ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:20 - New Testament in Pengo Parja Language

²⁰ ତାପାଚେ ଯୀଶୁ ସାସ୍ତର୍ ବନ୍ଦ୍ କିଜି ପାର୍ତାନା ଇଞ୍ଜି ଚାଲାଣ୍‌ତିଙ୍ଗ୍ ହିତାନ୍, ତାପାଚେ ହେୱାନ୍ ହିକ୍ଷାହିଦେଙ୍ଗ୍ କୁଚ୍‌ଚାନ୍। ଯିହୁଦିର୍ ପାର୍ତାନା ଇଞ୍ଜ ମାନି ୱିଜାକାର୍ ଯୀଶୁଙ୍ଗ୍ ମାନ୍‌ଦିୟାନ୍ କିଜି ହୁଡ଼୍‌ଜି ମାଚାର୍।

ସତ୍‌ ବଚନ୍‌ ପୁନି ନିୟମ୍‌

²⁰ ପାଚେ ହେୱାନ୍‌ ପତି ଡାବାୟ୍‌ କିଜ଼ି ହେବା କିନାକାରିଂ ହେଦାଂ ହିଜ଼ି କୁଚ୍‌ଚାନ୍‌, ଆରେ କୁଟୁମ୍‌ ଇଞ୍ଜ ୱିଜ଼ାର୍‌ତି କାଣ୍‌କୁ ହେୱାନ୍‌ ଜପି ହୁଡ଼୍‌ଜି ମାଚାର୍‌ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:20 ပူးပေါင်းရင်းမြစ်များ

ମାତିଉ 26:55

ତାପାଚେ ଯୀଶୁ ମାନାୟାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ୱିଜାଦେର୍ ଡାକୁର୍ ବିରଦ୍‌ତାକେ ହାନିଲେକେ ଆଜି କାଣ୍ଡାଙ୍ଗ୍ ଆରେ କଣାଙ୍ଗ୍ ଆସ୍ତି ଏପେଙ୍ଗ୍ ଇନା କିଦେଙ୍ଗ୍ ନାଙ୍ଗେଙ୍ଗ୍ ଆସ୍ତି ଗାଚ୍‍ଚେଦେଙ୍ଗ୍ ୱାତାଦେର୍? ଆନେଙ୍ଗ୍ ୱିଜୁଦିନ୍ ମିହୁଦାଙ୍ଗ୍ ମାନ୍‌ଞ୍ଜି ଈଶ୍ୱର ମାନି ମନ୍ଦିର୍‌ନି ହାକ୍‌ଡ଼ିତ ହିକ୍ଷାହିଜି ମାନ୍‍ଚାଙ୍ଗ୍। ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ଆସ୍ତିଗାଚ୍‍ଚା ୱାତାଦେର୍।

ମାତିଉ 27:60

ତାପାଚେ ଯୋଷେପ ଯୀଶୁଙ୍ଗ୍ ତା ପୁନି ଦୁଗେର୍‌ତାକେ ଇଡ଼୍‌ତାନ୍। ହେ ଦୁଗେର୍‌ କାଲ୍‌କୁକାଙ୍ଗ୍ ପତ୍‌ତି ରହିୟାଆଜି ମାଚାତ୍। ହେବେ ତା ହାଃତି ଗାଗାଡ଼୍‌ତିଙ୍ଗ୍ ଇଡ଼୍‌ତାନ୍। ଆରେ ଦୁଗେର୍ ଦୁୱେର୍ ମୁମ୍‌ଦ ଗାଜାକାଲ୍ ଡାବାଇ କିଜି ହାଚାନ୍।।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:48

ମାତର୍ ହେୱାର୍ ହେୱାନିଙ୍ଗ୍ ଆସ୍ତେଙ୍ଗ୍ ସୁଯଗ୍ ଗାଟାଆୱାଦାଙ୍ଗ୍ ମାଚାର୍। ଇନେସ୍‌କି ୱିଜାକାର୍ ଯୀଶୁ ହିକ୍ଷାତିଙ୍ଗ୍ ହେବେ ମାନି ମାନାୟାର୍ ମାନ୍‌ଦ୍ଯାନ୍ କିଜି ୱେନ୍‌ଞ୍ଜି ମାଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:17

ଭବିଷ୍ଯତବକ୍ତା ଯିଶାୟ ସାସ୍ତର୍ ହେୱାନିଙ୍ଗ୍ ରକାନ୍ ହିତାନ୍। ଯୀଶୁ ସାସ୍ତର୍ ଉନ୍‌ନ୍ଦି ଇମ୍‌ଣି ବାହାତାକେ ଇଦାଙ୍ଗ୍ ଲେକା ମାନାତ୍ ହେଦାଙ୍ଗ୍ ଗାଟାଆତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:21

ଯୀଶୁ ହେୱାରିଙ୍ଗ୍ ହିକ୍ଷାହିଦେଙ୍ଗ୍ ଲାଗାତାନ୍, “ନେଞ୍ଜେଙ୍ଗ୍ ସାସ୍ତର୍‌ନି ଇନାକା ଆନେଙ୍ଗ୍ ପଡ଼ିକିତାଙ୍ଗ୍ ହେଦାଙ୍ଗ୍ ଏପେଙ୍ଗ୍ ୱେଚିଲେଙ୍ଗ୍ ହେ ସାସ୍ତର୍‌ନି କାତା ପୁରା ଆତାତ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 5:3

ଯୀଶୁ ହେବେ ମାଚି ର ଡଙ୍ଗାତାକେ ଦୁମ୍‌ତାନ୍। ହେ ଡଙ୍ଗା ଶିମୋନତି ମାଚାତ୍। ଯୀଶୁ ଡଙ୍ଗାତିଙ୍ଗ୍ କାଣ୍ଡିତାଙ୍ଗ୍ ଅଲପ୍ ବିତ୍ରେ ଅଦେଙ୍ଗ୍ ଶିମୋନତିଙ୍ଗ୍‌ ୱେଚ୍‌ଚାନ୍। ତାପାଚେ ହେ ଡଙ୍ଗାତାକେ କୁଚ୍‌ଚାନ୍ ଆରେ ହେ ଡଙ୍ଗା ଜପି ମାନ୍‌ଞ୍ଜି ମାନାୟାରିଙ୍ଗ୍ ହିକ୍ଷାହିଦେଙ୍ଗ୍ ଲାଗାତାନ୍।

ଜହନ୍‌ 8:2

ତା ଆର୍‌କାତ୍ ନାଞ୍ଜିଙ୍ଗ୍ ନାଣାଙ୍ଗେ ଆରେରଗ ଈଶ୍ୱର ମାନି ମନ୍ଦିର୍‌ ପିଣ୍ଡାତାକେ ୱାତାନ୍। ଆରେ ହେବେ ବେସିହେନି ମାନାୟାର୍ ତା ଲାଗାୟ୍ ୱାତାର୍। ଆରେ ହେୱାନ୍ କୁଚ୍‌ଚି ମାନାୟାରିଙ୍ଗ୍ ହିକ୍ଷା ହିତାନ୍।

ପକ୍ୟାତାକା 16:13

ଜମ୍‌ନିଦିନ୍‌ ନାଞ୍ଜିଙ୍ଗ୍ ଆପେଙ୍ଗ୍ ହେ ସହର୍‌ତାଙ୍ଗ୍ ହସି ନାଗୁଡ଼୍ କାଣ୍ଡିତାକେ ହାଚାପ୍। ହେବେ ପାର୍ତାନା କିନି ବାହା ମାନାତ୍ ଇଞ୍ଜି ଆପେଙ୍ଗ୍ ୱେନ୍‌ଞ୍ଜି ମାଚାପ୍, ହେବେ କୁଚ୍‌ଚି ମାନି କଗ୍‍ଲେକାଙ୍ଗ୍ ହୁଡ଼୍‌ଜି ଆପେଙ୍ଗ୍ ହେବେ କୁଚ୍‌ଚି ହେୱେକିୟାକାଙ୍ଗ୍ ଯୀଶୁ ବିଷୟରେ ୱେଚ୍‌ଚାପ୍।

ପକ୍ୟାତାକା 3:12

ପିତର ମାନାୟାର୍ ୱାନାକା ହୁଡ଼୍‌ଜି ହେୱାରିଙ୍ଗ୍ ୱେଚ୍‌ଚାନ୍, “ଏ ଇସ୍ରାଏଲ ଜାତିନି ମାନାୟ୍ କାଦେର୍, ଏପେଙ୍ଗ୍ ଇ ମାନାୟ୍ ବିଷୟରେ ଇନା କିଦେଙ୍ଗ୍ ଚାନିଆ ଆନାଦେରା? କି ମା ଶାକ୍ତିତାଙ୍ଗ୍ କି ମା ଦରମ୍‌ତାଙ୍ଗ୍ ଇୱାନିଙ୍ଗ୍ ତାଙ୍ଗ୍‌ନି ଶାକ୍ତି ହିତାନ୍ ଇଞ୍ଜି ବାବିକିଜି ଇନା କିଦେଙ୍ଗ୍ ମାଙ୍ଗେଙ୍ଗ୍ ହାରାହାଣ୍‌କୁ କିଜି ହୁଡ଼୍‌ଦାନାଦେରା?