ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:34 - New Testament in Pengo Parja Language

³⁴ ହେପାଦ୍ନା ଯୀଶୁ ୱେଚ୍‌ଚାନ୍, “ଆବା, ଇୱାରିଙ୍ଗ୍ କେମା କିୟା, ଇନେସ୍‌କି ଇୱାର୍ ଇନାକା କିନାର୍ ହେଦାଙ୍ଗ୍ ପୁନୁରା। ଆରେ ହେୱାର୍ ଯୀଶୁ ଉସ୍‌ପିତି ହେନ୍ଦ୍ରାତିଙ୍ଗ୍ ହେୱାର୍ ବାଗ୍‌କିଦେଙ୍ଗ୍ ଅତାର୍।”

ସତ୍‌ ବଚନ୍‌ ପୁନି ନିୟମ୍‌

³⁴ ହେ ଏଚେକାଡ଼୍‌ଦ ଜିସୁ ଇଚାନ୍‌, “ଆବା, ଇୱାରିଂ କେମା କିୟା, ଇନାକିଦେଂକି ଇୱାର୍‌ ଇନାକା କିନାରା, ହେଦାଂ ପୁନୁରା ।” ଆରେ, ହେୱାର୍‌ ତା ହେନ୍ଦ୍ରା ସବୁ ବାଟା କିନି କାଜିଂ ଦରମ୍‌ଗୁଲି କିତାର୍‌ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:34 ပူးပေါင်းရင်းမြစ်များ

ମାତିଉ 11:25

ହେପାଦ୍ନା ଯୀଶୁ ପାର୍ତାନା କିଜି ୱେଚ୍‌ଚାନ୍, “ଏ ଆବା, ସରଗ୍ ଆରେ ପୁର୍ତିନି ମାପୃ, ଏପେଙ୍ଗ୍ ବୁଦିକାଟି ମାନାୟ୍‌ତିଙ୍ଗ୍ ୱେଚ୍‌ୱାଦାଙ୍ଗ୍ ଇ ବୁଦି ହିଲ୍‌ୱାକାରିଙ୍ଗ୍ ୱେଚ୍‌ଚିଲେ ଆନେଙ୍ଗ୍ ମିଙ୍ଗେଙ୍ଗ୍ ଦନ୍ଯବାଦ୍ କିଦ୍‌ନାଙ୍ଗା।

ମାତିଉ 11:26

ଆଁ, ଆବା ଏନେଙ୍ଗ୍ ଇଦାଙ୍ଗ୍ ହାର୍ କିତାୟ୍‍ନା।

ମାତିଉ 5:44

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଏପେଙ୍ଗ୍ ମି ଶାତ୍ରୁରିଙ୍ଗ୍ ଲାଡ୍ କିୟାଟ୍। ଆରେ ଇମ୍‌ଣାକାର୍ ମିଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନାର୍ ହେୱାର୍ କାଜିଙ୍ଗ୍ ଏପେଙ୍ଗ୍ ପାର୍ତାନା କିୟାଟ୍।

ମାର୍କ 15:24

ତାପାଚେ ହେୱାର୍ ଯୀଶୁଙ୍ଗ୍ କୃଶକାଟ୍‌ତାକେ କୁଟିଙ୍ଗ୍ ଇଡ଼୍‌ଜି ଦୁପ୍‌ତାର୍, ହେୱାନ୍ ଉସ୍‌ପିତି ହେନ୍ଦ୍ରାତିଙ୍ଗ୍ ଇନେର୍ ଇନାକା ଅନାର୍ ଇଞ୍ଜି ଲାଟ୍ରିପୁଟାୟ୍ କିତାର୍, ଆରେ ଜାର୍ ଜାର୍‌ବିତ୍ରେ ବାଗ୍‌କିଜି ଅତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:42

“ଏ ଆବା ନାଙ୍ଗେଙ୍ଗ୍ ଇ ଦୁଃକ୍‌କଷ୍ଟତାଙ୍ଗ୍ ଦେହାକିଦା, ନି କେଇଦ ୱିଜୁଆନାତ୍ ନା ଇଚା ଆକାୟ୍ ମାତର୍ ନି ଇଚାଆଏତ୍।”

ଜହନ୍‌ 17:9

ଆନେଙ୍ଗ୍ ହେୱାର୍ କାଜିଙ୍ଗ୍ ନଙ୍ଗୟ୍ ପାର୍ତାନା କିନାଙ୍ଗା। ଆନେଙ୍ଗ୍ ପୁର୍ତିନି ମାନାୟାର୍ କାଜିଙ୍ଗ୍ ପାର୍ତାନା କିଉଙ୍ଗା। ଆନେଙ୍ଗ୍ ହେୱାରିଙ୍ଗ୍ ପାର୍ତାନା କିନାଙ୍ଗା, ଇମ୍‌ଣାକାରିଙ୍ଗ୍ ଏନେଙ୍ଗ୍ ହିଜିମାନ୍‌ଞ୍ଚାଇ। ଇନେସ୍‌କି ହେୱାର୍ ମିୱାର୍।

ଜହନ୍‌ 19:11

ଯୀଶୁ ୱେଚ୍‌ଚାନ୍, “ନା ଜପି ମି ଇମ୍‌ଣି ଆଦିକାର୍ ମାନାତ୍ ଇଞ୍ଜି ଏନେଙ୍ଗ୍ ୱେଚ୍‌ନାୟା, ହେ ଆଦିକାର୍ ଈଶ୍ୱର ନିଙ୍ଗେଙ୍ଗ୍ ହିତ୍‌ତାନ୍‌ନା। ଲାଗିଙ୍ଗ୍ ଇନେର୍ ନାଙ୍ଗେଙ୍ଗ୍ ନି କେଇଦ ହିତ୍‌ତାନ୍‌ନା, ତା ପାପ୍ ଆରେ ଗାଜା।”

ପକ୍ୟାତାକା 16:28

ମାତର୍ ପାଉଲ ଗାଜାକାଟ୍ କିଜି କୁକ୍‌ଚି ୱେଚ୍‌ଚାନ୍, “ଆପେଙ୍ଗ୍ ୱିଜାକାପ୍ ଇବେ ମାନାପ୍, ଏନେଙ୍ଗ୍ ଜାର୍‌ତିଙ୍ଗ୍ ଅହି ଆମା।”

ପକ୍ୟାତାକା 3:17

ନଙ୍ଗୟ୍, ଏ ଟଣ୍ଡାର୍‌କାଦେର୍, ଆନେଙ୍ଗ୍ ପୁଚାଙ୍ଗ୍‌ନା ଯୀଶୁଙ୍ଗ୍ ରକ୍ଷାକିଦ୍ନାକାନ୍‌ ଇଞ୍ଜି ପୁନ୍‌ୱିତି କାଜିଙ୍ଗ୍, ଏପେଙ୍ଗ୍ ଆରେ ମି ନେତାର୍ ଯୀଶୁଙ୍ଗ୍ ମାର୍ନେ ଅସ୍ତାଦେର୍‌ନା।

ପକ୍ୟାତାକା 7:60

ଆରେ ହେୱାନ୍ ମେଣ୍ଡାକୁନ୍ଦିକିଜି ଗାଜାକାଟ୍ କିଜି କୁକ୍‌ଚି ୱେଚ୍‌ଚାନ୍, “ଏ ମାପୃ, ଇ ପାପ୍‌ତିଙ୍ଗ୍ ଏନେଙ୍ଗ୍ କେମା କିୟା।” ହେୱାନ୍ ଏଲେଙ୍ଗ୍ ୱେଚ୍‌ଚି ହାଃତାନ୍।

ରୋମିୟ 12:14

ଏପେଙ୍ଗ୍ ଖ୍ରୀଷ୍ଟାନ୍ କାଦେର୍, ଯଦି ମାନାୟାର୍ ମିଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନାର୍, ଲାଗିଙ୍ଗ୍ ଏପେଙ୍ଗ୍ ହେୱାରିଙ୍ଗ୍ ଅବିଶାପ୍ ହିମାଟ୍, ମାତର୍ ହେୱାର୍ କାଜିଙ୍ଗ୍ ଈଶ୍ୱରତାକେ ପାର୍ତାନା କିୟାଟ୍।

୧ କରନ୍ତିୟ 2:8

ମାତର୍ ଇ ପୁର୍ତିତିଙ୍ଗ୍ ସାସନ୍ କିନି ମାନାୟାର୍ ହେ ବୁଦିନି ଉପାୟ୍‌ତିଙ୍ଗ୍ ପୁଞ୍ଜେଙ୍ଗ୍ ଆଡ୍‌ୱାତାର୍, ଯଦି ହେୱାର୍ ପୁଚାର୍‌ମା ଲାଗିଙ୍ଗ୍ ମା ଗୌରବନି ମାପୃଙ୍ଗ୍ କୃଶକାଟ୍‌ତାକେ ଅହ୍‌ୱାତାର୍‌ମା।

୧ କରନ୍ତିୟ 4:12

ଆପେଙ୍ଗ୍ ଜିଦେଙ୍ଗ୍ ଜାର୍‌ତିଙ୍ଗ୍ ଜାର୍ କଷ୍ଟକିଜି ଆର୍ଜାଆନାପା। ମାଙ୍ଗେଙ୍ଗ୍ ମାନାୟାର୍ ଅବିଶାପ୍ ହିତ୍‌ତିସ୍‌ ପା ଆପେଙ୍ଗ୍ ହେୱାରିଙ୍ଗ୍ ଆଶ୍ରିବାଦ୍ କିନାପା, ଆରେ ମାନାୟାର୍ ମାଙ୍ଗେଙ୍ଗ୍ ଦୁଃକ୍ କଷ୍ଟ ହିତ୍‌ତିସ୍‌ ପା ଆପେଙ୍ଗ୍ ସମ୍ବାଲି କିନାପା।

୧ ତିମତି 1:13

ଆନେଙ୍ଗ୍ ପାର୍ତିକିୱି ଆଗେ ଖ୍ରୀଷ୍ଟଙ୍ଗ୍ ନିନ୍ଦାକିଜି ମାଚାଙ୍ଗ୍, ଆରେ ପାର୍ତି କିନାକାରିଙ୍ଗ୍ ଦୁକ୍‌କଷ୍ଟ ହିଜି ମାଚାଙ୍ଗ୍ ଆରେ ହେୱାରିଙ୍ଗ୍ ବେସି ହରିଆଣ୍ କିଜି ମାଚାଙ୍ଗ୍। ମାତର୍ ଆନେଙ୍ଗ୍ ନଙ୍ଗୟ୍ ପାତେକ୍ ଖ୍ରୀଷ୍ଟଙ୍ଗ୍ ପୁନ୍‌ୱାଦାଙ୍ଗ୍ ମାଚାଙ୍ଗ୍ ଆରେ ଇନାକା ଆନେଙ୍ଗ୍ କିନାଙ୍ଗା ହେଦାଙ୍ଗ୍ ପୁନ୍‌ୱାଦାଙ୍ଗ୍ କିତି କାଜିଙ୍ଗ୍ ଖ୍ରୀଷ୍ଟ ନାଙ୍ଗେଙ୍ଗ୍ ଦୟା କିତ୍‌ତାନ୍‌ନା।

୧ ପିତର 3:9

ଯଦି ମି ବିରୁଦ୍‌ତାକେ ଇନେର୍ ମି ଜିନିଷ୍‌ତିଙ୍ଗ୍ ନଷ୍ଟ କିନାନ୍, ଲାଗିଙ୍ଗ୍ ଏପେଙ୍ଗ୍ ତା ଜିନିଷ୍‌ତିଙ୍ଗ୍ ଉଲ୍‌ଟା ନଷ୍ଟ କିମାଟ୍, ଆରେ ଇନେର୍ ଯଦି ମିଙ୍ଗେଙ୍ଗ୍ ଇନସ୍ତା କିଦ୍‌ନାନ୍ ଆରେ ଏପେଙ୍ଗ୍ ତାଙ୍ଗେଙ୍ଗ୍ ଉଲ୍‌ଟା ଇନସ୍ତା କିମାଟ୍। ମାତର୍ ଏପେଙ୍ଗ୍ ହେୱାରିଙ୍ଗ୍ ଆଶ୍ରିବାଦ୍ କିୟାଟ୍, ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ବାଚି କିତ୍‌ତାନ୍‌ନା, ଯଦି ଏପେଙ୍ଗ୍ ହେଲେକେ କିନାଦେର୍ ଈଶ୍ୱର ମିଙ୍ଗେଙ୍ଗ୍ ଆଶ୍ରିବାଦ୍ କିଦ୍‌ନାନ୍।