ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:21 - New Testament in Pengo Parja Language

²¹ ନଙ୍ଗୟ୍ ନାସ୍‌କି ନିକାର୍ ହେୱାର୍ ଆଶ୍ରିବାଦ୍ ପାୟାଆନାର୍‌। ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ହାର୍ଦି କାଦିହିଜି ପଟ ପାଞ୍ଜିକିଦ୍‌ନାନ୍‌। ଆରେ ନଙ୍ଗୟ୍ ଆଡ଼୍‌ବାନାର୍ ହେୱାର୍ ଆଶ୍ରିବାଦ୍ ପାୟାଆନାର୍‌। ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ୱାରି ହିଦ୍‌ନାନ୍।

ସତ୍‌ ବଚନ୍‌ ପୁନି ନିୟମ୍‌

²¹ “ନଙ୍ଗ୍‌ ନାସ୍‌କି ଜେ ଏପେଙ୍ଗ୍‌, ଏପେଙ୍ଗ୍‌ ଦନ୍ୟ, ଇନାକିଦେଂକି ଏପେଙ୍ଗ୍‌ ପାଞ୍ଚାନ୍ନାଦେର୍‌ ।” “ନଙ୍ଗ୍‌ ଆଡ଼୍‌ବାନାଦେର୍‌ ଜେ ଏପେଙ୍ଗ୍‌, ଏପେଙ୍ଗ୍‌ ଦନ୍ୟ, ଇନାକିଦେଂକି ଏପେଙ୍ଗ୍‌ ଗ୍ଡାଇନାଦେର୍‌ ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:21 ပူးပေါင်းရင်းမြစ်များ

ମାତିଉ 5:4

ଇମ୍‌ଣାକାର୍ ନଙ୍ଗୟ୍ ଦୁକ୍ ପାୟାଆନାର୍‌ ହେୱାର୍ ପାଚେ ୱାରିୟା ଆନାର୍, ଇନେସ୍‌କି ଈଶ୍ୱର ହେୱାରିଙ୍ଗ୍ ଶାନ୍ତି ହିନାନ୍।

ମାତିଉ 5:6

ଇମ୍‌ଣାକାର୍ ଈଶ୍ୱର ଇଚାତାଙ୍ଗ୍ ଜିବୁନ୍ କାଟି କିଦେଙ୍ଗ୍ ମାନ୍ କିନାର୍ ହେୱାର୍ ହାର୍, ଇନେସ୍‌କି ଈଶ୍ୱର ହେୱାରିଙ୍ଗ୍ ୱିଜୁ ବିଷୟ ପୁରା କିନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:53

ହେୱାନ୍ ନାସ୍‌କି ମାନାୟାରିଙ୍ଗ୍ ହାର୍ଦି କାଦିହିଜି ପଟପାଞ୍ଜି କିତାନ୍। ଆରେ ଦନି ମାନାୟାରିଙ୍ଗ୍ ୱାରି କେଇଦାଙ୍ଗ୍ ପକ୍ତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:20

ଯୀଶୁ ଚେଲାହିର୍ ନିପଣ୍ ହୁଡ଼୍‌ଜି ୱେଚ୍‌ଚାନ୍, “ଇମ୍‌ଣାକାନ୍ ଗରିବ୍ ଆଜି ମାନ୍‌ଗାନାନ୍ ହେୱାନ୍ ଆଶ୍ରିବାଦ୍ ପାୟାଆନାର୍‌। ଇନେସ୍‌କି ଈଶ୍ୱର ସାସନ୍ କିନି ରାଜି ହେୱାର୍‌ତି।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:22

ଆନେଙ୍ଗ୍, ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ନା କାଜିଙ୍ଗ୍ ଇନାୱେଡ଼ାଙ୍ଗ୍ ମାନାୟାର୍ ମିଙ୍ଗେଙ୍ଗ୍ ଗିଣ୍ କିଦ୍‌ନାର୍। ଆରେ ମିହୁଦାଙ୍ଗ୍ ମେହାଆଦୁର୍‌, ମି ବିଷୟରେ ବାନ୍ଯା କାତା ୱେଚ୍‌ଚି ମିଙ୍ଗେଙ୍ଗ୍ ଇନସ୍ତା କିଦ୍‌ନାର୍, ଲାଗିଙ୍ଗ୍ ଏପେଙ୍ଗ୍ ଆଶ୍ରିବାଦ୍ ପାୟାଆନାଦେର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:25

ଇମ୍‌ଣାକାଦେର୍ ନଙ୍ଗୟ୍ ପଟ ପାଞ୍ଜୁ-ପାଞ୍ଜୁ ତିନାଦେରା ୱେନାଟ୍! ଦିନ୍ ୱାନାତା ଏପେଙ୍ଗ୍ ବେସିଦୁକ୍ ଆରେ ନାସ୍‌କି ମାନାଦେର୍। ନଙ୍ଗୟ୍ ଗାଇନାକାଦେର୍ ୱେନାଟ୍! ଦିନ୍ ୱାନାତା ଏପେଙ୍ଗ୍ ବେସି ଦୁଃକ୍ ପାୟାଆନାଦେର୍ ଆରେ ଆଡ଼୍‌ବାନାଦେର୍।

ଜହନ୍‌ 11:35

ତାପାଚେ ଯୀଶୁ ଆଡ଼୍‌ବାତାନ୍।

ଜହନ୍‌ 4:10

ଯୀଶୁ ହେଦେଲିଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ଈଶ୍ୱର ହିତି ଜିନିଷ୍ ବିଷୟରେ ପୁନ୍‌ୱାତାଇନା। ନିଙ୍ଗେଙ୍ଗ୍ ଏଜୁଙ୍ଗ୍ ଏନ୍ତିନି ମାନାୟ୍‌ତିଙ୍ଗ୍ ଏନେଙ୍ଗ୍ ପୁନୁୟେ। ଏନେଙ୍ଗ୍ ଯଦି ଇ ୱିଜୁବେଣ୍ ପୁଚାଇମା, ଲାଗିଙ୍ଗ୍ ଏନେଙ୍ଗ୍ ନାଙ୍ଗେଙ୍ଗ୍ ଏନ୍ତାତାଇମା। ଆରେ ଆନେଙ୍ଗ୍ ନିଙ୍ଗେଙ୍ଗ୍ ଜିବୁନ୍ ଏଜୁଙ୍ଗ୍ ହିତ୍‌ତାଙ୍ଗ୍‌ମା।”

ଜହନ୍‌ 6:35

ତାପାଚେ ଯୀଶୁ ୱେଚ୍‌ଚାନ୍, ଆନେଙ୍ଗ୍ ନିଜେ ଜିବୁନ୍‌ହିନି କାଦି। ନା ଲାଗାୟ୍ ଇନେର୍ ୱାନାର୍, ହେୱାନ୍ ଇନାୱେଡ଼ାଙ୍ଗ୍ ପା ନାସ୍‌କି ଆଉନ୍। ଆରେ ନାଙ୍ଗେଙ୍ଗ୍ ଇନେର୍ ପାର୍ତି କିଦ୍‌ନାର୍, ହେୱାନ୍ ଇନାୱେଡ଼ାଙ୍ଗ୍ ପା ଏସ୍‌କି ଆଉନ୍।

୧ କରନ୍ତିୟ 4:11

ଆପେଙ୍ଗ୍ ନଙ୍ଗୟ୍ ପାତେକ୍ ନାସ୍‌କି, ଏସ୍‌କି ମାନାପା ଆରେ ମାଙ୍ଗେଙ୍ଗ୍ ଉସ୍‌ପେଦେଙ୍ଗ୍ ଜବର୍ ହେନ୍ଦ୍ରାପାଟା ହିଲେକ୍। ଆପେଙ୍ଗ୍ ମାନାୟାର୍ କେଇଦ ମାଟ୍ ତିନାପା, ଆରେ ମାଙ୍ଗେଙ୍ଗ୍ ମାଞ୍ଜେଙ୍ଗ୍ ଜାର୍ ଇଲ୍ ପା ହିଲୁତ୍।

୨ କରନ୍ତିୟ 11:27

ଆନେଙ୍ଗ୍ କେତ୍‌ହଟ୍ ନାଣାଲିଙ୍ଗ୍ ହୁଞ୍ଜ୍‌ୱାଦାଙ୍ଗ୍ ବେସି ସମୟ୍ ପାତେକ୍ କଷ୍ଟ କାମାୟ୍ କିଜି ମାଚାଙ୍ଗ୍। ଆନେଙ୍ଗ୍ ନାସ୍‌କି ଆରେ ଏସ୍‌କି ପାୟାଆଜି ମାଚାଙ୍ଗ୍ ଆରେ ଆନେଙ୍ଗ୍ କେତ୍‌ହଟ୍ କାଦି ତିନ୍‌ୱାଦାଙ୍ଗ୍ ହାଲ୍‌ଜି ମାଚାଙ୍ଗ୍। ଆନେଙ୍ଗ୍ ପିନିତିଙ୍ଗ୍ ବେସି ତ୍ରିଗ୍‍ଜି ମାଚାଙ୍ଗ୍, ଇନେସ୍‌କି ନାବେ ହେନ୍ଦ୍ରାଙ୍ଗ୍ ହିଲିତିକ୍।

୨ କରନ୍ତିୟ 12:10

ଆନେଙ୍ଗ୍ ପୁଚାଙ୍ଗ୍‌ନା ଯେ, ଇ ୱିଜୁ ଖ୍ରୀଷ୍ଟ କାଜିଙ୍ଗ୍ ଆନାତା, ଆନେଙ୍ଗ୍ ଦୁର୍‌ବଲ୍ ମାଚିସ୍ କି, ମାନାୟାର୍ ଇନସ୍ତା କିତ୍‌ତିସ୍ କି, ନାଙ୍ଗେଙ୍ଗ୍ କଷ୍ଟଆଜି ମାଚିସ୍ କି, ମାନାୟାର୍ ଦୁଃକ୍ କଷ୍ଟ ହିଜି ମାନ୍‌ଞ୍ଚିସ୍ କି ଆରେ ନାଙ୍ଗେଙ୍ଗ୍ ବିପତ୍ ୱାତିସ୍ ପା ଆନେଙ୍ଗ୍ ୱାରିତାଙ୍ଗ୍ ମାନାଙ୍ଗ୍। ଇନେସ୍‌କି ଏଚେପାଦ୍ନା ଆନେଙ୍ଗ୍ ଦୁର୍‌ବଲ୍ ମାନାଙ୍ଗା ହେପାଦ୍ନା ଆନେଙ୍ଗ୍ ଶାକ୍ତି ଆନାଙ୍ଗା।

୨ କରନ୍ତିୟ 6:10

ଆପେଙ୍ଗ୍ ବେସି ଦୁଃକ୍‌ତ ମାନାପ୍, ମାତର୍ ଆପେଙ୍ଗ୍ ୱିଜୁଦିନ୍ ୱାରି କିନାପା। ଆପେଙ୍ଗ୍ ଗରିବ୍, ମାତର୍ ଆପେଙ୍ଗ୍ ପବିତ୍ର ଆତ୍ମାନି ଦନ୍ ଜେକନିକାରିଙ୍ଗ୍ ହିନାପା। ଆପେଙ୍ଗ୍ ଆର୍ଜା ଆୱାତାପ୍‌ନା ମାତର୍ ମା ତାକେ ୱିଜୁ ଜିନିଷ୍ ମାନାତ୍।

ଜାକ୍‌ବ 1:12

ଇମ୍‌ଣି ମାନାୟ୍ ପରିକ୍ଷା ଆତିହିଙ୍ଗ୍ ପା ଈଶ୍ୱରତାକେ ପାର୍ତି କିଜି ମାନାନ୍, ହେୱାନ୍ ଆଶ୍ରିବାଦ୍‌ନି ମାନାୟ୍। ଇନେସ୍‌କି ଈଶ୍ୱରତିଙ୍ଗ୍ ଲାଡ୍‌କିନି ମାନାୟ୍‌ରିଙ୍ଗ୍ ଇମ୍‌ଣି ୱିଜ୍‌ୱି ଜିବୁନ୍‌ନି ମୁକୁଟ୍ ହିଦେଙ୍ଗ୍ ଈଶ୍ୱର ପାର୍ମାଣ୍ କିତାନ୍‌ନା। ପରିକ୍ଷାତାଙ୍ଗ୍ ଜିତାଆତି ପାଚେ ହେ ମାନାୟାରିଙ୍ଗ୍ ହେ ମୁକୁଟ୍ ଈଶ୍ୱର ହିନାନ୍।

ହତ୍‌ତି 21:3

ଆରେ ସରଗ୍‌ନି ସିଙ୍ଗାସନତାଙ୍ଗ୍ ରକାନ୍ ଗାଜାକାଟ୍ କିଜି ୱେଚ୍‌ନାକା ଆନେଙ୍ଗ୍ ୱେଚାଙ୍ଗ୍, “ହୁଡ଼ା, ଈଶ୍ୱର ମନ୍ଦିର୍‌ ତା ମାନାୟାର୍‌ତାକେ ୱାନାନା, ହେୱାନ୍ ହେୱାର୍ ହୁଦାଙ୍ଗ୍ ମାନାନ୍ ଆରେ ହେୱାର୍ ତା ଲକ୍ ଆନାର୍। ଈଶ୍ୱର ନିଜେ ହେୱାର୍ ହୁଦାଙ୍ଗ୍ ମାନାନ୍।

ହତ୍‌ତି 7:16

ହେୱାର୍ ଇନାୱେଡ଼ାଙ୍ଗ୍ ପା ନାସ୍‌କି କି ଏସ୍‌କି ଆଉର୍, ଆରେ ହେୱାର୍ ଈଶ୍ୱର ୱେଡ଼ା ବାର୍‌ଟାନି କାରାତାଙ୍ଗ୍ ପା ଉଦାର୍ କିଦ୍‌ନାନ୍।