ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:12 - New Testament in Pengo Parja Language

¹² ଦିନେକ୍ ଯୀଶୁ ପାର୍ତାନା କିଦେଙ୍ଗ୍ ମାଡ଼ିଜପି ହାଚାନ୍। ହେୱାନ୍ ହେବେ ଈଶ୍ୱରତାକେ ହାରା ରାତି ପାର୍ତାନା କିତାନ୍।

ସତ୍‌ ବଚନ୍‌ ପୁନି ନିୟମ୍‌

¹² ହେୱାଡ଼ାଂ ହେୱାନ୍‌ ଦିନେକ୍‌ ପ୍ରାର୍ତାନା କିଦେଙ୍ଗ୍‌ ଇଞ୍ଜି ମାଡ଼ିତ ହାଚାନ୍‌, ଇସ୍ୱର୍‌ ତାକେ ପାର୍ତାନା କିଜ଼ି କିଜ଼ି ହାର୍ତାନାଣା ମାଚାନ୍‌ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:12 ပူးပေါင်းရင်းမြစ်များ

ମାତିଉ 5:1

ଯୀଶୁ ପାଚେ-ପାଚେ ହାନିମାନାୟ୍ ରୁଣ୍ଡାଆଦେଙ୍ଗ୍ ଲାଗାତାର୍। ଇଦାଙ୍ଗ୍ ହୁଡ଼୍‌ଜି ଯୀଶୁ ମାଡ଼ିଜପି ହାଲ୍‌ଜି ହେୱାରିଙ୍ଗ୍ ହିକ୍ଷାହିଦେଙ୍ଗ୍ କୁଚ୍‌ଚାନ୍। ତା ଚେଲାହିର୍ ତା କଚଣ୍‌ତ ୱାତାର୍।

ମାତିଉ 6:6

ମାତର୍ ଏପେଙ୍ଗ୍ ପାର୍ତାନା କିନିହିଙ୍ଗ୍ ମି ବିତ୍ରେ ଇଞ୍ଜ ହାଲାଟ୍, ଆରେ ଏପେଙ୍ଗ୍ କାପାଟ୍ ଗେସ୍ତି ମି ଡ଼ୁକ୍‌ତି ସରଗ୍‌ନି ଆବା ମୁମ୍‌ଦ ପାର୍ତାନା କିୟାଟ୍। ଲାଗିଙ୍ଗ୍ ମି ସରଗ୍‌ନି ଆବା, ଇନେସ୍‌କି ମି କାପାଟ୍ ଗେସ୍ତି ପାର୍ତାନା କିନାକା ହୁଡ଼୍‌ଦାନାନ୍। ଆରେ ହେୱାନ୍ ମିଙ୍ଗେଙ୍ଗ୍ ପାଡ଼୍‌ ହିଦ୍‌ନାନ୍।

ମାର୍କ 1:35

ଅଜଡ଼୍ ଆୱିହିଙ୍ଗ୍ ଯୀଶୁ ନିଙ୍ଗ୍‌ଞ୍ଜି ର ଟାଙ୍ଗ୍ରାବାହାତ ପାର୍ତାନା କିଦେଙ୍ଗ୍ ହାଚାନ୍।

ମାର୍କ 3:13

ତାପାଚେ ଯୀଶୁ ମାଡ଼ିଜପି ହାଲ୍‌ଜି, ଆରେ ଇମ୍‌ଣାକାରିଙ୍ଗ୍ ତା ଚେଲା କିଦେଙ୍ଗ୍ ତା ଲାଗେ ହିର୍‌ବାତାନ୍, ଆରେ ହେୱାର୍ ମାନାୟ୍ ଗଉଲିତାଙ୍ଗ୍ ଯୀଶୁ ଲାଗାୟ୍ ହାଚାର୍।

ମାର୍କ 6:46

ଯୀଶୁ ୱିଜାରିଙ୍ଗ୍ ପକ୍ତିପାଚେ ହେୱାନ୍ ପାର୍ତାନା କିଦେଙ୍ଗ୍ ମାଡ଼ିଜପି ହାଚାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 5:16

ମାତର୍ ଯୀଶୁ ପାର୍ତାନା କିଦେଙ୍ଗ୍ ସବୁଦିନ୍ ଲେକେ ଟାଙ୍ଗ୍ରାବାହାତାକେ ହାଲ୍‌ଜି ମାଚାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:11

ମାତର୍ ପାରୁସିଦଳ୍‍ ଆରେ ପଣ୍ଡିତାର୍ ବେସି ରିସାଆତାର୍। ଆରେ ଯୀଶୁଙ୍ଗ୍ ଇନାକା କିନାସ୍ ହେ ବିଷୟରେ ଜାର୍-ଜାର୍‌ବିତ୍ରେ କାତାବାର୍ତା ଆତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:17

ଯୀଶୁ ଆରେ ତା ଚେଲାହିର୍ ମାଡ଼ିତାଙ୍ଗ୍ ଜୁଜି ର ହାମାନ୍ ବାହାତ ନିଲ୍‌ତାର୍। ଆରେ ହେ ବାହାତାକେ ୱାଜିମାଚି ଜେକନି ଚେଲାର୍, ଆରେ ଯିହୁଦା ଜିଲ୍ଲା ଆରେ ଯିରୁଶାଲାମ ସହର୍ ଆରେ ସୋର୍ ସହର୍ ଆରେ ସିଦନ୍‌ ସହର୍‌ନି ହାମ୍‌ଦୁର୍ ଲାଗାୟ୍‌ନି ନାସ୍‌କୁନିକାର୍ ପା ବେସିହେନି ମାନାୟ୍ ରୁଣ୍ଡାଆଜି ମାଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:18

ଦିନେକ୍ ଯୀଶୁ ରକାନ୍ ପାର୍ତାନା କିନିହିଙ୍ଗ୍ ତା ଚେଲାହିର୍ ରବେଆଜି ହେବେ ୱାତାର୍, ଯୀଶୁ ଚେଲାହିରିଙ୍ଗ୍ ୱେନ୍‌ବାତାନ୍, “ମାନାୟାର୍ ନାଙ୍ଗେଙ୍ଗ୍ ଇନେର୍ ଇଞ୍ଜି ଇଞ୍ଜ୍‌ନାର୍?”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:28

ଇୱିଜୁ ଗଟ୍‌ନାଆତି ଆଟ୍‌ଦିନ୍ ଆତିପାଚେ ଯୀଶୁ, ପିତର, ଯୋହନ୍ ଆରେ ଯାକୁବ ହୁଦାଙ୍ଗ୍ ପାର୍ତାନା କିଦେଙ୍ଗ୍ ମାଡ଼ିଜପି ହାଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:29

ଏଚେପାଦ୍ନା ହେୱାନ୍ ପାର୍ତାନା କିଜି ମାଚାନ୍, ତା ରୁପ୍ ବାଦ୍‌ଲାଆତାତ୍ ଆରେ ତା ହେନ୍ଦ୍ରା ପା ବେସି ଣିନ୍‌ଞ୍ଜି ଚାକ୍‌ଚାକା ଆତାତ୍।

ଜହନ୍‌ 6:3

ହେବେତାଙ୍ଗ୍ ଯୀଶୁ ମାଡ଼ିଜପି ଦୁମ୍‌ତାନ୍। ଆରେ ହେବେ ତା ଚେଲାହିର୍ ହୁଦାଙ୍ଗ୍ କୁଚ୍‌ଚାନ୍।

କଲସିୟ 4:2

ଏପେଙ୍ଗ୍ ୱିଜୁଦିନ୍ ପାର୍ତାନା କିଜି ମାନାଟ୍। ଏପେଙ୍ଗ୍ ପାର୍ତାନା କିନିହିଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିୟାଟ୍ ଆରେ ଜାଗ୍ରତ୍ ଆଜି ମାନାଟ୍।

ଏବ୍ରି 5:7

ଯୀଶୁ ଖ୍ରୀଷ୍ଟ ପୁର୍ତିତାକେ ମାନିହିଙ୍ଗ୍, ଇମ୍‌ଣି ଈଶ୍ୱର ହେୱାନିଙ୍ଗ୍ ହାଃତିତାଙ୍ଗ୍ ଉଦାର୍ କିଦେଙ୍ଗ୍ ଆଡ୍‌ନାନ୍, ତା ଲାଗାୟ୍ ହେୱାନ୍ ଗାଜା କାଟ୍‌ତାଙ୍ଗ୍ ଆଡ଼ାକୁକା ଆଜି ପାର୍ତାନା ଆରେ ଗୁୱାରି କିତାନ୍। ଈଶ୍ୱରତିଙ୍ଗ୍ ହେୱାନ୍ ବେସି ସନ୍‌ମାନ୍ ଆରେ ଜାର୍‌ତିଙ୍ଗ୍ ହିରୁ ଆନି କାଜିଙ୍ଗ୍, ଈଶ୍ୱର ହେୱାନ୍ କିତି ପାର୍ତାନାତିଙ୍ଗ୍ ୱେଚାନ୍।