ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:39 - New Testament in Pengo Parja Language

³⁹ ଇମ୍‌ଣି ପାରୁସି ଯୀଶୁଙ୍ଗ୍ ତାଞ୍ଜ କୁକ୍‌ଚି ମାଚାନ୍, ହେୱାନ୍ ଇୱିଜୁ ହୁଡ଼୍‌ତାନ୍। ଆରେ ହେୱାନ୍ ତା ମାନ୍ତ ବାବିକିତାନ୍, “ଯୀଶୁ ଯଦି ହାତ୍‌ପା ରକାନ୍ ଭବିଷ୍ଯତବକ୍ତା ଆତାନ୍‌ମା, ଲାଗିଙ୍ଗ୍ ହେୱାନ୍ ହାତ୍‌ପା ପୁଚାନ୍‌ମା ଯେ, ହେୱାନ୍ ପୁଚାନ୍‌ମା ହେୱାନିଙ୍ଗ୍ ଇନେସ୍ ଲେଗ୍‌ଦି କଗ୍‌ଲେ ଆସ୍‌ପାତାତ୍ ହେଦାଙ୍ଗ୍ ପୁଚାନ୍‌ମା। ଇନେସ୍‌କି ହେଦେଲ୍ ରଞ୍ଜେଲ୍ ପାପି କଗ୍‌ଲେ ମାଚାତ୍।”

ସତ୍‌ ବଚନ୍‌ ପୁନି ନିୟମ୍‌

³⁹ ହେଦାଂ ହୁଡ଼ାଟ୍‌, ଇମ୍‌ଣି ପାରୁସି ତାଙ୍ଗେଙ୍ଗ୍‌ କୁକ୍‌ଚି ମାଚାନ୍‌, “ହେୱାନ୍‌ ମାନେ ମାନେ ଇଚାନ୍‌, ଇୱାନ୍‌ ଜଦି ବେଣ୍‌ବାକ୍‌ଣାୟ୍‌କିନାକାନ୍‌ ଆଜ଼ି ମାଚାନ୍‍ଚି, ତା ଆତିସ୍‌ ଇୱାନିଂ ଜେ ଡୁନାତା, ହେଦେଲ୍‌ ଇନ୍ଦେଲ୍‌ ଆରି ଇନେସ୍‌ ବାର୍ତିନି କଗ୍‌ଲେ, ଇଚିସ୍‌, ହେଦେଲ୍‌ ଜେ ପାପିୟାଣି, ଇଦାଂ ପୁଚାନ୍‍ମା ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:39 ပူးပေါင်းရင်းမြစ်များ

ମାତିଉ 20:16

ଇ କାତା ୱେଚ୍‌ନିଲେକେ କିଜି ୱେଚ୍‌ଚି ୱିସ୍ତି ପାଚେ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଇମ୍‌ଣାକାର୍ ନଙ୍ଗୟ୍ ପାଚେ ମାନାର୍ ହେୱାର୍ ଆଗେ ଆନାର୍। ଆରେ ଇମ୍‌ଣାକାର୍ ଆଗେ ମାନାର୍ ହେୱାର୍ ପାଚେ ଆନାର୍।”

ମାତିଉ 21:11

ହେବେତାଙ୍ଗ୍ ମାନାୟାର୍ ୱେଚ୍‌ଚାର୍, “ଏ ଗାଲିଲୀ ଜିଲ୍ଲାନି ନାଜରିତନି ଭବିଷ୍ଯତବକ୍ତା ଯୀଶୁ।”

ମାର୍କ 7:21

ମାତର୍ ମାନାୟ୍ ଗରବ୍‌ତାଙ୍ଗ୍ ନେ କରାପ୍ ଚିନ୍ତା ହତ୍‌ନାତ୍

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:17

ହେ ମାନାୟ୍ ମାନେ-ମାନେ ବାବିକିତାନ୍, ଆନେଙ୍ଗ୍ ନଙ୍ଗୟ୍ ଇନାକା କିନାଙ୍ଗ୍? ନାବେ ନଙ୍ଗୟ୍ ତାସ୍‌ବାସ୍ ଇଡ଼୍‍ଦେଙ୍ଗ୍ ବାହା ହିଲେତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:2

ଇଦାଙ୍ଗ୍ ହୁଡ଼୍‌ଜି ପାରୁସିଦଳ୍‍ ଆରେ ପଣ୍ଡିତାର୍ ଇନସ୍ତାକିଜି ୱେଚ୍‌ଚେଙ୍ଗ୍ ଆରମ୍ କିତାର୍, “ହୁଡ଼ାଟ୍ ଇୱାନ୍ ପାପିରିଙ୍ଗ୍ କୁକ୍‍ନାନା ଆରେ ଏଲେଙ୍ଗ୍ ବାର୍ତି ମାନାୟାର୍ ହୁଦାଙ୍ଗ୍ ତିନାନା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:3

ହେ ମୁନ୍‌ସି ମାନେ-ମାନେ ବାବିକିତାନ୍, ‘ନଙ୍ଗୟ୍ ଆନେଙ୍ଗ୍ ଇନାକା କିନାଙ୍ଗ୍? ନା ମାଲିକ୍ ନାଙ୍ଗେଙ୍ଗ୍ ଚାକ୍‌ରି କାଟି କିତ୍‌ତାନ୍। କଡ଼ି କାର୍‌ତେଙ୍ଗ୍ ପା ନା ଗାଗାଡ଼୍‌ତ ସାକ୍ତି ହିଲେତ୍। ଆରେ ବିକ୍ ଏନ୍ତିସ୍ ଲାଜୁ ହତ୍‌ନାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:4

ମାତର୍ ବିଚାର୍ କିନାକାନ୍ ହେ କଗ୍‌ଲେଙ୍ଗ୍ ସାଇଜ କିଦେଙ୍ଗ୍ ଇଚା କିୱାଦାଙ୍ଗ୍ ମାଚାନ୍। କେତ୍‌ଦିନ୍ ପାଚେ ବିଚାର୍ କିନାକାନ୍ ତା ମାନେ-ମାନେ ବାବିକିତାନ୍, ‘ଆନେଙ୍ଗ୍ ଈଶ୍ୱରତିଙ୍ଗ୍ ପାଣ୍ଡ୍ରା ଆଉଙ୍ଗା କି ମାନାୟାରିଙ୍ଗ୍ ମାନି କିଉଙ୍ଗା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 3:8

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଡ ଆରେ ହାର୍ଦି କାମାୟ୍ କିୟାଟ୍। ଏପେଙ୍ଗ୍ ଏଲେଙ୍ଗ୍ ମାନ୍ତ ବାବିକିମାଟ୍, ଆପେଙ୍ଗ୍ ତ ଅବ୍ରାହାମ୍‌ ମେହି ଈଶ୍ୱର ମାଙ୍ଗେଙ୍ଗ୍ ଦଣ୍ଡ୍ ହିଦୁନ୍ ଇଞ୍ଜି। ଇନେସ୍‌କି ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ‘ଈଶ୍ୱର ଅବ୍ରାହାମ୍‌ କାଜିଙ୍ଗ୍ ଇ କାଲ୍‌କୁକାଙ୍ଗ୍ ପା ତା ହିମ୍‌ଣାୱାକ୍‌ଡ଼ା ଉବ୍‌ଜାଇ କିଦେଙ୍ଗ୍ ଆଡ୍‌ନାନ୍।’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:16

ହେବେ ମାଚି ୱିଜାକାର୍ ଚାନିଆ ଆତାର୍‌। ଆରେ ହେୱାର୍ ଈଶ୍ୱରତିଙ୍ଗ୍ ଜୟ୍-ଜୟକିଜି ହେୱାର୍ ୱେଚ୍‌ଚାର୍, “ଇୱାନ୍ ଗାଜା ଭବିଷ୍ଯତବକ୍ତା ମା ଲାଗାୟ୍ ୱାତାନ୍‌ନା। ଆରେ ଈଶ୍ୱର ତା ଲକ୍‌ବାକ୍‌ତିଙ୍ଗ୍ ସାଇଜ କିଦେଙ୍ଗ୍ ୱାତାନ୍‌ନା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:37

ହେପାଦ୍ନା ହେ ସହର୍‌ନି ରଞ୍ଜେଲ୍ ପାପି କଗ୍‌ଲେ ମାଚାତ୍। ହେଦେଲ୍ ପୁଚାତ୍ ଯେ ଯୀଶୁ ର ପାରୁସି ଇଞ୍ଜ ଚିଞ୍ଜେଙ୍ଗ୍ କୁଚ୍‌ଚାନ୍‌ନା, ହେଦାଙ୍ଗ୍‌ତିଙ୍ଗ୍ ହେ କଗ୍‌ଲେ ପୁନ୍‌ଞ୍ଜି ର କାଲ୍‌ଦାଙ୍ଗ୍ ରସ୍ତି କଣ୍ଡିତାକେ ବେସି ଦାମ୍‌କିୟା ବାସ୍ନା ଚିକାଣ୍ ଆସ୍ତି ହାଚାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:38

ହେଦେଲ୍ ଯୀଶୁ ପାଚ୍‌ବାଗାୟ୍‌ନି କାଲ୍‌କୁ ଲାଗାୟ୍ ନିଲ୍‌ତାତ୍। ହେଦେଲ୍ ଆଡ଼୍‌ବିସ୍‌ ମାଚାତ୍। ତାପାଚେ ହେଦେଲ୍ ଯୀଶୁ କାଲ୍‌ପାନା ତା କାଣେଲିଙ୍ଗ୍ ହୁଦାଙ୍ଗ୍ ନୁସ୍‌ଜି ହିତାତ୍। ଜାର୍ କାପ୍‌ଡ଼ାନି ତେମୁଲ୍ ହୁଦାଙ୍ଗ୍ ଯୀଶୁ କାଲ୍‌ପାନା ନେନ୍ଦ୍‌ତାତ୍। ଆରେ ଯୀଶୁ କାଲ୍‌ପାନାତିଙ୍ଗ୍ ବେସିହଟ୍ ଚୁମା ହିତାତ୍ ଆରେ ହେବେ ବାସ୍ନା ଚିକାଣ୍ ୱାକ୍‌ତାତ୍‌।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:40

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଶିମୋନ, ଆନେଙ୍ଗ୍ ର କାତା ୱେଚ୍‌ନାଙ୍ଗ୍।” ଶିମୋନ ୱେଚ୍‌ଚାନ୍, “ଗୁରୁ, ୱେଚ୍‌ଚା!”

ଜହନ୍‌ 4:19

ହେ କଗ୍‌ଲେ ୱେଚ୍‌ଚାତ୍, “ଆଜ୍ଞା, ଆନେଙ୍ଗ୍ ପୁନାଙ୍ଗ୍ ଏନେଙ୍ଗ୍ ରକାଇ ଭବିଷ୍ଯତବକ୍ତା।”

ଜହନ୍‌ 7:12

ହେବେ ବେସିହେନି ମାନାୟାର୍ ମାଚାର୍। ହେୱାର୍ ବିତ୍ରେତାଙ୍ଗ୍ କେତେକ୍ ହେନି ଜାର୍-ଜାର୍‌ବିତ୍ରେ ଯୀଶୁ ବଷୟରେ ବେଣ୍‌କିବାଆଜି ମାଚାର୍, କେତ୍‌ଜାଣ୍ ୱେଚ୍‌ଚାର୍, “ହେୱାନ୍ ରକାନ୍ ହାର୍ଦି ମାନାୟ୍।” ମାତର୍ ଜେକନିକାର୍ ୱେଚ୍‌ଚି ମାଚାର୍, “ଆକାୟ୍, ହେୱାନ୍ ମାନାୟାରିଙ୍ଗ୍ ବୁଲ୍ ହାଜ୍‌ଦିଙ୍ଗ୍ ଅନାନା।”

ଜହନ୍‌ 9:24

ହେବେତାଙ୍ଗ୍ ଯିହୁଦି ନେତାର୍ ହେ ଜନମ୍ ଦିନ୍‌ତାଙ୍ଗ୍ କାଣା ମାଚି ମାନାୟ୍‌ତିଙ୍ଗ୍ ଆରେରଗ ହିର୍‌ବିସ୍ ୱେଚ୍‌ଚାର୍, “ଏନେଙ୍ଗ୍ ଈଶ୍ୱରତିଙ୍ଗ୍ ଜୟ୍-ଜୟ୍ କିୟା। ହେୱାନ୍ ରକାନ୍ ପାପି ମାନାୟ୍ ଇଞ୍ଜି ଆପେଙ୍ଗ୍ ପୁନାପ୍।”