ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:28 - New Testament in Pengo Parja Language

²⁸ ଆରେ ଇମ୍‌ଣାକାର୍ ମିଙ୍ଗେଙ୍ଗ୍ ଅବିଶାପ୍ ହିଦ୍‌ନାରା, ହେୱାରିଙ୍ଗ୍ ଆଶ୍ରିବାଦ୍ କିୟାଟ୍। ଇମ୍‌ଣାକାନ୍ ମିଙ୍ଗେଙ୍ଗ୍ ଅପ୍‌ମାନ୍ ହିଦ୍‌ନାରା, ଏପେଙ୍ଗ୍ ହେୱାର୍ କାଜିଙ୍ଗ୍ ଈଶ୍ୱରତାକେ ପାର୍ତାନା କିୟାଟ୍।

ସତ୍‌ ବଚନ୍‌ ପୁନି ନିୟମ୍‌

²⁸ ଇମ୍‌ଣାକାର୍‌ ମିଙ୍ଗେଙ୍ଗ୍‌ ରାଣ୍‌ ହିଦ୍‌ନାର୍‌, ହେୱେରିଂ ଆସିର୍ବାଦ୍‌ କିୟାଟ୍‌; ଇମ୍‌ଣାକାର୍‌ ମିଙ୍ଗେଙ୍ଗ୍‌ ହିନସ୍ତା କିଦ୍‌ନାର୍‌, ହେୱାର୍‌ କାଜିଂ ପାର୍ତାନା କିୟାଟ୍‌ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:28 ပူးပေါင်းရင်းမြစ်များ

ମାତିଉ 5:44

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଏପେଙ୍ଗ୍ ମି ଶାତ୍ରୁରିଙ୍ଗ୍ ଲାଡ୍ କିୟାଟ୍। ଆରେ ଇମ୍‌ଣାକାର୍ ମିଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନାର୍ ହେୱାର୍ କାଜିଙ୍ଗ୍ ଏପେଙ୍ଗ୍ ପାର୍ତାନା କିୟାଟ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:34

ହେପାଦ୍ନା ଯୀଶୁ ୱେଚ୍‌ଚାନ୍, “ଆବା, ଇୱାରିଙ୍ଗ୍ କେମା କିୟା, ଇନେସ୍‌କି ଇୱାର୍ ଇନାକା କିନାର୍ ହେଦାଙ୍ଗ୍ ପୁନୁରା। ଆରେ ହେୱାର୍ ଯୀଶୁ ଉସ୍‌ପିତି ହେନ୍ଦ୍ରାତିଙ୍ଗ୍ ହେୱାର୍ ବାଗ୍‌କିଦେଙ୍ଗ୍ ଅତାର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:27

ଯୀଶୁ ତା କାତା ୱେନାକାରିଙ୍ଗ୍ ୱେଚ୍‌ଚାନ୍, “ୱେନାଟ୍! ଏପେଙ୍ଗ୍ ମି ଶାତ୍ରୁରିଙ୍ଗ୍ ଲାଡ୍ କିୟାଟ୍। ମିଙ୍ଗେଙ୍ଗ୍ ଇମ୍‌ଣାକାର୍ ଗିଣ୍ କିଦ୍‌ନାରା, ହେୱାରିଙ୍ଗ୍ ଏପେଙ୍ଗ୍ ଗିଣ୍ କିମାଟ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:35

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଜାର୍ ଶାତ୍ରୁରିଙ୍ଗ୍ ଲାଡ୍ କିୟାଟ୍। ହେୱାରିଙ୍ଗ୍ ଉପ୍‌କାର୍ କିୟାଟ୍। ଆରେ ଡାବୁଙ୍ଗ୍ ଗାଟାଆୱି ଆହା ଇଟ୍‌ୱାଦାଙ୍ଗ୍ ହେୱାରିଙ୍ଗ୍ ଡାବୁଙ୍ଗ୍ ରୁଣ୍ ହିୟାଟ୍। ଇଦାଙ୍ଗ୍ କିତିସ୍ ମିଙ୍ଗେଙ୍ଗ୍ ବେସି ପୁରଷ୍କାର୍ ଗାଟାଆଦ୍‍ନାତ୍। ଏପେଙ୍ଗ୍ ୱିଜୁ ଶାକ୍ତିନିକାନ୍ ଗାଜା ଈଶ୍ୱର ମେହି ଆନାଦେର୍। ଇନେସ୍‌କି ହେୱାନ୍ ହାର୍ଦି ମାନାୟ୍‌ତିଙ୍ଗ୍ ଆରେ ବାନ୍ୟା ମାନାୟାରିଙ୍ଗ୍ ପା ଦୟା ଚଚ୍‌ଚାନାନ୍।

ପକ୍ୟାତାକା 14:5

ଏଚେପାଦ୍ନା ବିନ୍‌ଜାତିର୍ ଆରେ ପାର୍ତିକିୱି ଯିହୁଦିର୍, ହେୱାର୍ ନେତାର୍ ହୁଦାଙ୍ଗ୍ ମେହାଆଜି ହେୱାର୍ ବିରଦ୍‌ତାଙ୍ଗ୍ ଇନସ୍ତାକିଜି କାଲ୍‌କୁ ହୁଦାଙ୍ଗ୍ ଇଡ଼୍‌ଦେଙ୍ଗ୍ ଉପାୟ୍ କିତାର୍।

ପକ୍ୟାତାକା 7:60

ଆରେ ହେୱାନ୍ ମେଣ୍ଡାକୁନ୍ଦିକିଜି ଗାଜାକାଟ୍ କିଜି କୁକ୍‌ଚି ୱେଚ୍‌ଚାନ୍, “ଏ ମାପୃ, ଇ ପାପ୍‌ତିଙ୍ଗ୍ ଏନେଙ୍ଗ୍ କେମା କିୟା।” ହେୱାନ୍ ଏଲେଙ୍ଗ୍ ୱେଚ୍‌ଚି ହାଃତାନ୍।

ରୋମିୟ 12:14

ଏପେଙ୍ଗ୍ ଖ୍ରୀଷ୍ଟାନ୍ କାଦେର୍, ଯଦି ମାନାୟାର୍ ମିଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନାର୍, ଲାଗିଙ୍ଗ୍ ଏପେଙ୍ଗ୍ ହେୱାରିଙ୍ଗ୍ ଅବିଶାପ୍ ହିମାଟ୍, ମାତର୍ ହେୱାର୍ କାଜିଙ୍ଗ୍ ଈଶ୍ୱରତାକେ ପାର୍ତାନା କିୟାଟ୍।

୧ କରନ୍ତିୟ 4:12

ଆପେଙ୍ଗ୍ ଜିଦେଙ୍ଗ୍ ଜାର୍‌ତିଙ୍ଗ୍ ଜାର୍ କଷ୍ଟକିଜି ଆର୍ଜାଆନାପା। ମାଙ୍ଗେଙ୍ଗ୍ ମାନାୟାର୍ ଅବିଶାପ୍ ହିତ୍‌ତିସ୍‌ ପା ଆପେଙ୍ଗ୍ ହେୱାରିଙ୍ଗ୍ ଆଶ୍ରିବାଦ୍ କିନାପା, ଆରେ ମାନାୟାର୍ ମାଙ୍ଗେଙ୍ଗ୍ ଦୁଃକ୍ କଷ୍ଟ ହିତ୍‌ତିସ୍‌ ପା ଆପେଙ୍ଗ୍ ସମ୍ବାଲି କିନାପା।

ଜାକ୍‌ବ 3:10

ଇ ୱେଇଦାଙ୍ଗ୍ ନେ ଆସେଙ୍ଗ୍ ଦନ୍ଯବାଦ୍ ଆରେ ଅବିଶାପ୍ ହିନାସା। ଏ ନା ପାର୍ତିକିନି ଟଣ୍ଡାର୍‌କାଦେର୍, ଇ ଲେକେ ଆନାକା ହାର୍ ଆକାୟ୍।

୧ ପିତର 3:9

ଯଦି ମି ବିରୁଦ୍‌ତାକେ ଇନେର୍ ମି ଜିନିଷ୍‌ତିଙ୍ଗ୍ ନଷ୍ଟ କିନାନ୍, ଲାଗିଙ୍ଗ୍ ଏପେଙ୍ଗ୍ ତା ଜିନିଷ୍‌ତିଙ୍ଗ୍ ଉଲ୍‌ଟା ନଷ୍ଟ କିମାଟ୍, ଆରେ ଇନେର୍ ଯଦି ମିଙ୍ଗେଙ୍ଗ୍ ଇନସ୍ତା କିଦ୍‌ନାନ୍ ଆରେ ଏପେଙ୍ଗ୍ ତାଙ୍ଗେଙ୍ଗ୍ ଉଲ୍‌ଟା ଇନସ୍ତା କିମାଟ୍। ମାତର୍ ଏପେଙ୍ଗ୍ ହେୱାରିଙ୍ଗ୍ ଆଶ୍ରିବାଦ୍ କିୟାଟ୍, ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ବାଚି କିତ୍‌ତାନ୍‌ନା, ଯଦି ଏପେଙ୍ଗ୍ ହେଲେକେ କିନାଦେର୍ ଈଶ୍ୱର ମିଙ୍ଗେଙ୍ଗ୍ ଆଶ୍ରିବାଦ୍ କିଦ୍‌ନାନ୍।