ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 5:14 - New Testament in Pengo Parja Language

¹⁴ ଆରେ ଯୀଶୁ ହେୱାନିଙ୍ଗ୍ ଆଦେସ୍ ହିଜି ୱେଚ୍‌ଚାନ୍, “ନଙ୍ଗୟ୍ ଇନାକା ଗଟାଆତାତ୍, ହେ କାତା ଇନେରିଙ୍ଗ୍ ପା ୱେଚ୍‌ମା। ମାତର୍ ଈଶ୍ୱର ହେବାକିନି ପୁଜାରିତାକେ ହାଲ୍‌ଜି ହାର୍ ଆତାଙ୍ଗ୍ ଇଞ୍ଜି ୱେଚା। ଆରେ ମୋଶା ଲେକିକିତି ନିୟମ୍‌ତାଙ୍ଗ୍ ଈଶ୍ୱରତିଙ୍ଗ୍ ପୁଜାକିତିସ୍ ଏନେଙ୍ଗ୍ ବିଦିଅନୁସାତାଙ୍ଗ୍ ହାର୍ ଆନାୟ୍। ଆରେ ନିଙ୍ଗେଙ୍ଗ୍ ୱିଜାକାର୍ ହାର୍ ଆତାନ୍ ଇଞ୍ଜି ପୁଞ୍ଜ୍‌ନାର୍।”

ସତ୍‌ ବଚନ୍‌ ପୁନି ନିୟମ୍‌

¹⁴ ଆରେ, ଜିସୁ ତାଙ୍ଗେଙ୍ଗ୍‌ ବଲ୍‌ ହିଜ଼ି ଇଚାନ୍‌ ଇନେରିଂପା ୱେଚ୍‌ମା, ମାତର୍‌ “ହାଲ୍‌ଜି ମାପ୍ରୁହେବାକିନାକାନିଂ ତାକେ ହାଲା ନିଜେ ଚଚ୍‌ୟା, ଆରି ମସାତି ବଲ୍‌ ଇସାବ୍‌ରେ ଜାର୍‌ତି ନିର୍ମଲ୍‌ ଲାକେ ହେୱାର୍‌ ଲାଗାଂ ସାକି ହିନି କାଜିଂ ପୁଜା କିୟା ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 5:14 ပူးပေါင်းရင်းမြစ်များ

ମାତିଉ 10:18

ଏପେଙ୍ଗ୍ ନାଙ୍ଗେଙ୍ଗ୍ ପାର୍ତିକିନି କାଜିଙ୍ଗ୍, ଦେସ୍ ସାସନ୍ କିନି ମାନୟ୍‌ତାକେ ଆରେ ରାଜା ମୁମ୍‌ଦ ବିଚାର୍‌ନା ଆଦେଙ୍ଗ୍ ଟିୟା ଆନାଦେର୍। ହେଲେକେ ହେୱାର୍‌ତାକେ ଆରେ ବିନ୍‌ଜାତିର୍ କାଜିଙ୍ଗ୍ ହାର୍ଦିକାବୁର୍ ଶୁଣାୟ୍ କିନାଦେର୍।

ମାତିଉ 12:16

ହେବେତାଙ୍ଗ୍ ଯୀଶୁ ବୁତ୍ଆତ୍ମାକାଙ୍ଗ୍ ଦମାକାଇ କିଜି ୱେଚ୍‌ଚାନ୍, “ଇୱାନ୍ ଈଶ୍ୱର ମେହି ଇଞ୍ଜି ଇନେରିଙ୍ଗ୍ ପା ୱେଚ୍‌ମାଟ୍ ଇଞ୍ଜି ଆଦେସ୍ ହିତାନ୍।”

ମାତିଉ 8:4

ଯୀଶୁ ହେୱାନିଙ୍ଗ୍ ଆଦେସ୍ ହିଜି ୱେଚ୍‌ଚାନ୍, “ଇନେରିଙ୍ଗ୍ ପା ୱେଚ୍‌ମା ମାତର୍ ହାଲା, ଈଶ୍ୱର ହେବାକିନି ପୁଜାରିତାକେ ହାର୍ ଆତାଙ୍ଗ୍ ଇଞ୍ଜି ୱେଚା, ଆରେ ମୋଶା ଲେକିକିତି ନିୟମ୍‌ତାଙ୍ଗ୍ ଈଶ୍ୱରତିଙ୍ଗ୍ ପୁଜାକିତିସ୍ ଏନେଙ୍ଗ୍ ବିଦିଅନୁସାତାଙ୍ଗ୍ ହାର୍ ଆନାୟ୍, ଆରେ ୱିଜାକାର୍ ହାର୍ ଆତାନ୍ ଇଞ୍ଜି ପୁଞ୍ଜ୍‌ନାର୍।”

ମାତିଉ 9:30

ହେବେତାଙ୍ଗ୍ ହେୱାର୍ କାଣ୍‌କୁ ହୁଡ଼୍‌ଦେଙ୍ଗ୍ ଆଡ଼୍‌ତାର୍। ଆରେ, ଯୀଶୁ ହେୱାରିଙ୍ଗ୍ ଆଦେସ୍ ହିଜି ୱେଚ୍‌ଚାନ୍, “ହୁଡ଼ାଟ୍, ଆନେଙ୍ଗ୍ ମିଙ୍ଗେଙ୍ଗ୍ ହାର୍ କିତି ବିଷୟ ଇନେରିଙ୍ଗ୍ ପା ୱେଚ୍‌ମାଟ୍।”

ମାର୍କ 1:44

“ହୁଡ଼ା, ଇନେରିଙ୍ଗ୍ ପା ଇବେଣ୍ ୱେଚ୍‌ମା, ମାତର୍ ହାଲା! ଆରେ ଈଶ୍ୱର ହେବାକିନି ପୁଜାରିତାକେ ହାର୍ ଆତାଙ୍ଗ୍ ଇଞ୍ଜି ୱେଚା, ତାପାଚେ ମୋଶା ଲେକିକିତି ନିୟମ୍‌ତାଙ୍ଗ୍ ଈଶ୍ୱରତିଙ୍ଗ୍ ପୁଜାକିୟା, ଏଲେଙ୍ଗ୍ କିତିସ୍ ଏନେଙ୍ଗ୍ ବିଦିଅନୁସାତାଙ୍ଗ୍ ହାର୍ ଆନାୟ୍ ଆରେ ନିଙ୍ଗେଙ୍ଗ୍ ହାର୍ ଆତାନ୍ ଇଞ୍ଜି ୱିଜାକାର୍ ପୁଞ୍ଜ୍‌ନାର୍।”

ମାର୍କ 6:11

ଇମ୍‌ଣି ସହର୍‌ତାକେ ମିଙ୍ଗେଙ୍ଗ୍ ହେୱାର୍ ଆସ୍ତୁର୍, ଆରେ ମି ବେଣ୍ ୱେନ୍‌ୱିତିସ୍ ଏପେଙ୍ଗ୍ ହାନିହିଙ୍ଗ୍ କାଲ୍ ପାନାନି ଦୁଡ଼ି ଡ଼ାତାଟ୍, ଇଦାଙ୍ଗ୍ ସହର୍‌ନି ମାନାୟାରିଙ୍ଗ୍ ଚଚ୍‌ନାତ୍‌ କି ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାତ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 17:14

ଯୀଶୁ ମାନାୟାରିଙ୍ଗ୍ ହୁଡ଼୍‌ଜି ୱେଚ୍‌ଚାନ୍, “ଏପେଙ୍ଗ୍ ହାଲ୍‌ଜି ଜାର୍ ଗାଗାଡ଼୍‌ତିଙ୍ଗ୍ ଈଶ୍ୱର ହେବାକିନି ପୁଜାରିର୍ ତାକେ ଚଚାଟ୍।” ହେ ଦାସ୍ ଜାଣ୍ କୁଷ୍ଟରଗ୍‌ଦାକାର୍ ପୁଜାରିର୍ ତାକେ ହାନିହିଙ୍ଗ୍ ହାର୍‌ଆତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 5:13

ହେବେତାଙ୍ଗ୍ ଯୀଶୁ କେଇ ଲାମାୟ୍ କିଜି ତାଙ୍ଗେଙ୍ଗ୍ ଆସ୍‌ପାତାନ୍ ଆରେ ୱେଚ୍‌ଚାନ୍, “ଆନେଙ୍ଗ୍ ମାନ୍ କିଦ୍‌ନାଙ୍ଗା ହାର୍ ଆ।” ହେଦାପ୍ରେ ହେ କୁଷ୍ଟରଗ୍ କାଟାକାନ୍ ହାର୍ ଆତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:5

ଇମ୍‌ଣି ସହର୍‌ତାକେ ମିଙ୍ଗେଙ୍ଗ୍ ହେୱାର୍ ଆସ୍ତୁର୍, ଆରେ ମି ବେଣ୍ ୱେନ୍‌ୱିତିସ୍ ଏପେଙ୍ଗ୍ ହାନିହିଙ୍ଗ୍ କାଲ୍ ପାନାନି ଦୁଡ଼ି ଡ଼ାତାଟ୍। ଇଦାଙ୍ଗ୍ ସହର୍‌ନି ମାନାୟାରିଙ୍ଗ୍ ଚଚ୍‌ନାତ୍‌ କି ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍।”