ ହାନାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:8

ଯୀଶୁ ହେୱାର୍ ମାନ୍ତି ବେଣ୍ ପୁଚାନ୍। ଆରେ ଇମ୍‌ଣାକାନିଙ୍ଗ୍ ତା କେଇଦିଙ୍ଗ୍ ହିର୍କଲ୍ ଇଡ଼୍‌ଜି ମାଚାତ୍ ହେୱାନିଙ୍ଗ୍ ଯୀଶୁ ୱେଚ୍‌ଚାନ୍, “ୱା, ୱିଜାର୍ ମାଦି ନିଲା।” ହେବେତାଙ୍ଗ୍ ହେୱାନ୍ ୱିଜାର୍ ମାଦି ନିଲ୍‌ତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:39

ଇମ୍‌ଣି ପାରୁସି ଯୀଶୁଙ୍ଗ୍ ତାଞ୍ଜ କୁକ୍‌ଚି ମାଚାନ୍, ହେୱାନ୍ ଇୱିଜୁ ହୁଡ଼୍‌ତାନ୍। ଆରେ ହେୱାନ୍ ତା ମାନ୍ତ ବାବିକିତାନ୍, “ଯୀଶୁ ଯଦି ହାତ୍‌ପା ରକାନ୍ ଭବିଷ୍ଯତବକ୍ତା ଆତାନ୍‌ମା, ଲାଗିଙ୍ଗ୍ ହେୱାନ୍ ହାତ୍‌ପା ପୁଚାନ୍‌ମା ଯେ, ହେୱାନ୍ ପୁଚାନ୍‌ମା ହେୱାନିଙ୍ଗ୍ ଇନେସ୍ ଲେଗ୍‌ଦି କଗ୍‌ଲେ ଆସ୍‌ପାତାତ୍ ହେଦାଙ୍ଗ୍ ପୁଚାନ୍‌ମା। ଇନେସ୍‌କି ହେଦେଲ୍ ରଞ୍ଜେଲ୍ ପାପି କଗ୍‌ଲେ ମାଚାତ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:41

ଯୀଶୁ ର କାତା ୱେଚ୍‌ନିଲେକେ କିଜି ୱେଚ୍‌ଚାନ୍, “ର ହାଉକାର୍‌ତାକେ ରିକାର୍ ରୁଣ୍ ଅଜିମାଚାର୍। ରକାନ୍ ପାଞ୍ଚ୍‌ଶ ରୁପା ଡାବୁଙ୍ଗ୍ ଅଜି ମାଚାନ୍। ଆରେ ରକାନ୍ ପଚାସ୍‌ଗଟା ରୁପା ଡାବୁଙ୍ଗ୍ ଅଜି ମାଚାନ୍।

ଜହନ୍‌ 13:13

ଏପେଙ୍ଗ୍ ନାଙ୍ଗେଙ୍ଗ୍ ଗୁରୁ ଆରେ ମାପୃ ଇଞ୍ଜ୍‌ନାଦେରା। ହେଦାଙ୍ଗ୍ ଟିକ୍, ଇନେସ୍‌କି ଆନେଙ୍ଗ୍ ହେୱାନ୍‌ନେ।

ଜହନ୍‌ 16:19

ଯୀଶୁ ପୁଚାନ୍ ଯେ, ଚେଲାହିର୍ ହେୱାନିଙ୍ଗ୍ ଇ ବିଷୟରେ ୱେନ୍‌ବେଦେଙ୍ଗ୍ ଇଚା କିନାରା। ଲାଗିଙ୍ଗ୍ ହେୱାନ୍ ଚେଲାହିରିଙ୍ଗ୍ ୱେଚ୍‌ଚାନ୍, “ଅଲପ୍ ସମୟ୍ ହାଚି ପାଚେ ନାଙ୍ଗେଙ୍ଗ୍ ହୁଡ଼୍‌ଦେଦେଙ୍ଗ୍ ଆଡ଼୍‌ଦୁଦେର୍, ଆରେ ଅଲପ୍ ସମୟ୍ ହାଚି ପାଚେ ଏପେଙ୍ଗ୍ ନାଙ୍ଗେଙ୍ଗ୍ ହୁଡ଼୍‌ଦାନାଦେର୍।” ଇ ବେଣ୍‌ତିଙ୍ଗ୍ ଏପେଙ୍ଗ୍ ୱେନ୍‌ବାଆନାଦେରା କି?

ଜହନ୍‌ 16:30

ଆପେଙ୍ଗ୍ ନଙ୍ଗୟ୍ ବୁଜା ଆଦେଙ୍ଗ୍ ଆଡ୍‌ନାପା, ଆରେ ଏନେଙ୍ଗ୍ ମା ପ୍ରଶ୍ନ କାଜିଙ୍ଗ୍ ଇନେରିଙ୍ଗ୍ ୱେନ୍‌ବିନି ଦର୍‌କାର୍ ଆକାଇ, ଇନେସ୍‌କି ଆପେଙ୍ଗ୍ ପାର୍ତି କିନାପା, ଏନେଙ୍ଗ୍ ଆବା ଈଶ୍ୱରତାଙ୍ଗ୍ ୱାତାଇନା।”

ଜହନ୍‌ 3:2

ହେୱାନ୍ ଦିନେକ୍ ମିକାଲିଙ୍ଗ୍ ଯୀଶୁ ଲାଗାୟ୍ ୱାଜି ୱେଚ୍‌ଚାନ୍, “ଏ ଗୁରୁ, ଆପେଙ୍ଗ୍ ପୁଚାପ୍‌ନା ଯେ, ଏନେଙ୍ଗ୍ ରକାଇ ଈଶ୍ୱରତାଙ୍ଗ୍ ୱାତି ଗୁରୁ। ଏନେଙ୍ଗ୍ ଇମ୍‌ଣିୱିଜୁ ଚାନିଆଆନି କାମାୟ୍ କିନାୟା। ଈଶ୍ୱର ସାଇଜ କିୱିତିସ୍‌ ଇୱିଜୁ କାମାୟ୍ ଇନେର୍ ପା କିଦେଙ୍ଗ୍ ଆଡୁର୍।”