ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:4 - New Testament in Pengo Parja Language

⁴ ପିଲାତ ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ମାନାୟାରିଙ୍ଗ୍ ୱେଚ୍‌ଚାନ୍, “ଇୱାନ୍‌ତାଙ୍ଗ୍ ଆନେଙ୍ଗ୍ ଇଚ୍‍କେ ପା ବୁଲ୍ ହୁଡ଼ୁଙ୍ଗା,”

ସତ୍‌ ବଚନ୍‌ ପୁନି ନିୟମ୍‌

⁴ ହେବେଣ୍ଡାଂ ପିଲାତ ମୁଡ଼୍‌ ମାପ୍ରୁହେବାକିନାକାନ୍‌ ଆରି ମାନାୟାରିଂ ଇଚାନ୍‌, ଆନ୍‌ “ଇ ମାନାୟ୍‌ତିଂ ଇନାକାପା ଦସ୍‌ ପାୟାଆୱାତାଂ ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:4 ပူးပေါင်းရင်းမြစ်များ

ମାତିଉ 27:19

ଗବର୍‌ନର୍ ପିଲାତ ବିଚାର୍‌କିନି ବାହାତାକେ କୁଚ୍‌ଚିହିଙ୍ଗ୍ ତା କଗ୍‌ଲେ ତା ଲାଗାୟ୍ ୱେଚ୍‌ଚାତ୍। ଇ ଦରମ୍ ମାନାୟ୍‌ତିଙ୍ଗ୍ ଇନାକାପା କିମାଟ୍। ଆନେଙ୍ଗ୍ ତା ବିଷୟରେ ମିକା ର କେଚ୍‌କଣ୍ ହୁଡ଼୍‌ତାଙ୍ଗ୍‌ନା। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଆଦିକ୍ ଚିନ୍ତା ଆତାଙ୍ଗ୍‌ନା।

ମାର୍କ 15:14

ହେବେତାଙ୍ଗ୍ ପିଲାତ ରାଜା ମାନାୟାରିଙ୍ଗ୍ ଆରେରଗ ୱେନ୍‌ବାତାନ୍, “ହେୱାନ୍ ଇନା ଦସ୍ କିତାନ୍‌ନା?” ମାତର୍ ହେୱାର୍ ଆଦିକ୍‍ହେ ଚେରାଆଜି ୱେଚ୍‌ଚାର୍, “ତାଙ୍ଗେଙ୍ଗ୍ କୃଶକାଟ୍‌ତାକେ ଦୁପ୍‌ଚି ଅହାଟ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:22

ପିଲାତ ରାଜା ତିନ୍‌ହଟ୍ ୱେଚ୍‌ଚାନ୍, “ଇନା କିଦେଙ୍ଗ୍, ହେୱାନ୍ ଇନା ଦସ୍ କିତାନ୍‌ନା? ହେୱାନ୍ ଦସି ଆକାୟ୍। ହେୱାନିଙ୍ଗ୍ ହାଃନି ଦଣ୍ଡ୍ ହିଦେଙ୍ଗ୍ ଆନେଙ୍ଗ୍ ଇନାକାପା ଦସ୍ ହୁଡ଼ୁଙ୍ଗା। ଲାଗିଙ୍ଗ୍ ହେୱାନିଙ୍ଗ୍ କର୍‌ଡା ହୁଦାଙ୍ଗ୍ ଟ୍ରାକ୍‌ତି ପାଚେ ହେୱାନିଙ୍ଗ୍ ପିସ୍ତି ହିନାଙ୍ଗ୍।”

ଜହନ୍‌ 18:38

ପିଲାତ ୱେଚ୍‌ଚାନ୍, “ଇନାକା ସତ୍?” ହେୱାନ୍ ଇଦାଙ୍ଗ୍ ୱେଚ୍‌ଚି ପାଚେ ଯିହୁଦିର୍ ଲାଗାୟ୍ ହାଚାନ୍ ଆରେ ହେୱାନ୍ ୱେଚ୍‌ଚାନ୍, “ଇୱାନ୍ ଲାଗାୟ୍ ଇନା ଦସ୍ ପା ଆନେଙ୍ଗ୍ ଗାଟାଆଉଙ୍ଗା।

ପକ୍ୟାତାକା 25:25

ମାତର୍ ଆନେଙ୍ଗ୍ ପୁଚାଙ୍ଗ୍ ଯେ, ଇୱାନ୍ ହାଃନି ଦଣ୍ଡ୍ ପାୟାଆନି ଲେକେ ଦସ୍ କିୱାତାନ୍‌ନା, ହେୱାନ୍ ରୋମ୍ ଦେସ୍‌ନି ମହା ରାଜାତାକେ ବିଚାର୍ ଆଦେଙ୍ଗ୍ ଗୁୱାରି କିତିଲେ, ଆନେଙ୍ଗ୍ ହେବେ ପକ୍ତେଙ୍ଗ୍ ଇଚା କିତାଙ୍ଗ୍‌ନା।

ପକ୍ୟାତାକା 3:13

ମା ଆକଦାଦି ଅବ୍ରାହାମ, ଇସାକ ଆରେ ଯାକୁବନି ଈଶ୍ୱର, ତା ଦାସ୍ ଯୀଶୁଙ୍ଗ୍ ବେସି ସନ୍‌ମାନ୍ କିତାନ୍‌ନା। ହେ ଯୀଶୁଙ୍ଗ୍ ଏପେଙ୍ଗ୍ ହାଃନି କାଜିଙ୍ଗ୍ ଶତ୍ରୁ କେଇଦ ଆହିକିତାଦେର୍। ହେପାଦ୍ନା ପିଲାତ ରାଜା ହେୱାନିଙ୍ଗ୍ ମୁକ୍ତି କିଦେଙ୍ଗ୍ ଇଚାକିଜି ମାଚାନ୍। ମାତର୍ ଏପେଙ୍ଗ୍ ପିଲାତ ରାଜା ମୁମ୍‌ଦ ହେୱାନିଙ୍ଗ୍ ମୁନା କିତାଦେର୍।

ଏବ୍ରି 7:26

ଇନେସ୍‌କି ଯୀଶୁ ଲେକେ ପ୍ରଦାନ୍ ମୁଡ଼୍‌ଦି ପୁଜାରି ମା କାଜିଙ୍ଗ୍ ଦର୍‌କାର୍। ହେୱାନ୍ ରକାନ୍ ପବିତ୍ର ମାନାୟ୍, ଇନା ଦସ୍ ହିଲ୍‌ୱି ମାନାୟ୍, ପୁରାପୁରି ଟିକ୍ ମାନାୟ୍, ପାପି ମାନାୟାର୍ ପାପ୍ କାମାୟ୍‌ତାଙ୍ଗ୍ ଦେହା ମାନି ମାନାୟ୍ ଆରେ ହେୱାନ୍ ସରଗ୍‌ତାକେ ୱିଜୁତାଙ୍ଗ୍ ଗାଜା ସନ୍‌ମାନ୍ ପାୟାଆନି ବାହାତାକେ ମାନି ମାନାୟ୍।

୧ ପିତର 1:19

ମାତର୍ ଯୀଶୁ ଖ୍ରୀଷ୍ଟତି ବେସି ଦାମ୍‌କିୟା ନେତେର୍ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ଉଦାର୍ କିତ୍‌ତାନ୍‌ନା, ହେୱାନ୍ ଦସ୍ ହିଲି ମେଣ୍ଢାଲେକେ ବଲିପୁଜା ଆତାନ୍।

୧ ପିତର 2:22

ହେୱାନ୍ ଇନାୱେଡ଼ାଙ୍ଗ୍ ପା ପାପ୍ କାମାୟ୍ କିୱାତାନ୍‌ନା କି, ଇନେରିଙ୍ଗ୍ ଟକାୟ୍ କିୱାତାନ୍‌ନା।

୧ ପିତର 3:18

ଆନେଙ୍ଗ୍ ଇଲେକେ ୱେଚ୍‌ଚାନାଙ୍ଗା, ଇନେସ୍‌କି ଖ୍ରୀଷ୍ଟ ପା ମା ୱିଜାକାର୍ ପାପ୍ କାଜିଙ୍ଗ୍ ଦୁଃକ୍ କଷ୍ଟ ପାୟାଆଜି ରଗ ହାଃଜି ମାଚାନ୍। ହେୱାନ୍ ରକାନ୍ ଦରମ୍ ମାନାୟ୍ ମାଚାନ୍, ମାଙ୍ଗେଙ୍ଗ୍ ଈଶ୍ୱର ଲକ୍ କିଦ୍‌ଦେଙ୍ଗ୍ ହେୱାନ୍ ମା ପାପ୍ କାଜିଙ୍ଗ୍ ହାଃଜି ମାଚାନ୍, ଲାଗିଙ୍ଗ୍ ଆସେଙ୍ଗ୍ ତା ହୁଦାଙ୍ଗ୍ ଜାର୍ ଲକ୍ ଆୟା ଆନାତ୍‌। ହେୱାର୍ ତାଙ୍ଗେଙ୍ଗ୍ ମାର୍ନେ ଅସ୍ତାର୍, ମାତର୍ ପବିତ୍ର ଆତ୍ମାନି ଶାକ୍ତିତାଙ୍ଗ୍ ଆରେରଗ ଜିବୁନ୍ ଆତାନ୍।