ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:43 - New Testament in Pengo Parja Language

⁴³ ତାପାଚେ ସରଗ୍‌ତାଙ୍ଗ୍ ର ଦୁତ୍ ୱାଜି ଚଞ୍ଜିଆତାନ୍। ହେ ଦୁତ୍‌ତିଙ୍ଗ୍ ଯୀଶୁଙ୍ଗ୍ ସାଇଜ କିଦେଙ୍ଗ୍ ପକ୍‌ଚି ମାଚାର୍।

ସତ୍‌ ବଚନ୍‌ ପୁନି ନିୟମ୍‌

⁴³ ଆରେ, ସାର୍ଗେତାଂ ର ଦୁତ୍‌ ଚଞ୍ଜ୍‌ୟା ଆଜ଼ି ତାଙ୍ଗେଙ୍ଗ୍‌ ସାକ୍ତି ହିତାନ୍‌ ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:43 ပူးပေါင်းရင်းမြစ်များ

ମାତିଉ 26:53

ଏପେଙ୍ଗ୍ ଇନାକା ବାବିକିନାଦେରା ଆନେଙ୍ଗ୍ ସରଗ୍‌ନି ଆବାଙ୍ଗ୍ ପାର୍ତାନା କିତିସ୍ ସାଙ୍ଗେସାଙ୍ଗେ, ନାଙ୍ଗେଙ୍ଗ୍ ସାଇଜ କିଦ୍‌ଦେଙ୍ଗ୍ ବାରଗଟାଦଳ୍‌ତାଙ୍ଗ୍ ଆଦିକ୍ ହେନି ଦୁତ୍‌କୁ ପକ୍‌ଚି ରକ୍ଷା କିଦେଙ୍ଗ୍ ଆଡ଼୍‌ଦୁନ୍ କି?

ମାତିଉ 4:11

ଲାଗିଙ୍ଗ୍ ଶୟତାନ ଯୀଶୁଙ୍ଗ୍ ପିସ୍ତି ହାଚାତ୍, ତାପାଚେ ସରଗ୍‌ନି ଦୁତ୍‌କୁ ୱାଜି ଯୀଶୁଙ୍ଗ୍ ହେବାକିତିକ୍।

ମାତିଉ 4:6

ଆରେ ହେ ଶୟତାନ ଯୀଶୁଙ୍ଗ୍ ୱେଚ୍‌ଚାତ୍, “ଯଦି ଏନେଙ୍ଗ୍ ଈଶ୍ୱର ମେହିତି, ଲାଗିଙ୍ଗ୍ ଇବେତାଙ୍ଗ୍ ତାରେନ୍ ଗୁମା।” ଦରମ୍ ସାସ୍ତର୍‌ତାକେ ଲେକା ମାନାତ୍, “ନିଙ୍ଗେଙ୍ଗ୍ ରକ୍ଷା କିଦ୍‌ଦେଙ୍ଗ୍ ଈଶ୍ୱର ତା ଦୁତ୍‌କୁକାଙ୍ଗ୍ ଆଦେସ୍ ହିନାନ୍।” ହେଦାଙ୍ଗ୍ କାଜିଙ୍ଗ୍ ମି କାଲ୍‌ପାନା ଇମ୍‌ଣି କାଲ୍‌କୁକାଙ୍ଗ୍ ଉଜୁତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:32

ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ପାର୍ତି କିଜି ମାଞ୍ଜାଟ୍, ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମି କାଜିଙ୍ଗ୍ ପାର୍ତାନା କିନାଙ୍ଗା, ଏପେଙ୍ଗ୍ ୱିଜୁ ପାପ୍ କାମାୟ୍ ପିସ୍ତି ମାପୃତାକେ ୱାତି ପାଚେ ମି ଟଣ୍ଡାରିଙ୍ଗ୍ ନା ଜପି ପାର୍ତି କିଦେଙ୍ଗ୍ ୱେଚାଟ୍।”

ପକ୍ୟାତାକା 14:22

ଆରେ ହେୱାର୍ ୱିଜୁ ସହର୍‌ତାକେ ମାନି ପାର୍ତିକିନି ଚେଲାହିର୍ ମେହାଆଜି ହେୱାରିଙ୍ଗ୍ ଶାନ୍ତି କିଜି ମାଚାର୍। ଆରେ ହେୱାର୍ ହେୱାରିଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ସାହାସ୍‌ନି କାତା ୱେଚ୍‌ଚାର୍। ଆରେ ହେୱାର୍ ୱେଚ୍‌ଚାର୍, “ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ମାଙ୍ଗେଙ୍ଗ୍ ବେସି ଦୁକ୍‌କଷ୍ଟ ପାୟାଆନାକା ଆନାତ୍।”

ପକ୍ୟାତାକା 18:23

ହେ ବାହାତାକେ କେତେକ୍ ସମୟ୍ ମାଚାନ୍, ଆରେ ହେ ବାହାତାଙ୍ଗ୍ ହସିହାଲ୍‍ଜି ଗାଲାତିୟ ଆରେ ଫ୍ରୁଗିଆ ଜିଲ୍ଲାନି କେତେକ୍ ବାହାତାକେ ହାଚାନ୍। ଆରେ ପାର୍ତିକିନି ଚେଲାହିରିଙ୍ଗ୍ ସାହାସ୍‌ନି କାତା ୱେଚ୍‌ଚି, ହେୱାରିଙ୍ଗ୍ ଯୀଶୁତାକେ ପାର୍ତି କିଜି ମାଞ୍ଜେଙ୍ଗ୍ ୱେଚ୍‌ଚାନ୍।

୧ ତିମତି 3:16

ଈଶ୍ୱର ମାଙ୍ଗେଙ୍ଗ୍ ଇନାକା ୱେଚ୍‌ଚାତାନ୍‌ନା ହେଦାଙ୍ଗ୍ ପୁରାପୁରି ସତ୍, ଇଦାଙ୍ଗ୍ ଇନେର୍ ପା ବୁଲ୍ ଇଞ୍ଜି ୱେଚ୍‌ଚେଙ୍ଗ୍ ଆଡୁର୍। ଖ୍ରୀଷ୍ଟ ମାନାୟ୍ ରୁପ୍ ଆଜି ୱାତାନ୍, ହେୱାନ୍ ଈଶ୍ୱର ମେହି ଇଞ୍ଜି ଈଶ୍ୱର ଆତ୍ମା ପୁନି କିତାତ୍। ଦୁତ୍‌କୁ ହେୱାନିଙ୍ଗ୍ ହୁଡ଼୍‌ତିକ୍, ଈଶ୍ୱର ହେୱାନିଙ୍ଗ୍ ସରଗ୍‌ଜପି ଅତାନ୍, ଚେଲାହିର୍ ତା ବିଷୟରେ ୱିଜୁଜାତି ନିପଣ୍ ଶୁଣାୟ୍ କିତାର୍। ଆରେ ପୁର୍ତିନି ମାନାୟାର୍ ପାର୍ତି କିତାର୍।

ଏବ୍ରି 1:14

ଲାଗିଙ୍ଗ୍ ଦୁତ୍‌କୁ ଇନେର୍? ହେୱେକ୍ ଆପ୍‌କା ଈଶ୍ୱରତିଙ୍ଗ୍ ହେବା କିନିକିକ୍। ଆରେ ଉଦାର୍ ପାୟା ଆଦେଙ୍ଗ୍ ମାନି ମାନାୟାରିଙ୍ଗ୍ ସାଇଜ କିନି କାଜିଙ୍ଗ୍ ଈଶ୍ୱର ହେୱେକିୟାକାଙ୍ଗ୍ ପକ୍‌ଚି ମାନାନ୍।

ଏବ୍ରି 1:6

ଆରେ ଈଶ୍ୱର ଏଚେପାଦ୍ନା ତା ଗୌରବମାନି ହିମ୍‌ଣାତିଙ୍ଗ୍ ଇ ପୁର୍ତିତାକେ ପକ୍ତାତାନ୍, ହେପାଦ୍ନା ଈଶ୍ୱର ୱେଚ୍‌ନାନ୍, “ଈଶ୍ୱରତି ୱିଜୁ ଦୁତ୍‌କୁ ହେୱାନିଙ୍ଗ୍ ପୁଜା କିୟେକ୍।”

ଏବ୍ରି 2:17

ଲାଗିଙ୍ଗ୍ ଇନେସ୍ ହେୱାନ୍ ଈଶ୍ୱର ଲାଗାୟ୍ ମା କାଜିଙ୍ଗ୍ ଦୟା ଆରେ ବିସ୍‌ବସ୍ତ ପ୍ରଦାନ୍ ମୁଡ଼୍‌ଦି ପୁଜାରି ଆଦେଙ୍ଗ୍ ଆଡ୍‌ନାନ୍। ଆରେ ମା ପାପ୍‌ତିଙ୍ଗ୍ ଦେହା କିଦେଙ୍ଗ୍ ହେୱାନ୍ ନିଜେ ଇନେସ୍ ବଲିପୁଜା କିଦେଙ୍ଗ୍ ଆଡ୍‌ନାନ୍, ହେଦାଙ୍ଗ୍ କାଜିଙ୍ଗ୍ ତା ଟଣ୍ଡାହିର୍ ଲେକେ ଯୀଶୁ ପା ୱିଜୁ ବିଷୟରେ ହାମାନ୍ ଆଦେଙ୍ଗ୍ ଦର୍‌କାର୍ ମାଚାତ୍।