ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:22 - New Testament in Pengo Parja Language

²² ତାପାଚେ ଯୀଶୁ ଡୁବନ୍‌ହିନି ଯୋହନ ଚେଲାହିରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ହାଲ୍‌ଜି ଇନା ଇନାକା ୱେଚାଦେର୍‌ନା ଆରେ ହୁଡ଼୍‌ତାଦେର୍ ହେ ୱିଜୁ ଯୋହନତିଙ୍ଗ୍ ୱେଚାଟ୍। କାଣାର୍ ହୁଡ଼୍‌ଦେଙ୍ଗ୍ ଆଡ଼୍‌ତାର୍, ଚଟାର୍ ତାଙ୍ଗ୍‌ଦେଙ୍ଗ୍ ଆଡ଼୍‌ତାର୍, କୁଷ୍ଟରଗ୍‌ଦାକାର୍ ହାର୍‌ଆତାର୍, ବଇରାର୍ ୱେଞ୍ଜେଙ୍ଗ୍ ଆଡ଼୍‌ତାର୍, ହାଃତାକାର୍ ଆରେରଗ ଜିବୁନ୍ ଆନାରା। ଆରେ ଗରିବ୍ ମାନାୟାରିଙ୍ଗ୍ ଈଶ୍ୱର ରାଜିନି ହାର୍ଦିକାବୁର୍ ଶୁଣାୟ୍ କିନାନା।

ସତ୍‌ ବଚନ୍‌ ପୁନି ନିୟମ୍‌

²² ଜିସୁ ହେୱାରିଂ ଉତର୍‌ ହିତାନ୍‌, ଏପେଙ୍ଗ୍‌ ହାଲ୍‌ଜି ଇନା ଇନାକା ହୁଡ଼୍‌ତାଦେର୍ ଆରି ୱେଚାଦେର୍‍, ହେଦାଂ ୱିଜ଼ୁ ଜହନ୍‌ତିଂ ୱେଚାଟ୍‌; “କାଣାର୍‌ କାଣ୍‌କୁ ହୁଡ଼୍‌ନାର୍, ଚଟାର୍‌ ତାଂଦେଙ୍ଗ୍ ଆଡ଼୍‌ତାର୍‌, ଗାଜା ରଗ୍ୟାର୍‌ ସକଟ୍‌ ଆଦେଂ ଆଡ଼୍‌ତାର୍‌, ବଇରାର୍‌ ୱେଞ୍ଜେଙ୍ଗ୍‌ ଆଡ଼୍‌ତାର୍‌, ହାତାକାର୍‌ ନିଙ୍ଗ୍‌ନାର୍‌, ହିଲ୍‍ୱାକାର୍‍ ତାକେ ନେକ୍ରିକାବୁର୍‌ ସୁଣାୟ୍‌ କିତାର୍‌;

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:22 ပူးပေါင်းရင်းမြစ်များ

ମାତିଉ 11:5

କାଣାର୍ ହୁଡ଼୍‌ଦେଙ୍ଗ୍ ଆଡ଼୍‌ତାର୍, ଚଟାର୍ ତାଙ୍ଗ୍‌ଦେଙ୍ଗ୍ ଆଡ଼୍‌ତାର୍, କୁଷ୍ଟରଗ୍‌ଦାକାର୍ ହାର୍‌ଆତାର୍, ବଇରାର୍ ୱେଞ୍ଜେଙ୍ଗ୍ ଆଡ଼୍‌ତାର୍, ଇମ୍‌ଣାକାର୍‌ ହାଃତିତାଙ୍ଗ୍ ଆରେରଗ ଜିବୁନ୍ ଆନାରା, ଆରେ ଗରିବ୍ ମାନାୟାର୍‌ତାକେ ଈଶ୍ୱର ରାଜିନି ହାର୍ଦିକାବୁର୍ ଶୁଣାୟ୍ କିୟାଆନାତା।

ମାତିଉ 21:14

ଆରେ ଈଶ୍ୱର ମାନି ମନ୍ଦିର୍‌ତାକେ କାଣା ଆରେ ଚଟା ମାନାୟ୍ ଯୀଶୁ ଲାଗାୟ୍ ୱାତାର୍ ହେୱାରିଙ୍ଗ୍ ହାର୍‍କିତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:18

“ପବିତ୍ର ଆତ୍ମା ନାବେ ମାନାତ୍। ଗରିବ୍ ନିକାର୍‌ତାକେ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ଈଶ୍ୱର ନାଙ୍ଗେଙ୍ଗ୍ ବାଚିକିତ୍‌ନ୍‌ନା। ଆରେ ଶୟତାନ ଜାଲ୍‌ଦ ମାନାକାରିଙ୍ଗ୍ ରକ୍ଷା କିଦେଙ୍ଗ୍, ଆରେ କାଣାର୍ ମାନାୟାରିଙ୍ଗ୍ ହୁଡ଼୍‌ଦେଙ୍ଗ୍ ସାଇଜ କିଦେଙ୍ଗ୍, ଆରେ ଦୁକ୍‌କଷ୍ଟ ପାୟାଆନାକାରିଙ୍ଗ୍ ରକ୍ଷା କିଦେଙ୍ଗ୍ ଈଶ୍ୱର ନାଙ୍ଗେଙ୍ଗ୍ ପକ୍ତାତାନ୍‌ନା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:21

ହେପାଦ୍ନା ଯୀଶୁ କେତେକ୍ ହେନି ମାନାୟାରିଙ୍ଗ୍ ହେୱାର୍ ରଗ୍, ଦୁକ୍ ଆରେ ବୁତ୍ଆତ୍ମାତାଙ୍ଗ୍ ରକ୍ଷା କିଜି ମାଚାନ୍। ହେୱାନ୍ କେତେକ୍ କାଣାଲଗାଙ୍ଗ୍ ହୁଡ଼ି କିଜି ମାଚାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:23

ଆରେ ଇନେର୍ ପା ନାଙ୍ଗେଙ୍ଗ୍ ପାର୍ତି କିଦେଙ୍ଗ୍ ପିସ୍ତୁନ୍, ହେୱାନ୍ ଆଶ୍ରିବାଦ୍ ପାୟା ଆନାନ୍।”

ଜହନ୍‌ 1:46

ନିତନିୟେଲ ପିଲିପତିଙ୍ଗ୍ ୱେଚ୍‌ଚାନ୍, “ନାଜରିତ ସହର୍‌ତାକେ ଇନାୱେଡ଼ାଙ୍ଗ୍ ପା ହାର୍ଦି ବିଷୟ ୱାୱାତାତ୍‌ନା।” ଲାଗିଙ୍ଗ୍ ପିଲିପ ହେୱାନିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ୱାଜି ହୁଡ଼ାଟ୍।”

ପକ୍ୟାତାକା 26:18

ଲାଗିଙ୍ଗ୍ ହେୱାର୍ କରାପ୍ କାମାୟ୍ ପିସ୍ତି ହାର୍ଦି କାମାୟ୍ କିନାର୍, ଆରେ ଶୟତାନ୍ ଶାକ୍ତିତାଙ୍ଗ୍ ଈଶ୍ୱର ଲାଗାୟ୍ ୱାତିସ୍, ଈଶ୍ୱର ହେୱାର୍ ପାପ୍‌ତିଙ୍ଗ୍ କେମା କିନାନ୍। ଆରେ ନାବେ ପାର୍ତି କିଦେଙ୍ଗ୍ ଇନେରିଙ୍ଗ୍ ଦରମ୍ ମାନାୟ୍ କିତାନ୍‌ନା ହେୱାର୍ ହୁଦାଙ୍ଗ୍ ମାଞ୍ଜେଙ୍ଗ୍ ଈଶ୍ୱର ଆଦିକାର୍ ହିନାନ୍।

ପକ୍ୟାତାକା 8:7

ଏଚେପାଦ୍ନା ପିଲିପ ବୁତ୍ଆତ୍ମା ଡୁୟାଆତି ମାନାୟାରିଙ୍ଗ୍ ଆଦେସ୍ ହିଜିମାଚାନ୍, ହେ ବୁତ୍‌କୁ ହେୱାର୍‌ତାଙ୍ଗ୍ ରାଟୁଆଜି ହସିହାଲ୍‍ଜି ମାଚିକ୍। ଆରେ ପିଲିପ କେତେକ୍ ହେନି ହିର୍କଲ୍ ରଗ୍‌ଦାକାରିଙ୍ଗ୍ ଆରେ ଚଟା ମେଟାରିଙ୍ଗ୍ ହାର୍ କିଜି ମାଚାନ୍।

ଜାକ୍‌ବ 2:5

ଏ ନା ପାର୍ତିକିନି ଟଣ୍ଡାର୍‌କାଦେର୍ ୱେନାଟ୍, ଈଶ୍ୱର ଗରିବ୍ ମାନାୟାରିଙ୍ଗ୍ ପାର୍ତିତାଙ୍ଗ୍ ହାଉକାର୍ ଆଦେଙ୍ଗ୍ ଇ ପୁର୍ତିତାଙ୍ଗ୍ ବାଚି କିତାନ୍‌ନା। ଆରେ ଈଶ୍ୱରତିଙ୍ଗ୍ ଲାଡ୍‌କିନି ମାନାୟାରିଙ୍ଗ୍ ଇମ୍‌ଣି ରାଜି ବିଷୟରେ ପାର୍ମାଣ୍ କିତାନ୍‌ନା, ଇ ମାନାୟାର୍ ହେ ରାଜିନି ଆଦିକାର୍ ଆନାର୍।